金田家

營業中

休息中

Sogo又有thankful week，入去人逼人前先去醫肚儲足能量。近近地又食這間我們在銅鑼灣的食堂之一。換了新裝潢，一改以往日式深啡色木椅木枱的形象，改成新式光猛的設計。門面大大個金田伯伯非常吸睛。👀簡單的拉麵下單紙，一下子就選好我們想吃的。點了: 黑豚拉麵 $98 加溏心蛋 $14 雞白湯豚骨拉麵 $85 加溏心蛋 $14 唐揚雞塊 $35 原本想食它們的黑松露拉麵，但原來已經沒有再賣🙈 停售了! 雞白湯豚骨拉麵 $85 加溏心蛋 $14 選了這款較為清的湯底，沒有油膩和濃郁的感覺，比較清新的湯，最適合怕吃肥膩的女孩。選了特硬的麵條，特別有口感！豚肉是2/3肥肉的那種，好吃得來非常有罪惡感👻。溏心蛋🥚我覺得是拉麵的靈魂！拉麵的溏心蛋會用醬油浸漬入味，這隻溏心蛋少少重口味，味道濃郁！配合這較淡味的湯底剛好！看這不油膩的拉麵湯底，正合我心意😂黑豚拉麵 $98 加溏心蛋 $14 朋友點的這款，一來即刻試下個湯，味道濃郁，厚實的湯底，朋友點了硬的麵條，硬度符合預期。黑豚叉燒，比我們想像中多，還要每塊都大大塊！這款黑豚叉燒油脂較少，不是入口即溶的那種口感，肉質較實淨。溏心蛋和剛才一樣濃味了

來到登龍街，各式各樣的餐廳、食店都有，今晚選擇了食拉麵。坐到近廚房位，見到年輕女師傅煮拉麵，都係第一次見。唔知啲手勢會唔會跟男師傅的一樣呢? 唔理咁多，食咗先講。黑豚拉麵加溏心蛋，配可樂。有幾塊好大的黑豚叉燒，好腍滑，加了少少七味粉來食，更覺可口。朋友係拉麵達人，話加少少日本酸菜在拉麵上，一起食，會有另一番感受，果然係好好味。柚子辛口拉麵跟黑豚拉麵的分別，主要是多了些柚子味和日本辣醬。就是這少少分別，便感受到不同的效果，柚子的香味確係非常吸引。食拉麵通常都會食埋餃子的，所以我哋都叫了一份來share。餃子外皮煎得香脆，內裡又充滿肉汁，非常美味。原來女師主理，跟男師父是無分別的。埋單三百多，食得過。

朋友都知我勁愛幼身九州拉麵,而我好煩架又鐘意揀硬度,所以今次食野都係約左去食金田家。未講野食之前講下座位，一般食拉麵都係Ｄ比較窄既位同要食得好快，金田家俾我感覺係可以坐得舒服同放心傾計. I like it!麵既選擇都有幾多架播!我揀左微辣柚子辛口拉麵清爽刺激,好食到不能自拔。湯底豚骨味好香，會忍唔住飲幾啖先開始食。溏心蛋滑嫩超級入味，一口咬落去真係好有快感。腩肉好大塊呀！一Ｄ都唔肥膩。餃子足料香脆，仲有可爾必思飲！必點!食完真係有種感覺想飛返一轉日本呀！

The black pork ramen here was delicious! There are so many elements that go into a good bowl of ramen. First you have the broth, which is typically a mix of pork, chicken, seafood and vegetables. The soup here was awesome, rich but not too creamy. Then you have the toppings, which is black pork. The thin slice of black pork is sweet and succulent. They gave me in total 6 slices of black pork. So generous that I decided to finish them all!And of course you can’t forget the ramen noodles. They are

Very disappointed at this ramen place. I got the original pork base ramen and the soup was very smelly. It had a strong unpleasant smell of pork and was not appetizing. It was also watery and foamy. From 2:30 on they have a tea time price of 58 which includes a bowl of ramen two dumplings and one can of soda. I will not come back again.

中午去試呢間嘅拉麵店，典型嘅細細間拉麵拉麵店。大約有10款拉麵，價錢有$78開始至到$130不等。我最後選了招牌面，九州豚肉拉麵。招牌係九州豬骨湯底拉麵，湯底厚，充滿着豬骨蛋白豐富膠質嘅囗感，味道鮮甜，相當濃郁。碗麵配上博博嘅叉燒肉，碗麵有五片又簿又窄叉燒，我麵嘅份量好細，我夾咗四次面，就已經將成碗面食得乾乾淨淨了。平時我去食飯，總會食唔晒飯菜，不過今次我食完飯後，就需要去附近麵包店，再做補給。所以呢間麵店，佢做出好味道嘅麵，同時性價比非常低啊！。不過都要讚下嗰五件薄到似一張紙嘅巾叉燒，非常入味之餘，有額外用火槍少少燒過痕跡，令到叉燒非常野味。

星期日下午茶時間去食 同一條街有唔同既拉麵店同日本野~見呢間未試過 又冇咩人 咁就去試下啦.雖然個員工有少少黑面又唔出聲....不過見佢都主動比MENU比杯咁 是但啦......本身個人都鍾意食辣 見到激辛又真係有少少淆底 哈!!不過鍾意食辣既人就係鍾意挑戰! 唔驚既 照叫啦~食拉麵一定要揀硬麵 (除非你幾啖食完) 因為會愈浸愈淋....有得揀超硬同硬.... 自己決定啦 我揀咗超硬 真係好正~~湯底方面 無得揀濃啲淡啲... 出到黎覺得個湯底結身咗少少.味道就一如以往地夠味啦~ 啲辣肉碎就係個辣味所在.第一啖入口真係幾辣下 汗都出埋 一路飲水一路食 正呀!叉燒雖然有4塊 但相對地細塊 不過夠淋 唔錯紫菜浸湯食又係一流 最驚起既係有粟米 幾鍾意!加埋溏心蛋 飲啖湯 對今日既下午茶感到滿意!!麵$93 蛋$14雖然唔平 不過質素都高 值得既!!

銅鑼灣登龍街地舖的金田家，我覺得湯底的味道和拉麵的質感都是一般。金田家，這名氣好像響一點，論到拉麵，我倒覺得名過於實。在中午的時段，人流也不多。隨意選了這個MX豚骨拉麵，還加了一份玉子。豚骨湯底的味道本身很濃厚，不過缺少了這種老火淆出來的味道。選擇了硬拉麵，麵本身的質感其實不錯，很爽口。不過，麵和湯不是很入味，可能湯上缺少了油來浸麵。這一份玉子，我較為喜歡分開上，太快給湯煮熟了，缺乏了玉子的新鮮味道。這間金田家的拉麵只能給我普通的感覺。環境和服務也是很一般，服務員也不很起勁。不過，款式和配搭就比較新鮮。CalvinCanEat

聽說金田家是九州No.1拉麵店，曾多次奪得日本拉麵大獎，我和老公決定到登龍街的分店試一試這九州第一的虛實。很多在香港開設的日本拉麵店座位麵很擠逼，而且空調很弱，吃麵時總是大汗滴細汗，麵店好像恨不得要你快快吃完然後結帳走人。沒想到金田家的裝潢會這麼令人格外醒神，座位頗闊落，抽油煙系統也做得不錯，不會讓人感到焗促悶熱。下單也是多數拉麵店的做法——剔紙仔，有厚厚的menu讓你先看圖然後才下單。拉麵選擇不少，我和老公分別點了黑豚拉麵（追加溏心蛋、木耳）、雞白湯豚骨拉麵（追加溏心蛋、芽菜）及大將餃子。我吃的黑豚拉麵所用的是幼麵，彈牙不會硬，湯底濃稠，還有很多片黑豚叉燒，軟腍入味，以這個份量和質素來說，真的蠻驚喜。值得一提是溏心蛋，我和老公都有追加，這是必試，流心蛋黃，味道濃郁帶點甜，做得很好👍🏻老公吃的是雞白湯豚骨拉麵，我們最初見湯底頗清，以為味會偏淡，但試一口湯，嘩！雞味特濃，明顯足料！所用的拉麵是曲麵，較為粗身（因為老公只是粗身拉麵），也是硬度適中。我們還另加一客大將餃子，中規中矩，沒有很大驚喜，見鄰座吃的炸雞還蠻吸引，有點後悔😂

喺 FB 見到有優惠，第2碗有半價。所以襯人少少，平日Lunch去試試。之前上網見到佢個黑豚拉面，好大碗又有好多叉燒，所以叫左。朋友就試左豚骨拉面。上枱，個黑豚拉面真係好多塊叉燒，仲好大塊，好似圓型午餐肉甘大，唔肥好味。至於豚骨拉面，都有3~4塊叉燒，佢啲叉燒就細好多好似細罐裝午餐肉甘，有燒過，較為香口。面底份量，女仔黎講OK夠飽，男仔就一定要加面底。另外，個餃子都唔錯。今次有優惠去食，人均100蚊算幾抵。

原來銅鑼灣時代附近有條小路可以入到登龍路。 原來金田家裝修左d位好坐左好多。 又原來有d人鍾意坐埋一邊既兩人位密密傾 有人鍾意坐卡位舒服d總之今日我就食左個辛辣拉麵, 追加流心蛋同肉。 辣就要求另上。而朋友就叫左個黑豚拉麵, 追加流心蛋。 多蔥原來都會另上。 流心蛋太完美。 所以再追加個麵同湯底好match. 都做到掛湯既效果, 所以食到好飽呀。 而個薯餅就勁好味。咁大塊都炸得好脆。入面又好軟。呢間已升格做到我最愛既拉麵喇。 因為坐得舒服。食物又好味。 我們仲叫左綠茶飲tim

今日同朋友行經銅鑼灣買嘢！諗住食埋嘢先返屋企，但我地行咗好耐都唔知食乜，最後見到有間拉麵店好多人排隊，好似好好食，就決定試下！我地入到去，發覺餐廳唔係好大，但佢都唔係擺好多抬凳，所以坐落都好舒服！之後我地開始睇Menu啦，叫咗個鷄百湯豚骨拉麵同埋黑松露拉麵，小食就叫咗個男爵薯餅！首先要講下個豚骨拉麵，湯底非常濃郁鮮甜，而且佢拉麵煮得剛剛好，食落好有口感，豚肉大大塊，肉汁肥美，肥廋適中，而且仲送上一隻溫泉蛋！之於個男爵薯餅係店員推介，食落果然冇失望，兩塊分別係牛肉薯餅同紫薯薯餅，佢外層炸得金黃鬆脆，但食落唔係好油膩，而我比較喜歡紫薯味，因為味道好濃，口感豐富！我仲叫咗一杯叫可爾必思既嘢飲，睇個名真係估唔到係咩呢？最後問咗店員原來係乳酸飲品，飲落都好特別，好似香焦奶昔溝益力多，配埋冰粒，非常消暑，好適合夏天喝！所以大家有機會一定要試試！

銅鑼灣金田家。銅鑼灣登龍街34號地下。成日行下行下街就想食野女朋友又話想食日本野，又話想食拉麵，就唯有又帶佢去食金田家，係吖又係金田家吖，不過今次係喺銅鑼灣咁解。今次食左黑豚拉麵 HKD98肉吖係吖係肉吖，但係仲感覺係冇咁鹹同肉味重啲（對比其他分店來講），麵質點左硬麵，本人建議曲麵就點正常麵質，而直麵就應該點硬麵。今次亦都試咗佢哋個替玉，就係咁既，佢哋首先係等你食完原本個面，然後要請個侍應，幫你點個替玉，同時佢亦都會問你想要嘅麵質。但係我就建議，當你食到一半覺得唔夠果時就好落單，因為啲面唔會連湯上，所以早啲落單，啲麵就可以吸收湯嘅精華。同埋激辛拉麵 HKD93本身想食雞湯曲麵，但係亦都想試下啲新野，所以就點左衣個，佢個辣味好突出，亦都好香辣椒味，佢嗰種辣味係好似韓式辣醬咁，佢個辣味係霸王，遮住左本身豚骨湯嘅甜，同碱水味。同時間亦都要注意，麵種唔可以轉。

今日約左朋友係銅鑼灣食晚餐，朋友話想食拉面來到登籠街~太肚餓，唔想排隊，見呢間金田家裝潢唔錯，就決定入內試下估唔到有驚喜😆我們一坐低已經被餐牌的相片吸引住! 過了不久，餐廳已坐滿人喜歡豚肉的我們點左一個黑松露拉面，一個黑豚肉拉面太肚餓的關係我們追加左溫泉蛋同粟米、黑豚叉燒😋 同叫左個男爵薯餅🤤🤤拉面我仲可以選擇軟硬度😌好爽 我最討厭食偏軟的拉面金田家上菜時間好快👍🏻但它唔係一早整定，上菜時食物都係熱的🍜 抵讚👍🏻黑松露拉麵香而不膩~唔會蓋過左黑豚肉的鮮味 ，黑豚肉好入味但唔會過咸，好腍完全唔會過韌，的確好吃😋配上黑耳粟米 爽口清新 令到拉麵湯底味濃而不膩😆 加上鴛鴦黑爵薯餅 一個牛肉薯餅，一個紫薯栗米餅酥脆香口 入口即溶 一個咸一個甜🤤一次過滿足哂兩個心願配上清甜的梅酒，與朋友吹水閒聊，真是人生一大樂事👍🏻 肚子滿滿的😌為煩忙的星期四工作天寫下見美句號😋可以試到美食也是為生命中加了點點色彩😆下次有機會會再來食埋其他款式😋

金田家既拉麵已經唔係第一次食，水準依然👍🏻🍜黑松露拉麵$108選擇咗我最鍾意嘅硬度(超硬)配料有木耳叉燒同紫菜可以明顯見到黑松露醬除此之外 一上枱拉麵已經散發好重嘅黑松露香😍湯底比較杰身 係濃郁嘅豚骨加黑松露味拉麵幼身而且也算彈牙😋.🐷叉燒有三塊 肥瘦適中 有啲油脂 比較滑身有少少入口即溶嘅感覺.🥚追加了糖心蛋$14糖心蛋夠滑 一啜落去 一啖食左半個蛋白好彈牙 蛋漿同少少蛋黃咬入口中甜甜地咁又有蛋香 好滿足☺️.🍜激辛拉麵$94朋友話真係辣得好過癮🌶本身配菜有肉碎粟米叉燒紫菜同芽菜見到朋友一路食一路飲水 我就唔夠膽試🤣不過鍾意食辣嘅朋友仔可以考慮吓💁🏻‍♀️🐷腩肉叉燒比較乾身 不過豬肉味會濃一D亦都係追加左糖心蛋嘅$14.🥟大將餃子$30欣賞佢外層煎得好金黃香脆裏面嘅肉餡亦都好足料點左醋幾開胃👍🏻.俾個點餐紙大家參考吓🐷可爾必思$20好似乳酪溝益力多咁我鍾意😋另外亦有無糖綠茶可以選擇💁🏻‍♀️