金田家

營業中

休息中

今日放工去銅鑼灣搵食,  又係登龍街..實在太方便同太多選擇, 去到times再慢慢揀都仲得!  天氣一轉涼, 對熱辣辣湯面既需求又多左, 今天幫襯久仰大名既金田家!!老老豆豆,對金田家有些少情意結, 因為住在外地有幾年好難食到精品拉面, 只有喺金田家會搵番家鄉真精品拉面既感覺是次豪食,  嗌小食同不停追加…  仲挑機試左個特飲好似益”健”多咁 (防止賣廣告協會同品牌改個靚名是常識吧 ), 不過無估到佢係帶咸味! 幾盞鬼就咁飲有啲怪, 但配拉面又ok wor !特別係辣既湯底幾match本身想食黑松露拉面, 點知期間限定完左,  最後食左柚子辛口拉面,  朋友食黑suen油好吸引呀!~ 永遠都係隔離飯香啲柚子辛口唔算辣,  怕辣仲可以自己拎開pad辣醬,  叉燒肥瘦分佈好平均, 絕對係一舊唔鞋口既好叉食物質素幾有保證,  另帶一提係店員真係好好人,  唔會因為出面排長龍臭臉你食完未走,  當然, 有公德心既都唔會賴死唔走坐太耐,  但好怕某啲食店店員好快收走哂枱啲野趕你走,  所以依個要加分仲要好細心….本人差啲漏低左部電話,  都係多得店員9秒9發現左, 未踏出店門就比返個電話我喇

昨晚，一支公去了吃拉麵。經過登龍街，最後選了金田家。店鋪裝潢十分光猛，而且椅子十分寬大，坐得十分舒服。點了「濃湯豚骨拉麵」，約五分鐘便能享用了。麵一奉抵，便聞到濃濃的豚骨甜香。輕呷一口，湯底並不濃厚，味道清而不膩，但色澤偏濁，應是撇油未盡。麵質十分爽口、彈牙且有麥味，但掛湯度低，兩者配合的效果不彰。叉燒偏瘦，油香雖輕，但有濃重肉味。較乾、粗糙的質地，加上調味較重，可謂重口味的叉燒。至於玉子，玉液與玉晶比例恰當，賣相一流。蛋香不俗，但味道較咸，且欠味醂香、甜，表現中規中矩。而且，14元一隻，性價比較低。整體而言，金田家的麵算是一般，與一幸舍相當，尤其是湯底味道和那偏濁的色澤，實是如出一轍。

呢一晚黎到銅鑼灣，想食拉麵，就去到登龍街覓食。見到金田家燈牌好注目，店舖內部裝修過，感覺比以前吸引D，排隊等位大概15分鐘就可以入座。睇下餐牌先，好簡單就只有8款拉麵選擇，同埋小食飲品黑豚拉麵 - 擺盤好有氣勢，叉燒肉既份量十足架！豚骨湯濃而不膩，幼身麵條掛湯力都唔錯。柚子辛口拉麵 - 豚骨湯中飲到清新的柚子香味，帶點微辣，好正再追加小食男爵薯餅，絕對係驚喜之作！一客兩塊，分別係牛肉薯餅同埋紫薯薯餅，即叫即炸熱辣辣上枱香脆炸皮只係好薄薄一層，餡料充足架！甜既紫薯薯餅入面仲有栗子粒，非常好味

由星期一講到星期七，每日我都同女朋友講，不如去食拉麵啦！今次佢終於屈服左係我淫威之下，佢就帶左去呢到滿足我追求拉麵既欲望，呢到就係「金田家」。金田家位置銅鑼灣既燈籠街，早牌過都未有得，今次過黎，佢終於都裝修好啦，終於可以試下啦！我地一坐底，職員好好咁問我地要凍茶定熱茶，都幾貼心播!!!!睇到餐牌入呢兩個主打既拉麵，感覺幾吸引；加上大家都岩岩收工都肚餓啦，二話不說就叫兩個主打既拉麵。除左兩個主打，仲有唔少配料可以比客人任意追加既。女朋友叫左呢個，黑豚拉麵 - $98佢就真係識食啦，呢個麵好大碗，加上D叉燒都有番咁上下厚度，勁有咬口，岩哂D鐘啖大啖食既朋友。我就叫左呢個，豚骨MIX拉麵 - $78我呢碗麵比較平，份量相比之下少D，唔夠食既朋友可以好似我咁追加下其他唔同既配料，都幾唔錯架！豚骨MIX拉麵入面既叉燒變左腩肉，係肥左D，但配合佢個濃厚既豬骨湯，個感覺好滿足。我地追加左餃子、叉燒、替玉(麵底)同埋湯。食到勁飽先走。總合成餐飯既感覺係實而不華，佢呢到既湯底唔多，只有一兩種，但湯既味好濃郁，而家飲完會有D膠膠地既感係口入面，証明D湯係花左唔少時間同心機去整。

之前都食過一次金田家，印象中呢間九洲拉麵同平時啲拉麵鋪有啲唔同，尤其係佢個湯底。今次因為去銅鑼灣買野，但又諗唔到食咩，就諗起佢，想試多一次，希望可以試到上次話賣哂嘅糖心蛋。拉麵方面，我叫左碗豚骨拉麵。本身碗麵係無糖心蛋，所以另外加左一隻。個湯底比起其他拉麵鋪會清少少，更易入口又唔會覺得好油。而feel 到佢個湯應該真係餚出黎，無落味精，因為入口唔覺有味精味，食完無好渴。個面用左幼面 (無得揀嘅)， 所以軟硬度我揀左硬。(個替玉我揀左超硬，因為硬都唔夠口感。by the way, 佢個份量真係唔係好大)。個面我覺得普通啦，而因為佢個湯比較清，所以個面唔會有埋湯嘅味。最後就係個粒蛋。真係好入味。見到佢個色就知。所以一野就食哂。正。我諗為左粒蛋再黎都ok haha

黎到這間拉麵店，原來有幾間分店。今日帶媽媽來食下午茶，就黎一碗九州拉麵吧日式設計、大大的一間拉麵店，好光好特別的門面，好易找又搶眼內裡環境都好別緻，簡單乾淨的設計，配上大小不一的圓圓掛燈，加上牆上漂亮的花碟及白色花的擺飾透明玻璃見到師傅煮麵過程每張枱都有不同調味料，又有薑絲及味菜，客人可以自家調味餐點是用筆剔底所選擇的口味；麵的軟硬度、要否加香蔥！我選了招牌叉燒濃豚骨湯拉麵好快有得食，大大碗，香噴噴又吸引，有叉燒、木耳絲、香蔥、紫菜叉燒有4片，香口、半肥瘦又軟腍口感拉麵又點少得糖芯蛋（+14），好靚的橙黃味蛋黃，蛋白好軟又香滑，好正麵的質感有軟硬選擇，好滑滑的拉麵！媽媽選擇了白雞湯豚肉拉麵大大碗，白雞湯好濃郁、好香！豚肉微微燒香，軟腍易咬，4大塊！香濃雞湯配上吸汁拉麵，香滑又美味加了粟米粒（+$7）大大粒、有口感有爽脆，好正呀

今日就去咗銅鑼灣登龍街朝聖, 點選咗幾間拉麵店之後, 就入咗去金田家, 金田家大概等咗15分鐘就有得入喇!裏面有八種不同口味的拉麵, 我點咗最基本嘅豬豚骨拉麵, 因為越基本的就越能反映到他的質素他可以選擇麵的軟硬度, 同埋加蔥的份量另外我追加咗糖心蛋, 再加自家製辣醬,  等咗大概五分鐘就食得啦, 個賣相不錯, 自家製辣醬份量好多,  點一點落去湯底度, 辣度都非常之到位, 惹味最正嘅就係佢嘅豚肉,切得非常之薄身, 入口即溶,個口感非常之特別, 面非常之q, 又掛湯, 配埋蔥同雲耳一齊食,口感豐富

銅鑼灣既登龍街真係越來越多好野食！今日放工約左個舊同學一起吃飯，毫不猶豫就去了登龍街搵食！我們行過被一排紅色白色的燈籠門牌吸引，於是就去試下呢間金田家拉麵店！ 相比起其他的拉麵店，這間店的裝修可算是十分有心思，特別是那些牆上的擺設和燈飾，都幾光猛舒適。 因為都幾多人的關係，我們坐在面壁的座位，就在廚房隔壁，可以透過玻璃看到廚師整拉麵！哈～ 剛剛放工都幾肚餓，我們拿拿林就點菜先！我們點了兩個拉麵和一個小食Share! 係一人一張點餐紙的，唔會混亂，麵可以自由選硬度，也可以選要不要蔥！ 黑豚拉麵哇！估唔到係咁多份量的黑豚，肉質好林，薄切的，口感很好！湯底也很濃，好足料！檯面還有一些配菜可自由加！ 貪心既我另外還追加了粟米和腩肉叉燒! 粟米新鮮，腩肉叉燒一點也不肥膩，肉質很香口很林！掂！！ 柚子辛口拉麵柚子味既拉麵真係好特別！麵質口感很好！而且都真係有點辣！哈哈！湯底真係有柚子味架～ 見唔夠皮，我朋友都追加了一碟黑豚叉燒！正！ 　男爵薯餅呢個咁優雅既名，原來係紫薯薯餅加牛肉薯餅，呢個組合很有趣，因為是一鹹一甜的。薯餅好脆好鬆化，餡料非常香口，建議先吃鹹的，再吃甜的。 最後，我們點了兩杯名字很

我又去食嘢啦，今次係經過登龍街見到金田家拉麵，之前經常好多人排隊。今次比我唔使點排隊就可以入到去食。真的很幸運👍🏻當然馬上就叫一碗啦！湯味道算濃郁，D小食都幾吸引，我㸃了雞塊，分量剛剛好。味道一般。

之前已經食過紅磡分店，覺得幾好食就同個好中意食拉麵既舊同事一起黎食。晚上7點幾到都差不多full house不過唔洗點等就有得入座。2個人d野有d多，如果可以係凳有個籃擺野就會更方便😂我都係叫翻上次食既柚子辛辣拉麵，感覺呢間既柚子味偏淡，辣味更出。但如果食拉麵怕太濃味都會建議叫呢個，因為個湯頭冇豚骨個d甘重。拉麵要左普通都幾彈牙，好食。但塊肉就偏乾，冇咩特別。感覺拉麵好似紅磡分店出色d👍🏻🤤加左粒溏心蛋，有流心效果，so good🤤追加左粟米，原來會分開上仲以為擺定入湯，食落幾甜👍🏻朋友叫既黑豚拉麵小食叫左男爵薯餅，分別係紫薯同牛肉餅。個人黎講，超喜愛紫薯個件，甜甜地又有栗子係入面，炸得岩岩好，有口感得黎又好好食🤤叫左支茶解解膩😂

銅鑼灣食飯的晚上， 和同事來到燈籠街， 港島拉麵大戰的戰場， 由街頭的“鳥”, 到搬了大鋪的豚王，今次終於來到金田家！日本福岡評分No.1的拉麵店，以濃郁豬骨湯底聞名。約了同事來覓食， 今晚一定要食金田家！Menu set得好有心思， 各款拉麵的特色一目了然， 和同事點了辛子黑蒜拉麵，黑豚叉燒拉麵和唐揚雞塊，追加了粟米和芽菜。拉麵好快送上，先是唐揚雞塊，即炸的雞塊， 散發陣陣香味，撕開肉女嫩多汁， 鮮味非常！然後是主角拉麵， 辛子黑蒜拉麵， 帶微辣，黑蒜味香， 腩肉甘香入味。 黑豚叉燒拉麵， 叉燒鋪滿碗面， 清新湯底濃香，面身硬中帶爽，和湯底相配合。粟米和芽菜香甜新鮮， 配拉麵和炸雞一流啊！整體食物水準出色， 湯底出色， 經過燈籠街一定會再來食！

來到登龍街呢條銅鑼灣食街非常之多選擇同朋友就揀左呢間九洲第一拉麵之稱果然貨真價實名不虛傳朋友叫左碗雞白湯豚骨拉麵朋友唔食肉就益埋我呢塊腩片就正啦唔食真係後悔有三分一是肥野一些專家報告指出肥膏比一般牛油或是花生油的膽固醇含量低好多容易比人體消化營養價值極高入口是即溶好出色配合雞湯湯味是一流我就叫左個黑豚肉拉麵出場啦黑豚肉係擺哂去碗邊圍繞哂成個碗好似朵花咁好有氣勢黑豚肉比腩片略為遜色可能是隔離飯香啦其實兩樣都好出色加$14 有得追加流心蛋又是我至愛旦白都好入味果然是九州第一拉麵麵質是非常彈牙我叫左適中真係軟硬適中每條拉麵都能掛湯入口豐富煎餃子餡料好豐富大大隻的偏向重肉口感的叫左杯可爾必思乳酸飲品整杯乳白色的小酸多甜加上冰粒就美味可口 另外食拉麵必叫炭酸飲料波子氣水兒時回憶番哂來有氣飲料

今日中午到銅鑼灣辦些事情後、在附近登龍街發現了金田家。有九州第一拉麵之稱的金田家之前晚上經過往往要排隊、中午反而可以輕鬆入座。拉麵款式都幾多、除了普通的豚骨拉麵外、還有多款其他拉麵、例如黑松露湯底等。最後還是選了普通的黑豚拉麵 $98。切成一片片的黑豚肉質軟腍、帶點焦香、入口軟滑、有溶掉的感覺。豬骨湯底奶白色幾濃郁、拉麵較煙韌。桌上還有辣蘿蔔絲及其他配料可供加進拉麵。加$14 有隻溏心蛋、半熟蛋好滑、美味～

銅鑼灣有一條出名食通街~登龍街， 食肆林立, 日式拉麵的店鋪也多得很~金田家，從外面看進店內，雖然舗頭不算大, 但係餐廳全滿，坐無虛席，一個客人退座之後，另一個接替其座位！麵店標榜湯底用上濃白湯和百份百超豚骨及不含味精。黑蒜油豚骨湯麵~ 係麵店招牌之選。豚骨湯味香濃又撲鼻， 大大片厚厚嘅叉燒, 加上紫菜同唐心蛋配襯，仲有我最喜歡蔥花， 真係食慾大增。 色同香嘅賣相非常吸引，試埋豬骨湯， 湯味濃郁清甜， 加埋黑蒜油, 味道美鮮更特出！麵質爽兼彈牙，至於叉燒，肉鮮味美，—放入口有溶覺！枱上還有各適其適調味料， 任君選擇😀😀 。唔駛５分鐘我就食得一乾二淨，真係滋味！仲有一點不能不提，之後過左一段時間都唔覺得口渴，即係麵店所講不含味精是真有其事， 各位朋友不妨一試！

之前想過黎食拉麵，今日終於可以有時間過黎！😁估唔倒而家竟然有抽獎，希望可以抽中啦！拉麵來到啦 🍜！第一眼望落去覺得很濃郁。喝第一啖湯感到淡淡的豬骨味，比想像中淡，但不會有重很口渴的感覺。肉質方面，砌得好薄，但依然有肉味👍🏻👍🏻👍🏻我自己不太喜歡太肥的腩肉，但這裹的肉和脂肪比十分平衡，非常喜歡。至於它的麵是屬於幼麵，與一蘭一樣。喜歡它麵的硬度，而且夾起不會成舊麵咁，證明麵的水份足夠😁😁😁炸雞雖然有肉汁，但不喜歡炸粉當中的鹼水味。我覺我追加的食物性格比高，而且流心蛋也有質素，值得一試。