金泰泰式美食

營業中

休息中

這天去大埔有點事做，特意留下肚子，一心想到大埔墟熟食中心尋食。大埔墟熟食中心的環境和衛生都很不錯，早已聽到不少好評，而且選擇多。抉別了一年多，再次來到這裡，還是想食這裡的泰國菜。這次是媽媽帶我來的，她已試過幾次，印象都很好。愛食咖哩的我點了紅咖哩雞扒飯，咖哩汁很香濃，不會很重椰汁味，濃稠度剛好，我要求了加辣，但我覺得仍可以更辣。雞扒是炸的，但不油膩，炸得香脆，雞肉很滑。至於媽媽點的泰式濕炒河，味道則一般，優點是足料，蔬菜都很新鮮。

大埔熟食中心，星期日晚簡直坐無虛席，足足等二十分鐘先有張四人枱，但七個人迫埋坐，仲要等成十分鐘先有人執枱，俾MEUN，不過去得這種地方就預左，總之味道搭救。馬拉盞炒通菜：因為甚少吃泰國菜，不知什麼是馬拉盞，咸咸地辣辣地幾好味，份量都夠。西蘭花炒豬頸肉：朋友彈無鑊氣，西蘭花似烚熟，但我自己覺得味道適中，有西蘭花應有的爽甜，豬頸肉因為落手太遲，夾不到... ....咖哩雞肉：不太辣的咖喱，合女孩子的口味，咖哩味都濃，都算合格。咖哩青口：青口都叫有味，不過沒什麼特別，咖哩汁也是不太辣的，整體感覺普通。小食拼盆：又係因為人多關係，只分到蝦餅-- 感覺相當良好，自覺相當好食。椒盬軟殼蟹：三個字：勁好食!不過份量真係細...................................................計埋啤酒汽水都只係一人五十蚊，真係都幾抵食

泰國及越南都係兩個唔同的國家, 有唔同的文化, 語言, 當然仲有唔同的飲食,早兩晚睇anthony bourdain 食盡東南亞, 去到泰同越都係食好唔同的野喇~兩國什至係冇邊境接攘的; 可以一餐廳兩煮, 又泰又越, 對我而言, 真係有d 匪而所思. 但呢間野又幾多人讚, 真係學老夫子話齋, "耐人尋味呀唯一相同只可以話係兩度地方都好受中國飲食文化影響, 如d 粉麵.所以今日來食, 都係target 呢樣~1點去到, 仲有位, 唔洗等, 真好采, 因好快坐滿了~ 咦, 阿姐仲要dress up 晒, 哈佬喂咁... 洗唔洗咁 "恆" 呀...d 越南食品都有泰文, 估佢唔倒.仲有, 見到枱面的泰式調味料, 又真係幾似在泰國街邊食粉既feel~兩人叫左pad thai , 一個雞絲凍檬, 及越式春卷.包飲品的, 都只叫了普通港式凍檸水等算了.越式春卷先上, 幾大碌, 內d 粉絲幾爽, 但其他料卻好似少左d; 點d 魚露, 粉絲索了好多魚露, 酸酸地, 好開胃! 可以再多d 扎肉等在內就好了.一提, d 魚露冇溝水, (出面好多時都好"希"的, 呢度卻唔係) 所以幾會酸, 大家注意~雞絲

食麵其間, 大豬女友想飲野,就叫杯青檸梳打喇.幾清, 唔係勁甜糖水果隻.青檸味唔夠呢...見有兩間鋪, 好似幾得;我這個"泰痴" 下次一試先!

原先跟囝囝旅行日,結果埋單一計,三小時內食左四餐,有無攪錯............之前食左三餐,理應食唔落,點知係街市無聊聊逛街,有冬陰公粉食.眼見心謀下又坐低.事實上,大埔街市近年滲入了不少其他元素,畢竟有競爭才有進步嘛!冬陰公金邊粉 : 作價$28包一杯飲品真係唔貴,伙記反應是快手快腳,而個人一向鍾情金邊粉,貪其切得纖幼,滑溜,吸收湯汁更全面徹底.這兒的冬陰湯偏向味酸,椰汁味較輕,濃度有點不足,能夠再濃郁些就更好,辣是一味的死辣,沒什麼層次感,蝦是而處理得不過不失,雖然得四五隻個子不大的蝦仁,但咬一口唔覺有蝦味,有點彈牙,可惜都救唔到幾多分.街市是會再來搵食,但呢間暫時都唔會囉.

小妹生日，屋企人任我揀...我想食泰國菜而且想試一下荔枝山以外既泰國菜就揀呢間啦今次點左：青咖哩雞睇到OR D人大多都話黃咖哩唔太好食，所以我揀左青咖哩呢到青咖哩偏辣；而且出現同樣情況就係咖哩好稀 ... 好水用薄餅點唔到黎食-_-有少少失色...而且咖哩唔太香海鮮冬蔭公湯又係偏辣，辣到有小小搶喉...而且飲完超級口渴．返屋企飲左三杯水-_-唔知係香料太勁定係味精啦。辣膏炒青口今次呢餐比較好既，好惹味媽咪反而用薄餅黎點呢個汁，詰辣辣地而且夠杰身青口亦都好有肉地呢咸魚抄通菜不過不失，炒幾都算爽口既。薄餅即叫即整返熱佢，熱辣辣一份有三塊 ...幾好食!菠蘿炒飯呢個餐最滿意既一樣野...粉得飯粒好乾身而且好好味，其次自己好鐘意食菠蘿，好好味加埋Ｄ肉鬆係面甜詛地，唔錯...推介主理應該係正宗泰國人, 好好禮貌每次點完野野都會講一句 " Thanks you"好Nice價錢唔貴可以一試，但比預期中有小小失望下次都係去返荔枝山 / 忠誠比較好嚕 ~* 要食要早dd黎, 7點半後都開始多人黎食飯啦

尼度真係好抵食....比出面較平,而且質數比出面泰式餐廳更好因為經常都去食~~就連係度做緊泰國呀姐都認得我了...海南雞好掂...冇肥肉冇骨~~再點埋個醬汁,一流炸芝士波~~岩岩炸出來,要放涼一陣先食得,芝士爆滿....好重芝士味仲叫左個什錦凍檬....好鍾意落佢地自家整既酸辣魚露我必定叫飲既西瓜汁~~消暑解凍..

我住香港仔, 第一次入大埔我男朋友o係大埔教游水, 所以走左入去完全蕩失路啦, 搵佢都搵左成3x mins未到7點已成餓鬼6點半左右就入左去呢個大埔墟街市的熟食中心新淨就不在話下, 最緊要冷氣夠勁事關我行左咁耐, 熱死左不只仲餓死左兜左一個圈決定食呢間!見到餐牌, 冇咩特別丫~叫左個海南雞飯$32泰式炒金邊粉$32菜肉包$42(叫左個雞肉黎ge)可能o個時早, 冇咩人, 都好快黎到一黎到ge係金邊粉我食左一啖好好味! 有兩隻蝦, 有豆卜芽菜味道適中~夠大碟!之後黎左個海南雞飯wa! 呢個先西利, 我咁大個女第一次食到一個海南雞飯係有咁多雞!唔係得皮GA! 係有去左骨ge肉ga!係略嫌飯有d硬~d肉點佢個sauce超正!但真係好正囉之後個生菜包黎左, 有點辣~~~我男朋友食得辣就ok! 我就鐘意但食唔到好辣都幾野味! 咸度適中見到人地飲椰青, 我就嚷住要飲大大個冰凍的都只係18蚊之後就就食食食飲飲飲啦埋單都係$124可能叫得少野啦但係都超飽我地8點幾九點先o係沙田食糖水值得一提係我地食完飯走出去個太陽落緊山, 真係好靚ga!總括而言, 我地都覺得呢間野好好味好抵食可惜o係大埔o係九龍城一

5月1日, 食完雞批之後, 個肚又好快準備好食晚餐~ 搵倒喺大埔有個街市幾平仲好多選擇, 呀菲就揀咗食泰國野~ 6點半去到, 好彩冇乜人, 因為去到7點既時候差唔多全個熟食中心都迫滿人~::: 黃咖哩雞 ::: $38最先到, 用家庭碗裝住, 份量都幾多~ 望落去顏色幾靚架, d配料又多~ 可惜, 非常非常稀!! 冇泰國咖哩一般嘅杰, 亦都冇落蛋, 失望… 配料多但係冇一種可以突出個咖哩香. 蕃茄, 洋蔥, 薯仔味道自成一格各不相干, 應該係煮完個咖哩先落d料… 雞係用咗雞柳, 不過1 d都唔入味…::: 牛柳粒紅飯 ::: $32賣相完全係豉椒牛肉飯! 超級多嘅洋蔥青椒, 味道有好濃烈嘅黑椒味!! 同越式唔同, 呢個辣好多, d黑椒仲幾嗆喉. 而牛柳雖然唔係粒, 不過都幾淋~ 紅飯都幾乾身下, 不過無厘茄汁香. 就咁食唔好食, 反而撈下d豉椒汁都ok~ 但成個感覺係中式飯囉…::: 蒜蓉牛油雞翼 ::: $28賣相都幾好, 排得又整齊, 又有隻泰式辣醬點~ 每隻雞翼面都有d炸蒜粒, 所以蒜味非常香濃~ 不過咁樣反而掩蓋咗大部份牛油味, 而且d牛油味道怪怪地~ 雞翼炸到乾身, 感覺香口

由於唔知食咩好~ 最後又黎左哩度食... 今次想講干炒泰式豬頸肉河都係推介之一~ 幾好食... 唔會太鹹~ 分量適中... 上菜快~ 叫左五分鐘左右就到... 食落好明顯係岩岩炒既~泰式甜酸雞扒炒檬粉.. 今日食係咁多次之中最好食~ 因為今日D檬粉比較乾身... 而且酸甜度比例剛好~ 不過又真係好大碟...

是日落大雨，在市政大樓七樓打完羽毛球後，一眾八人落咗二樓熟食中心，很多選擇，我作為地膽，提意大家食泰國菜。頭輪大家狂風掃落葉式點了九道餸，之後再安歌點了幾道，十分大食呢！鹽燒烏頭因為之前食過，所以推介友人，燒得很嫩滑，味道很好。蠔仔煎蛋熱辣辣用鐵板上檯，不錯！馬拉盞炒通菜馬拉盞多了，嫌咸了少許。菠蘿炒飯飯身濕了少許，但都味道不錯。泰式乾炒牛河炒得夠火喉，不錯，但油少點更好。皮蛋炸蝦餅好新奇，蝦餃包住皮蛋炸熟，有新意，味道很好。香茅雞很滑，但冇香茅味，反而似白切雞。炸蝦餅炸得很香口，蝦肉很彈牙。泰式香葉肉碎炒飯頗辣，朋友中食中辣椒粒，辣到不得了。但味道很好呢！泰式無骨鳳爪保持水準的鳳爪泰式粉絲沙律亦是用泰式汁加上粉絲及肉碎，很好。泰式豬頸肉都幾爽口，但又有點硬，一般。沙爹一打(豬牛雞)配上沙爹汁很香口，很好味。加上二枝泰國beer，兩杯龍眼冰及一杯珍多冰。埋單只是約$760，很抵食。加上服務很好，由泰國人主理，更係覺得很正宗。

話說呢晚又去左大埔街市開餐，今次揀左食泰國菜﹗金泰泰式美食，鋪外座位不算多，卻坐滿人﹗七點半來到，成個街市座無虛席，超級誇張，好多食店都要等位，可幸我地路過呢間野有人走我地即時聰明地飛撲埋去，唔係有排等都似﹗食物種類都幾多，價錢$50樓下﹗先來一個泰式木瓜沙律開開胃先﹗份量不少喎﹗木瓜絲相當新鮮爽口，咬落卡卡聲，醬汁酸中帶微辣，好味﹗辣椒膏炒青口，未吃已聞到香噴噴﹗青口是雪藏貨，食落亦不算太韌煮得不過老，個辣椒汁清清地同海鮮味幾配合，唔錯﹗鹹魚炒芥蘭﹗足料，食到有好多未碎的鹹魚件，再加上大量蒜蓉，又香又惹味，岩哂我呢0的濃味人﹗重點推介呢個，菠蘿炒飯﹗賣相很不錯，街市也有如此手工看得出的誠意﹗炒飯上放上蝦件、青口、魷魚仲有肉粒，餐廳食都未必咁豐富﹗飯身炒乾身，帶著濃濃的咖哩香，香噴噴相當吸引，再加上大量菠蘿粒及提子乾，嚼落陣陣香甜，好好食﹗最後成個食哂﹗來吃泰國野當然飲番支泰啤啦﹗兩個人四碟餸再加兩支啤酒埋單一人百一蚊，價錢都不算貴，值得推介﹗呢個街市睇黎臥虎藏龍，真係要花多點時日才可以試哂佢地呢﹗更多相:http://hk.myblog.yahoo.com/smallsmalllin

因為太多人既關係~ 所以就黎左金泰泰度食野... 一直想同佢地寫食評~ 可惜成日都忘記... 食到個泰國姐姐都認得我啦~今日食午餐~ 我成日都覺得佢地既午餐都幾抵... 有野飲加多八蚊就有越南春卷~ 今日食左個泰式鮮茄雞扒燴檬粉... 屋企人就叫左泰式黃咖喱牛腩飯~燴檬粉... 本人都鍾意食茄汁既食物~ 所以哩個真係唔錯既選擇... 茄味濃郁~ 而且配菜多... 好惹味~泰式黃咖喱牛腩飯... 黃咖喱好香~ 因為我無食... 所以唔知~ 不過屋企人話好食~ 牛腩味道唔錯~

是日去完東坪洲遊，大家返嚟後入大埔食飯，起初會怕大埔街市會勁多人所以搵位好難，但好彩喺金泰搵到張檯。由於呢間開多咗一個舖位，所以檯數多咗。五人行點了：炸蝦餅：熱辣辣，好彈牙，每次差不多嚟呢到之首選燒鹽烏頭：初次試，次次大都係食明爐，今次嘅燒鹽，好好味，加上一碟泰式汁，好醒胃。馬拉盞炒通菜：不過不失的通菜蠔仔煎蛋：用鐵板上，熱騰騰，但蠔仔唔多囉，味道係好食嘅！黃咖喱雞：最差了，希希嘅「咖喱汁」，只得幾條雞柳，下次一定唔食呀龍眼冰，青檸梳打x2，珍多冰x2：我飲嘅龍眼冰，好清甜，不過淡返少少仲ok！白飯3碗全點泰人主理，識講廣東話，態度友善！共$321，抵食！

係大埔~正宗既泰國菜唔多,比較出名既亦係較遠既大尾督,對大埔人黎講再好食都唔會出到咁遠去食,而其他就唔好味,呢間就係大埔墟街市,對我黎講亦比較近,去食一次之後覺得同九龍城果d泰國菜館既味差唔多~可能因為呢度既主理人都係泰國人啦~我地三個人去食左好多野咸魚炒介蘭:介蘭爽脆~咸魚亦好香~炒得好夠火喉小食拼盤:有蝦餅,魚餅,春卷,炸雞翼,隻雞翼炸到卜卜脆~!超正~又唔油~而蝦餅大大粒好彈牙~!碟醬酸咪咪~2隻都好食蒜蓉包:成餐最唔滿意~唔脆~唔香~重好un咖哩雞:泰國咖哩唔多辣,但係就香~呢個唔錯~d雞都好滑菠蘿炒飯:個樣好得意,味道不過不失~味道偏淡總括黎講呢餐好滿意~野食都好正宗~一月會再黎食