影片
以上資料只供參考, 請與餐廳確認詳情
朝早係上環搵食，要價錢較商宜，又可坐低食嘅，確實不是太多選擇。而且早餐係一日之始，緊係要食多啲滿足下心身靈先開工，但又無時間再搵餐廳，於是快快手入咗呢間茶記以價錢來講，呢間茶記一定完勝，$31已經有齊麵包、火腿、蛋、豬扒米線+飲品，真係樓下茶記都貴過佢，而家食過早餐閒閒地都$36-7豬扒米線都ok，豬扒唔算硬，都幾味，但就唔覺有炸嘅口感炒蛋就麻麻，炒得過火老咗，都幾鞋其他食物都算正正常常，無乜特別。最後飲埋杯咖啡，义足電，食飽返公司開工
繼續閱讀
話說早排自己一個食lunch，係上環咁耐都未入過呢間餐廳，就諗住試下啦。試過一次真係冇下次，啲野唔好食之餘員工態度好差。我叫左個蒸魚，蒸到勁鞋，一啲都唔好食，仲要勁多骨，食到我好辛苦呢。酸菜一啲味都冇又硬，真係食得唔多開心。最唔開心都係上菜果陣，我比咁大碟飯嚇親，即時叫staff話我扣返一半，跟住佢鬧我唔一早講，一路鬧到返廚煮。我第一次黎，點知你碟飯咁大呢，就算係我遲左講都唔係狂鬧掛？自問都有禮貌咁請佢幫忙，真係好受氣。
繼續閱讀
午餐：湯＝水 環境衛生no good 餐具污積未完全清 奶茶，飯算勉強合格整體來說，五粒星為最高，頂多只有一粒星未到兩粒星之間，難怪開業咁耐，評語只有小貓一兩隻，真的可以不試！
繼續閱讀
因為依間茶餐廳喺正斜路嘅側邊,中午又熱又曬又攰,好幾次打消咗我去食嘢嘅諗法. 今日終於去到,同想像中一樣,係舊式茶餐廳嘅格局.裡面都好多人,有兩層,但係第二層已經滿咗.揀左張圓枱坐,當時只有兩個人,喺等嘢食期間又坐咗兩個人埋嚟,心知不妙.一個套餐包餐飲,湯,飯,餸係另一隻碟,總共2碟2碗1杯,根本唔夠位擺.好彩其中一個叫左蒸肉餅,要等15分鐘,到時我已經飲完湯,總算釋放左少少空間出來.叫咗個梅菜鯇魚飯,本來只叫左中湯,侍應好老實咁同我講包埋餐飲,多謝提醒.中湯完全無放湯渣係碗裡面,估計係紅蘿蔔瘦肉湯,有幾粒南北杏.可能因為無放湯渣,令我覺得個湯雖然夠味但都係師傅既功勞.有料就要show俾人睇吖嘛.梅菜蒸鯇魚終於到喇,梅菜實在太少有點失望.鯇魚係用魚尾嘅部分,最近尾既位都滑,但大玫上都梅梅地.飯比條魚遲6-7分鐘先到,而且有啲削,可能係未煮夠梗硬攞出來.最後飲埋杯奶多茶少既奶茶,食飽飽,趕返公司.
繼續閱讀