金柚泰國菜

營業中

休息中

Dinner 坐滿曬，餐廳都好有泰國feel🙈🙈🙈叫左個青芒果沙律🥭🥭夠曬正宗，好酸好辣芒果好爽口，勁開胃豬肉生菜包香葉味好重，肉碎好入味，包埋生菜一流🥬🥬豬頸肉抄河好好食，豬頸肉夠冧，河粉抄得夠煙韌，唔會散曬加埋四季豆，口感好豐富😋😋冬蔭公 (細)🍅🍅好足料，有3-4隻蝦仁，湯底夠濃郁，好重奶香都有3-4碗份量小辣都偏辣🌶🌶椰青性價比高，都唔係特別貴而且好甜好凍十分清甜🥥🥥

叫左一個薄餅、蒜蓉包、飛天通菜、馬拉盞通菜、黃咖喱雞、泰式生蝦、豬頸肉，仲有個木瓜沙律，值得一提個通菜炒得幾香而且夠味送飯一流。途中有些小意外五人同行四人叫左椰青一人叫檸檬梳打（食到差唔多食曬先黎杯野）

大角咀都唔少泰國菜，有日經過見呢間最多人，就覺得要揾日試下。海鮮椰汁炒飯 $69唔算好大碟，大約 2 - 3 碗。飯底加咗加蘿蔔粒，粟米粒，提子乾、青豆，至於海鮮就有青口、蟹柳同魷魚。食落口係淡淡香嘅椰子味，一 d 都唔油。蒜蓉炒通菜 $58熱辣辣上枱，好有鑊氣。用咗蒜蓉同辣椒嚟炒，好惹味。鹹蛋炒鮮魷 $98個人好鍾意食鹹蛋炒嘅餸。呢碟又係熱辣辣上枱，鹹香的鹹蛋黃醬配埋爽脆彈牙的魷魚，一流。佢d魷魚唔係橡膠咁，唔會咬到牙軟。食埋喺碟多咗嘅鹹蛋粒，即刻試到埋佢嘅香口同鹹脆！最後埋單，侍應仲送咗碟椰汁糕，唔太甜，味道清清的，唔錯。

大角嘴都幾多泰國野食，呢間係樂群街既小店好似無乜人行過咁但原來都幾多人🤩餐廳環境唔算大，做街坊生意多，所以價錢都算平，每樣野平均70-80蚊，好少過一百一樣叫左豬肉生菜包，份量都幾多，菜都好夠食菠蘿炒飯唔算超大碟，但係份量係足夠3個人每人一碗炸蝦餅都有好多件，炸得又夠脆最後仲有甜品送，係椰汁糕每人一件叫3樣野加左杯青檸梳打都係$250埋單👍🏻

7：17pm 打電話落單外賣，話半個鐘取，最後8：30仲未取，唔夠人手就唔好接咁多單啦好心，屋企細路老人家餓住個肚等到傻，食物唔評論，重點係，唔想一肚火千萬唔好來，想出火就去啦

第三次到訪，次次都試下唔同嘢，每一次都覺得好值得！魚新鮮，啲菜色多、味道又夠地道，同埋老闆好好人，每一次食完都諗下一次要再帶唔同friend來試其他嘢，好味！抵食！老細話來緊都會有新菜色，我好快就返來！門口擺的蝦餅，每一次離開前都一定要拎幾包走，又平又正，最鍾意帶返屋企慢慢嘆～ 同埋啲夥計服務都好，唔會黑面或者趕人走，次次同朋友食野吹水慢慢食，飲多幾杯奶茶或椰汁，最後再食好靚的芒果糯米飯，超級滿足！

食得太開心唔記得影相！但係樣樣野都唔錯，特別推薦辣椒膏炒青口，蟹肉炒飯，豬肉生菜包，冬陰公。最後送既甜品都好食，唔會因為送既就整得隨便，屋企人都食得好滿足！下次再黎！