金牌源記 (已結業)

星期六都要全日工作既小編放工後需要獎勵一下自己🥳.同朋友們試左呢個蒸海鮮套餐十一款蒸海鮮有唔同烹調味道.最驚艷有呢三道🦞蒜蓉粉絲蒸波士頓龍蝦龍蝦肉鮮甜彈牙 加上蒜蓉粉絲 係無得彈既味道🤤.🍴菓皮蒸十頭鮮鮑魚軟腍腍既鮑魚非常厚肉 新鮮既食材唔需要太多其他既味道小編重口味沾上辣椒鼓油 好提鮮惹味👍🏻.🦀源記荷葉蒸蟹飯食到最後其實都非常飽 蟹飯用上肉蟹 膏味好重 荷葉飯吸收左蟹既精華 幾飽都食返幾啖🤤.總括黎講 原本以為$288一餐海鮮餐都應該係普通質素但店舖老闆做開海鮮批發 新鮮直送🚚食落款款海鮮好新鮮鮮甜🤤.套餐附有燉湯同是日甜品🥣🍨除返開個一道都係$20左右 諗落CP值好高🤙🏻.仲有每道海鮮都會係面前按素材有唔同時間即蒸 呢餐飯都食左兩個半鐘 絕對係中式海鮮Fine Dining🦐🦑🐟💁🏻‍♀️.人均消費：$288推介指數：👅👅👅👅👅👅👅👅😋（8.5/10）Encore指數：🤙🏻🤙🏻🤙🏻🤙🏻🤙🏻🤙🏻🤙🏻（7/10）

🦐原汁原味CP值高蒸海鮮🦀—😍最近係荃灣新開左間專門食蒸海鮮，海鮮由傳奇海鮮批發有限公司每日魚市場新鮮直送，$288一個海鮮餐好抵食，重點係每樣都好新鮮，食左成餐每一樣都好鮮。—🦞蒜蓉粉絲蒸波士頓龍蝦龍蝦非常新鮮，多肉嫩口，仲要有海水味，蝦膏都有。👉果皮蒸十頭鮮鮑魚果皮味重，鮑魚好新鮮好滑，大細適中。👍豉汁蒸大鱔超好食，食第一舊鱔好彈牙，之後就每一舊都好淋。🦐清蒸生猛海蝦海蝦都係好鮮，好甜，大大隻。🐠清蒸花尾龍躉龍躉個部位偏多骨，但都係滑。👍油鹽水蒸時令大蜆大大隻蜆好重果皮味，冇沙👍🥬梅菜蒸菜心菜心好粗，想淋D又得，爽D又得，梅菜洗得好乾淨。蒜蓉蒸扇貝蟶子皇扇貝肉略細，但依然好鮮，蟶子好大條，脹卜卜。🦑梅子蒸長筒魷個底好特別係用腸粉做底，魷魚好新鮮源記荷葉蒸蟹飯原隻蟹加上荷葉，D蟹膏加蟹汁滴落D飯—

近排鍾意食蒸海鮮或者海鮮火鍋，荃灣呢一大其實有好多餐廳，價錢合理嘅小店😎金牌源記係近期新開嘅餐廳，裝修比較簡單，似茶餐廳風格，主打蒸海鮮🦐蒸海鮮套餐$288一位，價錢經濟🤗套餐包是日燉湯，燉湯熱辣辣，一盅盅，入面都幾足料，有蟲草花、排骨，飲落夠甜，幾滋潤。當飲緊個湯嘅時候就開始蒸海鮮，龍蝦面上面有好多蒜蓉級粉絲，而且都幾大隻。之後有我鍾意食嘅鮑魚，面上面有果皮，而且鮑魚已一早起肉，非常方便☺️揀咗豉汁蒸大鱔，仲有海蝦🦐蝦好爽口，大隻夠甜😋魚方面有花尾龍躉，厚肉， 但魚肉唔夠結實。接著有蒸大蜆、 菜心、蒸蟶子皇、 扇貝 😉 我鍾意食蟶子皇，因為夠甜好新鮮。 再食埋魷魚筒，辣辣地🌶️ 最後以荷葉蒸蟹飯作結， 蟹肉爽口鮮甜🦀呢個好味呀😋

📍 金牌源記 （荃灣）性價比極高蒸海鮮 🤤 呢個價錢好過食放題啦，誠意十足，佢有一間海鮮批發公司，唔怪得啲海鮮咁鬼新鮮🤤✅食物非常新鮮、海鮮大件，波士頓龍蝦、海蝦大大隻好鮮甜。大蜆都超級鮮甜🤤蒜蓉蒸扇貝好好味，粉絲蒜夠多好香，真係全部都好好食呀✅新開張十幾日，光猛舒服乾淨✅蒸爐係新既，每一層自動化計時，夠鐘就響，唔怕蒸到過火大鄉理表示好正✅服務態度好😇每樣細心幫你蒸海鮮✅最尾陳皮紅豆沙好足料 紅豆大大粒.人均消費：$288免加一 （起碼預2.5小時食）我覺得係抵食，有10樣蒸海鮮平均$28.8一碟好味指數： 1️⃣2️⃣3️⃣4️⃣5️⃣6️⃣6️⃣7️⃣8️⃣9️⃣9/10分地址：金牌源記 (荃灣)荃灣鱟地坊62號地舖（荃灣站b出口行7分鐘）#hkfood#hkfoodstagram #hkfoodieblogger#hkfoods #hkfoodielife #hkfoodie#hkfoodpic #foodielife#foodiesofinstagram #foodies#ctfoodie#hkfoodshare#cteateat#cteateat_荃灣篇#大眾點評 #香港美食#火鍋#打邊爐#吃貨人生#吃貨#美食推薦

#LuBie荃灣#LuBie港式#LuBie海鮮🔽香港人鐘意打邊爐就已經係出晒名嫁啦，而熱愛海鮮既程度亦都不下於打邊爐，有咩好得過將呢兩樣野擺埋一齊呢？近年興起既蒸氣火鍋就應該岩晒中意食海鮮既香港人啦。我最近就食左一間新開既蒸海鮮店，佢地既做法就同蒸氣火鍋差不多，只係少左放呢米落個蒸爐底既姐。🔽試左佢地最主打既原味蒸房海鮮套餐，見到啲野食以為睇錯野，$288竟然可以食到龍蝦、鮑魚、鱔、蟶子同扇貝等 咁多樣海鮮，仲會送埋燉湯同糖水。開頭心諗 應該係啲唔太新鮮既海鮮啦，但係食完又發現佢地啲海鮮幾新鮮下，啲蝦未蒸前仲識郁既。🔽成個套餐有幾樣野係覺得唔可以錯過既：🦞蒜蓉粉絲蒸波士頓龍蝦隻龍蝦雖然唔算好大隻，但肉質結實得黎好鮮甜，加埋蒜蓉粉絲 香口得黎好有飽足感。🔽🐚蒜蓉蒸扇貝蟶子王兩種貝類既size都幾大隻，鮮甜厚肉，唔會好霉咁樣，睇得出海鮮既新鮮度唔錯。🔽🦀源記荷葉蒸蟹飯蟹蒸到岩岩好熟，啲湯汁洗晒落啲飯度，飯除左吸左啲蟹既汁 仲吸收左荷葉香味，拌埋佢啲蒜蓉黎食，味道好豐富。🔽呢度啲野雖然每樣野食份量唔多，但新鮮度唔錯，樣樣食啲 食晒咁多樣真好係好飽。以佢個價錢黎講，性價比幾高。值得一讚既係侍

原味蒸房海鮮套餐🤩$268今餐四個字形容，新鮮，抵食🤤而且相片全部都係一人份量😚叫得做海鮮套餐😎龍蝦🦞鮑魚😎絕對係基本要求😝當然點少得魚🐟蝦🦐蟹🦀等同伴😂全部鮮味十足，根本無可挑剔👍龍蝦夠大隻，啖啖肉，食得好爽😍荷葉蒸蟹飯，竟然有唔少蟹膏😘大蜆仲郁緊，夠哂生猛😉蒸大鱔龍躉，霸氣十足😏全程自行用蒸氣焗✌️只需蒸幾分鐘，即可進食😚相比其他烹調方式點都健康啲😏而且完全保留原汁鮮味🥳所以我一滴醬油都無用過🤫12道菜有10款海鮮🤩除返開先廿幾蚊一道😉我心諗，自己買齊咁多款的話🙈絕對唔平，仲無乜可能噤新鮮😝之後同店員閒聊🙂原來店主係做開海鮮批發😎所以全部新鮮直送👍今餐的確非常滿足，十分滿意🤩整體CP值相當高☺️回頭指數係極高😝12道菜，款式如下 - 10款海鮮:蒜蓉粉絲蒸波士頓龍蝦菓皮蒸十頭鮮鮑魚豉汁/梅子蒸大鱔 清蒸海蝦清蒸/剁椒蒸花尾龍躉油鹽水蒸時令大蜆蒜蓉蒸扇貝蟶子皇梅子/剁椒蒸長筒魷源記荷葉蒸蟹飯其他:是日精選無添加清燉湯梅菜蒸菜芯精選糖水