影片
電話號碼
24969776
營業時間
今日營業
11:00 - 20:00
星期一
11:00 - 20:00
星期二
全日休息
星期三至日
11:00 - 20:00
以上資料只供參考, 請與餐廳確認詳情
招牌菜
今日食火車頭喇沙完全係新加坡越南fusion,湯底係喇沙都幾濃味，油麵同米粉都算ok,另外火車頭有牛丸，牛腩，牛柏葉，牛肉片，幾樣都算夠味，個豆卜都好索湯，散叫喇沙嘇嘇$54,加埋杯凍檸茶$5,比叫午市套餐貴少少，尚可接受啦
繼續閱讀
下晝三點幾同老公坐低，叫喇沙無喇沙湯，叫清湯檬粉無檬粉，最後叫咗個烤雞肉湯金邊粉加扎肉。唔使3分鐘，我嘅湯粉就到啦，清湯一啲味都冇，自問我係食得好清淡，金邊粉得個淋字，成碗湯粉真係好難食，我食咗兩啖食唔到。烤雞係另上嘅，味道正常，但比較油。另加嘅扎肉，只係得薄薄嘅兩小片。食到呢到已經想發脾氣。老公叫嘅三寶干撈麵就太鹹，老公平時已經係食得比較濃味，但都食唔到，要叫店員俾一碗清湯佢洗一洗啲麵先食到。以後都唔會幫襯喇。
繼續閱讀
疫情下，唯一活動就剩番行山，就算行山都好小心，全程戴住口罩行就唔使講啦，亦唔會點約人一齊行，有時一個人，有時就約一個半個相熟嘅行山友，等有個照應。繼好早前行咗一轉金山之後，今次時隔多時，就行轉長少少，由荃灣經元荃古道行到嚟深井，方便離開，而到達深井，就嚟到位處後巷嘅「金域軒」食個下午茶。由於都喺村屋改成，所以，餐廳室內嘅地方細細，所以，門外亦設有少少露天位。講到防疫，呢啲小店就無乜架喇。睇番啲餐牌，原來呢度都唔喺咁一般嘅港式茶記，除基本嘅港式之外，仲有啲馬拉嘢啦，越南嘢啦，此外，仲有一版必食推介。咁既然嚟食下午茶，當然，睇番啲價位較低嘅下午茶餐啦。選擇唔算多，A到H共8款，不過，樣樣都有啲亮點，大部分都喺三十零蚊。G. 咖映多士、煎蛋、香茅豬扒 + 熱奶茶 $33作為下午茶餐而言，份量好夠啦，咖映多士烘得脆口，裡面塗滿咖吔醬，清甜得嚟唔算話好過甜；煎蛋煎得好脆邊，蛋黃綿滑；香茅豬扒亦到炸得甘香不膩，肉質好鬆化，三十零蚊個餐真喺抵食。至於杯熱奶茶就一般般，色澤比較淡，但茶味都勉強算OK，滑度普普通通咁啦，但最大問題喺一嚟到飲一啖，只喺微暖而已，感覺會大打折扣。純粹行到攰，食少少嘢髷肚，所以，快上快落，食完就散，減少群聚時間。
繼續閱讀
好多時返工冇帶飯都會叫外賣，本身諗住食麥當勞，但係出面橫風橫雨仲要係黑色暴雨警告下，我真係唔想出去。呢間小店「金域軒」，無論出面都幾大雨，甚至係黑色暴雨警告下，都會為我們送外賣，真係好多謝你哋！我叫左$50越式豬頸肉撈檬，凍飲加$3，外賣每個盒額外收$2。很有驚喜既豬頸肉👍🏻👍🏻👍🏻用了咖喱醃製，大大塊之餘很入味，份量多。仲有青瓜、椰菜、甘筍絲和炸蒜。倒入甜酸汁，再將所有配料撈埋，一個字「正」。
繼續閱讀
以前在巷仔內的舊鋪經常幫襯食晚飯，搬左來這裡，因為做到8點又沒有做晚市套餐，所以少了幫襯。今午經過見到午餐有合胃口的飯款，價錢合理就入去食個晏了。我們兩人，叫了兩款食品。涼瓜牛肉飯，再加碗雞絲叻沙摻摻跟兩杯凍飲。 天氣熱吃涼瓜可解暑，整碟飯賣相都不錯，涼瓜牛肉炒得夠鑊氣，豆豉醬汁不會過多，剛剛包著所有食材。涼瓜爽口不苦，牛肉嫩滑，配合白飯吃惹味開胃。雞絲叻沙摻摻同樣好吃，叻沙湯底顏色紅噹噹，湯味濃稠滑溜，兩溝的麵食油麵彈牙，米粉幼滑，豆卜吸滿湯液，面食掛滿湯汁，送入口內的食材帶著濃厚香料的味道，雞肉雖然不夠嫩滑，但湯底的濃味足以補救了這些不足，材料不多但整體味道可口。凍飲很大杯，足夠一餐飲用的份量。
繼續閱讀