金玉茶餐廳

營業中

休息中

走入這家觀塘的茶餐廳，懷舊感撲面而來，啱啱好我今日想來點貼地小確幸——回鍋肉麵。肉嘅份量岩岩好，咸香得黎唔會太重口，嗌埋杯熱辣辣既华田，實在舒服到不得了。麵條咬落去Q彈又唔會過份腍，完全唔似啲速食麵咁綿𠱁，真係勁過中彩票。食完之後心情好嘅，就算係返工日都精神爽利👌！佢間唔係乜嘢高大上嘅餐廳，啲裝修都話唔上咋樣時尚，但你講究味道同實惠，又或者鍾意啲老派港式風味，咁你就啱晒！裡面既叔叔姐姐服務都幾有親切感，飲茶食飯之間嘅啱啱好嘅嘈雜聲，只會令人更加投入到這份獨有的香港味道。一餐飯落肚，心滿意足🍜！姊妹們，一於揪團嚟試吓啦，夠晒香口！🥢

喺這家觀塘既茶餐廳食個回鍋肉麵，真係有得話事！麵條煮得啱啱好，唔爛唔硬，就好似啱啱從麵機出嚟咁新鮮，肉條紮實又唔膩，每啖都咬得到回鍋肉嗰股男人味，呢個麵嘅味到底重唔重？一試就知啦！食落去就嚟個甜甜辣辣，肉汁喺口腔入面爆發開嚟，記憶中嘅味道瞬間湧返上嚟。間店雖然裝修古舊，但係煮食嗰份心意想必比新潮嘅連鎖店強多了，聞住隔離桌炸髀嗰陣陣香味，下次㗎喇，一定要試埋！真係食到幾有家嘅溫馨，隔籬桌啲熟客仲不時傾吓計，洗就熱絡好過啲高級菜館。這茶餐廳嘅午餐肉奄列同熱華田叫我突然諗起媽媽煮嘅味道，親切得滯😊。下次搵食，記得撲件古舊茶餐廳，有時候舊嘢，先至至叻！🍜🥢👍

用餐時間 （12:11pm early lunch）經過觀塘，俾呢間茶記舊式門面吸引，入咗試試。嚟得舊式茶記，整返個生炒雞絲飯，睇吓佢咩料先。咦有驚喜喎‼️個老師傅原來係wok boy🥘，用鐵鑊即炒，睇住佢炒同拋鑊太有feel！個飯熱辣辣好好食，超多雞絲、青豆、蘿蔔粒、粟米粒、如果女仔嚟食可以叫少飯。但略嫌晤夠乾身，油可以輕手啲。師傅炒完我個飯，洗鑊即刻炒個乾炒牛肉意粉，洗完炒完唔使5分鐘，我喺隔離見到都舔舔脷 😋快餐跟個老火湯（粟米紅蘿蔔）湯渣我食晒，但湯有啲鹹。茶水☕杯奶茶打定輸數，點知味道還好，但比較喼。.餐廳氛圍間鋪睇落有返咁上下年紀，環境好似返返80年代茶餐廳，牆上鋪有懷舊瓷磚同埋鏡，啱晒拍戲。📽️🎞️雖然可以睇到老師傅表演廚藝，但抽油煙機唔夠勁，所以廚房嗰邊會有少少煙霧離漫，建議坐近門口 😂 .舊式茶餐廳買少見少，睇得出老闆娘同班客人好熟，有傾有講好有人情味❣️見到我不斷影相，都同傾咗兩句，臨走之前我同師傅講話好食，佢話多謝我欣賞🥰。金玉風味無窮，值得一嚟 👍🏽

今日去早上去宜安街小巴站坐車， 打算食埋早餐先上車。發現有一間懷舊茶餐廳，應該是七八十年代的裝修，幫襯的似乎都是熟客。現在但凡這種懷舊餐廳結業都要大排長龍，於是決定去食入個早餐先。 這裏有多款餐廳供選擇 我決定要了一個E餐加一杯熱華田。午餐肉奄列好吃不油膩，火腿通粉正常，熱華田也很濃郁。這店有午市和晚市，午市以碟頭飯和炒粉麵為主，晚市則有小菜套餐供，價錢比附近的茶餐廳和冰室都便宜，喜歡懷舊茶餐廳的朋友可以來試一下。

在觀塘區的舊式餐廳，印象中好像在大街那一邊都有一間，但是再回去那兒，卻只見到金門冰室、新式餐廳、以及其他車仔麵，本來想再去XX臺那間餐廳，但倒不如走上來這邊看看，原來還是有一間小的舊式餐廳。😯反正裝潢夠懷舊，冇所謂，不如內進勉為其難試一試。兩邊都排滿了卡位，但非常狹小，因此背包比較大一點， 或者身形比較龐大的人，內進都可能有困難。😖店內人流不太多，但是侍應也沒有，看來只有老闆娘以及老闆，老闆在廚房裏邊辛勤工作，老闆娘就在下單，只有兩名員工一般。🤔但由於客人不算太多，可能由於接近下午茶時段，也不算等太久。友人點了茶走，但結果來了奶茶，喝了一口，感覺上味道普通，而且質感不夠濃厚，應該本身茶膽都不太濃，然後再加了淡奶，味道就更加顯得薄弱。即使是我的凍檸茶，叫了少冰，冰量也不算太少，以茶味亦都不夠濃郁，檸檬味道也不算極為出眾，只是有輕微檸檬味。上次在澳洲牛奶公司吃過炒蛋多士下午茶之後，終於在這邊再試一試。這個套餐還配有午餐肉，多士兩片三角形，中間牛油很分量正常。炒蛋亦都偏向少，不算太大份的炒蛋，質感普通，不夠滑溜，蛋味還算正常。友人的西多士，則比較好一點，兩片麵包夾在一起，中間的花生醬也不太少

牛頭角無咩好野食, 但原來係宜安街有好多食市, 今日來到金玉, 雖然無豪華既裝修, 餐牌寫晒係牆上面, 好有惜日茶餐廳FEEL, 自從集團式食市不斷進駐擴張, 舊式茶記買少見少, 今日坐低阿姐態度都唔錯, 問完我想食咩就煮, 表面睇只係一個魚柳飯, 但賣相同普通茶記差不多, 但食落口感覺唔同, 好滑易入口, 飯唔會太生, 剛剛好. 有D茶記飯好生的, 金玉就唔錯, 我食緊都有幾個客人入來, 菜色都唔少, 下次試其他菜色.

今晚dinner食干炒牛河+凍檸茶+火腿奄列($64)😍好耐無黎呢間食6點幾pm黎仲有下午茶嗌😂去第2間都唔會有美味既火腿奄列，我喜歡老闆煎到蛋白脆邊令我想起婆婆喺我小時候煎既荷包蛋😢干炒牛河好好味😍老闆落左少少薑絲去炒肥多幾磅都無所謂😂好在我早黎到1個客都無我食緊野至開始多客😂但全部都係男人黎今餐食得好滿足😍以前住呢度附近成日黎食飯😎我好喜歡呢度老闆煮既食物有我婆婆喺我小時候煮既味道懷舊既茶餐廳有佢特別既地方吸引客人佢地細舖黎說價錢唔算貴唔似宜家新型既茶餐廳咁貴枱凳，餐具以及天花板的燈都係舊式呢度有開放式既廚房可以聽到老闆炒既食物有幾大鑊氣所以會成間餐廳都係油煙香味😍埋單要自己走去近水吧既櫃面俾錢😎好耐無黎呢邊最近附近開左好多新餐廳希望呢間餐廳可以繼續經營下去我就可以繼續黎食野了😎

宜安街都算得上係觀塘區有名的食街，幾乎間間鋪都係餐廳。有食四川菜的、泰國菜的，又或者港式小炒的。但其實當中有一間舊式茶餐廳很值得一試㗎，就係「金玉茶餐廳」。不過佢門口細細地一點都唔起眼，很容易行過左都唔發覺。老實講，這間餐廳的裝修真係舊舊地，就連餐具都係。所以，如果介意舊野的話，就要留意了。今朝又同老公落去食早餐，我點左「回鍋肉蛋麵」和熱奶茶。當然，回鍋肉係罐頭的，不過用來配麵都幾好食有肉有筍片、微微地辣，幾惹味。熱奶茶都ok㗎，茶味不會太濃，唔會覺得苦。順帶一提，這間茶餐廳要早上8點至開門，相比起其他茶餐廳算是遲開。大家要留意返時間，咁就唔怕摸門釘。

觀塘越來越多新開的茶餐廳，但是宜安街有一間經常被忽略的舊式茶餐廳，門口簡單，內裡沒有裝修，仍然保留住舊式的卡位，簡單的枱椅，識來都係這裏的街坊，因為食物味道一直保持水準。早餐時間，和我爸爸一齊去食，我自己要左個B 餐，揀左鮮牛肉蛋麵，而爸爸都一樣係B餐，他就揀左泰式扎肉蛋麵，鮮牛肉煮得腍，應該有用薑絲去煮，食落時就有少少薑味扎肉蛋麵確係少有，茶餐廳好少早餐會有扎肉，而扎肉都有煎過，食個時會食到片扎肉的脆邊，加上煎過的扎肉先會香，估唔到舊式茶餐廳會帶來驚喜，值得再來試埋其他

沒有裝修，沒有豪華食品，更沒有浮誇的菜式，只是家常便飯的款式，但每款食物都有家的味道，光顧已超過十年，味道、份量、及價錢讓人感覺時間都被停住了。到來光顧的都是一班老顧客，街坊，晚飯小菜都是即叫即炒，很有鑊氣，老闆娘給人的感覺很親切是一般連鎖店，快餐店那種流水作業式所不能相比的。這次是本人第一次寫食評....因為現在地道的茶餐廳真的見少買少了，覺得這真是一所值得推介的茶餐廳，本人言不過實，有興趣住家菜的朋友不妨一試，相信必然會認同我的說法！

觀塘牛頭角一帶有不少茶記...最喜愛就是這一間...有別於工廠區的一眾格式化飯堂...這間保留了舊式的街坊味道...點了菠蘿火腿炒飯...要求少少少油...當然老闆娘也願意幫我tailor made...雖然價錢很平...但頗好吃...極少油之餘又沒有炒焦...而且粒粒分明...份量也很ok...料很足...賣相也比其他茶記整潔很多...值得一讚...平時lunch吃很少的我竟然一個人吃掉整個飯...

呢間金玉久不久都同同事嚟食晏呢度吾係好大，大約吾夠三十個位十二點嚟到仲有卡位坐原來年多前都寫個呢度食評中午吃飯一個海南雞飯一個菠蘿海鮮炒飯好快嚟，叫伙記囉兩隻碗分食今次海南雞係肶位切得整整齊齊睇見陣油光已經令人食指大動果然夠哂嫩滑，香味十足如果你喜歡食海南雞相信係人都喜歡這皮光肉滑的肶位油飯亦十分香口真係吾夠我地分至於果個菠蘿海鮮炒飯當然有菠蘿粒，蝦仁，蟹柳，雞蛋飯粒乾爽彈牙，仲有洋蔥粒更加香口估吾到小店出品真的吾錯在官塘市中心已經好少這種小店看看對面全部店已經改哂特色餐廳

回鍋肉麵配華田（$29）其實司令真係幾中意食茶餐廳，雖然唔係咩驚人美食，什至係自己係屋企都煮得出既野，但係舊式茶餐廳，總係有種好好既親切感，相對起好多連鎖餐廳既流水式作業，同啲出左名串到你上天花板既餐飲，司令寧靜入茶餐廳食個麵。尼間位於觀塘既茶餐廳，裝修真係好舊，多數都係啲叔叔一個人食，仲有好神奇既係有開放式廚房😂。司令叫既係回鍋肉麵，肉夠多，比得足料，麵非常抵讚，雖然係大光麵，但你落單後叔叔先煮，煮得岩岩好，食落好似出前一丁，比起好多茶餐廳煮好曬啲麵，有人要先倒熱湯落去有誠意得多。睇唔慣有啲人成日踩啲餐廳，其實司令覺得好多時食野唔單單係味覺上既感受，仲要睇埋煮既人既心機，賣既價錢，人情味❣等等，如果單純拎街市叉燒同燒味名店比，其實係好無謂既比較。

下午茶時間路過這裡,見肚仔有D餓找間野是是但但搵一些東西來填肚於是行入來就坐低食D野啦當時店鋪內只有一兩張檯有人進食中看看套餐有什麼介紹揀咗海南雞飯先嚐一口湯,係重味精,所以我飲一啖都無飲油飯雞油不是太濃味還可以雞既賣相唔好放得唔整齊雞吃起來真的挺滑的, 就連雞胸也不"鞋",又有雞味花生有幾粒,吾放過,好爽環境就是舊式茶餐廳招乎普通,但都不錯冇收加一服務費,埋單$36都好抵食又飽餐一頓了

來到這餐廳被它的舊式裝修吸引：玻璃牆、掛鐘、牆磚，還有掛扇。說到食物，今次點選的是時菜排骨飯。點選之後就聽到很大的火爐及炒鑊聲，不消數分鐘，熱騰騰的時菜排骨便上枱了。味道很夠，帶點甜味，排骨也夠腍，雖然不似是新鮮排骨，但很入味，加上夠熱，真不錯。