金潮榕火鍋刺身專門店 (已結業)

食材正常 .....湯底同普通酒樓大排檔差吾多 ....不過份量小 .....但價錢都幾貴..... 叫左吾算好多野 ......平均每日人都500$ 無下次 .......

這店已經光顧過幾次，食材新鲜，刺身選擇多，入正題打邊爐，湯底叫咗番茄海鮮鍋，原來包埋另外有盤海鮮，有虾有蚧有蜆都係新鮮貨，$188都幾抵食，有盤海鮮可以叫小樣嘢，個湯底番茄味道好濃郁，因為2個人食唔到太多嘢

這店已經光顧過幾次，食材新鲜，刺身選擇多，所以今日約埋公司同事來團年，見到愛爾蘭生蠔做特價$168半打，叫咗一打試吓(非常鮮甜)，之後再叫咗象拔蚌同加拿大海膽（海膽甘香），大家都非常滿意。湯底揀咗沙爹拼清湯，佢地個沙爹好香濃，我每次都會叫，配牛肉十分夾！主角牛肉出場，我叫咗極上本地牛頸脊，肉質軟腍牛肉味濃，其他火煱料点咗: 必食響令(即炸)好香脆，黑牛栢葉，牛脷，墨魚滑（爽、彈），田雞，花雕醉蝦，魚腐，白鱔片（爽脆）……。每樣都好新鮮，值得推介比朋友，我地每年團年都去酒樓食，今年選擇打邊爐，所以個個都食得好開心！

本來想食蒸氣鍋, 坐底先話無, 只得火煱, 叫個招牌手切牛肉, 298蚊ㄧ份, 未食過咁差既本地手切牛肉, , 全部都咬唔開, 竹蔗水真係水一樣, 無味, 叫多半份新鮮鷄, 又係咬唔開, 價錢全部偏貴, 埋單每人三佰幾, 唔會再去喇!

今日係旺角買完波衫，女友想打邊爐，上openrice搵到呢間打去訂位試吓，坐底見到好多枱叫刺身食，應該唔錯所以問吓侍應有咩好介紹，最後刺身叫咗花竹蝦同南非生蠔，花竹蝦刺身好爽甜，生蠔都好新鮮飽滿，入正題打邊爐，湯底叫咗番茄海鮮鍋，原來包埋另外有盤海鮮，有虾有蚧有蜆都係新鮮貨，$188都幾抵食，有盤海鮮可以叫小樣嘢，個湯底番茄味道好濃郁，因為2個人食唔到太多嘢，所以叫咗2隻日本元貝，黑毛豬柳粒，皇帝菜，響令(原來係即炸)好脆好味，這店出品真係唔錯，海鮮刺身都好新鮮，尤其係湯底非常豐富好味，睇得出對選擇食材有要求，我會介紹朋友來試吓！

打邊爐一定要有靚牛肉係常識，這店巳經食過幾次，佢D手切牛肉每次都keep到水準，哩次叫左本地牛頸脊，牛味好重口感唔錯，其他食物好多都係自家制好新鮮，每次都一定會点，海虾雲吞（皮薄虾肉非常爽口，食得出用料新鮮），即炸響令（即叫即炸），手打墨魚丸，獅頭鵝腸（好肥美），聖子皇 (新鮮又大隻），湯底都好多選擇。今次揀左蕃茄海鮮蚧鍋(包括有盤海鮮:蚧，虾，白蜆，青口)蕃茄湯味道好濃，侍應叫我地飲碗湯再打邊爐，真係唔錯！見到間離枱碟泰式生虾刺身好正，大家都想試吓，所以叫左2碟，原來係用養係魚缸既海虾即叫即做，唔怪得咁鮮甜，今年生日飯熱熱鬧閙又一餐，總括打邊爐哩間都算唔錯，最好係佢地食飯無限時，慢慢坐都得！

之前朋友係度食過蒸氣海鮮鍋話唔錯，所以今次來試吓，果然真係幾好味，(但記住要訂位)。首先揀咗瑤柱排骨粥，開始揀海鮮，問經理有咩好介紹，最後叫咗，花竹虾，聖子皇，南非鮑魚，蜆，元貝，花螺，牛肉……首先食蜆先，好鮮味無沙，南非鮑魚好味有咬口，(同大連鮑魚兩回事)，花竹虾好大隻又爽口，超正，未試過蒸牛肉原來咁好食，蒸大約10秒左右就ok好有牛肉味，其他海鮮都好新鮮唔錯，食完海鮮已經好飽，差D忘記有粥食，以為太飽食唔到，点知㷛粥太鮮甜，又比我地食晒。如果喜歡食海鮮，這個蒸氣海鮮鍋可以試吓，食到海鮮原味又無味精！我地下次會試吓佢地D火鍋應該幾好，因為佢地D牛肉真係幾靚！

食過尼間幾次，之前都ok, 但尼兩次明顯唔掂，竹蔗茅根水冇竹蔗味，得過甜字，98蚊既黑豚肉，完全硬到咬唔開，埋單連埋加一兩個人食左8xx, 尼個價錢但咁嘅質數，唔會再去。

見係中秋節晚飯, 就決定試下邊爐夜去到間舖裝潢都幾好又有樓上空間唔算太逼openrice極力推薦冬瓜盅湯底就一於試下個湯底其實係唔差既不過如果比起某尖咀"大X袍"既金X藏嬌湯底性價比就差的啦之後叫左都幾多野下, 16碟小菜其中要讚既一定係白鱔片, 南非鮑, 蝦滑, 即炸響鈴, 同自家制竹蔗茅根水以上款式黎到既話一定要試至於本地手切牛頸脊, 聖子, 豬腳根, 魚皮就一般水準而游水海蝦最唔抵得7隻(成$128碟, 平均18蚊隻)唔太大隻, 顏色唔太新鮮 總結而言如果係呢個價錢同質素的話尖咀旺角會有更多選擇

之前已經來食過2次，前2次試過蕃茄海鮮蚧煱同魚湯都好正，應該無咩味精， 幾鮮味，所以今次試下冬瓜盅，夏天消暑好選擇！坐底見到生蠔有優惠每人叫2隻先(好新鮮，抵食)！ 冬瓜盅來到，侍應用刀叉切開左個冬瓜再分左幾碗，飲啖靚湯先(好鮮甜)！ 然後叫左至愛既牛肉，此店D牛肉出名靚(又腍，又重牛肉味)，仲叫左響令(即叫即炸)，白鱔片，猪粉腸(新鲜)，脆炸午餐肉(每次都叫)，手打三寶丸(爽口又彈牙)，三色餃……。埋單每人都係二百幾，食物水準依然保持，而且新鮮選擇多！

早幾日有朋友去過哩度食蒸氣煱讚口不絕，話D食物新鲜，價錢唔貴，於是約埋屋企人星期日同老豆慶祝生日，因為老豆鍾意食海鮮！ 打去訂枱(朋友提醒記住要訂枱，因為蒸氣煱是限量供應)，再多口問下生日有咩優惠，侍應話生日送壽桃包，幾好喎！今晚食乜：小食 - 炸蝦餅(好多蝦又彈牙)，鹽燒牛舌(好正，唔韌)。刺身 - 花竹蝦(爽甜)，生蠔(好新鮮，仲有海水味，而且做緊特價，抵食)主菜 - 瓜子班(好有魚味)，鮑魚，蟶子皇(好大隻)，花蟹(好鮮味)， 蜆，赤貝，頂級牛肉(侍應推介，話蒸牛肉係意想不到咁好食，真係無講大話，原汁原味，食盡所有牛肉味，正)，釀鮮冬菇，粟米(好甜)……，最後挭係食埋煲粥啦，所有海鮮精華滴晒落去，再加埋南瓜排骨，真係鮮甜無比，好味！

過2日係好姊妹生日，大家諗緊去邊度食飯之際，係FB見到哩間火煱店做緊生蠔優惠，於是click入去睇下佢地既綱頁，見到好多食評同相片，最吸引我梗係牛肉，碟碟都好靚，D食家都話正，最緊要當然係大家都好鍾意打邊爐，於是約埋班friend去一試哩間舖出咗深水埗地鐵站行幾分鐘就到，因為訂咗枱，可以即刻入座，入到去裝修幾好，有魚缸，又有生蠔柜。坐底望下餐牌除咗生蠔有優惠，仲有刺生都有優惠，仲可以2樣一齊點都得，出面有D舖優惠食物每枱只可點一樣，哩度正！ 咁吸引，當然我地2樣都點啦！生蠔即叫即開(新鮮，仲好重海水味)!打邊爐最緊要梗係湯底啦，見到間離幾枱都點咗蕃茄海鮮煱，一定係招牌菜，我地梗係要點啦，上到枱D海鮮係分開上，有蚧、蝦、青口、蜆 (隻蚧同蝦仲郁緊)，好豐富，再望下煲湯，橙紅色，好多蕃茄(飲啖湯先，好甜好濃好足料, 一人一碗)。食物點咗牛皇拼盤，盤內分三層，每層都放唔同牛既部位，最正係牛柳粒(入口甘香), 仲有第一次食既牛白肉(出面未見過，開頭仲以為係肥膏，好爽，正)，其他有廣島蠔(肥美)， 鱔片，手打三色丸(彈牙)，響令，水餃……食飽飽上蛋糕之際，又有驚喜，店長知道我地有人生日，送咗壽

上星期父親節同屋企人來打邊爐食過佢地D澳洲生蠔coffin bay，念念不忘，因為做緊優惠$15隻 重係即叫即開，非常美味，同D波友講開，個個都話想試，大家就話今晚踢完波去食，坐低第一時間叫咗生蠔同埋小食先，佢個煎蝦餅非常好味 (好彈牙好多蝦)，上次試過冬瓜盅湯底，好正，成個冬瓜好消暑，所以今次再叫，實在太肚珴，成㷛湯比我哋飲哂(哈哈)，再加湯開餐，點咗本地牛頸脊 (肉味好濃)、芝士蝦丸、韭菜餃(my 非:，好多韭菜)、珊瑚蚌、蜆、響令、醉蝦、豬什(新鮮)、脆脘腩、炸白豬午餐肉，太好食(外脆內軟)，一放低就無晒, 所以前後叫咗3次。樣樣都好新鮮，好好味，最開心係埋單先知原來9点後有夏日優惠！火鍋配料有7折！成班波友都話好食+抵:。

上網無意中發現這裡有蒸海鮮，滿心歡喜特意搭地鐵去深水埗再行十分鐘路程前往。舖面細細，只放了3張細枱和2張十人枱，一眼望哂。看到牆上的海報和員工告知，原來蒸海鮮要預早電話預定，所以那時我們只可選擇打邊爐或者離開，我見他們好像是剌身同火鍋專家，於是就一試。說是有原條象拔蚌特價$198，但我們見只有拳頭般大，於是沒有叫，改叫7百幾元一條那款，那貌似經理的立即笑逐顏開，態度是十分的好。象拔蚌來了，比我們預期的小，嚴格黎講同198的差不多，我們以為比錯左，於是叫人來確認，那時有3個員工，但我們舉了手好耐，應該有5分鐘以上都冇人理，5張枱3個員工都顧不了，真的不容易接受! 後來終於叫到個經理，佢解釋呢條輕左一斤比我們，平左一百元，咁都要6百幾，仲要同我們講那是全鋪最靚的，原來已是「最好」的了...說真的，真的好呃稱，得果廿幾片就呢個價錢，應該只有這間「專家」才有！之後點了幾碟火鍋料，有肥牛、鵝腸、水餃同菜，肥牛同鵝腸都很美味，其他的都是好難出事的食材。總括而言，刺身十分不值，火鍋普通，兩個人食左$1,500，以它的位置、裝修同服務，真的沒有原因再幫襯了！反正長沙灣、太子有更多選擇⋯⋯注: 記得ch

收工搵飯食，上openrice睇吓有咩好嘢，見到哩間火鍋有夏日優惠，$15隻澳洲生蠔 ， $198原條美國象拔妦 , 好抵食，而且大家都鍾意食刺身，一於打去訂位試吓，今日都有成30幾度，但8:00 去到差唔多滿座，8個人叫咗8隻生蠔(試吓先，生蠔即叫即開真係好新鮮，仲有小小海水味)，所以再叫多2打，另外仲叫咗兩條象拔蚌刺生( 正，好鮮甜)，湯底揀咗冬瓜盅，幾特別先飲湯再打邊爐，店員推介本地牛頸脊(好得，好有牛肉味)，即炸響鈴(睇見枱枱都叫，一定係好野，果然好新鮮好脆)，手打虾丸，鵝腸，白鳝片……雖然第一次光顧但印象唔錯，食物新鮮選擇多，店員服務都幾好，原來哩度有蒸氣海鮮鍋，不過要預訂，所以我地已經訂咗下星期再來食！