金峰靚靚粥麵

營業中

休息中

上星期師傅終於不敵病魔, 打了場敗仗, 所以亦趁機休息左幾天; 但喺未休息前, 師傅還是需要食飯醫肚, 加上見病病地, 就諗住清清地食碗粥, 忽然間師傅腦海浮現出呢間食店, 每次經過都大排長龍, 好似好架勢咁, 就值著呢一次, 師傅決定會一會, 睇下係咁咁耍家先!大約十二時零五分去到食店, 店內已經高朋滿座, 師傅雖然一支公, 還得在門口等一等, 可幸等候時間唔長, 店員安排師傅坐底後, 望下餐牌就打算落單, 本來打算柯打一碗白粥, 但為免個口越食越淡, 所以最後還是揀左皮蛋瘦肉粥, 配上呢間食店馳名的炸兩; 落完單再望下其他食客, 見有甚多食客揀選炒麵, 師傅有見及此, 即刻補多張飛, 加多碟炒麵! 皮蛋瘦肉粥膽拖大熱炸兩同次熱炒麵, 一膽兩腳呢次都應該冇死; 話都冇咁快皮蛋瘦肉粥率先登場, 而炒麵亦都唔慢, 稍為等得耐的竟然係炸兩; 於是師傅即刻試下碗粥, 皮蛋瘦肉粥嘅粥底都算綿, 但未算好綿, 相比下師傅覺得七喜的粥底更加綿, 可幸味道清淡, 冇味精, 入口都十分舒服; 皮蛋水準屬於一般, 當然唔係糖心, 亦一如以往的皮蛋有重金屬味, 師傅覺得一普通; 瘦肉相對地令師傅十分驚喜,

110306下午茶今日好想食粥，又無頭緒，即上openrice check料，見到呢間在鰂魚涌有好多笑臉，立即朴槌。澤澤本來唔想食，食完之後都話＂好味＂。#食物，1 $19 豬潤粥 -豬潤好嫩，不過無太大潤味。2 $19 皮蛋瘦肉粥 -瘦肉切片，有「趙」頭有肉味。3 $6 油炸鬼 -超~~~~脆。 ( 免剪六元，剪就要七元 )4 $8 齋腸粉 -好滑。#服務方面，睇左資料，知道係麻麻，同埋D姐姐會催落單，所以預左要快講。* * * 下次要再來試芽菜炒麵同炸兩啦！兩人共$52

因為病左要食藥..佑唔想食麵包..咁就去買粥食啦..我去到見到個女員工就同佢講..要一碗白粥..佢冇落不得只..仲幫個客節車..我見到真係O左咀囉..我叫第二次佢佑唔理..掛住同人傾計..到第三次佢問我要咩GE時候..我真係好嬲..就好大聲講白粥呀..個員工真係好似當我死咁.一句唔好意思都唔講..我同我男朋友講,佢話:E到D態度係咁..番到去見到D白粥似米水多D囉!我一定唔會再去..D人係講得岩GE..個老闆唔介意果小小錢..就搞到D員工咁..你係留得住D熟客,但D生客唔會再番轉頭!

聖誕假期吃得飽飽滯滯, 今日決定要清清腸胃. 自小已被灌輸身體不適就要食粥, 於是主動搵靚粥食 女友話知道有一間經常出現人龍的粥舖, 於是相約食昼, 十二點多到步, 但粥店已經滿座, 排第二位祇等了三數分便能入座, 流轉好快!!點了兩碗皮蛋瘦肉粥, 一碟义燒腸粉, 一碟炸兩, 一碟銀芽炒麵. 雖說是清腸胃但胃口原來都幾好 皮蛋瘦肉粥的粥底夠綿夠滑, 瘦肉是選用肉片, 皮蛋有蛋香, 加上大量的蔥, 真係幾好味!! 义燒腸的腸粉皮夠薄, 但口感不夠滑, 义燒亦不夠多. 炸兩的油條部份真的非常脆口, 但個人比較喜愛七分脆三分煙韌的油條, 這個全脆的炸兩我祇吃了兩件, 其他拜託女友了. 銀芽炒麵味道唔錯, 但若再炒乾身一點會更好!!作為清腸胃的一餐, 可能不太能達到目的, 愈食愈開胃反而吃多了... 但換句話說開胃等如消除了飽滯感, 還是算成功吧!!

很久之前試過一次，不過未見驚喜﹐而且等外賣足足等了45分鐘。 是日放假突然想吃豬紅粥，見客不多便光顧一下。不過今次經歷都不是太好, 以下有幾點想分享一下:1. 一進店, 店員阿姐就"指派"座位給你，而且不能調往其他枱或於同枱移位﹐否則會遭到輕白眼。(眼見其他食客亦有同樣遭遇)2. 點了豬紅粥和炸兩﹐等候時間大約5分鐘左右, 尚算快速3. 豬紅分量較少，而且較碎﹐粥底應該加了相當分量的精，而且咸。吃完後很快覺得十分口渴4.炸兩的油炸鬼炸過龍，變得很硬，吃完之後發覺口腔有傷口...食物品質不佳加上店主/店員的差劣服務，我想我應該不會再去了

星期六下午和朋友到此吃粥，我叫了一碟炒麵，一碗及第粥，一碟叉燒腸粉；朋友點了皮蛋瘦肉粥和油炸鬼。趣事一樁首先端上了油炸鬼，一整條的，我的朋友原本想用手撕開來浸在粥裡吃。我說不如叫阿姐剪開他吧，於是就叫阿姐過來剪開它，油炸鬼六元一條，阿姐竟然說剪開它要收一元，我當時變了一個傻樣，坐在鄰座的母子聽見也笑起來。我說，阿姐可不可以借一把較剪給我，鄰座的母子笑得更厲害，後來還是算了，免得為難阿姐。粥品不錯關於食品，炒麵一般。叉燒腸的粉皮還可以，叉燒餡很乾實，不好吃，十元一碟。粥底可以，不過調味多了一點，粥底的米香是粥的靈魂，所以覺得味道不太自然。我還是覺得生記做得好些，粥底好一點，粥料滾的時間掌握得好一點，料也多些。不過這裡十九元一碗我覺得算抵食。油炸鬼浸了粥還脆口，這個比生記好得多。

十二月上旬‧晴沒了工作的時候，就可以將個wish list又重溫一次，看看有什麼地方是返工時想寺又不能去的，就趁現在去吃一吃，這裡的銀杏白粥是一例。舖面不大，坐滿客人的。雖然說一人來是比較易找位，但慢一點也要在外邊拿號碼了，是旺場店。要了白粥炸兩各一，白粥看上來很稠結，夠火侯；炸兩腸粉滑溜，油條非常的脆口，沒有了上次來吃到的疏打粉味道。埋單16蚊，得閒的話，值得試試。想看足本食評及所有食物相片，這裡：http://gourmetkc.blogspot.com/2010/03/blog-post_17.html

因為同事狂話炸兩正，今日專登早d起身，行多d路嚟呢度食早餐。瘦肉粥粥底好綿好滑身，瘦肉很稔。不錯 ！炸兩份量頗多好滑既腸粉捲著脆卜卜既油條。正！炸兩平靚正

金峰可以話係我家附近唯一一間粥麵店，所以每到假期早上都大排長龍，而且輪候時間同喺酒樓等飲茶不遑多讓，所以而家我已經改變策略，只會在黄昏該店舖臨關門前半小時才去購買。一直都有網友批評此店的事頭婆態度欠佳，雖然我未受過佢氣，不過都在門口排隊時見佢規定啲客要點坐點坐，所以我都怕咗堂食，只會買外賣回家。但有時早上買外賣也不好受，排完一輪買嘢食，又再排一次等攞食物，獨市生意就係咁啦，鬼叫無競爭對手咩。今晚屋企煲咗豬骨粥，咁當然要買啲炒麵、油器嚟送粥喇。炸倆 ($10) --- 雖然夜晚食無朝早咁脆，但都算唔錯，可點甜醬或麻醬同食，始終粥店出品，點都做得出色過酒樓。銀芽炒麵 ($8) --- 炒麵加咗芽菜，非常爽口，比對面利苑嘅炒麵好吃，當然亦都油膩一點，始終利口唔利福。油條 ($6) --- 好脆，不過好油，用嚟點粥食好過就咁食。呢啲油膩嘢雖然可口，但只可間中吃，滿足吓口福之慾。另呢度每日會輪流有一款粥品做特價，$19 嘅粥會減到 $16, 一試無妨。

我咁多年間唔中就黎食，一定叫炸兩、抄面+牛肉粥。正!炸兩 係招牌菜，好脆，好新鮮。$10 抵食。老闆娘以前係火D，但呢年來真係馴哂，對客同伙計都有禮貌 。D 醬油就比較多味精，食完一定要飲多D水

因為身體欠佳所以只好靠粥水為生今天早上我請我的皇太后如果經過粥店 就買一碗豬紅粥給我買回來後 我和我媽和我哥也大吃一驚......我媽買了一碗豬紅粥給我 一碗魚腩粥給我哥那間店的人(我想一定是那位師奶的了....)把豬紅粥放下面 魚腩粥放上面基本上應該河水不犯井水 沒事發生的誰知道 豬紅粥的蓋子給溶掉了.....!不對 是碎裂(?)了? 然後靜靜地在我的豬紅粥裡在泡澡........連帶魚腩粥的外賣碗直插進豬紅粥裡頭....那種光景實在難以想像....因為以前我也有嘗過是覺得味道算是不錯 所以就給了4分可是服務要特別一提 那位應該是老闆娘的師奶架子就是特別大 那種"大把生意唔差你個份"的態度真是令人感到無力.....

早排睇完電視成日心思思想去食及第粥走著走著比我發現到呢間好野番黎一睇..原來網上早有美名..我兩個人去食叫左 及第粥$18 豬膶粥$18 油條$5 同之後追加既炒麵$8未食已經有陣陣粥香傳過黎嫁啦油條先上(分一條$5同一碟$6之分..相信係有剪同無剪既分別)脹卜卜熱辣辣..拎上手真係幾辣手下外脆內軟..惟一要彈既係黑左D同油味略重(係我當時真係太新鮮就食)及第粥同豬膶粥後到唔太鍾意唔係純白色的粥底因為佢D料係有色(豉油)的..令粥的賣相扣分話雖如此..不論係粥底定料都係充分到極點味道方面無可挑剔如加少少生菜絲同味碟FOR客人先拎起D潤就PERFECT啦炒麵做咩追加呢..無法隔離枱一喊..廚房立即起爐炒又喊碟試下咩料芽菜豉油炒油麵芽菜爽口唔油身..加埋佢即炒真係抵到笑可惜枱上的麻醬同辣醬太稀身下次可以試埋佢D腸粉..期待

叩左及第粥+炸兩d 油炸鬼好似薯片甘脆 , 我由細到大都未食過d 甘脆既炸兩............先賣$10一碟及第粥都有心機 , 唔差 , d粥底有yiu柱絲 , 豬腰爽口, 分量不少環境係,迫d , 但都好清潔 ,d阿姐好有禮貌, 又好人d人成日覺得食粥=病人餐 , 其實煮得好, 可以好滋味

實在做得好差~ , 太過油, 係成條裡面係可以滴油出來~~ 有點可怕.早一年食過都係咁, 一年後再試希望有改善...但係冇既.而皮旦瘦肉粥的瘦肉, 根本唔係掂, 皮旦瘦肉的肉 , 其實應該係先用鹽醃得鹹鹹, 而肉質應該係比較"諧"身, 食的時候, 肉質係可以有一絲絲的...

如題所以下班後來了吃粥, 竟不用等位只要了瑤柱齋粥 ($10) 加蝦米腸粉 ($10) 各一粥底非常的綿滑, 還真的有點點瑤柱絲, 如不是「師傅到」該是一碗相當好吃的粥 蝦米腸我本要了走油的, 但送到來的時候還是有豉油 (是不是我誤會了「走油」的意思?)豉油果然多油, 調的略甜不過還不錯; 腸粉裡的蝦米是大大隻的, 腸粉本身滑一點更好胃口不算很好, 打包半碟腸粉回家 (盒子加$1) 留待下一餐吃疑似老闆娘親力親為招呼, 挺親切