金城粥麵 (已搬遷) 新店位置

今日天氣咁凍, 其實好想食煲仔飯, 不過真係好肚餓牙! 而且朋友有 d 唔舒服, 食粥比較啱佢, 次次黎呢度都係食粥, 都係朋友帶我黎, 話 d 粥好好食, 咁味道都唔錯係真, 我本身又唔多鐘意食果 d 腰牙, 膶牙, 咁又食少幾款野! 不過我最唔鐘意佢地果 d 油炸鬼, 鬼咁細碟, 得果半邊都已經要 6 個大洋, 而且又凍晒, 反而食果個鯪魚球好過! 腸粉又要等到 10 點先有, 次次時間都唔啱, 冇計!不過今次我試食佢既牛腩撈麵, 味道唔錯, 而且 d 牛腩又夠軟, 又入味, 29 蚊都算大碟! 我想試下食佢 d 碟頭飯, 不過有時候限制去到 9 點就冇, 下次我要放學行快 2 步去試!

今日唔知做乜,行多幾步就肚餓,由油麻地掃到落佐敦,計埋點都有三四餐.原先打算去澳洲牛奶又或者麥文記,不過前者坐唔耐,後者食得太多,一於在附近逛逛.入夜後的佐敦,人氣依然暢旺,就在以前常坐車的地點找好了.金城多年來斷斷續續都光顧過不少次,食物水準始終是一般.晚上九時後,廚房便不再接單,雖然是通宵營業,但之後只不過售賣粥麵之類.窩蛋牛肉粥 : 自從有人說生雞蛋有細菌後,都少了人要窩蛋,坊間的食肆,如非顧客要求,或是另加錢,多數不會主動提供.先翻翻粥底,將生雞蛋撥開,再呷一口,綿是夠綿,可是粥底有米香缺乏症,失敗,牛肉份量以二十二蚊一碗來說,總不能有太多要求,滑是夠滑,但給師傅幫幫手之後,肉味流失,可能自己有點期望,結果變成失望.p.s : 伙計快手快腳,有問必話,雖然有點漫不經心的態度,但有一種街坊感覺,總好過戴上面具扮有禮.可能叫唔啱食品,因為超過一半人都係食小菜,下次有機會會試試.

只想食雲吞個 先試湯底幾清, 無多餘的油份 云吞皮幾薄, 蝦和豬肉比例也配合, 但欠缺甘香味道麵質正正常常, 鹼水味不重, 味道只係真係一般以 $21係呢區食覺得有點貴油菜也是正常不過而已感覺地方都幾污, 應該無下次

點了泥鯭粥(男朋友的), 還有白粥(我的), 以及一個油炸鬼每樣都ok唔會難食, 最估佢唔到既係泥鯭, 真係好滑, 又無腥味!男朋友說, 下次再黎試下佢既田雞粥喎...er...都ok!我的白粥又是不錯之選, 唔會太淡口, 有少少滋味粥feel!最唔抵既就係碟切件油炸鬼, 要6蚊, 一孖都無呢...

返完教會~約左朋友一齊去行街~但係要搵野醫下個肚先~之前同個FD講起依間野~不過都未黎食~所以今次決定黎依度食下~入到去~兩個人~唔難搵位~不過佢就真係幾多人同幾迫下~好彩有卡位先唔使同人迫~之後叫左兩個招牌細蓉(雲吞麵)~好快佢就黎左~一碗有四粒~D雲吞唔大唔細~岩岩好~成碗麵睇落亦幾好~所以即時飲啖湯先啦~最重要都係個湯ma~本身個湯睇落都幾清~點知~飲落都係覺得有D野~之後就開始食麵啦~都係差D~係就係有口感~不過唔彈牙~到食D雲吞個陣~蜃吞皮好薄~入面都好足料~但係D料就真係一般啦~都唔係好夠鮮味~食到最後~終於知道點解個湯睇落好清~但係飲落都係差D~因為佢真係畀左好多油落去~如果無咁多油會好好多~不過有機會都想試下佢其他野~雲吞麵就真係一般啦~但係都真係幾鐘意個伙計落單個陣大叫一聲「兩個蓉」個下~真係幾有feel的~

食呢間係睇"飲xx女"....又話粥底鮮味..唔單止無...連味精都無...根本無味叫左泥鯭粥....但d 泥鯭好大條...係人都知大條既泥鯭又鞋又唔鮮味架啦...只可以用濃味醬汁蒸之...佢攞黎滾粥!!!!牛腩牛筋撈粗....太咸喇...用左黎送粥.........咸到 lung 呀!!!...麵好强梘水味,食一呢 d 牙已經'挖'哂白灼魚皮...呢樣最最最最最過份...因為一坐低已經問"有無魚皮?..","有?一碟丫"...諗住呢 d 街坊小店咩錯得去邊,誰知望一望個價...$28.......就在呢一條街圍住行一圈,都有三間賣同一樣野呀..一間$15,一間$16,一間$17......金城賣 $28!!!!!!!...食味,份量方面亦唔覺有任何分別.....永無下次....ps. d 侍應無想像中咁寸

6-7-2009人在佐敦, 肚餓但無胃口, lunch 決定食碗粥就算. 呢頭唔少粥店, 已食過鋮記 (http://www.openrice.com/restaurant/commentdetail.htm?commentid=1892133) 及新興棧 (http://www.openrice.com/restaurant/commentdetail.htm?commentid=1956761), 今次試試門口幾殘舊的金城.想食的腸粉要 10:00pm 後先有得供應, 唯有淨食「金城及第粥」($26) -- 粥底好稀, 味道淡口, 似「飲粥水」多過「食粥」喎; 配料以薄切豬心最好食, 質地爽口滑溜, 味道鮮甜, 正 較厚切的豬膶淥得剛熟 (唔使驚, 無血水滲出來的), 爽口彈牙又鮮味, 一樣好好食; 豬粉腸好粉; 豬肚腍得嚟又不失咬口; 彈牙肉丸味道就較鹹.店外有點樣衰, 但店內衛生 ok 的.一碗招牌 (?) 收 $26, 雖然粥底麻麻, 但豬雜係幾好食, 值得試試的.有機會再嚟食腸粉吧.

又話好出名, 但d腸粉把鬼...好油...同d粉好厚...碟蝦腸...d蝦仲細隻過海皇粥店個d...食佢, 我寧願去海皇粥店d粥都尚算ok, 我試左個泥鯭粥d泥鯭係就係好鮮甜, 但只限條魚!碗粥, 除左有大量陳皮絲, 我真係乜味都食唔出豬手撈麵都係普通貨仔...最唔掂仲有係, 間舖好污糟...莫講話d碗筷, 張台, 手踭揩落去都感覺倒有油...呢間野既知名度, 睇怕都係做出黎, 又或者係...出名唔好食!

果日我唔舒服, 男朋友話帶我去食粥, 佢知我鍾意食豬潤, 佢就極力推介我食金城, 結果真係冇令我失望, D豬潤真係好正, 好爽, D雞就一般啦!最唔開心係冇腸粉食, 個伙記話十點後先供應, 我地去食果時七點幾....未有耐有得食

老牌粥店,粥是主角,心機時間火喉,不會太差,喜不喜只是個人口味問題吧!地方,無裝修可言,老牌夥記,毛筆寫的菜牌!叫了個豬潤魚片粥,粥底較稀,綿滑,米較小(溶了) ,有米香,味精更有!豬潤大塊無渣,算新鮮吧!!魚片普通,份量極小!!個人觀察,大多熟客都叫小炒客飯或炒粉麵飯,加送例湯,约29-36蚊,真抵,即叫即炒,又大碟,我這碗粥都24蚊啦,下次必吃!!

都係怪自己無抄低，明明想試以魚粥作主打既「鋮記」，但就唔知點解入左「金城」坐低左，睇睇下菜牌先知應該入錯店 算吧~ 試碗粥就走吧....魚雲 + 魚腩粥﹕$ 32，由於落單時剛好是師傅們用膳的時段，所以都等左好一陣先有得食 粥來了~ 賣相不俗，比「和味」的靚仔 但食左一啖就覺得......唔係好對路粥底係就係夠稠，但一d都唔好味 唔識得點形容......只覺得好似有d怪怪地既味 d魚又唔新鮮，完全無咩魚味，同「和味」比，簡係不入流 真係唔係我既作風......食左唔夠一半就頂唔住 浪費左d食物......但我都唔想架!!!同場仲加映 「媽媽生」與「睇場老大」講數......真係以為拍緊戲呀!!

年來常去附近的魚粥店吃粥,好像差點遺忘這間在白加士街垃圾站的舊愛"金城".剛吃罷串燒,只吃少少東西.來到已經大約晚上十一點,可以吃腸粉,來兩碟即拉的牛肉腸同叉燒腸.而另一友人尚未到位,就要多一碗魚片粥.老店風格的腸粉皮偏厚,咬落帶點點米香.口感也夠爽滑,同以前吃的水準差不多.如果胃口好一點,一定會來多一碗田雞粥,畢竟也吃了十年八年.友人看見有魚皮,又想吃,我說:{細份量也要成$30一客,貴呀.不如去七喜啦.}事實上早年亦領教過金城的魚皮,又的確沒有七喜的好.說到魚,想到一眾"新歡"如新興棧的魚粥,爆魚卜,又再流口水了.

離開堂記, 好無癮咁行, 淨係想食腸粉, 咁有咩好食, 忽然師傅醒起呢間食店都話腸粉好得架喎, 於是就同好友食家"乜都放入窿"入去試一試啦!入到去都算多人, 不過兩兜友好易有位啫; 一坐底就睇下有咩好食, 先叫左兩碟腸粉, 有魚片腸粉同豬膶腸粉, 由於師傅從未試過呢度嘅腸粉所以都幾期待! 但由於試過呢度嘅雲吞麵, 所以都特意柯打番碗, 等好友食家"乜都放入窿"可以一試!等左一陣就有得食, 先試下豬膶腸粉, 豬膶又老又鞋, 一d都唔爽口, 仲有帶少少苦, 而腸粉又厚身, 口感其差, 失敗; 而魚片腸粉嘅魚片有骨, 加上幾腥, 一d都唔好味; 至於碗雲吞麵反而維持水準, 雲吞麵一碗有五粒, 雲吞唔算大粒但皮夠薄個餡都可以, 好細隻蝦仔不過就好爽口, 而麵好爽口彈牙, 煙煙韌韌好有口感, 係有少少鹼水, 湯底夠清味精唔算重, 得喎!最後唔信邪再柯打多一碟炸兩, 炸兩嘅油炸鬼又硬又韌, 好明顯係隔左幾晚, 加上腸粉本身好差, 所以成碟炸兩堪稱全枱最差, 失敗中嘅失敗!總括而言呢間食店質素真係唔算得, 除左雲吞麵可以外, 師傅大膽講句其餘嗰d係垃圾, 服務一般, 環境一般, 埋單幾多錢就唔記得左

因工作關係，又要一個人食野~~係openrice見到鋮記一品粥鋪好出名，但點知黎左金城~~ 個名太似啦叫左個窩蛋牛肉粥，以前都未試過 粥加蛋。一望落去就知d粥有幾棉~~一食落去就知蛋同粥加埋係咁特別~~d牛肉都ok，份量剛剛好如果想食腸粉要到10:00pm先有呀！！下次要帶埋相機同叫腸粉~

食過無數次，一路都好鍾意金城嘅豬膶腸粉同埋魚皮，腸粉早嚟係冇得食嘅，要夜晚十點後先有，所以每次都係嚟宵夜，呢次係佢火燭之後第一次嚟，我哋叫咗： 爽脆魚皮：水準最穩定，實食！魚皮一啲腥味都冇，好鬼彈又好爽，薑蔥豉油好香，仲有芝麻同花生助興，非常精彩！ 豬膶腸粉：啲皮同伴食嘅豉油差咗！淨係豬膶冇變，唔得喎！皮冇以前咁薄咁晶瑩剔透，有啲厚，食落真係太多粉嘞；豉油亦冇以前咁香咁甜，以前浸極都唔會好似而家咁由佢浸住會好鹹！ 叉燒腸粉：一樣唔掂，叉燒差啲搵唔到，好似淨係食緊齋粉腸咁！ 炸醬撈粗麪：好多炸醬，又香口又甜，麪好彈，最驚喜係碗湯，好有蝦味，有啲似旺角中心好正嗰間！忍唔住飲晒！ 牛腩撈粗麪：牛腩都稔，牛筋食味好過牛腩，麪一樣咁彈，都好正！喺度至愛嘅腸粉唔知會唔會變番好呢？都會再嚟希望再食到以前味道嘅腸粉，至少都比多次機會佢，唔係又少一樣嘢食架啦！