金城茶餐廳

營業中

休息中

每次去到大圍都一定會食呢一間茶餐廳，每次都係叫孖寶，孖寶即鋪頭招牌孖寶。椒鹽豬扒飯同生煎鹹肉餅飯。椒鹽豬扒入味，每次嚟嗰個味都一樣，而且嗰個汁入味，飯都食晒😛生煎肉餅飯熟到啱啱好唔會太嚡，而且肉質新鮮。簡簡單單已經好好味，可以真係唔使大魚大肉或者好貴呢啲人仔嘅餐廳係好值得保留。無餐但叫野飲有半價，每次嚟都覺得物超所值。睇到其他食評話服務態度好差，其實啲侍應都好有禮貌，喺埋單個叔叔比較Cool😆但幾十蚊又咁好味既飯唔好咁高要求啦

其實我算係佢哋嘅忠實擁躉，食咗十幾年，食物方面我係好欣賞，但係佢哋舖頭嘅服務態度實在不敢恭維。入到去坐低咗喺卡位度就即時叫我去中間圓枱同人搭枱，咁都冇問題，入得嚟都預咗。之後見到門口有個單身男人喺門口想入嚟，女侍應就指示佢去一邊嘅單人座位搭枱，該食客望一望之後就掉頭走。其實咁樣都冇問題。畢竟大家都有權選擇。問題在於個食客走咗之後女侍應同老闆不停一唱一和話人哋唔入嚟食，好似好巴閉咁，來回交換十句八句，其他食客例如我聽在耳裏，真係十級唔自在。今次食完之後，我都同我太太講，短期之內我一定唔會再返嚟食。

大圍一向都是美食小店集中地🥢由小食到正餐，懷舊到新派美食都應有盡有😙而數到屹立多年的老字號，就不得不提這間金城茶餐廳⭐️———————————————————————煎肉餅是金城的招牌菜之一🥇多年來都有不少報章雜誌推介過📡今日初次見到真身，肉餅的確有相當份量😲面積大之餘亦有一定厚度🤏🏻豬肉肥瘦混合，結實彈牙😋細嚼下會感受到少許馬蹄粒帶來的爽口，加上表面煎得香脆，口感十分豐富。😇味道方面肉味香濃🐷有淡淡果皮香味，同時不會太鹹，再配上特製偏甜的豉油，調味剛剛好👍🏻白飯可以加$15轉炒飯底。炒飯鑊氣十足🔥粒粒分明，乾爽得來又不會過硬，而且有蛋香🥚是教科書級別的炒飯，$15絕對值得❗️金城另一招牌菜就是椒鹽豬扒飯🐽本來我以為這會是類似椒鹽鮮魷那種較為乾身的菜式，誰不知上枱賣相與我想像中大為不同🧐這裡的椒鹽豬扒較為濕潤，每件都被少許醬汁包裹著😚蔥、蒜、辣椒🌶️的味道都非常突出，菜式香濃得來，甜、鹹、辣三種味道都十分平衡🤙🏻肉質方面亦肥瘦均勻，雖未至於嫩但亦不會太乾👌🏻整體而言，椒鹽豬扒的調味較煎肉餅更濃，相信重口味人士一定會吃得開心😁另外金城的辣菜甫亦是遠近馳名，每張枱都會附有一盒，供食客自由食用😊菜

垃圾椒鹽豬扒飯 + CP值低午餐午餐炸菜肉絲米粉 無特別多士煎雙蛋 多士加$3重點椒鹽豬扒飯！！足足半碟都係肥膏 ！有幾食得肥都放唔到落口！同待應姐姐講 佢話：無辦法啦 炸開就係咁⋯我心諗 你唔炸肥個啲咪得囉！唔值$75 + 杯凍飲囉～

黎開大圍，見到朋友之前試過呢個大圍名物 金城茶餐廳，見到好似好好味，咁今日一於同男骨友嚟試吓叫咗招牌嘅椒鹽豬扒飯同香煎肉餅飯椒鹽豬扒飯，一口食落去，一句話果然係出色！味道非常之香口啦，同埋好啱重口味嘅朋友，因為味道真係非常之重！同埋調配得好香！非常之推介大家試吓。男朋友主要食香煎肉餅飯，香煎肉餅飯嘅豉油汁都好好味。但係個人比較推介，椒鹽豬扒飯更多叫咗一杯凍檸水一杯凍檸茶少甜，少甜嘅檸茶，果然唔係好甜，表示滿意👍但係整體嚟講唔算太平，試一試都唔錯的

食咗差唔多20年，前一排好似跌咗少少Watt🤣,但近排食又唔係Wo，近排質素好咗！招牌生煎肉餅飯炒底，今次煎得好靚，肉餅充滿陳皮味外脆內非常Juice,抄飯香口冇投訴，我既習慣，加D菜脯！

趁假期無乜細藝，約咗老死「洪哥」行山，因為得我哋兩個，所以點行都得，就晌美孚出發，經中山台上馬騮山，再駁住奕信徑行到去城門，再落下城門水塘直剷到大圍，我哋都算行得快，唔使3個半鐘。而去到大圍就喺佢嘅主場，就帶我嚟到「金城茶餐廳」食佢嘅招牌嘢。餐廳喺典型茶幾格局，右邊一般卡位，中間細圓枱，左邊仲有少少二人台，整體嚟講，一個字：「逼」，同埋招呼嘛嘛，咁嚟得茶記就預咗，不過，覺得唔需要做盡每一張枱嘅客量囉。例子一：有兩父子入嚟時剛好坐咗左側二人枱，其實好正路，不過，疑似「老闆」嘅男士就叫佢哋調去中間嘅細圓枱同人搭枱，話嗰啲二人枱喺俾啲啲單身客搭枱用；例子二：就喺有個後生仔一個人嚟食，睇住佢被個「老闆」調咗兩次位，要注明喺個男仔喺食到中途嘅。我覺得啲客嘅流轉算喺超快，好快轉頭又有啲吉枱，其實無必要做到咁。所以，服務一欄，真喺一星都唔想俾架。你見張張枱面都有塊膠板棟住，唔喺因為衛生問題，就喺上文所講方便「叫」人搭枱，而餐具、調味料放晒上枱，啲枱又好細張，所以，真喺擺個碟頭飯加啲嘢飲就已經無乜位。餐牌已貼晒晌門口，入去之前都已經睇定食乜嘢，老友就話佢哋嘅生煎肉餅飯喺招牌，小弟當然試下啦；而老友就揀

呢間店係我好耐之前已經發掘咗 但估唔到嗰個西炒飯真係食過最好食嘅西炒飯🤩🤩西炒飯 $62 ❤️❤️❤️❤️❤️佢係食過最好食嘅西炒飯👍🏻👍🏻超夠鑊氣同埋酸酸甜甜超開胃我係無意中發掘咗佢🤩🤩 同埋炒出嚟唔會太濕 每粒飯都粒粒分明椒鹽豬扒飯 $62 ❤️❤️❤️❤️❤️呢個都係最愛🤩🤩 甜甜地既椒鹽加上佢哋獨家制既必制菜圃😍甜甜辣辣 真係好正，次次過嚟都必嗌五個心心為最高分金城茶餐廳 (大圍)大圍積福街84號地舖#food #foodporn #foodphotography #foodblogger #大圍 #美食

去到大圍必食金城茶餐廳🔥「招牌生煎肉餅飯」🍴係毫不起眼的店製作既呢個飯絕對係沙田區識食之人的心水之選.「招牌生煎肉餅飯」確實無負「招牌」這二字那塊厚厚既肉餅經猛火「生煎」後成外層帶著焦香內裡係肉汁豐盈飽滿肉餅.其實金城除了「招牌生煎肉餅飯」仲有椒鹽豬扒飯 香醋豬扒飯都係開胃可口既簡單美食感受一下這家紮根大圍20多年的街坊茶餐廳的情懷 .

大圍積福街地道美食個人認為多年來均由四大家族群雄各據、有坤嫂、華哥、漢哥、最後呢間 為城哥「金城茶餐廳」 堂食餐牌價錢不過$75，良心收費、誠意出品、入到去貼滿佛偈、獨L 靜心之地入到去「男人的浪漫」孖寶：椒鹽豬扒飯炒底 X 煎肉餅一件。 椒鹽不是坊間純粹放一些胡椒及鹽就是椒鹽，而是走過油爆香、配自家醃製豬扒，鬆軟無比、加上鑊氣香噴噴抄飯底，天上人間的美味、吃得辣的朋友強烈建議加上自家製辣菜脯，脆卜卜、鹹甜適中、新鮮炒製、不含防腐劑添加成份、放雪櫃能保存一個月、堂食加上帶走一樽回家享受是必須的、煎肉餅淨食乃是名物、去到金城不吃煎肉餅等於去到北京「不到長城非好漢」我又食又拎，一盒辣菜脯一份生肉餅$300不到， 我就覺得好正啦、 你呢？ 😄😄😄

「大圍名物」🩷馳名「生煎肉餅飯 」自從搬咗去沙田區之後，每個月都總會有一次，嚟食返個生煎肉餅飯😋我係一個超級愛食肉餅嘅人🙈真係唔係度度都有生煎肉餅🐖嗰塊肉餅質感厚實，肥瘦適中，熱辣辣咁樣煎出嚟，肉餅最出嗰層仲脆脆地，食落去好香口！最重要嘅係要配佢嘅自家製辣菜脯👍🏻 冇得輸！一定要加埋！除咗咗肉餅飯之外另外一個招牌菜就係椒鹽豬扒飯😍每次入到去啲人多數都係食呢兩樣嘢🤣📍金城茶餐廳📍地址: 大圍積福街84號地舖

已經幫襯金城六年多了，當初被佢嘅椒鹽豬扒飯驚艷到，就係咁種下了情意結。🉐椒鹽豬扒飯識叫一定係叫炒底，再配上店舖自家製嘅菜脯，簡直一流！呢度嘅椒鹽豬扒係有少少濕，又有蔥油，所以食開乾身嘅可能會覺得太油。🉐雪菜火鴨絲湯米粉之前嚟都係食飯，見到好多人都叫呢個米粉，今次就試吓！一上碟就覺得好足料，超大碗，最欣賞係火鴨絲皮係脆的，如果火鴨絲份量可以再多啲更加好！見到有不少人留言投訴店員的態度惡劣，個人經驗覺得夥計態度不過不失，唔係太好，又未至於冇禮貌，只能說係一般茶餐廳服務吧（催你落單，見你食完就嗱嗱臨收碟嗰隻）🫢

熱奶茶冇茶香，只有苦澀味，用銀色小朋友杯裝住，女侍應送嚟時話多奶，但仍然係深褐色。飲咗好苦難飲，同帶鄉音白臉中年婦講話想要多啲奶帶鄉音白臉中年婦唔答掘咗我一眼，再加嫌棄表情，叫水吧員工俾罐用緊嘅淡奶，燶口燶面叫我自己加到夠，眼睛睇住我加幾多帶鄉音白臉中年婦態度霸氣，呼呼喝喝，講起煙包冇人買，拖緊地7、80幾歲嘅阿婆員工，加嘴搭訕，話佢你又唔係姓董嘅．．．坐喺度嘅70歲嘅嬸嬸都無出聲，結果阿婆腼腆尷尬繼續拖地干炒牛河好油好油，幼河粉，茶餐雞翼只有兩隻無味只有燶，西多得半件都係無味，熱奶茶苦澀味重無茶香筒上兩把餐刀都有幾處手指油印顧客俾機會多次光臨，過往嘅水準有時可接受，未算差到好似今次，食物奶茶水準差，白臉婦人為咗顧客想要多啲奶，就要霸氣chur住掘人一眼，劣👎牆上貼著店東嘅一代二代嘅收錄智慧金句，散發正能量，亦是我光顧的原因，然而卻與中年婦散發出的負能量大相逕庭

叫咗呢度兩個好出名嘅碟頭飯🥢生煎肉餅飯🥢椒鹽豬扒飯要知道本身呢兩碟飯嘅餸製作方法都比較油膩但係我冇諗過食兩啖已經食唔到落去油膩到連啲飯都好油好油😢可能而家自己都食唔到咁重口味所以兩碟飯都係食咗一半就食唔到而味道就好普通未去到話一定要嚟食另外都想講吓個環境餐廳嘅環境比較舊式坐嘅空間比較狹窄特別係我哋坐二人枱張枱就會更加迫所以依間餐廳試一次已經好夠

唔會再去，唔止一肚氣，直情谷鬼氣態度極差，唔係老店嗰種有性格，係差！ 點解食野要受咁既氣，食咗都背脊骨落！純粹個人諗法，對食客用咁既態度，相信處理食物會同一態度！