金源至尊炸醬麵 (已搬遷) 新店位置

黎依間食午餐或晚餐，必食炸醬麵，未試過可以黎試下，試過就知無吹水依間叫炸醬麵可以比你簡碟上或碗上，除左湯底夠味無偏咸外，依間炸醬堅好食餐廳凍檸茶茶底吾差，比茶餐廳好飲所以每次幫襯凍檸茶必叫除左粉麵外，餐廳仲有小食叫，黎到可以試試雲吞麵雲吞足料餐廳服務保持禮貌對客人，除左食物好食外，服務員招呼吾差，繁忙時段會多人d 坐得較迫但如果重點係黎食炸醬麵，坐得迫少少都值，炸醬整得真係吾錯，值得推薦一試一試就知龍與鳳

最近天氣實在太熱，除左無胃口之外，更加吾想系屋企開爐，煮少少野屋企溫度即刻急速上升，所以呢段日子都系選擇出街解決兩餐。今日幫襯左屋企附近嘅金源，舖內用左公雞碗，不同地方嘅可口可樂做擺設，老闆可能系可樂fans佢地嘅選擇都算多，除左湯粉麵之類外，重有湯飯或者碟頭飯可以選擇。今日無選擇佢地嘅招牌炸醬麵，因為我鍾情嘅吾系佢嘅招牌貨，反而系佢嘅川辣金錢肚，同埋佢嘅蝦籽雲吞川辣金錢肚河，辣辣地好開胃另一至愛，淨蝦籽雲吞，雲吞皮吾厚，蝦籽湯底，好味老公食呢個鮮茄牛肉湯飯就麻麻地

Ka仔今次第一次食金源至尊炸醬麵今日吃炸醬湯幼麵配凍檸T先說說炸醬麵 炸醬份量夠 汁醬可撈滿所有幼麵 炸醬豬肉入味 肥瘦適中 味道酸甜帶小辣 怕辣的人注意幼麵不會過淋 份量是一個幼麵另外 見到舖頭寫著「本店湯底用大地魚熬製 不含味精」有別於一般餐廳 所以對其湯底充滿期望另上的麵湯喝下去的確沒有味精味 胡椒粉味和韮黃味濃 配合濃味的炸醬麵吃 味道不錯值得一提服務態度不錯總括來說有機會的話Ka仔會再幫襯的翻吃指數(max5⭐️): ⭐️⭐️⭐️⭐️⭐️

對於成日出街食飯嘅我，成日都想搵多啲冇味精嘅餐廳🤦今晚就去左屋企附近既呢間餐廳，佢話佢哋嘅湯底係用大地魚淆成，完全冇味精今次就試咗個炸醬撈麵， 佢有用碗上(少啲$33) 同用碟上(多啲$42)揀，跟個湯個湯一飲就知冇味精，真係幾香大地魚味，清清地個炸醬對於我嚟講就辣左啲，因為我唔食得辣，同埋有啲肥🙈麵就有適中既軟硬度，但有啲乾，唔係好撈到，不過加啲湯再撈都ok呢間仲有其他蕃茄湯底或者芫茜皮蛋湯底既麵或者咖哩飯，係清淡中唔錯既選擇👍

急不及待，邊吃邊寫。呢5塊豬潤扒，真的是扒，勁厚勁大塊! 來到我面前，我猶豫了3秒?吾通中左伏?厚成咁，煮吾煮得熟? 煮過龍，就鞋口bor…戰戰競競咬第一口豬潤……嘩! 好味到震! 咬下去清脆一聲，滑如棉花，剛剛熟，吃落又甘又甜，從未吃過如此美味的豬潤，仲要係扒! 不知是我今日好彩，咁岩來貨既豬潤靚成咁，定我更希望日後再光顧此店，可以讓我品嚐多一次!至於撈麵則夠彈牙，如果小點簡水味更好，雲吞好味，飲品更是大大杯。捧著肚子滿足地離去。

聽說這間開在傲雲峰地下的粉麵店是一所老字號來的....對這一類老店，小弟都一向很有興趣去試試....既然店名都以用炸醬麵來作招牌，本好應點一客來試，但偏偏小弟就對之沒有大愛，最後唯有照舊點我平常去粉麵店叫慣叫熟的這個....先咬一口豬手，皮是爽的但肉就有點偏硬，而且嗒落感覺到不太夠味道；水餃相對起來就好得多，樣子漲卜卜的內裡塞滿了蝦肉、半肥豬肉、木耳絲及筍絲，是十分傳統的口味，啱我....個人倒不太喜歡這兒用的河粉，太碎濕了，很難用筷子輕易夾起....另加點的腩汁蘿蔔，腩汁下得太少，基本上就和吃白烚蘿蔔沒有分別。蘿蔔本身夠淰但並不夠甜，非常一般....看來，如要試這所謂老字號的真功夫，就必定要點炸醬麵才行呢....

文公子一向係炸醬麵Fans，土瓜灣七喜同已結業的九龍居，都曾經非常有水準。上兩個星期見客經過傲雲峯，見到有間店標榜做至尊炸醬麵，睇到文公子幾有興趣一試，不過因為要見客而擺低咗，今日終於有機會。叫得至尊，當然要睇睇咩料，一於整個至尊炸醬撈幼麵。一入口，炸醬用的豬肉頗肥，有好大部分的肉條係全脂肉，唔膽固醇超標都一定血脂爆錶...揀哂出來嘅炸醬已經所剩無幾。個肉質，似乎係豬頸肉位置，味道帶酸，總比坊間死甜的有好感，不過辣味的確唔多夠，喚唔起七喜或九龍居的回憶味道，店家仲有膽落隻辣椒在餐牌，真係有些小落差咯。麵條應該追求QQ咬口，未曾煮透，而份量亦唔算多，似乎無兩個麵餅?食完仲肚餓嘅撈麵，都真係幾少見。個湯似乎有落大地魚，不過食到好大陣胡椒粉味。叫了杯凍奶茶，飲得出個茶味，不過似乎相當濃，飲到尾苦到唔想飲驚削胃。埋單盛惠$49，抵唔抵就見仁見智啦，不過叫至尊，就一定講唔上了。

店鋪裝修企理，沒有粉面店油淋淋的桌面，燈光光猛，看到牆上很多報導及相片，原來是老字號炸醬面。麵條滑而不散，有鴨蛋香味，清湯是長時間熬制的上湯，清香不膩，炸醬面醬汁出色，難怪可以承傳三代。

之前來過，吃了至尊炸醬麵，豬肉是肥膩了一點，炸醬汁味道未見突出，所以今天來個金錢肚湯麵試試！金錢肚湯麵，點餐時表示要將湯分上，金錢肚是微辣，配上粗麵，醬汁沒有被沖淡，金錢肚炆煮得淋滑，味道不錯，基本上這是一個迷你版的金錢肚撈粗蘿蔔炆得入味，入口即化我家大少喜濃味的東西，但今次卻點了金錢肚配米缐🤔，一邊食一邊讚，一濃一清，好味喎！老公就仍然對炸醬麵情有獨鍾，繼續encore 加杯凍飲，簡簡單單又愜意的一餐

早排喺Facebook上面見到雜誌去咗呢間金源麵家做訪問，心血來潮搵地址，搵位置，睇吓我自己方唔方便泊車(當然泊唔泊車唔係重要因素)，睇吓有無機會可以食到。今日終於有機會可以一試，結果有啲失望，並唔係我想像中咁好食。。。------------------------------買外賣時間下晝大概兩點半，入到鋪頭現場入座率唔高，四位客人，老闆正在開餐。先講金牌炸醬撈粗麵:訪問之中老闆講過話係用豬頸肉，冇錯！我食得出係豬頸肉，有咬口。炸醬汁唔夠多(可能我唔記得左同佢講多汁)，撈吳起個面，結果我個麵有三分一係冇汁嘅，吃乾麵。。。醬汁方面比較淡口，感覺好水，唔夠杰身，帶出唔到一種食緊撈麵嘅感覺(醬汁係要香濃先可以撈起個麵架嘛)。內附芥蘭兩條麵底淥得啱啱好，爽口彈牙附上嘅撈麵湯香濃，我飲晒------------------------------另外叫咗個雲吞併水餃淨食，兩者都OK好食。總括嚟講如果個炸醬會改良，我會再食，如果唔係就冇乜吸引力，我會選擇佢鋪頭其他出品。

在土瓜灣工作和居住，已經有八年時間，差不多都已經試過七成食店，每晚都因為晚餐而頭痛，昨晚在Openrice 搜尋，發覺原來這裡新開，可惜昨晚已經関門了。今晚晚餐專程來到試試，既然用炸醬麵做招牌，當然要試一試炸醬撈粗麵($38)，另外加碟菜芯($8)。炸醬用半肥瘦豬肉切條而成，味道帶少少酸，甜酸味唔算太濃，粗麵本身唔硬，不過食落醎醎地，返到公司就知道，可能有味精，因為好口乾，雖然招牌菜唔算太凸出，下次我都會再來，俾個機會佢，又俾個機會自己。

食店開業都有兩個多月了，終於有空來試試。門口即見到個醒目的金漆招牌，至尊－好似有啲語不驚人喎！入內令人眼前一亮，店內裝修擺脫老麵店的沉悶感覺，店主的收藏品很豐富，有不同年代，設計的瓶裝可樂樽，公雞系列的碗碟等，掛在牆壁上，玩味十足，目不暇給！叫得做至尊炸醬麵，梗要試試，麵條如銀絲，爽口煙韌，豬肉切粗條，夠淋滑，似腩肉，跟麵的大地魚湯香濃鮮甜！再來一碗炸醬麵，也不錯！水餃麵的水餃有4大隻，蝦肉爽脆有咬口叫埋懷舊炸雲吞，雲吞炸得香脆鬆化，內餡是蝦肉加豬肉，沾酸甜汁吃之，開胃好味！跟麵可加腩汁蘿蔔、韮菜花和餐飲，蘿蔔淋甜，韮菜花嫩綠，都算是有💕之作。值得一提的是侍應個個都禮貌周周，好親切，我會再來的！

今次去試川辣金錢肚撈麵和金源至尊炸醬撈麵，金錢肚果然令我有驚喜，牛肚新鮮，辣味適宜，口感一流，份量絶無欺場，另外，金源至尊炸醬撈麵果然是店舖招牌，無論賣相，用料和味道也一流口感層次十足 ，很易咀嚼 本來想再試和味豬手撈麵的，但可惜巳沽清，下次再來一定要再試店舖清潔，而且光猛又新淨，店員有禮貌，笑容滿面服務很好！值得一讚

話說今次同朋友第一次來呢間炸醬麵，環境衛生情況非常樂觀，估唔到老闆對我們的招待非常之友好，老闆推介我們他最拿手的炸醬麵，還有金錢肚，果然炸醬麵與一般吃到的不同，是一個非常足料的炸醬麵，味道感覺非常之好，而金錢肚煮得非常之入味，如果喜歡食炸醬的你不妨來試一試。

撈麵好難食！D麵未乾身，好淡無味道！不過麵份量多！我唔會幫襯..............................