金泰泰式美食

營業中

休息中

尋晚同男友2個人黎呢度開餐聼朋友講話呢度d野好味就試下啦因爲我地2個都晤大食就叫左豬頸肉炒飯同小食拼盤炒飯1黎d色水幾靚入口好香啊。。而個小食拼盤有蝦餅，魚餅，炸雞翼同春卷蝦餅炸得好味而魚餅應該真係自己打既。因爲入面有魚骨。春卷入面係1至蝦仲有雞翼都好香見到人地叫蠔仔炒蛋。見到鉄板上。好似好正~下次再黎一定要試冬陰宮燙同辣椒鎬炒河。好似好好味最緊要就係d餐具好乾淨。係街市黎講算非常唔錯。。

一行3人去到大埔墟街市食泰國菜, 各食檔枱排得滿滿, 人山人海, 去到泰藉伙計幫我地搵位, 唔駛3分鐘就"滕"咗張枱俾我地, 犀利一去到睇個menu, 價錢都幾抵食, 比市區平2成有多, 我地跟住叫咗以下幾樣野食....1) 泰式拼盤2)沙爺串燒(豬牛雞x各2)3)香葉炒飯4)咸魚炒芥蘭5)烏頭(爐上)1)拼盤(炸蝦餅,炸雞翼,春卷,魚餅)---4樣都好好食, 可能近街市關係, 海鮮食材新鮮, 魚餅內有香茅香味, 春卷卷著原條蝦炸, 炸蝦餅鬆脆唔覺油膩, 雞翼細細隻但幾入味, 有埋泰式辣醬同酸梅醬點, 減少油膩感, 唔錯2)沙爺串燒---燒得有少少燶, 幾香口, 試咗牛同雞, 點埋附上沙爺醬, 甜甜地辣辣地, 好好食呀3)香葉炒飯(豬)---呢個係我地覺得成日都食菠蘿炒飯同蝦醬炒飯, 叫伙計介紹既, 味道屬於濃, 但配料其實唔多, 伙計話主要食佢香味, 味道ok啦, 不過就油咗d, 遜色d喇, 有食剩...4)咸魚炒芥蘭---d芥蘭好靚, 加埋咸魚好開胃, 呢碟都清埋5)烏頭(爐上)---烏頭爐上外, 亦有碗湯另上, 俾客人一路食一路加湯落去煮, 魚一d都唔腥, 夠新鮮, 肉同湯煮過後

可能係Sunday, 有好多人等位, 爆場! 拎0左飛都係自己搵位, 好亂好奇怪!之前食過一次因為平日又夜, 無咩人, 覺得超正! 不過今次只係一般, 可能太多人做唔切!咖哩炒蟹 --- 送5 塊Garlic Breads, 汁好濃好味, 不過D 蟹唔夠新鮮!炸蝦餅 --- 即炸好鬼正, 夠彈牙!串燒 --- 燒得唔夠耐, 汁太稀, 結D 多D 花生粒會正好多!燒烏頭 --- 燒到0岩0岩熟, 配佢0既甜酸汁正! 不過等候時間太耐!蒜蓉炒通菜 --- 蒜蓉唔夠, 一般!海鮮菠蘿飯 --- 足料, 比出面0個D 較特別, 加0左甜酸汁係面! 不過今次D 飯兜唔暈, 又唔夠乾身, 希望下次會做好D!冬陰公 --- 勁正! 必飲! 酸辣味調到0岩0岩好~ 好味過其他地方!特飲

呢樣野我相信店內既人都知道我只係同我個ｆｄ講。佢唔知個枝係蔗．放低左，比我地取笑．．．．一坐低飲左２口芒果汁！好正ｗｏｒ！好似有果肉咁哎～～叫左蠔仔蛋，香口！仲有串燒雞同豬．沙爹無花生既？生菜包係辣辣地．．不過都正！仲有蔗蝦～同埋蒜蓉包。其實我地３個人咋．以為食唔哂．點知清哂！之後佢仲送左甜品比我地ｔｉｍ哎！多謝你哎。好ｎｉｃｅ哎唔夠生菜又會比多ｄ我地～

其實上星期四晚先同死黨去食過，死黨未試過呢間野，食後都話好味，咁啱今日全家人去晒行街街，所以去買咗一盒蔗蝦同香辣炒河返歸慢慢歎，由於今日星期日，所以全場爆滿，落咗order都要等一陣先有得拎，唔緊要，好味嘅野當然係要等啦！炒河本來係(豬牛雞)任揀嘅，但我唔想食，所以阿姐話可以用菜，good呀！夠辣，不過美中不足係，頗油囉！蔗蝦都幾好味，大大隻，不過蝦膠唔夠實，不過味道都唔錯嘅！兩樣野$59蚊，大大份量，我仲可以留返嘅第日返工食，抵呀！呢間店全店係泰國人主理，好nice架！

今日sick leave,捱唔住>.<睇完醫生就行左過黎食呢度,想試試18蚊有粉同凍飲~的確幾吸引架!叫左魚旦蒙粉+凍檸檬茶個湯底清得黎都幾好飲~~~~d粉都ok大碗,魚旦魚片各有3塊!幾彈架都~overall,唔錯唔錯,有下次^^

之前都食過呢間嘢，覺得好正，但礙於上次太貪心，呢個香辣炒河食唔晒，朋友打包咗返屋企，所以今日我就上去外賣返歸食，雖然我等咗好耐(因剛開市關係)，$30蚊，仲包一杯凍飲，炒河可以揀雞、牛或豬肉，我就揀咗雞肉，平時我食泰式炒河一定要加辣椒粉，但今日就唔駛勒，因為辣味十足，但就略嫌油多少少，如果少啲油咁就正勒！唔知係咪成日都係泰國人主理關係，所以我覺得呢到啲嘢特別好味，雖然環境冇咁舒服，但經濟好味，係一個不錯嘅選擇！

今日同班朋友行完山，搭車返大埔墟巳經五點幾，大家都話想食嘢但又要返屋企食晚飯，結果我帶咗佢哋上大埔墟街市熟食中心逛逛。朋友見到泰菜就二話不說坐下。我哋點咗:1) 泰式炒金邊粉($30): 真係炒得唔錯，完全唔油、重有D蝦、炸豆腐絲、碎花生和芽菜，好味。2) 泰式拼盤($50): 有炸蝦餅、春卷、炸雞翼、炸魚餅等等，當中我覺得個蝦餅好正。3) 椰汁青咖喱牛腩($45): 有D豆角、節瓜和牛腩，雖然個賣相唔吸引，但原來係好好味。我覺得餸飯會更加好味。4) 薄餅($15): 有三大件，普普通通啦。5) 椰青x3($18/個): 睇住佢開，D朋友話好正，好飲。6) 珍多冰($12): 好大杯，好重椰汁味，有D大樹菠蘿、綠色粉(有d似意粉咁)等等，好味，飲完重好飽。今餐D朋友都話好滿意，重話下次再嚟試其它嘢。埋單$206，非常經濟。