金坊泰國美食

營業中

休息中

昨日行完ikea行到腳痛，就嚟食泰國嘢補充體力，返工忙咗，都好耐沒有食到新鮮魚，所以叫咗個冬陰功明爐烏頭，冬陰功十分正宗，湯汁和烏頭的味道非常配合，喜歡吃偏辣味的朋友一定要叫這個。另外也叫了一個泰式金邊粉，當然也很正宗，味道也比其他的我吃過泰國餐廳濃，所以也要撈均之後，味道很有層次，非常好食，亦令人十分開胃，唔夠一陣已經清晒。這次我試了這個特級至尊的椰青，味道清甜，沒有半味苦澀味，十分新鮮，果肉好爽口，用作解辣非常有效，果真是頂級。最後都叫了一個奶茶糕試下，甜度適中而不膩，上品。果然，今日對腳完全唔痛，好有力氣👍😀

荃灣食好西 ～泰國味餐位於荃灣食街，荃興徑的金舫泰國美食 ，價錢合理，任何時段都十分多人 海南雞飯～ 海南雞飯🐔是去骨 肉 厚，加埋自製醬汁， 雞油飯十分美味🤤 青木瓜沙律～ 微辣 酸辣十分恰當，配小蝦米，花生，車厘茄🍅，青檸🍋，是一度開胃的前菜 蒜蓉包條🥖～ 蒜蓉味🧄十分之香 佰靚咖哩～豬肉🐷 椰香味十足 ，陪蒜蓉包， 真係食唔停口😍 飲埋杯 青檸梳打大大杯，爽！！ 最後， 贈送甜品奶茶 凍糕🍮，少少甜幾好味，為晚餐畫上圓滿句號。

我好重視早餐所以經常性在不同嘅餐廳試不同嘅早餐，呢間金坊有兩個門市一個喺3樓一個人地下，只有地下會有早餐供應。我個人非常喜歡佢嘅泰式船河，湯底濃，配料多，超寬泰式河粉，圓滿複製泰國嘅船河。大大碗重要另外更多兩隻雞蛋同埋一件蝦餅（其實本來仲有一件多士，因為我食唔晒嘅關係，每次都會叫佢走包），仲有大大杯凍飲都係$36真係抵到爛。不過除咗食物之外，我仲想分享一件事。我11月2號日同平時一樣大約10:45去到，同太太一邊食嘢一邊傾偈，到差唔多11點嘅時候，有個客人行入嚟，樓面同事就好有禮貌咁樣用帶少少泰國口音講：仲有早餐，埋邊請坐。 跟住有個奇怪嘅事情開始發生，有個廚房女人中間不停夾雜粗口 大大聲鬧同個樓面姨姨對話～廚房女人：真係唔該晒你呀，我哋唔使食飯啦，俾啲客坐哂。樓面姨姨：有有有，呢張廚房女人：幾點呀，仲比客叫早餐，唔駛轉檔呀樓面姨姨：都未夠鐘，做得一單得一單廚房女人：X你，公司比幾多錢你？你係經理？扮晒嘢樓面姨姨：老闆話早餐到11點架嘛廚房女人：你縱慣晒啲客呀，應該早5分鐘截單，唔好比佢地入黎樓面姨姨：我做好自己本份啫好希望呢件事可以傳到去佢地公司老闆耳中，令到呢位咁好既員工，唔好再比

泰國菜一向係我哋嘅至愛，今日去開荃灣見到呢間泰式食店，見鋪頭好大，都幾靜，決定入去食。佢嘅食物選擇非常之多，五花八門咩都有，由於天氣轉涼，所以決定嗌鐵板！希望熱辣辣，佢有一個香辣鐵板蠔，我哋一睇就想試了。另外食泰國菜一定必叫嘅梗係冬陰功湯啦。不過見到佢有一個叫冬陰功湯鱸魚嘅菜，可以一舉兩得，所以就叫咗呢個啦！今晚想飲啤酒所以叫咗泰式拼盤！泰式拼盤一上枱嘩！超級大碟呀，性價比極高，一口咬落去蝦餅度，嘩！超級香脆好味，春卷魚餅都非常大件！仲有兩件泰式香葉雞。呢個拼盤真係不得了，應該係我食過嘅泰國餐廳裏面最足料嘅，蝦餅都特別大，魚餅嘅香葉味好重，魚肉彈牙！十分之香口，配埋泰國啤酒簡直一流呀。呢度嘅啤酒仲要有特價，我行日嚟食有半價，超級抵呀，如果同朋友嚟飲返兩杯，加個小食，真係平過去酒吧好多啊。個泰式鐵板蠔上枱，熱辣辣，醬汁非常野味，蠔嘅份量都算唔少，送啤酒一流呀。另外一定要講冬陰功爐魚，佢俾咗一碗冬陰功湯我哋，另外有爐同魚，一個價錢有兩個餸嘅享受，真係勁抵呀！個冬陰功湯非常好味，用料十足，魚都好鮮甜，加埋配菜食真係一口接一口呀！另外叫咗菠蘿糯米飯，味道10分好，淋上面嘅椰漿10分好味，強力推

今日要返荃灣做野!!去到路德圍好肚餓...又想食泰國菜,所以就搵左呢間!! 抵食!!我同太太都係叫豬手金邊粉!!湯底好濃, 豬手好多好足料!!金邊粉, 鴨紅, 蘿蔔都好入味!!另外+$8有呢個沙律!!味道OK, 不過份量唔多!!跟餐+$28有生菜包,肉碎好好味, 但略嫌生菜少左D,基本上唔夠包, 多返幾塊會好D!!但整體都唔錯, 會KEEP住幫襯!!

呢間舖喺路德圍多年，但我從來未入過去但適逢突然想食泰國野同埋咁岩經過路德圍，咁就相請不如偶遇啦我地嗌左：✨泰式鴛鴦芒果糯米飯：呢個幾好味，白糯米同紫糯米都不會乾，口感煙韌有咬口。椰汁好夠，唔洗驚食食下啲飯唔夠汁點芒果果日唔算好甜，但始終芒果唔係當造吧。成碟野大大份兩個人夠哂分✨泰式魚蛋湯金邊粉：湯底偏淡，湯頭目測有蘿蔔、香菜、芽菜etc. 整體比較普通整體來講食物不過不失，但店舖啲員工姨姨好nice 。

以前係荃灣返工，午餐成日都會去鱟地坊度食野，而呢間泰國菜個陣都成日去食，因為抵食夾大份~今日去荃灣，夜晚就去呢度重遊舊地~我地叫左兩個餸～酸辣明爐烏頭烏頭連爐一齊上，烏頭好大條，上面鋪滿雜菜~好貼心仲有一碗酸辣湯比你自己加汁~烏頭燒到好香脆~點一點熱辣辣既汁，十分醒胃～最鐘意滾下滾下咁食~香葉炒蟶子王香葉炒蟶子王有６隻蟶子，碟頭都好大~蟶子新鮮爽口彈牙~完全無沙~仲有好多配菜，好似青椒、洋蔥等等最後，餐廳仲會送上甜品桂花糕，清清甜甜~

發生疫情後好少同朋友出外食飯，而且唔同餐廳有唔同人數限制今日4個人食久違嘅泰國菜......叫炸豬手，我地其實係想要泰式豬手，我地叫錯咗白癡咗......炸豬手有D鹹，重口味青咖哩炒飯，安全!泰式粉絲雜菜煲，泰式肉碎生菜包最後仲有椰汁大菜糕奉送，yeah呢間泰國野開咗好多年，我地幫襯咗好多年，味道唔錯環境裝修過，而家光孟好多今日除咗炸豬手鹹咗少少之外，其他野都正常無伏，好味SAFE!

咖喱軟殼蟹咖喱味濃郁，辣度屬微辣，軟殼蟹方炸至金黃色又酥脆，外脆內軟，外面掛上咖喱汁十分惹味，撈飯或配搭蒜蓉包條令人回味！ 蒜蓉包條蒜蓉包條係用厚多士切條製成的，成個包都佈滿住蒜蓉，四邊均勻地沾上蒜蓉醬，外層脆卜卜，入面仍然鬆軟，推介要配咖喱一齊食！一定不會失望！馬拉盞雞肉炒粉絲第一次試馬拉盞炒粉絲，估唔到咁好味，非常有驚喜，首先鑊氣十足，馬拉盞好香! 炒菜食得多，原來炒粉絲仲好味！有好多雞肉而且嫩滑，配有大量洋蔥及三色椒，真心好味！

晚餐時段 行過見到最多人等位就係呢間心唸一定好食 所以拎飛等位派飛啊姐好多野講，咁ok既唸住佢都係搞笑下，但企左陣聽住佢同其他客既對話 就知原來佢真係無禮貌聽到有幾個客人表示朋友訂左枱，想知佢坐係邊枱，但啊姐就話「我唔知啊 你地自己入去睇喇」派飛啊姐把口係無停過，但問親佢野，都答你唔到場面混亂最後等左大半個鐘先入去，其實香港地晚飯時間等一個鐘都可以接受既，但面對住態度差既員工，就唔係太想2個人叫左一個炒金邊粉同蟹肉炒飯食過咁多次金邊粉 都一定有粒青檸咁我見無就問待應，因為成碟粉真係差個青檸先好食佢竟然答我無曬，咁青檸梳打又有得賣？食物份量算多，味道一般蟹肉炒飯d蟹肉好「梅」同場聽到隔離枱客點左a沙律，但比左b沙律佢客人唔知食左，後尾得知後，待應無換過，只係講左句唔好意思食完等甜品，叫佢上 ，第一次叫，無隔十分鐘再叫，再等之後我再叫，順便叫埋單全場待應得一個，落單，送菜，執枱，埋單都係佢我明係好忙，但更應該分先後次序到呢到，我終於明白點解d人食完繼續坐好耐因為埋單都等左好耐咁大間野 得一個樓面真係做死人咩加上待應太忙，常有錯漏結論 下次唔會再簡呢間

1) 食pad thai想要個青檸都話無曬，泰國餐廳無青檸咁搞笑？2) 食完主菜，like完fb, show比店員睇 想換甜品，諗住食埋就走，讓個位出黎。叫左個樓面幾次上甜品加埋單，佢都係一直上菜比其他台，無視我地大約15分鐘，拎個甜品 好快姐，食埋唔洗10分鐘就讓張台出黎啦，唔怪得等位等成半個鐘咁耐啦，先後次序都唔識分，完全無效率3) 反映意見係社交平台會block你acc, 不知所謂本來諗住你跟進返就算，依家煮埋上openrice比人知

路德圍是荃灣出名的美食地帶，今次經過發現一間人氣泰國菜，門外人頭湧湧，決定試下👀大約等位15分鐘便順利入座。 餐廳的環境採用傳統泰國菜館風格，多處放置泰國名勝或泰皇的相片，設計有心思。另外餐牌上的菜式選擇多，包括海鮮、燒烤、小炒、飯麵小食等等。 🦐 炒鮮蝦金邊粉 $92泰國菜必點的炒金邊粉，先把芽菜跟炒好的金邊粉混和後進食，味道剛好，唔會太濕或太乾。而且用料足，鮮蝦大隻彈牙，頗有驚喜。 🐖豬手飯 $68豬手份量多，肥瘦恰到好處，原先濃郁的豬手汁再另上的泰式酸辣醬，口感豐富，而且性價比高。 🍢沙嗲串燒 (雞牛豬)  $98/半打燒烤味十足，少許燶邊食落香口，雞串的肉質嫩滑，豬和牛有咬口而唔會韌，配合沙嗲醬汁，調味適中。

金坊都算係荃灣路德圍既坐標，每次想食泰國菜都一定會諗起佢 酸辣青芒果炸鱸魚沙律一次過滿足兩個願望之選，魚身上鋪滿青芒果沙律酸酸甜甜辣辣，爐魚一早已經切好件再炸，好方便食用，青芒果加埋炸爐魚既配搭好有層次感 大蝦冬蔭功(細)冬陰功偏酸甜，好多菇做配料，蝦得兩隻有d失色 咖哩炒蟶子皇蟶子份量十足，咖喱椰香味濃，有洋蔥，青紅椒等做配料甜甜地。另外叫左薄餅沾咖哩汁食，薄餅略微偏硬唔夠脆 椰皇沙冰好濃椰香味，食落仲有果蓉，加上沙冰好解渴 石榴沙冰酸酸甜甜清新開胃，解油膩感整體食物質素：4 / 5推薦指數：4 / 5

荃灣宵夜時段最好就係去路德圍搵食，今日同朋友去左 ，其實都唔係什麼新鮮事，大大話話都食咗咁多年，今日先叫做記錄下。平時鍾意嚟食下午茶，平丫嘛🤣今次點左青咖喱牛，配蒜蓉包條，我個人鍾意食一條條多啲，外脆內軟，蒜蓉味好香，點咖喱汁剛剛好，青咖喱好微嘅辣，唔食辣嘅我都啱食。另外金邊粉都係必點㗎啦，特登走咗芽菜，因為個人口味，有蝦乾同花生粒增加口感又更加香。仲有兩杯特色飲品，牛油果沙冰同埋斑斕椰汁沙冰，都幾健康丫😂

👉🏽炒鮮蝦金邊粉個金邊粉又係超大份量，蝦仁都好多！仲要食得出唔係急凍蝦，咬落口好爽好彈牙，仲要大大粒，食起上黎超爽😚😚芽菜份量都好多，超like芽菜既我食得好開心，啖啖芽菜咁濟😙😙金邊粉比起平時泰菜既比較濕，但又唔會做到一pat pat！值得一試！👉🏽海南雞飯飯既份量真係十級大份！如果係油飯飯筒見到一定好開心😚😚仲要送埋西芹冬瓜湯！68蚊黎講真係好抵☺️☺️☺️ 啲雞好滑捋捋，多到可以送曬成碟飯！👉🏽沙嗲串燒（半打）友人唔食牛，就淨係揀左豬同雞😙唔係講笑，一上枱啲串燒仲係熱辣辣，好香好吸引☺️☺️整體黎講會覺得雞好食過豬，雞比較juicy同埋冇咁難咬。串燒就算唔沾個花生醬汁都好食，下次會想試埋牛串😙😙👉🏽菠蘿沙冰/青檸沙冰- 菠蘿沙冰係全場最impress我既野！！！！佢係新鮮菠蘿整出黎既沙冰！好夠甜，而冰既比例唔會過多！所以飲到尾都唔覺淡左味！熱死辣辣飲到佢真係好幸福😭😭😭😭菠蘿沙冰100分！！！！- 青檸沙冰都唔係話唔好飲，第一啖飲落口會覺得好酸，但之後條脷都慣左個種酸，反而愈飲愈開胃！食野個陣都食得多左🤤Overall黎講一開始會覺得呢間泰菜價錢偏貴，但份量真係1份夠打2個！其實好抵食！！