金田家

營業中

休息中

朋友約食拉麵，來之前看了些介紹說是日本福岡評分第一的拉麵！🍜給下單的是傳統可以自己選填湯汁濃度、拉麵硬度和配料的餐牌✏️接近晚上9時餐廳還是人頭湧湧的朋友看到有在拉麵店很少見的枝豆，立刻點來作前菜。我也點了餃子🥟煎得剛剛好，油也下很剛好不會太油膩，皮薄多汁的😋黑豚拉麵點了兩款不同肉質的拉麵，與友人比較過發現湯汁是差不多的濃厚；黑豚拉麵的肉是圓圓大塊的，肉較瘦但又比較厚，口感一流！豚肉濃湯拉麵另外一款肉就是小小片的，我朋友就喜歡這款較肥美的

今晚又同友人四處覓食，之前行過登龍街見到這間拉麵已經想試試，見麵店不算太多人等位，於是便排隊試試！麵店燈光光猛，有2人枱也有bar枱的位置！我們安排坐2人枱，坐低後店員給予凍水及點餐紙！看看餐牌的圖片後，點了2碗拉麵及兩款小食！黑豚拉麵($98)，呢個拉麵湯底係豬骨湯底，味道唔會太咸，飲落好滑但又唔會好油！豚肉共有5塊，厚薄適中。拉麵是幼麵，我揀選了普通硬度，食落口感剛剛好！拉麵內還有木耳，能增加爽口感！柚子辛口拉麵($98)，呢個拉麵湯底酸酸辣辣，令人食慾大增！湯底比黑豚拉麵的湯底油，但因為湯底帶酸，所以油膩的感覺減少！叉燒跟黑豚拉麵的一樣！而拉麵選擇了「硬」的，所以口感較為爽口！大將餃子($30)，餃子外皮煎得脆口，配上餃子醋一齊食更加惹味！男爵薯餅($38)，薯餅兩塊是不同味道的！瑋款是薯仔牛肉，是咸味的薯餅！另一款是紫薯口味，口感有點像煎堆內有紫薯餡的薯餅！一咸一甜，甜的就像吃了一個甜品一樣！我們還點了波子汽水($25)開心一下！有機會會再黎試下其他味道的拉麵！

之前經過登籠街，看見金田家裝修後變得燈火通明，外加一些綠色裝飾品，而且座位仍沒有以前寬鬆，現在坐在近通道那邊，也怕阻到別人（可能我比較大份）咁我就同朋友再一嘗金田家既拉麵，選擇不多。以前還有個黑松露拉麵。而我就叫左激辛拉麵，我朋友就叫左特濃豬骨湯拉麵（沒有拍照），但不知是否星期六的關係，等待時間好像比以前耐些許，而且湯底亦不像以前般濃郁不知是否商業化左，員工沒有從前的nice 。以前員工雖帶著疲倦的工作，但仍微笑迎人，值得尊重

第一次嚟九洲第一拉麵之稱嘅金田家朝聖，之前一直見評價非常好，慶幸今晚早嚟唔使排長龍😍等咗一陣好快就有得入～呢度最出名就係個豬骨湯底拉麵，不過今次第一次試嘅反而係佢嘅雞白湯豚骨拉麵（呢排食得太多肥所以要清少少🤭），果然名不虛傳😍湯底雖然冇豬骨湯咁濃，但係就好香嘅雞汁味😍🤤同d香蔥好夾👍🏻👍🏻配上幾塊薄薄腩肉叉燒，脂肪比例平均吾會肥膩，好好味😍🤤不過鍾意食腩肉嘅我認為可以再肥美啲同份量多啲就好啦～🤭🤣麵方面我揀咗硬麺，面嘅質感啱啱好非常彈牙👍🏻👍🏻不過呢款拉麵嘅面就係正常嘅拉麵粗度，下次要試吓佢嘅豬骨拉麵先，因為佢哋嘅豬骨拉麵係用幼身拉麵，相信口感又會係另一番味道😋😋另外加錢加咗一隻糖心蛋，呢個真係非常讚整得超好味！隻蛋味道香濃，糖心效果亦都做得非常好🤤🤤👍🏻成碗拉麵食得好滿足☺️😋總括嚟講係一間非常好質素嘅拉麵👍🏻👍🏻👍🏻

銅鑼灣登龍街一向視為食街，日本餐廳居多，食拉麵的都已經有4-5間，當中只有金田家我還未食過，就今晚入內食個拉麵吧！金田家在九洲很出名，視為九洲第一拉麵，其獨家炮製的豬骨湯拉麵大受歡迎。門口掛滿紅白燈籠，還有金田先生大大個logo，十分搶眼。 時間尚早不用排隊，環境同一般拉麵店一樣，地方不算大，枱與枱之間都沒有太多的空間，開放式廚房前面提供了一排的吧枱。餐牌選擇都頗多，有8 款拉麵之多，當中還有適合小朋友的兒童豚骨拉麵，十分細心。一樣可以自由選擇麵的軟硬度，還可以追加配料。另有小食及飲料供應。金田家採用的是幼拉麵配豬骨湯底的，但我就選了當中唯一配曲麵及雞湯的雞白湯豚骨拉麵，曲麵是比較粗身及有咬口的，湯底是濃郁的雞湯，配上幾片腩肉叉燒，很滿足，如果紫菜可以脆口一點就更好了。另外選了黑豚拉麵，用上薄切軟腍大塊的黑䐁叉燒圍於碗邊，很搶眼，黑豚肉經過自家秘製醬汁醃製，肉味香濃，配上加埋綿綿豚骨湯底，好味。點了男爵薯餅作小食，分別有紫薯及牛肉兩款口味，紫薯內有栗子碎粒，而牛肉入口香濃，炸得剛剛好，非常脆口，喜歡食炸物的朋友一定要試。另外再點多一個枝豆，金田家的枝豆是烘過的，熱食好像更加好味。食完差

作為拉麵迷，當然要試下咁出名嘅金田家。今日咁啱經過銅鑼灣，就去試一試。嗌咗個豚骨mix拉麵同辛子黑蒜拉麵，仲有杯18蚊嘅橙汁。黑蒜拉麵一啲都唔油膩，豚骨拉麵就湯底好清，清得黎又好入味。最驚喜係橙汁，好似果粒橙。

銅鑼灣拉麵街（亦即是登龍街）拉麵店林集，數量多到讓人眼花瞭亂🤨還記得拉麵街多年前一發展時，人頭湧湧，多間日本正宗拉麵店領頭開店：豚王、博多一幸舍、三田製麵所、蔦、金田家等等，每一間拉麵店各有自家特色，博多系、橫濱系、二郎系，作為食客真的無從選擇🤦🏻‍♂️🤦🏻‍♂️是日晚上與友人來到登龍街，原想走到鼎爺中菜餐廳品嚐，但卻要提前訂位，結果無意中來了博多系拉麵始祖- 金田家🥰🥰主打每朝於店內親自餚製的豬骨湯，老闆長時間煲製，確保湯面會起泡及不會太膻，金田家確實能夠做到這點。是日點了主打的金田家叉燒拉都配餃子，拉麵夠煙韌有咬口，湯底非常濃而配料的一塊塊大叉燒，香嫩入味，金田家拉麵以粗礦的擺法，配上濃郁的煎餃子，簡單與拉麵混然天成🥰🥰🥰支持支持

今日午飯同同事嚟到燈籠街嘅呢間金田家食午餐，一齊黎試一試佢嘅拉麵正唔正宗因為呢間鋪頭比較細，午飯時間人好多，所以我哋特登揀咗兩點鐘之後先來食，嚟到好快就有位。同日本嘅拉麵店一樣，點餐都係畫係一張紙上邊，亦可以按照自己嘅喜好黎選擇拉麵嘅硬度及蔥嘅多少等。我揀咗雞白湯豚骨拉麵，雞白湯冇豚骨湯底咁濃味，較為清淡，而叉燒亦十分入味軟滑。同事揀咗柚子辛口拉麵，佢話柚子味好濃，係一個好特別嘅湯底，值得一試。煎餃子皮薄餡靚，熟水準之作。呢個炸薯餅有兩件，分別用咗薯仔牛肉同紫薯兩個餡料，即叫即炸，送上來嘅時候熱辣辣，外皮十分酥脆，非常好吃！

今天和妹妹到銅鑼灣崇光百貨公司和時代廣場逛街，逛畢已差不多兩點，於是便到了附近的登龍街找地方醫肚。這條街拉麵店林立，可以説已成為拉麵街了。想吃拉麵的話，不防到此獵食。行到登龍街的一半，竟然下起雨來，於是便進入了一間叫金田家的拉麵店。因午飯時候已過，我們不用等位便即可入座。這店舖雖小，但非常光猛，擺設整齊，令人坐得舒服。看過餐牌後，我們各點了一碗黑豚拉麵、一個小食和一個飲品。黑豚拉麵 ($98)如一般的拉麵舖，麵的硬度和蔥的份量是可自選的。我選的是普通硬度和正常蔥的份量，九州拉麵的幼麵條仍是彈牙有𡁻口，木耳爽口，清香的蔥味已滲了入湯內。奶白色的濃豬骨湯必是放了一番時間和功夫熬煮出來的，味道濃郁但又不膩。薄片黑豚肉份量頗多，入口即化，浸在濃湯內便可吸收湯的香濃味，味道討人。同樣地，紫菜泡了濃豬骨湯後才吃，味道更佳！大將餃子 ($30)餃子賣相吸引，餡料切得細細的，雖是煎的，但一點也不油，沾上日本醋來吃更滋味！男爵薯餅 （$38）我們因不吃牛肉，所以便將原來其中一件的牛肉薯餅亦轉了紫薯甘粟薯餅。第一次吃這薯餅，確是意外驚喜，這薯餅外脆內軟的，新鮮炸起，外面的炸粉極脆，內裏的紫薯是軟滑綿錦的，

銅鑼灣登龍街呢度出晒名多美食, 紅白色燈籠吸引左我既視線行埋d 睇, 排緊長龍, 原來係金田家拉麵, 最鍾意湊熱鬧緊係過去排埋一份😂😂好食既舖頭當然客似雲來啦, 排隊等下都要自己鍾意食咩就隨便tick😋波子汽水 - $25/pc細細個好鍾意飲既野, 因為飲晒就可以拎粒波子出黎玩😂大將餃子 - $30食件餃子先, 煎得尚算香脆, 一咬落都算多肉汁鎖晒喺入面, 係d 皮厚左dd 咁男爵薯餅 - $38炸至金黃色, 炸得好香脆, 有一件係紫薯黎架😍黑豚拉麵 - $98日式叉燒都係圍住個碗邊咁舖, 美觀之餘又唔會浪費左中間湯底個空間👍揀左硬幼麵, 較為有口感, 幼麵更加可以吸多d 湯底, 濃濃既豬骨香味😋

今晚和阿女來了銅鑼灣拍拖行街，肚子餓便來了出名多野食的登龍街覓食。阿女一看，便見到金田家，一向是拉麵迷的她，當然第一時間行了入去呢這裡雖然舖店細小，但給人非常整潔的感覺。我們叫了豚骨MIX 拉麵、雞白湯豚骨拉麵，小食點了枝豆及餃子，飲品叫了綠茶及波子汽水。豚骨MIX 拉麵湯底香味濃，一點也不鹹，幼麵條煙靱，木耳絲爽口，最like 是腩肉义燒，肉質滑嫩入味雞白湯豚骨拉麵湯底雞味濃，麵條彈口，配埋蔥食，很不錯吖枝豆粒粒甜美餃子大隻，煎得好香口

銅鑼灣有唔少拉麵店林立作為一個拉麵控嘅我當然要試均晒咁多間㗎啦今次試嘅係金田家外面已經有唔少人等緊位啦入面都坐滿晒人一於就試吓呢一間今日比較肚餓所以叫咗兩個拉麵兩個小食仲有兩個嘢飲先來嘅係黑豚拉麵肉就當然大大件啦而且肉本身都好夠味道都有調過味其他拉麵店有少少唔同豚肉湯底唔會太濃辛子黑蒜拉麵冇想像中咁辣叉燒會比黑色拉麵嘅薄有入口即溶嘅感覺鍾意湯底比較淡嘅人可以試吓最有驚喜嘅係炸雞炸得啱啱好入邊仲有肉汁 好香加埋沙律醬好好食薯餅仲有兩款口味紫薯唔係度度都食到覺得幾特別波子汽水第一次飲所以都幾得意

今日一早早餐都未食就要撲出門, 終於有時間食lunch， 又要快又要食得飽，行過金田家見到佢地個餐牌⋯⋯拉麵都唔錯喎，一於快快食。我好少食拉麵，但原來呢度可以因應唔同客人需要揀選麵既硬度，有超硬，硬，普通同軟，連多蔥少蔥都可以揀，最後我叫咗碗辛子黑蒜拉麵，麵要軟身同加蔥，再加多份餃子同蘋果汁，應該夠食。餃子到，餃子個底煎得脆脆，皮唔厚而包有滿滿既豬肉同菜餡，一咬滲出肉汁，好味。而個黑蒜拉麵，咪睇個湯底黑媽媽，又好似好油，其實入口一D都唔油，而湯以豬骨加入黑蒜煮成，非常吸引，而最後我係飲晒個湯，初時我以為辛子係有辣味，但原來唔辣架，都係既如果有咪會搶咗黑蒜既味，而麵質正合我意，日式叉燒肥廋均勻，之前我選多蔥，最後係比咗一大碗蔥我，我第一時間落咗一大半係麵度，大滿足，啖啖麵都沾滿蔥粒，正。食飽飽又要繼續行程。

呢間拉麵店其實之前都食過，不過印象冇今次咁深刻。佢裝修左之後個場光猛左，menu有冇改過就唔係好記得啦。😂我地八點幾食都不停有人排隊，似乎都幾受歡迎。我地兩條友，一人叫左碗拉麵，再叫多兩個小食同野飲。波子汽水好懷舊，蘋果汁飲落似係日本蘋果汁，冇死甜味。呢個黑蒜拉麵辣辣地好刺激，湯底會heavy少少，但配香蔥木耳一齊食感覺冇咁油膩。我幾中意呢個湯底，唔會太濃，調味岩岩好，勁多木耳香蔥，配拉麵超夾。仲有個义燒，雖然薄身，但肥瘦適中，入口幾香。餃子都幾足餡，記住點汁食。呢個真係新鮮炸起熱辣辣，件件雞都咁大塊，真係幾抵食。想講一下服務唔錯，店員有禮貌。

嚟到銅鑼灣行街，忽然好想食拉麵，於是就去咗 之前一直都好想試嘅金田家到食我揀咗食濃ってり豚骨拉麵，朋友就揀咗柚子辛口拉麵食拉麵第一啖一定係飲湯先呢到湯真係不得了好rich好creamy，好甘醇嘅豬骨味，我朋友試飲咗一啖都話正佢嘅麵條係幼麵嚟，幼麵同香濃嘅九洲豬骨湯簡直係絕配，佢啲叉燒肥瘦比例啱啱好好好味唔會好似其他拉麵店咁得啲瘦肉，不過就約厭份量小咗啲柚子拉麵我靜係飲咗啖湯所以靜係評論下個湯啦，個湯一樣好rich亦食得出好香柚子味，辛口就唔係好覺。係好飲嘅不過個人就覺得個柚子味同豬骨湯有啲格格不入，唔太啱我口味所以下次嚟都係叫返豬骨湯算