金曼谷泰國餐廳

營業中

休息中

甜豉油點落滑嫩的雞真係好食，仲有甜酸醬熱辣辣鬆軟粒粒分明的金黃色米飯，沒有太多椰汁味，但是米飯有淡淡泰國雞的味道，10分香口。配菜有薑片蘿蔔辣椒生菜啲雞好新鮮好少骨，滑捋捋，彈牙。大約有八嚿到啦，$60確實抵。仲有碗好好味嘅濃湯配送。🥰

星期日去了沙田獅子山行山,我們下山剛好經過大圍, 我們看到這間餐廳 , 外型裝修好友氣氛, 還有虔誠的祭拜四面佛, 露天位置, 因為今秋天氣太好, 我選擇在外面用餐, 徐徐微風, 非常舒服 我們是在門口看到他的餐牌, 很驚訝, 假期還有午餐, 而且是$50起的套餐, 很便宜, 二話不說就衝進去吃我先點了, 豬肉炒金邊粉$50, 另外加淡奶紅豆冰$4 , 好便宜啊, 而且, 份量很大, 也不用加一, 老實說, 味道是不錯吃, 有點泰味朋友點了, 豬肉炒河粉也是$50 , 另外加泰式奶茶也是$4, 真的太太便宜了, 份量也是很大, 值得稱讚的是它們用河粉大片那種, 這種味道特別好吃, 又泰味服務也很好, 很值得推薦, 下次會再來

冬陰功湯真係好正，酸酸辣辣的味道，喝一口就好似被熱情包圍，裡面嘅蝦和香料味道超級鮮！再來個生菜包，包住豐富的餡料，咬下去脆脆的，口感超棒，真係好開心！最後，菠蘿炒飯就係另一種享受，飯粒粒分明，菠蘿的甜味和香氣融合得剛剛好，吃完真係令人心情大好！這三樣一齊食，簡直係味蕾的派對，讓人忍不住想再來一碗！

哇，咖哩炒蟹真係好正！蟹肉鮮嫩，咖哩香味濃郁，吃一口就令人心情大好。再加上蒜蓉包，外脆內軟，抹上蒜蓉，味道超級香！每一口都好滿足。至於泰式串燒，肉質鮮嫩，加埋醬汁絕配，吃起來特別開胃，簡直是完美的搭配！這三樣一齊食，真係讓人食指大動，心情都跟著飛起來！

呢間泰國館出面有座正宗四面佛，呢隻啤酒杯都有兩隻大象，象徵泰國。店舖內的橫裝也有泰國的國王女王肖像。 外賣咗三個餸，好有鑊氣。泰式炒金邊粉 ，炒得超級有鑊氣味道酸酸甜甜有豆卜有芽菜有蔥有蛋有雞肉，午餐價錢很便宜，50幾蚊，一個人已經食到好飽豬頸肉金邊粉豬頸肉係超新鮮，燒得好燶，好彈牙好甜，份量好多好大塊，唔會臭。加埋啲凍檬酸汁一齊食好惹味係我食過最好食嘅菠蘿炒飯，喺香港泰國菜，真正食到菠蘿炒飯，酸酸甜甜，有臘腸🙂最緊要係有肉鬆，仲有好多配菜就留返俾大家試✌️

成日去大圍嘅Cafe，今次試吓泰國菜~呢間泰國菜係有室外嘅位置可以同狗狗一齊食飯。今次叫埋幾個朋友過嚟，可以叫多少少嘢食！今次叫咗一個生菜包，黃咖喱雞，烤豬頸肉，馬拉盞炒通菜~呢度嘢食唔算貴性價比幾高。生菜包有啲特別，同出面有啲唔同，呢度唔係用生菜係用西生菜，肉碎唔會好辣，啱晒我哋呢啲唔係好食得辣嘅人！黃咖喱雞唔會好辣，而且有好多雞肉同薯仔都幾好食，送飯一流！烤豬頸肉唔會好乾～份量都正常唔會話好少現場睇室外都有幾多人坐，都有啲大狗，而呢度店員雖然唔係話好好服務，但係都會關心狗狗需唔需要飲水好貼心！

細細個食開呢間，唔知有冇轉手，覺得冇以前咁好食lunch一向都抵食，40幾50就有交易，有特色野飲，幾正可惜……今次再試，衛生情況十分一般般，見到小昆蟲室內飛下飛下。叫個咖哩飯，雞扒死咸，冇咩特別，份量ok希望有所改善衛生情況

今天中午經過這間餐廳，進去嘗試一下，這間泰國餐廳座位不算寬敞，我們吃了一個泰式金邊粉，味道超勁酸不太好吃。海南雞飯賣相不錯，海南雞去骨而且肉質嫩滑，非常好吃，價錢適中值得推介。另外還有一些特飲，價錢不貴，整體來講性價比高

路過見到呢間泰國嘢平時夜晚都好多人食，所以中午就諗住試吓佢，中午嘅價錢合理，就算係加特飲都係加$3。豬頸肉炒河豬頸肉炒可用一隻好特別嘅鐵碟裝住，幾有泰國嘅特色，見佢啲豬頸肉有界開，幫助入味。成個炒河味道普通，唔會話太過特別，同出邊普通大排檔食炒河嘅味道差唔多，但係又唔會話太過濃味。海南雞飯海南雞飯配一個海南雞湯，雞有雞味，仲幫你去晒骨，啖啖肉，加埋醬油同醬汁一流。不過個油飯就普通。我哋除咗兩個凡是，我仲OK兩杯飲品，一杯椰汁冰，一杯涼粉冰。佢杯椰汁冰有啲似土瓜灣有間好出名嘅椰子汁，甜度恰到好處，又有椰子味，但係涼粉冰就普通，有啲糖水嘅味道。

呢間泰國菜好得意，佢保留到泰國菜嘅風味，又食得出佢地調教過啲味道好啱香港人食，有室內有室外，今次係老竇生日同佢黎食，坐室外啱晒佢哋食煙😅最重要係老竇食完都話好食！

同朋友去咗呢間泰國餐廳食下午茶，試咗佢哋嘅海南雞飯、喇沙同埋珍多冰。餐廳環境不錯，氣氛舒適，裝修設計簡約又有泰式風味。員工服務態度友善。食物方面，我最喜歡嘅係佢哋嘅海南雞飯。雞肉鮮嫩多汁，米飯煮得剛剛好，配上醬汁更加美味。另外，喇沙都好正，湯底香辣可口，配料豐富，有蝦、豬肉同埋豆腐等等，好滿足味蕾。最後，珍多冰都好好飲，冰沙細滑，加上椰汁，口感清新甜美，好啱夏天食。總括而言，今晚嘅泰國餐廳之行令我好滿足。食物好味，服務好好，環境舒適，價錢亦合理。下次有機會，我一定會再嚟呢個餐廳食飯。

大圍好多村屋都變身做食店，如果唔係追求環境特別舒服，呢度可以以一個比較合理嘅價錢食飯，又可以特登坐出邊方便睇車。午市套餐都算抵食，但我都有叫其他嘢食，碟頭都大，冇想像之中俾啲食評影響到，叫做正正常常。估計間店舖唔係正式泰國廚師，但係風味都跟到足，比較推薦嘅係佢嘅燒物同海鮮，起碼有幾半個鐘泰式辣到，食材都算新鮮。由於平日嘅關係，可以話大把位任坐唔嬲，幾啱如果去開附近醫院探病嘅或者睇醫生嘅人喺度落腳。

平時好少去大圍，第一次過去嘅時候，有同事叫我試下呢間嘢，我見佢openrice嘅評價都幾差幾惡劣， 以前嘅評價就幾好，見佢Lunch都係幾十蚊一個， 打算就算中伏都冇咩所謂🌞間舖其實都唔難搵， 喺大圍田心村附近， 距離大圍地鐵站可能要行入少少😑第一次去食嘅時候，就試咗佢嘅黃咖哩豬扒飯， 其實咖哩汁都ok， 香香甜甜， 不過個豬扒就炸得太離譜...我以為係香茅豬扒😂 都幾容易上火，因為都係新鮮炸出嚟...第二次去食嘅時候，就試咗佢嘅海南雞飯， 正正常常不過不失， 幾十蚊都可以接受囉， 啲雞都有少少雞味💪🏻講下佢的飲品...1.泰式奶茶我覺得都有啲似泰國旅行嗰啲感覺...因為真係有啲似泰國街邊嘅泰式奶茶...又棕葉味同埋好甜嘅煉奶味... 都可以接受！幾大杯~~2.龍眼茶其實就我哋平時飲嘅龍眼冰， 不過叫咗佢走冰， 唔記得咗走冰😑 但唔緊要啦.... 都係正正常常~偏甜！因為嗰度附近都冇乜嘢食， 行過路過都可以試下😂 特去食就有啲無謂啦

半年前光顧過, 泰式熱奶茶最回味！今日（週日）等開舖(11:30) 重臨！職員態度令我不快, 掃完安心出行, 未及掃疫苖通行証就催入座！幾位全女班員工氣氛開懷熱鬧,不斷的大聲叫嚷泰文和不地道的廣東話, 嘈得要命! 食物方面, 重複以往的泰式炒金邊粉（以為最穩陣）, 雞肉大條份量夠, 可惜是雪味極重的怪味雞肉; 金邊粉是碎條濕粉; 豆腐乾是苦澀但無味的!!!!全無鑊氣可言, 失敗之作！只有泰式熱奶茶保持水準！下次不用再來了!

依間垃圾餐廳，態度極惡劣，野食質素差，無味道 仲要濫收錢 ！ 當日叫左條明爐烏頭 無味道 諗住問佢攞碟魚汁 平時出面泰國餐都會跟泰汁 問佢攞一碟汁 竟要收我哋$10蚊一碟！🤬🤬🤬🤬 有無攪錯！ 態度又差 以前食過問佢攞都無收錢！ 講真 住係附近 都無咩選擇 我都算食過幾次 不嬲都知d 姐姐叫天不應 態度又差 都算 點知問佢收碟汁都收$10 我出去買一支先幾十蚊 好心啦！ 依d錢都收得落 仲要開左咁多年！我真心未試過泰餐要泰醬竟然要收錢 所有菜無味 佢收一碟汁咪發達 ！ 認真 街方生意 質素差 服務差 竟然咁無涼心 真係無下次！