影片
開飯介紹
粵菜酒家，午餐主打即蒸點心及小炒，晚市則有手工懷舊菜式，款款用料新鮮，香氣撲鼻，是和家人及朋友聚餐之選。
繼續閱讀
營業時間
今日營業
07:00 - 22:30
星期一至日
07:00 - 22:30
以上資料只供參考, 請與餐廳確認詳情
-
網上訂座服務暫停
本來特登諗住去『得閑xx』,點知排晒隊，咁鬼熱梗係唔等，行過對面睇吓有乜選擇，結果誤打誤撞入咗呢間～金滿樓。叫咗～香煎蘿蔔糕 窩夫蝦春卷 櫻花蝦金菇牛肉腸 醬皇金錢肚 鳳爪排骨煲仔飯 桂花椰汁糕先嚟係腸粉，一放低睇到薄薄透透嘅「粉皮」，再加上厚厚嘅牛肉，熱辣辣～口感不錯，真係皮薄餡靚。跟著係春卷，首先個春卷皮係有別於其他傳統酒樓或點心店果隻，另外個醬汁，唔係用喼汁，係甜甜哋嘅～我個人覺得有小小似芒果醬，但又出奇地夾。金錢肚，正常味道，黑椒味重。煲仔飯，攪唔清佢夠竟係蒸還是「燒」，反正都ok好味，點解我咁講？因為上次試過煲仔飯有飯焦，但係煮燶晒，今次無飯焦,所以我分唔到。不過如果收$83煲咁小「料」，就有點兒那個。蘿蔔糕～無乜特別，正常水準。飯後甜品，呢個唔錯，清清甜甜，食完有好清新嘅感覺。回頭度5/10下次就算有機會嚟，都唔選擇假期或周六日，因為眼見啲孖寶三寶喺呢啲日子，加好多價上去，簡單啲講～平日平好好多，舉例有個三寶平日128.呢啲日子要加50就真係唔好攪。以上純粹個人食後分享，絶無收取任何報酬或優惠，亦對以上分享，承擔所有責任。
繼續閱讀
同朋友喺太子搵食，朋友話再去金滿樓，講咗好耐先記得原來真係去過，睇落似乎係唔錯嘅中菜館，可惜一入門口就嗅到一陣坑渠味道，唔緊要食嘢地方喺一樓。侍應先招呼開菜再放低一碟花生作為收費酸菜，服務唔錯，見有特價菜，我地都揀咗一份。金薯牛柳粒牛柳粒鬆軟，所有配料都經過油炸，另有蜜糖豆，用炸米網盛載，擺盆味道都唔錯。啫啫唐生菜加入蝦乾同肉碎啫個唐生菜，上枱出晒煙超級咸香惹味，不過真係重手咗，食到底就太過咸。椒鹽鮮魷用超薄粉炸，魷魚應該先出水，食落比較濕，椒鹽唔多均勻有啲咸有啲唔夠味，不過有隻兔仔蕃茄仔擺盆，睇得出有啲誠意。新鮮鳳梨拔絲咕嚕肉擺盆中間放乾冰製造出煙，作用就無乜，不過又幾好睇，新鮮菠蘿微酸，咕嚕肉炸得好脆，甜酸汁掛得啱啱好，幾好食。最後送上木瓜雪耳南北杏糖水都幾清潤。
繼續閱讀
金蒜芋絲蒸鮮魷-第一次食芋絲乾得像雜草一樣，是完全沒辦法入口的，最貴的一款正價點心是全餐最難食的一樣。排骨蒸陳村粉-排骨很肥，但味道比蒸鮮魷好藥膳豬手-是5樣點心中算是最好的了晶瑩蝦餃皇-不吃沒有損失鳳尾蝦多士-特價可以一試，正價的話就可免了
繼續閱讀
趁住打風放假，落樓睇下有咩食，見金滿樓有開，同屋企人入去飲個茶服務態度好好，上菜速度合理。食物大大碟，蒸飯食落係原盅蒸，炒飯都好有鑊氣，燒賣蝦餃正常發揮，其他嘢食都好入味，好評😋
繼續閱讀
雞煲味道尚可，蛋黄茄子涼瓜有點膩，炒麵最差，一份需要108，非常之唔值。最緊要服务態度好差，落單没人理，等好耐先有人來，而且仲心不在焉，三份菜只記低两份。等好耐先上菜，其中一份魚頭煲上錯成更貴嘅雞煲。幾個服务阿姨同埋大堂經理無人道歉，我啲發善心話不使換啦，魚頭煲可以俾其他人，結果埋單時要求我啲付價高嘅雞煲錢。搵服務員，佢無一句解釋，反而質問我為什麼自己當時不吃兩份，食左菜就需要付帳。我問佢服務出錯點算，佢都完全唔認，真係令人生氣。以後唔會再來呢家，花錢受氣
繼續閱讀
您可能會有興趣的...