金廚韓國料理 (已結業)

今日係老公生日, 就去左呢間韓菜小店幫襯,第一次幫襯~叫左份燒烤套餐, 牛肋條未燒之前個樣係唔靚仔的, 燒完食個野, 嘩, 真係幾好味窩, 味道醃到岩岩好, 食完仲要加多份, haha~~~~~~~`之後, 加左份豬腩片, 泡菜餃子 & 韓式炸雞豬腩片未燒前感覺好肥膩, 但燒熟之後食又無個種肥膩感, 我燒得過熟, 建議大家燒到岩岩好就可以了~泡菜餃子內裡有些肉汁, 咬個時唔好太大力, 會咇晒些汁出黎, 估唔到泡菜 & 餃子皮係可以咁夾, 唔錯~韓式炸雞味道略淡, 但值得稱讚的係內裡的肉好嫩滑, 我就食到有些柚子味 mix泡菜味, 你地呢?食韓式燒烤 & 炸雞, 又點少得叫韓式燒酒呀, 有我喜歡的桃味, 正呀~~~~

估唔到西貢 除海鮮 竟然有韓燒 2大2細 ，叫兩個套餐 加伴飯 ，7小前菜唔够可再添加 ，食到飽飽。（圖中有牛小片 伴飯 冇影相 太肚餓😅）玩完水食晚飯 先出市區 都唔錯 選擇價錢 二人餐牛餐338 二人餐豬雞餐238 再另加多傳統牛伴飯 68 +再加一平日冇咩人 包場

有啲原因所以入左西貢準備啲野，朋友仔遲到未黎太肚餓就搵左間韓國野食，好難得係西貢都有韓國野食店舖細細間，右邊係open kitchen，左邊係枱凳比客人用餐，成個環境都幾乾淨，最重要係坐得舒服，好彩個陣無乜人，我一人用餐比左張4人枱我坐韓式傳統拌飯（雞肉）好味道嗌左個午餐，包汽水野飲都係$55蚊，份量十級足，細少少胃都可能食唔哂一黎仲有3款前菜，夠哂誠意唔係馬馬虎虎雞肉不過不失，拌麵啲材料夠多，啖啖都食到好多蔬菜，第二日去廁所一定無難度韓式辣醬係枱面自己控制辣道整道黎講可以再戰

因為去西貢玩，openrice  search 下有什麼好吃。西貢唔係只有海鮮、海鮮同海鮮，其實仲有其他美食既。午餐食韓國野，專賣韓國燒烤，都有熟食既。間餐廳細細間但都坐得舒服。open kitchen, 見到幾個煮。餐前小食豐富，有3樣，非常開胃。我叫左個韓式咖哩雞肉飯，裡面的雞肉，都算嫩滑。咖哩個隻汁調得好味。有很多新鮮的生菜和紫菜。還有辣椒醬調味。這個韓式咖哩雞肉飯，都不算重口味的。但佢哋態度都幾好，而且呢度嘅食物都唔錯喎。最緊要係價錢合理，西貢抵到唔信。

去完露營🏕 一起身就即刻坐大飛🚤出西貢食返餐 次次都見個幾間茶餐廳係咁爭客 見到隔離有間韓國野 價錢又唔太貴 就入去試下啦！-韓式牛肉飯 $52 🇰🇷隨餐附送三個小菜 有芽菜/茄子/泡菜因為太餓 一上菜即刻清哂 無影相🤣茄子醃得好入味 仲有少少肉碎有口感👍🏻 泡菜爽脆多汁 前菜好食😋韓式牛肉飯就普普通通啦肥牛有啲偏肥 🐂食到辣既就一定要加會台上面枝甜辣醬😼雖然都係坊間一般買到既甜辣醬味 但加埋落去個飯好食左好多 似返韓式牛肉飯🤣🤣-$52有三個前菜+牛肉飯+一罐汽水算係咁啦😋😂！

This restaurant is relatively new compared to other restaurants in the area.It serves mainly Korean rice bowls for lunch time. You get a very large bowl of rice with your meat, some raw lettuce and seaweed. There are three side dishes, which varies from your typical kimchee to pickled bean sprouts. It is quite tasty (but not necessarily hot) but the selling point is the price - all that and a canned drink for < HKD 60. 

星期六入西貢走走，正值午飯時間，見呢間店好似新開，便試試。店鋪細細，分兩層。我們一點幾到，地下已滿，便上了樓上。從樓梯已見有小小心思，不過樓梯設計不太配合韓風。我們選了最基本的韓式套餐，韓式豬肉拌飯（$55-）及韓式水冷麵（$58-），套餐包三款韓式小食及一罐汽水，若改熱飲或其他飲品則為半價。豬肉拌飯先上，初時有點失望。因天氣寒冷，希望是放在熱鍋內。拌飯味道唔錯，飯面的伴菜完全正統，即有芽菜丶紅蘿蔔丶青瓜丶蕃茄丶生菜及紫菜絲，食落淸新又健康。豬肉薄薄的醃得很入味，肉質亦軟滑，味道與雜菜𢇃很配，好味。 👍🏻👍🏻👍🏻冷麵也出乎意料之外的好，賣相不算吸引，但麵質爽滑得嚟有咬口，旁邊的白蘿蔔醃得酸中帶甜，好! 😋😋 只是因麵是冷的，碗內有冰墊底，豬肉食落冷冰冰的，感覺怪怪，好像食緊剛解凍的雪肉。👎🏻👎🏻最後，它的前菜與熱飲，很普通，尤其是前菜的魚條，應該入一些較高質（即有魚味及彈牙）的食材。不過以這個價錢，都算合格。

好多時入西貢都會食海鮮或西餐或泰國菜，但其實西貢都有韓國餐廳的，仲係唯一的一間。 近呢幾年韓國風襲港，我本身都好鍾意韓國美食， 無論韓國炸雞，燒肉，醬油蝦醬油蟹，炸醬麵，石頭鍋飯，泡菜等等，而家諗起都想食！這間韓國餐廳的價錢算是經濟平民化，中午和晚市都有套餐選擇，大約都只是幾十蚊一個套餐， 套餐已經包了三款涼拌小菜和飲品。 今次我們 散叫了炸醬麵，燒五花腩，泡菜薄餅。 炸醬麵略為有少少咸。燒五花腩夾埋生菜，泡菜和醬料一起吃， 非常美味又不太油膩。 泡菜薄餅一碟有四塊香脆惹味。 還有餐廳的前菜小碟味道都唔錯，非常開胃。如果大家到西貢想試下韓國菜， 這間平民的韓國餐廳也是不錯的選擇。

It’s a nice small cafe offering Korean foodWe had vegetarian rice bowl and a pork RiceBoth were good Also the drinks. Ginger lemon tea is very nice. We ordered twiceIf you come to Sai Kung try this placeYou will like itService is also okAnd the prices are very reasonable Also they got hot pot. But not the time we were in

平時唔煮飯既我，又要落街食飯。今日既午餐就係要試下尼間西貢唯一一間既韓國餐館。價錢唔算貴。都幾抵食。我最鍾意佢既食物擺設。好優雅。鍾意食擺設既我，尼點真係加晒分。食物味道方面就的確唔錯。另外，我點左佢既特飲，就好普通。所以下次都係叫番汽水算啦。入左黎西貢突然又想食韓國菜，唔使再跑出去尖沙咀旺角啦。黎尼間試下都唔錯。

收工同同事慶祝生日路經哩間韓國餐廳見冇咩人 唔使等位就決定入去試下醬油蟹第一次食醬油蟹蟹肉鮮甜又多汁雖然唔多肉但味道一流炒年糕哩個炒年糕色香味俱全年糕好有咬口煙煙韌韌亦都夠入味甜中帶辣好啱啲好似我咁唔係好食得辣嘅朋友

因為有人好鐘意去西貢，行山放狗游水，就算係要塞下車都要迫入去。係小巴站附近，竟然係一排茶餐廳隔離見到間新野，食韓國野，就入去望望。雖然主打韓燒，但都有熟食既。晚餐一樣，不過貴廿蚊。裝修簡潔型格。open kitchen, 可見三幾個廚師係度準備。因有人病左，只好食非煎炸野啦。前菜豐富，有少少同傳統韓國餐廳既唔一樣，冇魚仔呀個d, 不過所有都ok, 薯蓉就最like, 碟kimchi 生菜 帶甜，非常開胃。三三樣熱食有炸醬面，撈飯，辣炒豬肉飯。坦白講，三樣都有進步空間。炸醬面略咸，撈飯正常啦，辣炒飯d 豬肉就肥到哩。。。。。不過見其他食客食韓燒，又好似好滿足咁，試埋，再下定論啦。

同男朋友入西貢時行過，見呢度下午茶42蚊抵食就入去試下...本身冇期望，但有驚喜！間餐廳細細間但坐得舒服，可能因為我地係平日非繁忙時間入，冇咩人，感覺幾chill～廚師好似係韓國人黎嘅。男朋友叫左個炸雞薯條，雞炸得得香又夠熱，除左茄汁外有一種甜甜地嘅汁點，男朋友話好食過KFC好多！薯條都係又脆又熱，唔錯！我想order個餐冇，但五點都竟然叫到午餐，於是我叫左個炸醬麵...個隻汁調得好味，係我食過最好食嘅韓式炸醬麵 重有服務態度好！

韓國菜近年在香港大行其道，韓國菜餐廳在香港更是開到成門成市。不過在西貢墟，偏偏就沒有太多韓國菜餐廳，勉強只有一間，在食街內的地區韓國食堂「金X韓國料理」，專賣韓國燒烤。西貢人想在原區食韓國雪奶甜品，根本不可能。最近在「金寶閣」，在「全X小店」旁邊又有一間韓國菜餐廳開門營業，店名叫做「金廚韓國料理」。「金廚」主打韓國燒烤，所以在店內亦不難發現跟韓國燒烤相似的爐具。由於「金廚」位置在小巴總站附近，有大量遊客探訪試食，是意料之中的事。我第一次光顧「金廚」和試食的時候，店舖內已經坐滿不少遊客。不過讀者看到這裡，我告訴各位，「金廚」雖然是韓國燒烤食店，跟「炑X韓烤」一樣都有，專門用來吸走油煙的吸管，但是「金廚」賣的食品始終未至於可以跟「炑X」看齊，至少「金廚」沒有雪奶甜品。「金廚」午市賣的午飯套餐，我第一眼看見，就覺得它很像將軍澳新都城見到的「Hungry Korxxn」。「金廚」午餐賣的都是「韓式雞肉飯」、「韓式豬肉飯」、「韓式牛肉飯」、「韓國炸醬麵」等的平民美食。我在午飯時間第一次光顧「金廚」，立即跟店員落單點了一個「韓式雞肉飯」，和一杯跟餐的「韓國柚子」飲品，整餐不收加一服務費用，總共收費

Amazing service. Food is worth its price. $42 for a lunch set. Good place to eat. I rate 7.5/10. Generally good