影片
港鐵尖沙咀/尖東站 A1 出口, 步行約2分鐘
繼續閱讀
電話號碼
23020428
開飯介紹
著名食品有牛坑腩, 咖啡紅豆冰及怪味雞.
繼續閱讀
營業時間
今日營業
07:00 - 01:00
星期一至日
07:00 - 01:00
以上資料只供參考, 請與餐廳確認詳情
招牌菜
我係該小店的熟客，一星期都食3-4日，當日我喺度食飯，聽到老細同個女人講，麻煩佢坐入少少，因為佢一個人坐左3個位，之後個女人就發晒脾氣鬧人，老細都無再理佢。其實將心比己，大家一人讓一步，咪無事囉。我推介呢間鋪頭嘅牛筋河。另外，每日都有唔同嘅即炒套餐，三絲炒米同咸魚雞粒炒飯都好食，不過唔係成日有。
繼續閱讀
個男收銀老細對客人態度超差，又鬧食客，又同客人眼神互啤，究竟係乜嘢態度？？其實尖沙咀有大把更好選擇，千祈唔好幫襯呢間垃圾店！ 免中伏！！食碗$40粉麵食到一肚氣🤬🤬
繼續閱讀
好多年前食過，行街，隨便找地方食嘢，味道已唔記得，只記得員工態度超差，坐得好迫，好污糟，食完好似趕你走咁，之後無再去。去年年尾公司搬到尖沙咀，所以周圍試食，疫情嚴重只想買外賣，好，比次機會佢。入去落單，收錢唔知係咪老闆，好有禮貌，我問牛腩林唔林，佢話叫師傅俾啲林嘅你，我叫咗兩份要分袋，佢都好樂意，仲細心問我要唔要辣椒油，並說其中一份單叫，無下午茶價但有九折，一碗牛腩雲吞另外魚蛋麵跟餐，$88尖沙咀嚟講算平。見到每個包裝都係得一個盒，心諗冇分湯？返到公司打開，原來碗內有分隔，湯好夠熱，湯底好味，牛腩好林入味仲半肥瘦，好食抵讚。希望疫情過後不要故態復萌，如果能維持食物及服務水準就好啦，唔好諗住淨係做遊客生意唔自在，疫情期間餐飲業難做，希望你們努力守住及珍惜現在。希望疫情快過，生意興隆。
繼續閱讀
諗住一早食個早餐先返工但估唔到咁樣嬲爆爆走!叫左個A餐, 黎左火腿蛋+牛油麵包先食左, 後上沙O爹牛肉通粉, 食食下係條通粉中間見到有條野, 拎出黎放係碟度望望疑似曱甴腳, 再睇碗入面有條疑似曱甴鬚 跟住叫個阿姐過黎啦, 我都冇特別提高聲線, 但佢一句得埋黎話"整過碗比你", 我話"仲食得落!?", 佢竟然話"你乜野態度" 我都有D火起都只係答一句"我食落肚架!", 佢再回覆"咁幫你取消囉", 我嬲到起身走人。我唔會期望茶餐廳食野百分百乾淨, 但係比我發現疑似曱甴腳、曱甴鬚係食緊碗粉入面都唔該你好聲氣D對個客, 做食肆唔該做得有良心D啦!
繼續閱讀
服務員：幾多位呀？客：一位 😊服務員：呢邊丫😊坐底後，問題就出現，以下對話。你一係就擺左，一係就擺右，俾條路我行。(我冇回應，心諗) 個位係你叫我坐嘅，得一個位，左右兩邊都冇空間點擺？叫一碟牛腩飯，黎左睇落辣辣油，望望張枱冇。 唔該請問有冇辣椒油？咪喺枱面囉，咁都睇唔到牙？(聲音可覆蓋半間餐廳）呢刻我真係有點懷疑自己，全枱係有唯一樽紅色嘅，但我覺得係醋，都試試攞起聞聞😄確認左係醋後，我真係唔客氣回應一句：唔知係你睇唔到定我睇唔到🙄佢再回應我，而家咪攞俾你囉😌真係祝貴寶號生意興隆 🙏
繼續閱讀