金功夫點心小廚

營業中

休息中

在黃金海岸酒店 stayvocation , 第二天 check out 後，已經中午 12時，便在附近找點東西吃。因為當天食咗自助早餐都很飽，所以揀這間小酒樓，可以不用每人一份，揀多少東西吃也可，旨在大夥兒再聊聊嘆嘆茶。😊有朋友住在附近推介這間👇地方不算太大，環境也整潔， 價錢也不太貴。 朋友推介呢個馬拉糕，味道不錯。朋友亦有推介呢個菠蘿叉燒包，不是很大個。上枱的時候已經是凍的，味道大打折扣 ，有點失望。😔呢兩款不過不失呢個叉燒炒麵 ，啲叉燒又碎又少， 同埋啲麵太濕，麻麻地。

家人中秋節約食飯，諗下去邊度食好，最後去咗黃金海岸，遊艇會旁，散步遊覽後再食飯就最啱，中秋節佈置如果駕車就最方便，有停車場，消費滿$300元，有2小時免費，家人做節，選了這間 中菜，（晚上沒有點心供應，做小菜）金功夫點心小廚，上菜後，相當有鑊氣，估唔到樣樣都似樣，沒有一樣劣評，乳鴿最驚喜，40元隻，大隻肉又幼嫩，（好快賣晒），原裝美國桶蠔 $178 ，黃金百味豆腐 $42 ，大龍躉兩味 $298， 蜜桃咕嚕肉 $78 ，瑤柱蛋白炒飯 $98 ，豉油王銀芽炒麵 $88 ，紅燒乳鴿王 5 隻 $40.-隻 $200 ，魚露乾煎虎蝦 $78 （這是特價菜，有幾款選擇，6人以上可選用2款），餐前花生小食 $30.- ，茶芥 $10 位 。人頭平均，每人不用$200，晚飯計，算可以。。

今時今日咁，帶口罩想要多張紙巾唔過份嘛😐食野都要受氣，平時見你咁多人排，諗住今日少人d黎試下。。。都唔知點解，野食都唔係特別好食，抵d咁囉🙄 無下次見🙌🏼 好嬲囉

搭緊車返屋企，想叫隻乳鴿落車攞打電話去寸到要去登記咗電話先可以叫外賣其實咁嘅時勢，做生意flexible少少啦本身已經唔係好食，做街坊生意都咁唉，信和幾時review下啲餐廳租約呀

假期黎到黃金海岸，同屋企人黎呢度飲茶。呢度有室外位丶室內位。我覺得坐室外好有度假feel 。不過室內坐位比較擠迫，食物方面選擇都算多，蝦餃燒賣係逐粒計，不過要2粒起。大部份點心都好食，不過銀芽肉絲炒麵就麻麻地。服務就一般。

如果上就有時間唔洗出做野就會帶呀囡囡同婆婆飲早茶平日早上唔會太多人唔洗排隊由屋企行過對面只需要幾分鐘通常我哋會叫一人一個飯再叫啲點心我地叫左窩蛋牛肉飯， 北菇雞飯，蟹子燒賣同埋蝦餃窩蛋牛肉飯 通常會畀埋啲豉油你調味就係加咗啲豉油特別惹味過份量再大啲嘅話就更加好而北菇雞飯啲雞肉特別淋仲有雞味係婆婆最愛另外蟹子燒賣同蝦餃都ok入味只係覺得貴左啲10蚊一粒仲要係兩粒起係黃金商場黎講已經算好食所以放假一定會選擇係呢間食

著晒，著晒，著晒，我身為一個土生土長嘅香港人，係好有理由想信什麼叫煲仔飯，我亦都相信大家都知，今日，我係浪濤灣，覺得肚餓，就叫咗網上外賣平台外賣咗位於黃金海岸嘅鋪頭，叫做金功夫點心小廚，我係外賣網見到排骨煲仔飯，咁就order咗一個排骨煲仔飯同一個燒賣，排骨煲仔飯34蚊，燒賣2粒26蚊，黎到我手嘅時候，我打開一睇，真係嚇死咗，佢用一個外賣膠盒裏面裝晒所有嘅嘢，燒賣，排骨煲仔飯，外賣醬油杯仔，首先，飯同燒賣唔係應該分開嘅咩，都唔緊要，你地有冇試過外賣醬油杯仔嘅醬油，一倒落去，成個飯可以淹沒咗架，個飯直情小到恐怖，連曱甴都食唔飽，我明白，位於黃金海岸，鋪租貴，但係咪應該寫【排骨碟仔飯(小食)】呢？咁會清楚好多囉！如果佢係覺得要比咁小而賣咁貴，而又覺得自己好高級，咁外賣盒就一係用分隔盒，一係就分開裝喇，呢啲咁嘅老闆，祝佢早日結業大吉喇，因為睇相就知佢已經犯咗商品說明條例架喇！

朝早想嘆個茶，就揀到呢間近黃金海岸嘅金功夫點心，叫左潮州粉果，蝦餃，腐皮卷，蝦腸同野菌包呢度既蝦餃燒賣係兩件起叫，而且即叫即蒸，食落蝦肉彈牙同皮薄，值得推介鮮蝦腐皮卷炸得脆卜卜熱辣辣，而且蝦仁大粒足料，食落口感豐富。野菌包既外表特別似朵冬菇，但內裡既餡料吾算多，調味亦偏淡。潮洲粉果餡料調味還可而且份量足夠，如果皮再薄少少會更好。如果想假日悠閒一下，呢度都係吾錯既選擇，食完可以行去黃金海岸散下步，可以一試

一早天氣好好，去了沙灘玩了一會兒，就去食個brunch。煎糯米雞，係小時候的回憶，現在很少茶樓有得食，呢個煎得香脆之餘，最重要係食得返兒時一家去飲茶的回憶。腐皮卷炸得香脆，當然也會比較油，加上喼汁可去油膩感。蝦餃都不會遜色，皮薄帶靭，鮮蝦彈口！馬拉糕的分量，令我們目瞪口呆！而且蒸得漂亮，是一個拱圓形，漲卜卜的，咬落鬆化，吃得我們肚子漲漲的。價錢算是合理，不過環境的衛生情況實在有待改善，食到一半時，發現身旁的窗簾有小強⋯加上快要下大雨，所以快快吃完便回酒店了，結束一個愉快的週末。

來到屯門黃金海岸，如果想食中菜，除左黃金海岸酒店，實在沒太多選擇。今日來到功夫點心火煱店，試下食佢哋既中式小菜。竹笙羅漢上素 ($78): 配料尚算豐富，雲耳，竹笙，冬菇，紅蘿蔔，粟米仔，枝竹，白菜仔樣樣都有，味道同份量都不錯，衹係茨汁略為多左少少。柱侯蘿蔔牛腩煲 ($98)蘿蔔同牛腩既味道都煮得好濃，而且牛腩好淋，容易入口，份量夠大，好味之選!菜甫肉碎煎蛋角 ($78)蛋角煎得香口惹味，不過裏面既肉碎餡料略為少左d，如果餡料多d會更好食。清蒸沙巴龍躉一條 ($168)原條沙巴龍不算大條，但肉質非常新鮮，而且蒸得嫰滑。千島明蝦球 ($68)蝦球大約有8隻，每隻都大大隻，炸得香脆可口，配埋千島醬，實在酸甜惹味同非常開胃，呢個價錢來講非常抵食。秘制鹵水鴨半隻 ($78)鹵水鴨份量大大碟，鴨肉算多，鹵水味亦好夠。翠棠豆腐 份量好大碟，豆腐同蛋蒸得好滑好嫰，餸飯一流。福建炒飯配料好多，有細細隻蝦，茨汁調教得恰當，不會太多，份量剛剛好，味道好味以平民小飯店來講，食物既賣相，質素同份量整體都非常不錯，下次再來黃金海岸，都係一個好既選擇。

復活節大部分嘅朋友都一家人出外旅游而我哋今年就留香港消費。 約咗朋友一家人太约三四點去咗黃金海岸沙灘玩， 這樣小朋友可以玩下沙同埋望下無際嘅海，之後食飯， 真係十分之寫意及開心。 當天天氣唔係太熱， 所以好多人都係沙灘享受陽光。 跟住之後我哋去咗黃金海岸廣場食晚飯， 黃金海岸廣場有中餐西餐同埋茶餐廳， 因為選擇唔多所以最後都係揀咗間中餐廳。我們看咗餐牌之後，點咗五樣餸，1.海王雜菜煲 2.脆皮蔥油雞半隻 3.秘製滷水鴨半隻4. 翡翠炒花姿蝦仁 5.雲腿麒麟豆腐海皇什菜煲入面有海鮮粉絲同埋有啲雜菜 ， 清淡小小 比較適合唔想食肉嘅朋友。脆皮蔥油雞味道唔錯比較好食。秘製滷水鴨半隻煮得幾好同埋淋， 我食落都喜歡。翡翠炒花姿蝦仁其實係有蝦有蛋同埋有西芹， 對於膽固醇高嘅人，西芹是有幫助減低膽固醇。雲腿麒麟豆腐我覺得金華火腿幾入味同好食， 豆腐又滑又好味，對小朋友來講，容易入口。下次如果再去黃金海岸我哋可能會都會嚟呢度， 因為兩個家庭晚餐六百幾蚊都算便宜。

呢間點心聽聞係林峯表妹開既，呢度嘅蝦餃燒賣流沙包都係要兩件起即叫即蒸，好高質。茄汁好脆，魚肉亦夠大舊，一碟四舊，個醬汁甜甜地好夾。蘿蔔糕係一大格正方形，雖然唔知佢手製定機製，但食落好似手製咁，好軟好好食 流沙包好流心，但包皮就厚左d

因為住在附近，經常幫趁。 欣賞這裏的即叫即蒸點心，茶也夠熱。一向都覺得這裏服務唔錯，試過跌了筷子落地，想自己執，但個侍應趧過來話佢幫手執，俾個對乾淨既過我，仲要幫我用熱水沖完先俾我。但係，今日，我呢個熟客仔都被激親。 成班侍應，除了經理和收銀外，變晒生面口。 安排坐位個人，完全當d客欠左佢咁。安排混亂、態度輕蔑。其實，黃金海岸的餐廳沒有太多選擇，好食環境又好而價錢合理的就更少。所以我們一得閒就會過來飲茶食飯。真的不想它結業。所以希望他們有所改善。如果再像今日的服務，必定會被淘汰。

買外賣要左個粥加個灌湯餃...叫我10-15分鐘之後返去, 點知返到去冇人知d野食係邊🙄諗住好啦再等多陣冇乜所謂, 結果再10分鐘後個粥先出,仲要比我見到個侍應用手抹鼻涕再掂d野食!! 忙都唔係咁唔衛生吓話😭再等多10分鐘(加埋半個鐘啦) 催左一次因我見個粥出左放左埋一邊,其他點心出既時候個counter 又多野就滴哂d唔知咩汁上個粥篕到, 頂唔順好想叫佢拿拿臨比埋d野我走人個阿姐都有禮貌既,幫我催左兩次,不過都係仲未有, 最大既問題係,由我落左單到催佢嗰陣,有兩枱比我遲入嚟遲落單又嗌左灌湯餃既都出哂!!我諗住可能外賣個灌湯餃難handle d, 再等多一陣啦還掂我都係拎去附近食...前前後後等左around 45分鐘, 我開始急啦因為會冇時間食,去左問個阿姐仲有幾耐,佢又起身幫我催,都仲未有🙄係我準備發脾氣既時候有個侍應塞左袋野比我, 我見得我一個叫外賣, 好蠢咁望都冇望下個袋就走左, 最後1) 個粥蓋抺都冇抺就放入膠袋,成個袋入面同周圍都有d唔知咩汁,好嘔心2) 重點等左好耐既灌湯餃佢•比•錯•左•我!!嬲到無野好講3) 個粥(如圖)係咁的,食左三啖都嫌多住附近係附近返工都冇下㳄!

這間酒樓其實已經開業了大概三年左右，還記得它剛剛開張的時候，我和家人便來過這裡吃過幾次午餐了，印象中味道是不錯的，我還寫了一篇食評呢(最前的第二篇)可惜，由於它的位置比較偏遠，無論是乘車/步行到達這間酒樓，都要需時30~45分鐘以上，所以我們已經有一段時間沒有再來光顧了不過，難得今天十分天朗氣清，惠風和暢，我們便決定先來這間酒樓飲荼，然後再到附近的黃金海岸沙灘漫步我們大約在中午12:45左右到達，即使是星期日的中午時段，都沒有太多人等位，我們等了15分鐘左右便能入座了現在酒樓推出了兩款特別的包點，分別是 飄香榴槤包 和 清香抺茶包 這麼稀有而且難得一見的包點，我們當然不容錯過而且我們更點了一份 酥皮焗叉燒包，真的是 包、包、包！！另外，我們亦點了蝦餃，叉燒腸，鮮竹卷等傳統點心No.1 【飄香榴槤包】這是一款期間限定的特色包點，如果我男友在場的話，一定十分喜歡和大快朵頤可惜從來沒有如果，這份精緻美味的包點最後便來到我的胃中【旅行】了榴槤包除了有著小巧可愛，維妙維肖，美輪美奐的榴槤造型，榴槤的外殼更雕刻得栩栩如生，玲瓏剔透，十分精美絕倫，完美得無懈可擊飄香榴槤包除了賣相一流，它的味道更上一