金功夫點心火鍋 (已結業)

金功夫點心火鍋鄰近公司，所以我同同事都會成日黎食。同事收到消息，話餐廳就黎結業，我地就再次黎食喇，但冇諗過今次會咁受氣～我地預先卜好榙，一行8人，但侍應搞錯左，將應該預留比我地既榙比左另一圍客人，只能安排一張細既4人榙。跟住經理用好差既語氣同我地講：「唔食就聽日黎！」、「不過我地聽日就唔做！」但無奈已經擾攘左一輪，食飯時間已過左一半，我地就食埋今日佢地既最後一餐～但論野食既話，佢地既點心真係唔錯，但服務態度真係好差。瑤柱蛋白炒飯牛肉腸粉一人一粒蝦餃，呢個超滿足，入面原隻大蝦，湯係花旗參湯，好有益。海鮮批蘿蔔飽～

身為香港人，最愛的都是中餐，最喜歡的都是飲茶。在家附近，在工作地點附近，一旦出現新酒樓，雖不會立即去，但都會找一個時間去，試下點心出品的好壞。灣仔道的《金功夫點心火鍋》，開左都有一段日子，可是該店沒有早茶時段而令我沒有癮一個人去飲中午茶。不過，幸有好友約見面，就不如飲茶啦，就近，我選了這兒。 酒樓兩層，一層是純包箱房的，適合大小老闆招待貴客、談生意。我們坐的一層是大廳，中午做點心飲茶，晚上就是圍爐取暖，打邊爐的地方。點心，打頭炮來到的，是這一個黑芝麻松皮包。一隻一籠，一人一隻，是《金功夫》的 signature 點心之一。 外層有少少香脆，但這香脆感同柔軟的包外層是一體的，味道香口，香軟，而芝麻餡很甜，很是美味。 鮮蝦菜苗餃，皮又煙韌又晶瑩剔透，單是看，已經知道餃子皮的功夫做得非常之好，加上有新鮮爽口的蝦，美味可口。 濃湯魚肚鮮竹卷，配上魚湯的鮮竹卷，味道特別鮮甜。鮮竹卷內有雞肉加香滑的魚肚，顯得既高貴又好味道。 遠年陳皮牛肉球，牛肉味的確是鮮香，我們亦的確食到有陳皮的香味。熱熱地吃入口，吃得出是牛肉多過麵粉，在底的腐皮又厚又有口感，淋埋喼汁，更香口惹味。 之後是蟹子鮮蝦球燒賣皇，不是

四月頭晚上星期一想去吃點心和火鍋，去到佢門口大約七點，問樓下個短髮眼鏡呀姐有無四位，佢眼神望都無望過我地一下，就自己同對講機講「四位塔抬」。。已經心諗咩事問都無問過我地可唔可以同其他人share table, 之後都係無望過我地無應過，再等左五分鐘，終於忍唔住再問，有無位？佢竟然用勁嬲既樣答我地「米叫你地等等囉」，真係唔知點講，因為佢係無叫過我地等同無理過我地。建議餐廳可以換左位呀姐，就算食物幾好食，都無人想未食已受氣。

假日必定指定動作，就當然是與家人飲茶啦，今天想試試新店，在Openrice 找到了這家金功夫點心火鍋，評價好像不錯，地點又方便大家，就試試吧！ 店內環境算是開揚，雖然只是望著對面的大廈，但光線充，簡約的裝修，坐得舒服。 先來個叉燒腸($26)，粉皮算是滑但過厚，叉燒足料，味道可以。 鳯凰香煎糯米雞($28)，是我和奶奶的至愛，這道點心以蛋漿煎香兩面，裡面的餡料味道香濃，整體不錯！ 黑芝麻松皮包($36/個)，賣相像海綿蛋糕，其實只是把蒸好的包的外皮去掉，沒什麽味道，內裡的麻蓉則未見突出，以此價錢來說，實在不值。 蟹籽鮮蝦球燒賣皇($11/隻；兩隻起），小妹每次到酒樓吃飯都事必要點的，以遂粒收費的真是比較少，如果以外面的四隻一籠計，都要$44，都絶不便宜呀！但吃後感，是沒什麽特別，當然是好味的，但未見比其他酒樓有突出的水準。 黑胡椒柱候金錢肚($25)，味道香濃，帶點沙嗲香味，牛肚夠腍。 原汁蜜味叉燒包($20)，這個點心做到水準，不過不失。 懷舊綿香馬拉糕($22)，口感軟綿，夠鬆軟，不錯。 孖寶($168)，分別是炒菜心及象拔蚌炒河，菜夠鮮甜爽嫩，炒河夠鑊氣，可惜象拔蚌有點老。 由於

週日和細細打完網球，緊接與家人一起享用午膳。是日造的金功夫點心火鍋，顧名思義是以點心及火鍋作主打。餐廳樓高三層，一樓為接待處， 二樓及三樓為用餐區。餐廳樓底高，坐處擺位都算舒適。 可口推介 南北杏西洋菜燉白肺、海皇雞粒批、蟹籽鮮蝦球燒賣王、蒜蓉炒菜苗、瑞士汁安格斯肥牛炒河及玫瑰元肉紅棗茶為相對可口的推介。 南北杏西洋菜燉白肺湯汁味道遠比預期清甜，菜嫩美味，為飯餐最佳之作。海皇雞粒批面層酥脆，餡料味濃。蟹籽鮮蝦球燒賣王外觀大大粒，蝦肉份量豐盛，口感爽實。蒜蓉炒菜苗用料綠嫩，建議追加蒜蓉份量以加強惹味感。瑞士汁安格斯肥牛炒河炒煮得色水均勻，肥牛肉軟富肉香。玫瑰元肉紅棗茶製作滋潤補血，甜蜜滋味。 平凡之作 南翔小籠包、瑤柱鮮蝦菜苗餃、鮮淮山豉蒜蒸排骨、北菇棉花雞、翡翠名爐叉燒腸、懷舊綿香馬拉糕皆為平凡之作，未能帶來驚喜。 有待改善 黑芝麻松皮包、臘味蒸蘿蔔糕及馬來沙嗲蒸鳳爪是有待改善的點心。黑芝麻松皮包餡料味道很怪。臘味蒸蘿蔔糕質感太鬆散。馬來沙嗲蒸鳳爪口味雖獨特，但有欠入味。 未嚐之作 整體來說，金功夫點心火鍋用餐環境不俗，服務一般。點心談不上精緻，但大體上切合定價，可以試試。

Not ever come across a restaurant like this.. it stated that it closed at midnight 12.. it was only 11:10... I went to the washroom and suddenly all lights gone... so scary! Is quickly rushed out and asked them why and then they reply was.... ' don't know someone is there'.... wow.. what kind of service it is??This is not at all a restaurant which worth trying!!!

基本上一年四季都打邊爐既我，由普通港式邊爐到粥底麻辣火鍋無一不歡，每星期都會食最少一次，今晚阿女就帶左我去這間~原來呢間酒家係新開無耐，仲係由藝人開既，格調走中產品味風格，環境好寬敞舒適是夜阿女就揀左個瑤柱白玉滑雞鍋，當中係由一個小型冬瓜盅盛載著滑雞件及乾瑤柱，唔油之外，仲好清甜，單食個鍋都覺好味~鍾意食海鮮既我倆亦叫左個時價大蜆，每粒都算大粒，已洗得好乾淨，無沙的同時味道亦好鮮甜！一向對蟹粉有種情意結既我，一見到有蟹粉福袋就當然非食不可！煮熟後一口咬開蟹香四溢，皮既厚薄亦剛好，加埋當中既鮮味豬肉下，確係高分既食材高分既味道！食左一輪肉食後，當然都要食點菜先會健康既，今夜就叫左油麥菜，單係個樣好新鮮，煮一陣便得，爽口又清甜，所以都好快被我同阿女食清光~如果要俾個分數呢間酒樓，都有8X分以上，係就係有少少貴，不過一分錢一分貨，食材新鮮已經嬴左大半條街，下次再來這區都會再食過！

女友今日話要食打邊爐，於是就係網上搵吓有無咩新店，搵左一陣就搵到行一陣就到既呢間樓上火鍋，係唔想再搵之下就第一時間拉左她入去！這火鍋店環境好舒適，加上裝修又新，女友同我都感覺良好；之後細看點菜紙，發覺種類都幾多，我們隨後就叫左好幾樣野~第一樣送來既就係呢個瑤柱白玉滑雞鍋，個鍋好大，入面有一個小型冬瓜盅，入面有鮮雞、紅棗、瑤柱等，味道清甜中帶點鮮，女友都話好好味打得邊爐就當然唔少得牛，今次我就揀左安格斯雪花肥牛(例牌)，單睇個樣已經無得輸！雪花紋分佈均勻，不會太肥，咬落肉香四溢女友最愛既油麥菜同蟹子墨魚滑都係好新鮮！前者份量頗多，而且好新鮮，口感爽甜清新；後者墨魚滑打得極膠，中間更夾雜著粒粒墨魚肉，蟹籽都份量都好多，更不會好多味精，層次十足鮮味無窮！食得我地食完一嚿又一嚿，好快就被我地KO左~食得邊爐都一定會叫吓d餃咁，今夜我地就揀左食黑松露餃及南翔小籠餃，由於係逐粒計，所以我地就叫左少少，咁就可以試多幾樣黑松露餃︰皮既厚度適中，入面既餡係有豬肉同菜，更有濃香既黑松露混在其中，每咬一口都極為滋味！南翔小籠餃︰餃皮有咬口，但唔會好厚，當中的豬肉更是好鮮甜，食得出唔係便宜貨，伴著清甜的湯底食

最近真係好冬，冬到入骨既情況下，真係唔知食咩好，唯有又食火鍋...今晚就去左呢間餐廳位於1樓，一出電梯已經見到餐廳招牌既投影logo，幾有心思~入內後見到裝修好新，有圓枱又有卡坐，感覺好開揚舒適，而我今晚就是坐窗邊的圓枱坐底後侍應就拎左醬料俾我，種類方面正正常常，都是ok的~跟著我就一個旋風式叫左好幾樣野湯底分面就揀左瑤柱白玉滑雞鍋，雖然係有少少貴，但真係好足料，鍋入面有1個迷你冬瓜盅咁，盅入面有雞又有乾瑤柱，淨飲啖湯都好清甜，雞好嫩滑，冬瓜口感又好清新，乾瑤柱仲鮮甜到爆，夾在一起好好味好好飲~~我亦叫左我好鍾意既安格斯雪花肥牛，呢度晚牛雪花分佈好平均，唔會太肥又唔會太瘦，廚師仲將牛肉砌到成朵花咁，真係未食先開心~食落牛肉味好濃郁好香！而且廚師切得厚薄適中，口感上佳，食得出唔係一般貨色，確係"正"野黎！阿爸首選既草鯇骨腩就口感好脆口又鮮甜又多件數，確係唔錯喔！另外亦點左逐粒計既手打芝心醬爆牛丸，燙熟後一咬就可食得出牛肉好鮮甜，當中的芝士餡亦好香，夾在一齊食好夾，很是美味！而打得邊爐就梗要叫響鈴，呢度既響鈴好鬆脆，又有好香腐竹味，加埋湯汁一齊食就更是good唷再黎就到都係遂粒計既鮮蝦雲吞

放假就一定會出街食飯的我，今晚就同左BB去左呢間由藝人開的酒家食飯飯坐低後睇到點菜紙既種類同款式都好多，之後我地就點左幾款先來的就係我好愛食的日本黑豚肉，這裡的肉質鮮嫩又清甜，唔使點醬汁都好好味~這裡更有自製手打墨魚丸，口感超級彈牙，而且仲食得出有墨魚肉係入面，勁好食喔老公至愛的脆炸響鈴就好鬆脆，食到我老公食完一條又一條我們之後還叫了鮮淮山，質感爽甜又清甜，加上份量適中，感覺真的很不俗~這餐性價比高，老公及我都好滿意

新年時節更係要食好D，所以去完八姑姐屋企後就去左阿妹想食好耐既火鍋店食飯去~呢間係1樓的中式火鍋店格局係走中高時尚風，裝潢設計舒適雅致，D櫈都住得好舒服點菜紙有齊小食、刺身、海鮮、特色丸類、手工肉類和多種不同既蔬菜，選擇極多，咩都想食既人就最岩！落單後侍應就持左醬料俾我地揀我地叫左唔熱氣既香茜皮蛋鍋，個鍋都好足料，湯底味好清甜無咩味精阿妹好怕肥肉，所以就叫左個頂級駝鳥肉俾佢，呢碟肉既份量都好大份，色澤都好新鮮，燙熟後味道好鮮嫩，好味 另外亦點左個蟹子墨魚滑，份量都OK，蟹籽就爆多，口感仲好彈牙接著仲叫左炸枝竹、娃娃菜、爽滑豬下青，全部一睇就知係好新鮮既！枝竹好香滑、豬下青就肥瘦適中又爽嫩，娃娃菜亦好鮮甜，確係唔係一般既便宜貨色最後我地叫埋青島啤酒啤啤佢添~今餐又好味，食得又舒服又爽

天寒地凍最好當然係打邊爐喇所以今晚就拉左死佬去邊邊佢~係網上搵左一陣就見到附近有呢間火錮店，於是就入左去開飯嚕呢間火鍋店既裝修好靚好新，仲好乾淨，座位都好寬敞，坐得好舒服吓，之後我地就叫左四川麻辣鍋湯底同其他食物個四川麻辣鍋湯底真係好香又夠辛香，好夠味！隨後就有死佬叫既原裝美國桶蠔 ，大大隻之餘亦好乾淨，係湯底中燙一陣就食得，味道爆鮮甜而芝心醬爆牛丸就係我既最愛，口感好彈牙，食得出牛肉係好新鮮，中心既芝士份量適中，每咬一口都係好好既享受~南翔小籠餃既皮就好薄，入面既餡料亦好夠味，完全食到豬肉本身既鮮甜味道，加埋我叫既麻辣湯底既湯汁下，確係我最愛既味道呀！！另外我地2條友仲叫左出面好少有既黑松露餃~個樣幾都幾大粒外，煮熟後仲正點！輕輕一咬就在口中滲出濃香既黑松露味，中間更夾雜著豬肉同大量既菜，層次豐足，而且個皮又好薄，一個字"正"喔食畢後位位2百多(可能我地叫得較少食物)，加上食物質素又高，環境又好，都算OK呀~ 

自從上次同姨媽來過呢間餐廳打過邊爐後，一直都甚是回味，今日男朋友話公司升左佢職要慶祝吓，於是我就帶左佢來呢度食飯慶祝，咁就又可滿足到想食既我喇今次嚟竟然仲有個一蚊雞湯底，咁抵食，梗喺唔可以放過佢啦…坐低後即叫我叛鍾意食既脆炸響鈴！呢度既響鈴好脆口，好新鮮，放入火鍋隨便燙一燙就食得，口感超鬆軟，仲有好濃郁既腐竹香味，好食話得慶祝，所以都叫左D少少貴既日本黑豚肉俾我男朋友喇單睇個樣就已經無得輸！肥瘦均勻之餘，仲係偏瘦個種，最岩我怕肥肉既人，加上廚師又切得厚薄適中，燙完淺嚐即能感受到固中的濃香肉味，食得出係貴價貨，性價比高，合乎預期，滿意另外梗要提吓個1蚊雞湯底！講真睇到點菜紙上寫著1蚊真係有D嚇親，因為真係無諗過咁抵！送來後真心覺得超晒值！！因為份量唔係細外，入面仲有瑤柱、冬瓜同埋好多滑雞，啖湯好清甜又有野食，雞件仲好滑又新鮮，唔叫真係會對唔住自己呢個湯底堅正呀~~而打得邊爐就當然會叫D手打丸咁，呢度D丸係逐粒計，每次最少要叫2粒，價位講真係貴既，不過全部丸都係手打，同用料新鮮又好味，所以就算貴少少我都覺得OK，係我叫既丸中，我就最鍾意食醬爆牛丸皆因完全唔會有平價既牛肉酥味外，口感仲勁彈牙

天氣已經開始慢慢轉涼啦，呢種天時打翻個火鍋就啱曬啦！！最近發現咗一間新嘅火鍋店，味道唔錯！！行入去感覺舒適，裝潢時尚，更有多張乾淨嘅圓檯~睇吓張點菜紙，有分餐前小食、刺身類、海產類、丸仔類、蔬菜類、肉類等等超多品種，真係睇到我眼都花曬。呢份安格斯雪花肥牛，上菜嘅時候有驚艷嘅feel，因為廚師好有心咁將肥牛擺成兩朵花嘅形狀，搞到我都唔忍心搞開佢啦….而且肥牛都係厚切，瘦肉部分占咗80%吖！！！我最鍾意呀食火鍋又點可以少得調味醬料呢，呢度更有8種醬料可以選擇！辣椒醬、豉油、蒜蓉等等…最啱一向心多嘅我墨魚丸亦跟一般嘅火鍋唔同，係逐粒計，而呢粒墨魚丸入面竟然系鵝肝！！而且味道相當夾，墨魚丸依然彈牙爽口，仲有陣陣鵝肝香味，一個字 "正"呀今餐雖然有少少貴，但真係好食，所以都ok喔 

個日中午係灣仔搵地方食lunch, 經過見到呢間金功夫, 朋友話不如去試下.  我地見個門面裝修咁高檔又未試過, 於是就入左去.  點知一試, 果然冇令人失望!滑雞鯇魚片生滾粥. 碗粥煲到好綿, 火候岩岩好.  裡面D雞冇呃人, 真係好滑, 仲要係新鮮雞黎, 因為食得出有雞味.... 鯇魚片一樣好滑身 要讚. 成碗野34蚊咁足料咁大碗其實真係好抵!醬皇土魷柏葉 幾特別既一款點心, 佢將D柏葉串起黎, 好似平時掃街咁, 感覺幾得意. 味道方面, 個汁幾好味但有D辣 食落有沙嗲味 因為D柏葉夠大塊所以食落去口感好豐富. 吾錯吾錯!陳村粉蒸排骨, 呢個我想講真係好好食!! 首先佢D粉好厚身之餘又夠滑, 沾埋D汁黎食真係會食到吾想停. 排骨蒸到好淋, D肉質好嫩滑 蒸到入哂味, 好好味!酥皮焗叉燒包, 酥皮夠酥XD 入面D叉燒都算多, 值得一試. 總括而言, D野食質素好高, 傳統食品水平比外面酒樓或點心鋪高, 創新的款式亦有相當水準, 值得推介.