金玉滿堂

營業中

休息中

食左幾次都無影相😅一坐底就黎左壺陳皮普洱茶，又窩心又飲得舒服D糖水keep住做緊抗疫價，好抵食前兩日食完龍眼冰，老闆娘咁岩整咗個燉雪梨，睇黎要打去訂，潤一潤喇☺️希望呢間小店繼續做落去喇！我次次都特登大埔揸車去飲完夜茶，打完冷就過去幫襯！☺️

講真，本身唔想公開，因為舖頭細細，怕你哋蜂擁而至我食唔到。但首先我無影響力，其次好嘢本應開心share。食過幾次，主菜試過西班牙黑豚肉日本元貝台灣麵(幾國際化)，豚肉嫩，肥瘦適中，肉味偏淡，中和返鮮雞湯底嘅濃厚。元貝直情係一嚿嚿咁堆上嚟，慷慨程度令人感動。個麵好滑但唔會無口感，最勁抽係啲蔥，竟然用日本京都九条蔥，係唔係好過分？老闆娘傻咗！而我！感動到哭_咗！小食玫瑰露雞翼，酒香慢慢滲出嚟，好過癮，鹵水有層次唔係咸咁簡單，隻隻size一樣，肉厚又嫩滑，揀過先奉客，誠意有眼睇。最最值得介紹係甜品🍮，至今試過幾款，金箔龍眼冰粒粒龍眼都咁大咁圓，新鮮生果嘅清甜爽口，無得呃人。老闆娘話男朋友做果欄生意，所以入到揀手貨🤪😋另外試過芋圓杏仁露，個杏仁味好濃、好香，食緊都覺得補，塊面白咗兩度。芋圓軟綿綿有咬口，好治癒。至於椰汁芋頭糖水係最新嘅潮州風系列，我從未食過咁杰嘅芋頭糖水，食到芋頭絲同蓉，好飽足，不計功本，真心顛。超親切健談嘅老闆娘話自己開店都係尋開心，鍾意煮，又鍾意分享，唔講賺錢，我信咖，你去試一次就知！

喺大圍食完lunch就過咗嚟食甜品。呢度甜品數量好多，正當我十五十六嘅時候，老闆娘就強烈推薦我食金箔龍眼冰！既然講到咁正，就一於點啦！❤️金箔龍眼冰$48一上枱見到有十幾粒龍眼肉，仲有金箔喺上面，即刻嘩一聲！同menu張相相符！龍眼肉絕對唔係用罐頭，而係用新鮮龍眼肉。啲冰好細滑，充滿牛奶味，仲有少少椰汁味！好食度：⭐️⭐️⭐️⭐️(4/5)✅好清甜，消暑好選擇✅咁多龍眼肉，超抵食餐廳推薦度：⭐️⭐️⭐️⭐️(4/5)一入舖頭老闆娘已經熱情款待，好健談😂 難得揾到咁有人情味嘅店，值得嚟下！

今日同個friend 出完街，行到黎大圍突然好想食甜品，就專登search d甜品鋪，本身諗住去第2間既，但點知因為太早未開，行行下諗住繼續搵既時候就俾個店員係門口說服到食呢間！一入黎睇menu, 以為得甜品揀，點知原來都有賣午餐，可惜因為我地目標就係食甜品，所以都冇叫到佢既牛肉麵，我地最後分別叫左黑糖琥珀珍珠紫薯窩夫（$42）同埋紫霞仙子（$38）！一坐底未叫野食，佢就會先送上一壺茶，我聽就好似話係普洱茶，但唔知係咪聽錯左，因為飲落就似係涼茶，苦苦地，但唔係難飲既苦，而係甘甘苦苦！首先黎既係紫霞仙子（$38），入面有意大利凍粉、椰汁紫米、黑糖紫薯圓、地瓜圓、芋圓，面頭仲可以加一種口味既意大利雪糕，而我地就揀左抹茶味，意大利凍粉口感就好似仙草凍絲咁，冇咩特別既味道，椰汁紫米都煮得好林，而d地瓜、紫薯、芋圓口感煙韌，唔會因為凍左而硬晒但最令人驚喜都係個雪糕，抹茶雪糕味道有少少苦，唔似街上食個d好甜，但苦得黎又唔會過火，反而又好似有d甜甜地，呢個矛盾既感覺令人想一啖一啖咁試真d個味！至於我地第2個甜品就係黑糖琥珀珍珠紫薯窩夫，個雪糕我地就揀左芋頭味，雪糕面有少量金，成個感覺高級左好多！窩夫

一間用心的店，食材講究，點滴用心。因為夏日炎熱關係，所以特別喜歡吃冷麵，點了冰鎮豬手讚岐烏冬(烏冬彈牙，豬手味道剛好)朋友點了牛腩牛筋台灣麵(湯底沒有味精，分量十足，牛根好到位)甜品金箔芝麻糊(吃得出是自家磨的，比例正宗)金箔龍眼冰(推介消暑佳品，清甜配搭一流)牛奶綠茶芋圓雪糕，裏面有爆珠，香濃牛奶綠茶味，也值得是推介的。值得一提，店家的10年陳皮茶非常解渴，服務態度良好，有家的感覺。感恩、珍惜，堅持、有誠意的店。

The owner is very friendly and the desserts were great . Loved the 龍眼冰 （not too sweet and refreshing) and the 花膠羹. Also try the beef brisket- full of flavor and full of collagen. Definitely drop by for a chill evening snack, I will be back! Prices are very reasonable for the effort and care put into the food.The shop opens around 6pm.

同女朋友睇完戲口淡淡，路過大圍對呢間小店冇乜印象，應該新開的，就喺門口望下有啲咩食，睇咗陣有個後生仔出嚟好熱情咁介紹佢哋嘅招牌甜品金箔楊枝甘露，見佢好努力咁不斷介紹，咁就唯有外賣一杯幫襯下。說實話，店員很努力介紹他們的楊枝甘露嘅賣點係有金箔，但係眾所周知金箔其實冇味道只係畫龍點睛，所以介紹技巧有待改善😅，但味道卻相當有驚喜，比我想像中嘅芒果味更加濃郁，而且還有附帶芒果肉，西柚肉亦都唔少，甜度亦很適中，滿意的！這就是我對這間舖頭第一個印象，相信自己會再嚟幫襯

這店最好的地方是，午市也有甜品供應，對於嗜甜的人來講，甜品也可以當午飯吃。🤭 記得第一次光顧的時候，老闆娘詳細介紹了他們用的食材，全都挑最好的來用，哪個地方的食材新鮮、時令，就從那個地方採購，價錢亦很親民。金箔龍眼冰 （$48）龍眼從泰國空運到港，果肉清甜爽口，冰底以新鮮龍眼、椰青水及鮮奶炮製，即叫即刨；冰底即使放久了，也不會融化成一灘水，反像濃稠的椰漿，椰香味濃而味道清新，冰底綿滑。（個人覺得打包回家吃，那個質感就剛剛好）面層再鋪了一層水晶珠、密佈的龍眼肉及日本玫瑰金箔 😍水晶珠更豐富了刨冰的口感，非常巧妙的配搭。$48 好超值呀！

今日叫咗個紅棗人參敦雞湯🐓湯非常有料🤤有原枝人參！海量雞絲當上枱時，老闆娘很熱情教我點食。個米酒係老闆娘自家釀制，隔離枱都嗅到鼓酒香味🤩食完暖粒粒🤣重要冇味精🤤正到爆，食到lamlam利 。唯一有意外係⋯⋯我以為係原隻雞⋯⋯點知原來係雞絲，不過算了，佢個價錢真係超值嘅！另外再叫咗個鮑魚花膠雞絲羹🐟超級足料🤤有好多花膠同雞絲，入面真係有原粒鮑魚🤤🤤啖啖肉。重有超多雪燕🤤🤤🤤到尼🤤🤤🤤🤤老闆娘好有人情味😭超級大好人！擔心顧客吾夠口罩，送二個比我地😭尼個一罩難求嘅時勢，竟然會送比顧客😢真係太warm 了。咁有heart 又好味，冇味精嘅餐廳，大推🤤

大圍新店。主廚兼老闆娘熱情招待！新店除了甜品，亦有熱食供應。臨近農曆新年，還有盤菜供應。小店光線充足，店面空間不多。甜品🍮選擇很多，新派，熱派各式其式。這是送的。抹茶凍味道濃濃！金泊龍眼冰上枱是一座龍眼山超多龍眼肉冰有龍眼味道的這個必試！我地點左幾個熱食。熱食無龍眼冰咁出色！鮮奶沒有味道，應加點冰糖蓮子百合應多一點才像糖水鮮奶燉蛋，好古怪的，奶中有一磚燉蛋整體來講，熱食價錢不值. 出品一般！凍食ok!小店有heart的，用具擺設十分細緻精美！

經過新開嘅糖水甜品舖做緊推廣價🤩仲有我想食嘅抹茶🍵甜品🍮唔理咁多即係衝入去食🤤🤤翡翠抹茶奶凍特價$28😳奶凍食得多，抹茶奶凍都係第一次食😳😳而家仲有好多嚿😋加埋個抹茶雪糕球🍨滿足晒抹茶控嘅要求👍🏻👍🏻配合埋滿到瀉嘅奶真係無得頂仲有好多都好抵食😋😋😋下次試下金萡楊枝甘露 仲有招牌金玉號仲有好多抵食推廣價嘅糖水同甜品😋😋😋睇舖面就覺得老闆真係好鍾意熊大🤣🤣環境又唔算好難揾 位於積信街附近好易揾到🚶🏻‍♂️🚶🏻‍♀️

食飽飯入來食糖水金箔海燕木瓜西米燉鮮奶木瓜與鮮奶燉的剛剛好，出晒味好好食，上面還搭配上金箔。用料很實在用心，鮮奶用北海道3.6濃鮮奶海燕份量給的很多，冬天來一碗馬上全身暖笠笠，連碗盤擺飾都很用心，搭配上金箔朋友點金箔合桃露芋圓，核桃露又香又滑裡面的芋圓不止一種，有的芋圓還有包餡Q彈好食。店裡環境空間算大，讓人在內用餐很舒適自在，店裡還有賣其他台灣道地的牛肉麵、日式小食。下次都會再來試試其他正餐與甜品好店值得推薦🥳👍👍👍👍

讚1.賣相好，影相好上鏡2.味道算幾精緻，芝麻糊幾香，沙冰磚雖然食起黎有啲論盡，但嗰個花生味相當濃3.龍眼冰味道相當清新彈1. 上菜速度實在係慢得有啲過火2. 侍應太新手，上菜度搞到亂晒

而家有特色既小店真係愈黎愈少見.... 初時比餐廳店內既照片所吸引，食完發現真係物超所值，仲覺得有賺添！一入黎老闆娘就超 級 nice! 詳細介紹每一個食品既烹調過程，每一道菜都係佢既心血黎💞 牛腩牛筋台灣麵🍜 ($58)用左幾個鐘熬製既牛肉湯底，成碗連湯都可以飲哂嫁！而且牛腩牛筋都係超淋超好味，老闆娘仲推介埋佢地自家製既辣椒醬，唔會好辣，唔會蓋過本身湯底既味，兩樣夾埋完全係恰到好處😍蒜香花雕雞翼尖 ($28)辣度適中，蒜香味唔會過重，個皮好滑👍🏻金箔抺茶凍 ($42)一定係抺茶控既大愛💚💚 用咗日本正宗抺茶粉，再加入豆漿，甘甜既味道超級夾，而且一定唔會令你覺得膩😋 金箔龍眼冰 ($48)呢個一定係店入面既signature item！龍眼肉足足有半磅，由泰國新鮮運黎HK，唔係罐頭龍眼黎～然後再用椰青水、鮮奶、龍眼肉等材料攪拌，再加入刨冰，完成！哇一聽就知係一個好用心既製作，好足料👍🏻最鍾意係呢款海燕鮮奶燉木瓜超用心的甜品，老闆娘用左2個星期絞盡腦汁諗出黎😄將海燕放入木瓜奶食，木瓜已經融入左鮮奶入面，仲有d西米同櫻花芋圓，做得好出色好正！唔夠甜可以問佢嫁～不過我覺得都夠甜了❤呢間主打台

踏完單車係大圍諗緊食乜好，路經門口見到呢間餐廳個老闆娘係門口熱情介紹，所以就入去試一試。外表睇落好似只係糖水店，不過佢有埋主食同小食都幾一條龍服務。一坐低老闆娘就已經開始推介每款菜式係用咩食材整，啲食料有幾正。咁我先叫咗碗肉燥麵同兩款小食試下。咖喱魚蛋豬皮-豬皮索哂啲咖喱汁，咬落去近乎爆汁，而魚蛋食落都幾彈牙，咖喱汁亦唔算好辣。另一款小食係用花雕煮嘅雞翼尖，一上桌就聞到香噴噴嘅花雕酒味，份量都適中，一個人食到一兜。終於輪到主菜肉燥麵啦。湯同麵會分開上，唔怕浸得耐浸到啲麵淋哂。唔好以為肉燥麵剩係得肉燥，仲有一大堆乾瑤柱😃同肉燥嘅份量不相伯仲。連個湯都係雞湯，食落感受到用料十足，最正係個麵夠哂彈牙，唔會淋得仔。最後，老闆娘推介叫咗個龜苓膏。佢話佢係真係用龜板煮，唔係出面無龜嘅龜苓膏，食完就知道個分別。我試咗一啖就明啦，食落去喉嚨好舒服，無中藥個苦澀味兼且配埋個蜂蜜真係想再食多碗。所以黎呢度食野真係唔使煩，一次過食哂晚餐加甜品😂。