金百滬

營業中

休息中

一早買外賣俾屋企人食，係門口外賣部等左10分鐘左右都冇人出嚟，叫過入面都冇人出嚟，就自己將想買嘅嘢拎係枱面，等員工出嚟入盒收錢，點知一拎好有個自稱經理嘅女人，走出嚟叫我唔好搞亂，我即刻say sorry ，佢話出面唔收現金叫我入收銀處俾，我俾完錢拎單出嚟拎返外賣，原本諗住走，點知個自稱經理話係小偷想偷佢燒賣，我叫佢道歉，佢竟然話自己無講過，可以用返我小朋友發誓佢冇講過，我叫佢用返自己屋企人死都唔肯，用我小朋友發左3次誓話自己冇做過，一間公司有咁嘅員工真係冇得救仲要話俾經理。當然有好多老人家飲緊茶都聽到佢話我小偷，最後仲連公司電話都唔敢提供！

人唔多，點心又等得耐，兩個人坐四人枱叫你坐埋一邊，因為要搭枱喎🤷🏻‍♀️叫左5款食物，以為等得耐佢係即叫即蒸，點知所有食物都係唔熱嘅，真係吹佢唔脹，埋單$169，伏到一個點

難得放假，見呢間野開左一段時間就試下，點知叫2樣野就出事，首先流金歲月，流沙包，明明係出面蒸籠就拎得，都沒人拎，等左15分鐘，仲要d 洗沙係酸！！同個女服務講，佢拎一籠左俾我地試 結果又係酸！！！仲要質疑我地，話早上賣左好多，你沒病呀，呢批流沙包，酸就係酸，自己試完仲話沒事！！！ 之後第2碟牛肉腸粉，d 皮厚到爆！！！料又少，最後我地食左2碟就走，雖然佢有取消流沙包張單，但之後態度極差，話4個人食得2籠野！！！ 我話d 野唔好食，就去埋單走人！！ 條女經理既然走去收銀講收4位茶錢，因我地當然3人坐係到，有1人未來，算吧啦，10蚊茶錢米豪俾你，呢間野服務咁差，食物質素又唔得，唔會再來！！！

叫左兩個孖寶，孖寶$39.8🥢鳳爪排骨飯鳳爪屬於爽口， 排骨有咬口， 蒸飯蒸得啱啱好， 豉油不會太鹹， 整體唔錯🥢鯪魚球👎鯪魚球口感淋身， 調味適中，平常鯪魚球會混入臘肉或者臘味，但係呢度就混入西式火腿😅， 有啲古怪🙄， 而且有好多一粒粒肥豬肉在內😳🥢粟米煎魚餅👎煎得幾香脆，煎魚餅用嘅都喺鯪魚球肉，所以食評同上🥢煎釀虎皮尖椒👎釀尖椒用嘅都喺鯪魚肉，所以食評如上另外叫左🥄皮蛋瘦肉粥$16皮蛋夠綿香， 咸瘦肉好食，味道適中， 粥底比較杰身，唔會撩撩下稀曬🤣衞生麻麻地，服務一般般；天花板好多發霉跡🤮；另外，鯪魚球混入西式火腿😅，我接受唔到囉😑只係勝在孖寶夠平，茶錢亦相宜🤣星期一至五，全日茶錢＄7魚堅總評性價比 2.5👍(以5👍為滿分)

呢間店門前有一個外賣部，諗住好奇上前睇下有咩點心賣，點知唔夠五秒鐘就有一位帶眼鏡嘅中年女人（可能係經理）走埋黎大大聲咁講︰睇左就要買！唔買唔準掂！我當堂呆左，唔睇又點知你有咩賣從未試過遇到一間態度差到咁嘅食店諗住黎呢間垃圾店食嘅人士請要有受氣嘅準備環境衛生就正正常常啦，喺街巿門口旁開好難有咩要求，但我見外賣部附近係有D污漬冇處理，員工處理外賣冇帶手套香港有咁多好野食，點解仲要老遠走黎比錢受氣呢

5月10日去食中午見佢有上海食物就試下順便要幫小朋友影d 點心相片做功課我地得二個人都唔會叫好多點心唔夠相片因為要影高低數量點心籠見佢門口有外賣點心問佢地借幾個籠影相拎到枱面個經理過嚟冇出聲就拎走d 籠唔比影相佢話影相要批准我話同食客影相唔通都要問佢話影佢地d籠子就唔得有咩咁巴閉呢又冇logo 同普通酒樓冇分別一肚氣🤬🤬🤬即走

經常行過見到唔係太多人諗住都係麻麻哋點知出奇地ok 喎星期日多數酒樓都冇優惠估唔到呢間有優惠"孖寶"仲要到11:00 👍🏻味道品質ok排骨飯👍🏻😋只係腸粉唔係滑粉漿似食水晶飽咸水角有4件𠻹

成日經過呢間野都冇試過終於同朋友食咗第一次嘅晚市因為早去所以呢入座嘅時候呢都唔多人環境都算乾淨整齊叫咗個原味小籠包肉汁湯都算多個皮有少少口但係即叫即整所以食落口都係熱辣辣嘅叫咗個鮮肉小雲吞份量都幾多同埋佢哋係晚市優惠價錢所以都幾抵食跟住叫咗個小菜就係甜酸生炒骨佢哋呢度啲嘢食都幾好全部都係即叫即整所以一上菜嘅時候全部都係熱辣辣嘅味道甜酸適中而且肉多所以好抵食仲叫咗個乾撈粉絲生蝦煲呢個係超級好食因為啲粉絲勁入味上面有幾隻蝦啲蝦都幾大隻兩個人食都覺得夠晒飽因為勁大煲最後仲叫咗個甜品呢個係服務員姐姐推介我哋食嘅因為佢話呢個係超級好食我想想叫第樣就打因為佢推介所以就叫左真心無推介錯

之前食過幾次，感覺呢間酒樓啲點心真喺每況愈下。一行數人，叫咗十幾碟，發現部份點心有陣"叔"味，最嘔心喺食咗2隻鳯爪先發現入面有隻死咗既曱甴。🪳🪳🪳🪳🪳🪳（我撩返先隻曱甴上嚟先影相）可能呢啲衛生情況，佢地班職員都見怪不怪啦。我地反映返，有個唔知侍應定經理話換個籠俾我地就算，真係"多謝曬"。我地唔想再見到鳯爪，問轉其他得唔得，佢話要我地補錢。我地谷鬼氣話咁取消罷啦。最頂癮喺，結帳時居然照計埋個籠鳯爪錢，博我地唔去對張單。呢間酒樓啲職員，發現問題時喺完全零積極回應，好似覺得食客食到異物/昆蟲喺好平常。唔會再幫襯❗️❗️❗️❗️

一家和長輩吃晚飯，她說想到這店，因為晚市有三款超值菜式，她想一試。這店在商場內，位置就在菜市場的入口旁。走到店子的入口，已嗅到菜市場的腥臭味。本來不想內進，無耐長輩已入座，只好硬着頭皮在這兒吃晚餐。長輩點菜後，在等待食物上桌時，家人突然說，有曱甴，接着我便看到它向我走來，嚇得我立即離開座位。一位女侍應也看到蟑螂，飛快地跑來把它一腳踏在腳下，並且說殺死了就不再有，然後移去屍體。還是第一次在酒樓吃飯遇上蟑螂，雖然這酒樓的環境看似不錯，蟑螂可能來自菜市場，而且它不是出現在食物內，只是在地上走向我坐的椅子，但已經令我食慾全無了。這晚長輩點了店家的晚市亮點：上湯焗波士頓龍蝦連伊麵底（ $98 ） ：有一整隻龍蝦，味道不錯，伊麵也很多。清蒸生猛海斑（ $78 ）：味道也不錯，但是這魚的肉質有點奇怪。平時吃這種魚，肉質都是鬆軟的，但這條魚的肉質很實，但又不是蒸過了火的柴，不知怎樣形容。原隻鮑魚滑雞煲（$88 ）：這個完全不好吃，十分油膩，雖然醬汁是有味道的，但雞肉是沒有味道的，而且雞肉的質感也很奇怪，我們每人都只吃了一件雞，就沒有再吃了。另外加了一客小籠包，這小籠包雖然皮不太薄，但餡料和味道還可以。

今天再品嚐粤滬口味下午茶，點選上次未試過的自選孖寶:薑汁千層糕、上海菜肉包。擂沙湯圓與上海蒸饅頭。今次要淡香片茶，茶味減少了澀味。自選孖寶:薑汁千層糕，勁夠薑味，微甜，很喜歡！上海菜肉包，有椰菜和蝦肉，味道得宜。散點:上海蒸饅頭，佐練奶吃，簡單又好吃！擂沙湯圓，兩顆黑芝麻湯圓，吃得一口......充滿芝麻香，好吃呵！非常滿意四款點心都是熱騰騰，沒有濃濃味精味道，挺不錯，今次更抵食，一盅兩件的人均消費$39，稍後都會再幫趁！

今天品嚐粤滬口味下午茶，上海擔擔麵$19.8、酒釀丸子$25與自選孖寶的$26.9煎釀虎皮椒和鳳爪排骨飯。 茶位$6，香片茶就一般，帶有少許茶澀味。擔擔麵端上枱，迎面飄來芝麻與花生的濃香，令食慾大振，爽滑麵質掛著又香又濃的湯，好吃極了！湯裏面滲著清爽可口的青瓜有絲，湯裏還吃到少許豬肉碎、花生碎和芝麻，感覺很豐富。酒釀丸子味道很清甜，但有美中不足的地方，就是有少許將漿粉沒有拌勻。熱騰騰的鳳爪排骨飯，白米飯爽滑粒粒分明，雖然蒸排骨比較多油分，但也十分可口。煎讓釀虎皮椒有少許辣，釀入的肉質也頗佳，每隻虎皮椒都剪開兩段，十分細心。品嚐了四款點心，喜歡每款點心都熱騰騰， 而且是逐款點心上枱，可以慢慢品嚐。最後都要讚收碗碟的阿姐 很有禮貌。

星期日無無聊聊，時間多，決定同家人行遠d去食個Tea。呢間野係某位家人之前食過覺得唔錯，可以encore, 於是我地一行4人就一齊去試下啦。餐廳都ok自助下，唔洗拎飛，自己行入去坐，不過即時有姐姐拎碗碟同茶水過黎，good.Total叫左8樣野，冇一樣係中伏，水準都唔錯添，不過份量就唔算多，有d一陣間比人食哂。我個人仲意食脆野，佢個春卷幾好味，而且唔細條，正常size. 小籠包如果皮再薄身小小會更好啦。奶黃包流心，超正。最緊要係性價比高，價錢唔貴。

由於黃藍地圖嘅關係, 我哋平時食開嘅意X同埋漁X,  我哋都選擇唔食. 但由於我哋一行7個人又有bb車, 選擇都唔會有好多今次我哋揀咗食上海嘢為主嘅金百滬.我哋都有成兩三個月冇嚟喇個menu係有啲唔同老實講食物選擇係少咗,  冇計la~ 我哋今次食咗小籠包, 燒賣, 流沙包, 雞絲粉皮,醉雞,灼菜心, 同埋必定會叫嘅回鍋肉炒年糕. 回鍋肉炒得好平均而且味道啱曬我哋啲班重口味嘅人年糕軟綿綿, 唔似得有時啲上海舖要好用牙力先有得開咁, 另外佢裏面都有好多唔同嘅配菜例如大蔥, bell pepper等等少少辣, 十分香口, 男性朋友直情愫埋碟底㖭.  今次呢有少少驚喜, 因為有而家大熱嘅酸菜魚, 佢嘅右面比香港平時食嗰隻幼麵好味, 魚塊夠多, $88 都算抵食~

雖然搬出沙田禾輋邨已一段時間，但間中都會返去行下探望舊街坊。禾輋商場裝修之後，多左食市。一向喜歡上海美食嘅我，當然要試下呢間金百滬啦。倆人點左4個食物：☝三鮮炒年糕蝦仁新鮮，年糕煙靭，再加上蔬菜、火腿同雞肉，味道不錯。☝小籠包小籠包算是這裡的主打，皮薄、肉多汁味鮮。☝椒鹽小黃魚小黃魚外層炸到香脆, 內裡的魚肉嫩滑, 椒鹽太多，小黃魚份量不多。☝蔥爆牛肉牛肉有少少乾，不過入味,帶有淡淡嘅蔥香。整體來說，味道及份量可以接受，地方夠大，坐得舒服。