金川湯秘制酸湯米綫

營業中

休息中

今天與朋友去到天后一家米綫專門店午膳。這家店提供一系列美味的米線和小吃，而且環境舒適，裝修簡約，服務員的招呼亦熱情周到。 我品嚐了這裏的招牌金川湯米線。米線內的材料非常豐富，鮮鳳蝦子鮮嫩，魚肚的質地滑爽細膩，與酸湯完美融合，風味獨特。還有手工雲吞皮薄餡多，口感紮實，非常好味。 朋友選擇的藥膳貴妃米線亦同樣出色，貴妃雞的雞肉嫩滑多汁，調味恰到好處，非常可口。而鮮淮山則增添了米線的營養價值，口感清爽。還有蟲草花和杞子，提供了獨特的藥膳風味，滋補作用，味道微甜，健康且美味。 這裏的小吃也不錯。頭抽雞翼醃製得非常入味，內裡嫩滑多汁，很受我們歡迎。大魚蛋彈牙可口，適合作為主食的輔助。最後來一碟新鮮清脆的生菜，為餐點增添了一份健康。 餐飲的凍檸茶清爽解渴，酸甜適中，非常適合搭配重口味的米線。 總的來說，金川湯秘制酸湯米綫(天后)不僅提供了優質的米線和小吃，還有舒適的用餐環境和周到的服務，是一個值得推薦的美食好去處。 #金川湯秘制酸湯米綫(天后)#天后帆船街8號金殿大廈地下17號舖

到天后吃一頓簡單晚餐，「金川湯秘制酸湯米線」的特別之處就是它的湯底，有金川湯、藥膳湯或地魚湯選擇，三個湯底。小小的店舖，標榜美味湯底，少鹽少油，十分健康。招牌金川湯泡飯配料相當豐富！包含了4件貴妃雞、2件魚肚、2隻鮮鳳蝦、2粒手工雲吞、1粒大魚蛋以及半隻流心蛋。湯底清甜微酸，調味主張少油少鹽，非常好喝。令我一飲而盡。貴妃雞：肉質嫩滑，肉汁充沛。魚肚：鮮嫩，和湯底的酸甜味很夾。鮮鳳蝦：店家已經細心剝去外殼，讓人食用起來更加方便，口感也格外爽口彈牙。手工雲吞：餡料飽滿，皮薄滑順，咬下去令人滿足。大魚蛋：大大粒！口感彈牙。流心蛋：蛋黃濃郁，與清甜的湯底很夾。金川湯胡椒豬肚貴妃雞油麵湯底同樣十分濃郁，胡椒味十足。豬肚的口感爽口彈牙，與湯底的味道絕配。貴妃雞依然保持了嫩滑多汁的特性，油麵彈牙順滑，盡吸湯的精華，我們立即把它個吃清光。這頓簡單的晚餐讓人感到非常滿意。特別是濃郁的湯底與好味的配料，皆讓人有驚喜！

食物叫左個藥膳湯 之前食食過金川湯底啲湯係唔咸 唔會口乾 果個辣 係有啲醒神 唔會死辣果隻藥膳湯底 恰如其分 配雞 做得好食材啲雞好滑 唔知點解滑到咁 想讚一讚個准山好好食 原試過未必個個鐘意叫個麵 又有野飲跟 唔洗加$7 先有 奶茶環境 正常小店 多人會拍枱 琴日我就一個人黎食老闆娘又傾得 又會話 風口大 坐果邊無咁凍 後尾睇返 兩公婆 老公之前 五星級大廚做湯底拎過 米豬連 唔怪得個湯底咁鮮 重要飲晒…下次去 再食 絕對好味過 譚咩 雲咩 同自己喺屋企碌個麵食支持

Youtube 彈出咗TVB 美食新聞第三集介紹呢間餐廳，呢間鋪頭係天后站A2 出口直行1-2分鐘就到，但要轉入內街，所以平時行經都唔會留意到佢第一次嚟梗係試下個招牌米線又幾招牌，加多4隻鼓油雞翼，要咗小辣，個湯底都幾好值得一讚嘅係啲雞真係有雞味，而且好嫩滑，又唔肥，食到出好比心機去整啲蝦咬落又脆口，蝦味又突出，真係意想唔到之後就係隔離叫個格仔餅🧇超級好味！老闆娘仲好好傾仲幫手拎埋個格仔餅過嚟，比埋刀叉我哋堂食，真係服務周到！呢個市道用心整嘢食又繼續堅持落去嘅小店真係要支持！

一個人最岩就係去食米線，呢日嚟到天后試左呢間金川湯，先係比佢金川湯呢個名吸引到，食左咁耐米線真係第一次聽，問左老闆娘原來佢係用酸菜去滾個湯底，所以同平時食到嘅酸辣湯底會係唔同。老闆娘見我第一次嚟就介紹左招牌金川湯米線<$78>，包6個餸同一杯飲品，然後我再加左2隻頭抽大中翼。個湯底真係好好飲，比較偏酸，但佢個酸味同平時嘅湯底真係好唔同，但飲落去係好舒服嘅感覺，睇得出佢地嘅湯底係真係好用心製作，令到我差啲忍唔住飲哂成個湯，餸方面貴妃雞好滑嫩，魚肚好爽口，仲有最愛嘅大魚蛋好彈牙，最值得推薦嘅係佢嘅雞翼，夠大隻同埋好入味但又唔會死咸。叫左一杯走甜嘅凍檸檬茶，老闆娘又係好有心提醒我會比較苦澀問怕唔怕，最愛嘅就係小店呢種好體貼嘅親切感。值得一提，店外門口有咪錶位，完全方便揸車嚟食或者買外賣

曾經有朋友介紹過天后有一間唔錯嘅米線，最鍾意食米線嘅，我又點會錯過呢？所以今日特登過嚟試吓，入到去座位唔多，但都唔需要排隊！坐低就即刻嗌嘢食，有三款米線湯底選擇，食得辣嘅我，就一定揀酸辣湯底！佢嘅餸菜選擇好多，十足車仔麵一樣，今日有選擇困難症，聽老闆介紹之後，直接揀套餐，包羅萬有！價錢6、70蚊，價錢中規中矩！坐咗一陣，碗米線就送到啦！第一啖試吓湯，好重酸味，可能我揀咗小辣，唔會好辣！味道飲得出冇味精，如果有都係好少！但係湯底比較淡啲！唔會好濃烈！屬於比較清淡嘅酸辣米線！配料方面，雞肉好出色，又唔會過老，好嫩滑，值得一讚！另外其他配料包括魚蛋、蝦仁，中規中矩！整體而言，佢唔係太差，都算好食！但佢唔係令你印象深刻嘅米線，如果係街坊都值得一去！

識食朋友話帶我去天后食隱世米線，原來就係呢間「金川湯秘制酸湯米線」，這間米線的特別之處就是它的湯底，有金川湯、藥膳湯或地魚湯選擇，三個湯底我都好想試吓呢！佢有A-E套餐，我叫左c)金川湯胡椒豬肚貴妃雞，本身湯底帶點酸微辣，再配上胡椒豬肚，豬肚食落好爽口，而貴妃雞雞肉嫰滑，好味！朋友就叫咗藥膳湯底米線，加自選配菜，我忍唔住偷咗佢少少湯佢飲，真係好正！最後朋友成碗湯飲晒添！另外佢都有好多小食選擇，叫咗頭抽雞中翼及檳城大魚蛋，兩款小食都真係唔錯！

星期五既lunch食耐炒少都唔驚！所以同同事去左天后既呢間金川湯袐製酸湯米鋪鋪！ 😌聽講好多人排長龍都要食！同同事叫左三個餐！包埋一禁熱飲，凍飲就加3蚊😌老闆娘一入鋪頭就好好招呼，問我地有冇黎食過～同埋好詳細禁介紹個menu同佢地三個餐有咩唔同！ ［藥膳貴妃雞米線］藥膳雞湯好濃藥材味，但唔苦！好好飲，仲要好多雞，基本上都走曬骨好易食😝 麵線都俾得幾多！ 成碗好滿！ 不過好味到三兩下就食曬仲想飲曬啲湯先走🙈［海陸空米線］有蠔有蟹柳雞中翼同丸鋪曬係個麵線上面😌相當豐富既既一碗，同事飽到食唔晒😋 呢間真係非常推薦！

今日叫多左招牌金湯川湯底和藥膳湯底，食落味道濃郁，金湯川酸味好出，藥膳都似煲左好耐，當然如果餸再多d會更好，另外老闆娘好幫得手，我地2公婆帶埋bb去食，佢見我要湊仔無手食，主動伸出援手，非常之好😎😎

當天很餓，隨便在天后這區覓食，竟然發現了這家隱世米線鋪！點了金川湯，很鮮味，是喝過最好喝的金川湯。米線很滑，腐竹係靚野，鴨血的味道很濃。加上每碗米線都有娃娃菜和白蔥，連米線吃口感一流！

隨便入咗間米線舖頭，見佢highlight咗三款米線，既然第一次嚟到就試咗佢嘅招牌嘢！招牌金川湯米線(少辣少米): 見到佢啲餸好豐富！最鍾意就係佢嘅魚肚🐟好滑身同有口感，坊間好少米線舖會有魚肚食！見佢餐牌寫住係貴妃雞，食落都真係皮滑肉嫩😋另一個驚喜又得意嘅位係❕❕佢有大魚蛋，成件事即刻好香港！而湯底唔會太酸太重口味個種，酸、辣、鹹都啱啱好，每一啖飲入口好舒服，所以…碗湯差啲飲晒。藥膳貴妃雞米線(少米): 個湯底都真係要讚，佢好重藥膳味，唔會帶苦澀。 雞都有好多!!餐牌寫住有1/4隻，真係有咁多，好足料！

Think most of us went because of the video on social media. Same here, but we nearly decided not to try because of the review in open rice stating that staff was rude. I am so glad that we were not deterred by the reviews and gave it a go. The lady was actually quite pleasant and took her time to explain the menu and made suggestions to popular dishes that we should try. We've ordered the signature and the medicinal soup base. The signature was great, very different to all big sour noodle cha

此店為我遇過最劣等服務質素嘅餐館, 實在係黑名單首位。我去買外賣, 收錢時我發覺樓面職員(只得一位嬸嬸)好似收少咗我錢, 我好心提佢再check清楚張單, 結果發覺佢睇漏咗一項菜式, 跟住佢勁晦氣講話”頭先收錢時你又唔早啲講?” 原本諗住可能佢心情唔好, 忍一時就算, 點知佢又唔識新帳目應該找返我幾多錢(註：樓面入單全人手, 飛紙仔冇System), 咁我就用手機幫佢計數,叫佢跟住照找. 事情擾攘咗10分鐘, 我見佢個小店大把人等佢落單, 咁我就話你可唔可以盡快處理後入返張單去廚房. 跟住佢就超晦氣講”我都未搞掂張單, 你叫我點入呀?”🤬就算嘢食再好，服務態度都令你食到一肚氣!作為鄰舍, 本想支持本土良心小店，亦明白小店經營艱難, 想盡量節省開支便聘請親朋戚友(相信樓面位嬸嬸係店主(大廚)既屋企人) 打工做樓面, 但係小店咁嘅服務態度真係令人可恥! 明白大家工作有壓力，但係顧客嚟買嘢食，唔係嚟受氣。奉勸店主如果想生意做得長久，請立刻更換樓面職員, 以免繼續趕客！

入座之後第一個感覺係覺得店鋪侷促，同埋氣氛有啲壓迫感。等咗大概半個鐘有米線食，嚟到先發現原來叫嘅2個餸都冇，但係事前唔會同你講。考慮咗一陣諗緊補唔補餸（心諗係咪又要等多半個鐘），最後都有叫，好彩等咗5分鐘就有新餸。金川酸辣湯底唔錯，但係湯唔熱（已經等咁耐以為應該起碼熱），叫嘅咖哩魚蛋有雪藏+酸味，其他餸普普通通（叫咗貴妃雞，墨魚春捲）。overall 覺得米線嚟講個話等得有啲耐，唔值得，服務態度同埋氣氛都可以改善。

以前食過一次，係俾佢養生呢個字吸引，諗住一試無妨，個陣經常行過都唔見有人食，食一次已知龍與鳳，經驗食湯麵最重要係湯一定一定要夠熱，一飲佢個湯暖既，🙄唔熱即刻扣晒分，去過一次真係唔想再俾錢經歷，唔明點解而家咁多人排隊，真心一百個問號