金潮泰

營業中

休息中

想講生菜包真心好好食 份量多仲好抵！ 老闆好好人 仲比左好多生菜肉碎份量好多 都只是$58出去啲泰國餐廳又貴又細份 呢間小店真係性價比極高另外 沙嗲都超好食!!! 叫左沙嗲雞肉 又好大份! 性價比極高呢家見佢地香茅雞翼都做緊特價$30 有5 隻 是好味的最後老闆仲要送左野飲比我 是菊花茶 好好飲！除了東西好食 仲好有人情味 會再回購❤️出色嘅小店好耐都無係香港既店舖感受到人情味 老闆真的好好人 也好有禮貌 希望這間小店既食物可以有多啲人嘗試到！

我前两周连去咗两次石门地铁口附近嘅金潮泰，一入去就觉得好方便，出地铁口行几步路就到，交通真係一流！店内环境干净整洁。讲到味道，真係无得顶！呢间係我食过最好食嘅泰国菜，唔单止喺香港，就连我喺泰国都未试过咁正宗嘅味道。冬阴功汤特别浓郁，香味扑鼻，一饮落去就感觉到浓浓嘅奶味同香茅味，真係令人一试难忘。佢哋嘅猪颈肉真係不得了，份量好足，味道鲜美多汁，咬落去口感一流。冬阴功猪颈肉河粉比我喺泰国食过嘅仲要好食！我以前喺美国同英国读书嗰阵，经常会去泰式餐厅食嘢，但都未试过咁好味嘅泰国菜，真係令我惊喜。店内仲有一位靓仔店员，服务态度非常好，热情款待每一位客人，笑起来阳光帅气，令人感觉到好温暖同亲切。总括嚟讲，金潮泰真係一间值得一试嘅泰式餐厅，无论係交通方便、环境干净定係味道正宗，都令人非常满意。强烈推荐大家去试试，保证你会同我一样爱上呢度嘅美食！

經過諗住試下，第一次食咁難食既泰國菜，未見過炒金邊粉係濕既，啲沙嗲醬甜到好似食緊糖水，叫左牛丸墨丸，豬頸肉魚餅全部同一個味，甜到懷疑人生，全部野都好難食，絕對唔會再幫襯

呢两个星期日的保留节目，都系去石门食金潮泰。老板娘好好笑容，劲nice！店铺入面有个靓仔店员，好似係老板娘个仔，都好有礼貌！呢间铺头份量超级足，真正係大件夹抵食，平过深圳添！所以好希望佢生意再好D，开到连锁。今日点咗青咖喱米线四宝，沙爹牛丸、鸡肉，青柠檬茶，同芒果糯米饭，老板净係收咗113蚊。我唔知係老板特登少收我钱，定係我八达通唔记得增值，净係俾到113蚊😅唔好意思，下个星期去，一定要补返差价俾老板娘。呢间铺头的青咖喱同冬阴功都好浓味，食完会好想再食返，十分推荐👍

由10年前讀緊書係禾輋街市，食到愉翠苑舖結業，一直都好掛住！間唔中就喺OpenRice search吓，竟然有意外收穫！見到喺石門開番即刻去買！係嗰陣未味！再比以前濃味咗，不論係汁、配料定係肉同麵都非常足料！唔係住喺本區都專登揸車過嚟食！大家都要試吓！我最鍾意佢嘅沙嗲雞肉同豬頸肉撈米線😋重點係成間鋪嘅人都好熱情同超級有禮貌🩷希望佢長做長有，生意興隆💵唯一缺點係佢得一張枱堂食，變相要搵地方自己食，不過佢一直經營嘅模式都係外賣為主。

真係太開心啦 疫情期間老闆娘返咗泰國，以為從此就無機會再食。啱啱喺附近諗緊食咩嘅時候，上網再搵，竟然俾我遇返佢 味道冇變，咁多年嚟都係咁好食，仲要坐得比以前舒服！帶埋老公返嚟佢都話正 ！四寶河個湯同以前一樣，河粉滑，仲係勁多料，個幾條生菜一樣咁爽。雞串食物盒上，更方便，沙嗲汁濃郁，夠多！老公個冬蔭公湯食完唔口渴，米綫滑，加埋杯青檸檸檬茶，享受！期待下一次再有機會返嚟食 希望更加多人可以欣賞到佢嘅美食同人情味

返工放lunch時間食到泰國嘢是一件很幸福嘅事金潮泰有幾個底可以揀見前食過兩次 兩次都揀沙嗲撈 兩次都好足料沙嗲撈 汁多 好食 面底揀咗金邊粉 正常發揮豬頸肉有咬口 好入味 味道正常外賣嚟講是很不錯的另外服務員態度非常好 值得嘉許

因為喺附近返工，所以就喺呢度嗌咗外賣返公司食。整體價錢嚟講都幾抵食，中午嗌套餐仲可以送一杯特飲，我就揀咗鹹檸七，都幾大杯下。煮食我嗌咗泰式炒金邊粉，整體份量好多，但係同一般泰國菜唔同就係冇得揀自己想要嘅肉類，入面剩係得蝦，但係夾埋芽菜同花生碎都幾好食嘅。但係我就略嫌金邊粉太硬了，而且suppose個金邊粉應該係乾炒，但係唔知點解呢間炒出嚟好濕，好多汁，唔太鍾意，而且味道來講，食到最尾覺得有啲太鹹啦。

呢間金潮泰係我中學回憶 真係食左十幾年大約兩年前見佢愉翠街市個舊檔執左真係down左一排 點知近日係網上見人講佢係石門開返真係超級開心 仲以為以後都食唔返😭😭😭新鋪環境寬敞左 又衛生左見返泰國老闆娘 都係一如以往咁nice😊😊搬左新鋪價錢微微上調左 但都仍算實惠不過新鋪淨做外賣 以前都話可以有少少位堂食叫左四寶米線清湯多辣 $40佢d湯落辣真係會食上癮 超爽無食兩年再食返好感動不過今次食有少少唔夠咸 少少咁多大致上味道都係同以前一模一樣作為熟客可以食得返真係好開心失而復得既感覺🤣🤣🤣

見到新開咗呢間泰式食品只做外賣 😆唔貴一於試下… 點知失望🤪等外賣大概等15分鐘，但係嗌number的時候好細聲，條街咁嘈真係冇乜邊個聽得到🤣🍲清湯墨魚鬚金邊粉$40墨魚鬚大概八至九條 口感太硬, 加上沒有燒過嘅香味, 有兩條生菜, 但係金邊粉好少唔夠飽, 加上湯底味精味好濃得個鹹字, 這裏沒有分湯 隔, 所以啲金邊粉浸到林曬🍴青木瓜沙律 小$30size正常木瓜新鮮, 有青檸蕃茄蒜頭花生, 亦都係鹹味較重, 不夠酸辣泰式味道🥭芒果糯米飯$25小芒果六件， 糯米飯較細粒欠缺口感， 椰汁不算太甜， 味道正常

石門新開泰國菜外賣，見到門口餐牌價錢優惠就試吓佢，買了冬陰功四寶金邊粉，牛丸金邊粉，雞絲扎肉金邊粉、2份生蝦，串燒牛丸、酸辣鳳爪😋 正宗泰式生蝦必試👍🏻愛辣人士必加醬汁！正👍🏻！（生蝦不是每天都有）正宗冬陰功湯河味道👍🏻河粉份量男士食都飽，女士食唔晒，價錢又優惠🤭串燒牛丸加醬汁又係冇得彈😋😋😋下次去開沙田想食泰國菜會再去買，外賣自取又快👍🏻…. 確實好味食晒先記得冇影相🤭下次食再影😋

石門冇乜泰國餐廳好食 見佢新開就試一次 嗌左個泰式炒金邊粉 落單個陣同左職員講話要走芽菜 但翻到公司發現冇幫我走到 有啲失望 但我覺得可接受嘅 因為我真係超唔鐘意食嘅關係 我係會自己揀翻出嚟 但我愈揀愈唔對路 原本個份量已經好少 食完可能啱啱夠飽個啲 但我揀走哂啲芽菜發現原來成碟野有3分1都係芽菜 唔怪之得佢唔幫我走啦 如果佢幫我走左芽菜 咁個份量完全唔飽 其實石門啲餐廳食個lunch都起碼60蚊起 如果佢做唔到平得嚟又份量夠飽 我唔介意佢賣貴啲 起碼人地lunch食完會飽先 呢方面真係要改善下另外味道其實好淡口， 啲蝦又死嘅 食得出 其實唔太ok

正宗泰國口味，由泰國人主理，味道很好，價錢實惠（比九龍城那些泰國鋪便宜），家庭式經營的小食店。缺點是只能外賣沒有堂食，希望店主日後能擴充業務，客人能堂食便最好了。地點很方便，一出馬鐵站便見到。

見新開係呢頭返工就試下，$35個湯粉，我女想試炸魚蛋金邊粉（返到去打開，見到個份量就嚇親，得個碗嘅一半，最最後我個女都話唔夠飽）。老公想試芒果糯米飯（但可惜6:05pm去買已經售罄），轉食炒金邊粉（呢一個都係，我老公一夾起就話，嘩得一兩啖😅），但個味道OK嘅係淡左少少，同埋份量都係得飯盒既一半，太少我自己叫肉碎炒飯（呢個就正常啲，係超多飯（多既係飯），肉碎都係偏小，不過我就住啲肉碎送飯，都剛剛夠），味道好 ok最後我哋3個食，得我一個飽，因為飯多，女同老公都要再整野食🫣

中學時期就經常和同學去愉翠苑街市購買，一碗燒雞湯河粉、一串牛丸串燒、一杯咸檸七就是我們的午餐❤️估唔到在石門重開了！！店主親切友善，食物美味，性價比高，非常推薦👍👍👍價錢非常實惠，粉麵由$35起，炒金邊粉$45、芒果糯米飯$35，不用看價錢點餐都不會肉赤👍四寶清湯河 仍然是記憶中的味道