金碧酒樓

營業中

休息中

聽過好耐，但一直無機會食，因為夜晚一定無得walk In 咁滯，好似米芝蓮三星咁樣做booking到半年後。機緣巧合之下朋友好幾個月前訂咗一圍，有機會去試一試。佢哋晚市菜單，雖然話係傳統小菜，但係好多一般酒樓都冇得食，例如荔芋鴨個人經典的菜式推介錦鹵雲吞炸雲吞即炸脆口，沾上甜酸醬，醒胃！「茄汁大蝦」大蝦係成隻手掌咁大！「杏汁豬肺湯」足料，鮮甜，滋味！入到酒樓，熱鬧嘅氣氛馬上包圍住你，無論係家庭聚餐定係朋友聚會都好合適。服務方面，店員好多都係老伙記，都幾友善，雖然高峰時段可能會有啲忙，但整體感覺都好好。金碧酒樓無論係食物質素定價位都非常合理，值得一試！

#彩虹村 #金碧酒家 聽聞大名好耐，不過未有機會幫襯，哩到除咗出名好食，亦出名難訂枱，話說哩餐飯局已經約咗大半年，真係超誇張😅#杏汁豬肺湯 🐽#炸蟹鉗 🦀#錦鹵雲吞 🥠#蠔豉生菜包 #蜜汁脆鱔球 #茄汁大蝦 🍤#紅燒班尾 🦈#茘芋香酥鴨 🪿#馬拉糕 🥧哩個湯真係超正，飲咗咁多年豬肺湯哩個超濃郁，陳皮勁香，真材實料😋😋見隔離枱枱都有叫炸雲吞，我哋都唔執輸，我哋即埸叫都冇問題😉 酸甜味啱啱好，配合料有肉片魷魚，係最傳統嘅做法🥠炸蟹鉗賣85蚊一隻係有啲貴，記得好細個去飲一定有得食，不過唔知由幾時開始就冇再出現過⋯⋯實在令人懷念🥹 札實彈牙，外脆內軟，佔少大紅浙醋食就係哩個味道👅不過最期待嘅香酥鴨反而有少少失望，芋頭唔夠香，差少少🤔其他幾個餸都好好味，我唔太鍾意蠔豉味，都覺得哩個生菜包好味😋😋 不過可以的話加多少少爽口嘅材料應該會更好🙃茄汁大蝦🍤 合格以上、但未至於勁好食。紅燒龍躉尾 魚皮唔會靱骨膠原滿滿，肉質彈牙，不過略歉醬汁少咗啲，不過都係清晒底😋😋😋蜜汁脆鱔份量超大，我估應該用咗成條白鱔，肉質爽口彈牙，不過唔夠酥脆，差少少，有機會試吓豉汁蒸盤龍鱔🐍馬拉糕就一般啦⋯⋯可以試其他餸埋單連小費

本身book咗同媽媽食生日飯「11月25號」又誤打誤撞安排咗國慶日食喎，因為我家姐識人可以book快啲，仲順便可以幫佢慶祝埋生日添。誰不知結果係好似去飲咁，我哋一家包咗六分之五圍枱，仲有1/6就攝咗兩個陌生人，奇奇怪怪的。雖然兩個陌生人都好客氣，但係我哋諗住切埋蛋糕㗎嘛，尷尷尬尬。結果我哋好似食圍餐咁酒水任飲，六時半恭候七時入席。其實全部由家姐安排，食咩都唔知。結果就係多到食唔晒囉。菜式係懷舊同埋好難煮，亦都好少機會有得食抵唔抵就見仁見智啦或者因為佢包埋啲紅酒 sake 所以埋單都幾貴下(每人$800有找囉)咁講返食啲乜嘢先或者大家會覺得手工菜都物超所值呢？排名不分先後有酥炸蟹鉗、小炒王、蟠龍鱔、錦鹵雲吞、蠔豉生菜包、炸子雞、雞蛋焗魚腸、鴻圖面、窩蛋牛肉飯仲有馬拉糕添實在太飽太飽份量太多太多，唯有揀嚟食啦。有兩樣我完全冇掂過嘅係雞蛋焗魚腸同埋鴻圖面。（係冇咁有興趣食）其他我都有試食或者返兜嘅。令到我想返兜嘅就有小炒王啦，錦鹵雲吞同埋蠔豉生菜包。錦鹵雲吞真係好難得有機會食到，我好似食咗3-4塊。仲有佢個馬拉糕出面真係好難食得到呢一種風味。其實全部嘢都唔係話超特別好令人驚訝 的確係好食嘅，

昨晚應友人邀請到金碧酒家（全名為金碧茶樓酒家）晚飯。可能由於是週五兼下班時間，從中環開車過去頗塞車，途中有點發悶心情不佳。终於到達彩虹邨，我長大讀書啟蒙的屋村。雖然曾是邨民，但從未踏進金碧吃過東西，因為所住綠晶楼偏遠了點。一進酒家，祇見入口玻璃門掛上了紙牌-已包場(即全場滿座)。朋友當然是預訂好了。坐下先來白肺湯，清熱润肺，湯甜回甘，肺件爽滑，開胃非常。稍後來個蜜汁燒鱔，又大件又弹牙，皮脆肉鲜，好味。我的摯愛。。魚腸蒸旦跟住上，加點胡椒粉，纷香撲鼻，送白飯一流。别有回憶兒時媽媽的拿大絕技之味。茄汁超大蝦，海蝦鮮味加茄汁，搭配得天衣無縫，蝦肉烹調得恰到好處，我連殼都差D吃掉，爽快。友人再臨時加上小炒王，就像兒時家裡節日必備菜式。最后老闆娘親自送上精選金碧style干炒牛河，沒有那種燶干味，但卻帶老抽鲜濃咪及一點點汁滑口感。老闆娘建議加點芥辣，果然超然感覺，謝謝她呢。實在太肚子漲了，今晚吃不了那個馳名已久的椰味馬拉糕，下次必吃。全場最正是那種別處感受不到的街坊熱鬧氣氛。全場更有大堂经理辉哥不時介紹特色小碟，再不時高唱生日歌為聚友共渡吉日。老闆娘更是親力親為，全場指揮招待，車輛轉跟客人拍照打

一間相當有名氣的懷舊餐廳，家人得知彩虹邨可能清拆，非常想去嘗試，於是早於二月份的時候預訂九月慶祝中秋節去試一下。二月份預訂的時候，職員說會在用餐前十天聯絡我，預訂菜式。本人亦知道餐廳非常繁忙，於是早在用餐前兩星期主動聯絡餐廳查詢餐牌。過了幾天，餐廳沒有任何回覆，於是本人再度查詢，但也沒有任何回覆。隨後一直致電餐廳和用WhatsApp聯絡均沒有回應。直到用餐前四天，餐廳也沒有主動聯絡和回覆本人。於是本人透過WhatsApp call致電餐廳(沒人接聽)，再傳送一個訊息 ‘問咗成個禮拜可唔可以覆一覆啊？’餐廳職員（懷疑是老闆娘）用一個極差的態度和錄音回覆：‘你想睇餐牌呢其實個個都上谷高果到睇到嫁，唔係一定要我係呢到俾你嘅’但隨後還是通過WhatsApp把餐牌傳送給我.我不想和他有任何爭執，所以也沒有對他的態度作出回應。只是把餐牌傳送給家人，看看他們要吃什麼菜式。得出結論：‘1，2，3，6，8，9，10，11，20，杏汁豬肺湯’‘8人份’ (因為酥炸蟹鉗是單隻點的和杏汁豬肺湯有分不同份量,才這樣寫)餐廳職員再度用非常惡劣的態度錄音回覆:‘X小姐食乜嘢唔該唔好寫Number，我都唔知你嗰啲係咩

彩虹邨呢間60年老字號金碧酒家真係要排住隊咁Book位老人家生日係度真係好開心私房菜 人手有限卻做到水準大件又抵食個個都食到捧住個肚走唱首生日歌最快樂喜歡這裡懷舊的裝潢保留很多舊香港的相片、鈔票是一代人的回憶是老香港的味道一家人食飯 是食圍飯食溫馨的感覺選這裡食 真的揀得好特別喜歡這個 荔芋香酥鴨恰到好處 真心 外脆內軟平時唔食煎炸野既我都食多幾塊仲有呢道 蠔豉生菜🥬包都好搞鬼 泰式生菜包就食得多呢個咁中式的 mixing 都幾特別總之一家人 尤其有老人家既真係好適合帶佢哋黎呢度食真係唔貴 除返人頭都係 Under $400真係去邊度搵？仲可能可以撞到名人明星歡迎到此 支持小店

多謝半年前朋友親身book 金碧酒樓。足足等咗半年，今日終於可以去食🤤呢半年同間酒樓完全失去聯絡，你只有耐心等待。到食飯前一個星期，酒樓就會聯絡你叫你落單訂餸，冇得去到先叫😅🍴杏汁豬肺湯⭐️⭐️⭐️⭐️⭐️俾五粒星真係絕對冇誇張，連平日最怕杏仁味嘅我，都可以飲咗兩碗、公公仲誇張，飲咗三碗😋🍴酥炸蟹鉗⭐️⭐️⭐️⭐️⭐️繼續冇得輸，外脆內軟，而且個餡唔係用麵粉或者豬肉去做，好耐冇食過咁出色嘅蟹鉗🍴八寶鴨⭐️⭐️⭐️雖然係手工嘢，不過我個人唔識欣賞，覺得好似食緊糭咁。但公公幾十年前食過，佢話同以前嘅味道一樣，一樣咁好食。🍴釀鯪魚⭐️⭐️⭐️⭐️又係手工嘢，鯪魚肉超級彈牙，不過以前婆婆整嘅鯪魚肉，一樣咁彈牙😬😬當然，婆婆上碟就冇咁靚啦🍴魚腸蒸蛋⭐️⭐️⭐️⭐️⭐️又係冇得輸，一啲腥味都冇，簡直回味無窮。🍴蜜汁脆鱔球⭐️⭐️⭐️諗住成日食到家姐整嘅豉汁蒸鱔，所以今次試吓家姐冇整過嘅蜜汁脆鱔球，不過個人認為整得唔係太脆，蜜糖味亦都唔夠勁，個人覺得我BBQ嘅燒鱔好食d😬🍴金黃蒜香雞⭐️⭐️⭐️⭐️⭐️又係啲皮脆到爆炸，肉汁鮮嫩，連雞胸肉都超級滑，超水準之作🍴茄汁大蝦⭐️⭐️⭐️唔係因為唔好食而比三粒星，而係因為婆婆同家姐做到呢個水準🤣🤣#椰汁馬拉糕⭐️⭐️⭐️⭐️

呢間酒家位於彩虹邨，屋村情懷，懷舊氣氛濃厚，令我們能夠享受到正宗懷舊風味的菜式！當中人氣懷舊菜式包括八寶鴨，蒜香雞，蠔豉生菜包，杏汁白肺湯，酥炸蟹鉗都是必點菜式。

今晚與家人走進彩虹邨，在金碧酒樓食咗一個懷舊晚宴。杏汁白肺湯蠔豉生菜包酥炸蟹鉗錦鹵雲吞豉汁蒸蟠龍鱔順德煎釀鯪魚金黃蒜香雞花雕蛋白蒸海蝦窩蛋免治牛肉飯揚州窩麵馬拉糕有杏汁味道 ⭐️⭐️⭐️蠔豉，沙葛，梅菜 切粒，手工菜而且蠔味濃，加上爽脆生菜，正👍🏻👍🏻👍🏻👍🏻⭐️⭐️⭐️⭐️炸錦鹵皮鬆脆，汁醬材料豐富，有魷魚，豬潤，鮮蝦，叉燒，肉片，青紅椒，甜酸味道較得恰到好處 ⭐️⭐️⭐️又係一個手工菜，鯪魚肉加入臘腸粒，釀入鯪魚皮，先煎後蒸 👍🏻👍🏻⭐️⭐️⭐️酥炸蟹鉗，蟹肉很少少少，只是跟住蟹鉗的少部分，其餘的全是由新鮮蝦肉打成的蝦球，但炸得恰到好處，係全晚嘅number one 好味 ⭐️⭐️⭐️⭐️⭐️金碧貞姐再三強調秘製醬汁 ⭐️⭐️⭐️蒜香味夠，炸得雞肉嫩滑 ⭐️⭐️⭐️⭐️花雕蛋白蒸蝦，就有點失望。🦐大隻，蝦蒸得過熟，有點老。同時間，蛋白亦蒸過火起眼圈，竟然成碟食剩一半 😔⭐️⭐️份量少，由於係窩蛋，將飯餸撈起之後，略嫌過濕，失望 ⭐️材料其實同錦鹵雲吞一樣，但窩內的豬膶比起錦鹵雲吞的差很多，而且冇有味道。但麵質非常好，放久了亦沒有發漲，或者糊口 ⭐️⭐️單尾每人一件馬拉糕，有椰奶味道及椰香味，入口非常鬆軟，濕潤而且軟滑 ，雖然已經好飽，但嗰個

朋友約埋聚餐，講明一枱難求，更係立刻報名啦。星期四放工過去，彩虹邨金碧樓地下嘅金碧茶樓酒家匯合朋友們啦，嘩 唔係講笑，坐無虛席爆晒，真係連招牌都有歷史，食物質素高，老闆伙記同客人有傾有講，真的好難得架。 炸蟹拑 $85 一粒送上枱時蟹嘅香味已經快過碟餸。熱辣辣蟹肉蝦肉好廷身好好味，蟹肉嘅鮮味。呢個經典係魚腸蒸雞蛋。一点都唔會好腥，用上果皮薑絲減低腥味。脆鱔 好大條鱔的嘅肉先有咁厚肉，脆度唔夠但南乳豆豉味道又幾夾。八寶鴨又係手工菜，功夫多。呢個釀鯪魚先係我至愛同欣賞， 原條魚魚皮保留，平時鯪魚都唔會咁大條，但內部已經係爽口惹味鯪魚無得輸 100分。花雕蛋白蒸蝦 香味撲鼻 新鮮蝦 彈牙鮮甜 元蹄 可能之前已經好飽 見到都好濟咁，但當入口即化即時改觀。簡單有鑊氣 一點多餘油份也沒有。馬拉糕鬆化 甜香 限量 記得訂位預留呀

屋村重建消息一出，本來平日已客源不斷的這間屋村酒家，現在更變得一位難求。四個月前預訂了今晚的飯聚，一行十二人坐一桌，雖然坐得密密麻麻，但大家都不介意。未齊人前，大家為了有東西下酒，叫了一碟鴨翼，鴨下巴。這款下酒菜式做得很惹味，每件食材都沾滿了醬汁，但又不過鹹，邊吃邊喝酒，感覺十分爽。人齊後又開始上主菜，味味精彩。杏汁豬肺湯，如果人多的差不多每檯皆點。一大窩，份量足，湯底濃郁，豬肺處理好沒有難聞味道，吃起來又爽口，湯料又多，每人都渴得津津有味。錦滷炸雲吞，沒有錎料的雲吞皮炸得鬆脆，伴隨酸甜適中的錦滷汁同吃，十分開胃。椒鹽鮮魷，每條魷魚都被薄薄的脆漿包裹著，入口香脆之餘又能吃到魷魚的質感。魚腸蒸蛋，蛋滑魚腸香，魚腸入口綿密，令你可細味啖啖獨特的豐膄甘香。酥炸鮮蝦丸，新鮮炸起上檯，十二粒大大粒的蝦丸，每口都是蝦肉。豉汁蒸盤龍鱔，上檯整條鱔是沒有斷開的，鱔面灑上芫茜和辣椒絲，豉汁浸入每一件鱔片。店家很細心，用剪刀把每一圈繕骨剪斷，好讓我們容易取吃。每件繕肉都入味，肉質甘美。梅子炆鴨，這個鴨炆得很淋滑，肉質不太肥，梅子醬味道剛好，底層的竽頭吸收了梅子汁，又軟糯又好吃。腐乳炒通菜，通菜的莖爽口，葉

多得朋友Carry先食到呢間開業60年預約困難懷舊中菜，依家預約要等半年先有得食。我應該係咁大個人第一次去彩虹邨，有幸係彩虹邨清拆之前去下同埋食到呢啲香港碩果僅存嘅懷舊菜式。呢度嘅格局滿滿香港屋邨情懷人情味，我最鍾意佢句對聯(睇片) ，佢哋晚晚座無虛席氣氛十足 ，食完更加明白點解變咗預約困難店🌟為必點推介 🌟ʀᴇᴄᴏᴍᴍᴇɴᴅ 🌟 杏汁豬肺湯ℙ𝕠𝕣𝕜 𝕃𝕦𝕟𝕘 𝕊𝕠𝕦𝕡 𝕨𝕚𝕥𝕙 𝔸𝕝𝕞𝕠𝕟𝕕 𝕁𝕦𝕚𝕔𝕖其實我唔係好飲豬肺湯因為怕腥又唔好杏汁，但呢度呢個杏汁豬肺湯我係要添飲，可能有陳皮同薑辟走所有腥味，再加個豬肺處理得好兼特別烹調過，佢個湯係奶白色好滑，飲落好順喉好舒服🌟 蠔豉生菜包𝕊𝕖𝕞𝕚-𝕕𝕣𝕚𝕖𝕕 𝕆𝕪𝕤𝕥𝕖𝕣 𝕃𝕖𝕥𝕥𝕦𝕔𝕖 𝕎𝕣𝕒𝕡我好鍾意食生菜包，但唔係好食蠔豉，但呢度嘅蠔豉生菜包又係令我食唔停口，佢啲蠔豉一啲腥味都冇，連埋馬蹄同冬菇粒粒分明，冬菇有咬口，脆米加添層次，超級惹味! 佢哋選用嘅生菜，超級新鮮好爽口好脆，加埋個配搭一流! 同埋出面好少見有呢道菜式椒鹽鮮魷𝕊𝕒𝕝𝕥 𝕒𝕟𝕕 ℙ𝕖𝕡𝕡𝕖𝕣 𝔽𝕣𝕚𝕖𝕕 𝕊𝕢𝕦𝕚𝕕冇乜特別出面都食到，呢味可以Skip🌟錦鹵雲吞𝔻𝕖𝕖𝕡

踏入筆者第501份紀錄，打算寫一間香港有特色的食店⋯⋯一直以來，有朋友問，為何要寫食評，老實說，筆者並不是食家，何以說是食評，只是作一份紀錄。除了可以與各方”為食貓” 作分享外，更希望作為一份筆記，因為一直覺得，味道的感覺，是會寄存於腦內，當你一碰到那種熟悉的味道，”味覺記憶” 就會啟動，可能記起一件事，也可能記起一個人。曾有一間小店，吃出媽媽的味道，久而久之，筆者就會每隔一些時候到訪，這算是食物連繫回憶與情感吧！除著年紀，對很多事物都會善忘，很多食店原來曾到訪過，也忘記了，當再次到訪，才記起來過⋯⋯故此在多年前開始，希望在去過的食店，當作一份筆記，而且在香港，經營食店，何等困難，這些文章作為筆者對食店一份支持。朋友於上年11月，訂了一圍懷舊菜，要等到今年三月才有得吃。終於等到三月，當日到來，食店唔算大，很快就坐滿，熱鬧非常⋯⋯這間食店，就是筆者一直想試，只是一直未有安排，今次有幸受到朋友邀請，當然舉腳贊成。原來食店是有時間表的，星期一、二、四，是訂懷舊菜，而星期五六日就是蛇宴(秋、冬) 或龍躉盛宴。難怪要預早安排。基本上彩虹村筆者真是很少到來，看到金碧酒家這個招牌，原來這食店已有59

住開彩虹，都知道彩虹邨有一間人細嘅海先菜館叫做金碧酒樓， 因為老闆娘都係住我哋屋苑，所以屋苑啲人成日都推介。 今日一於試吓呢間隱世名店， 過到去坐低咗，環境懷舊有氣氛， 清潔乾淨程度都可以。 阿媽今次想豉汁蒸鱔，因為呢個菜都算係呢度嘅招牌菜，仲有叫咗豉油王大海蝦，炒飯同埋炒菜。 首先要讚吓佢個鱔真係整得好好味，很適中，豉汁味濃而且鱔肉香滑，嗰啲汁攞嚟撈飯真係冇得頂！ 仲有個豉油王海大蝦，啲蝦炸到又香又脆，豉油王炒落味道野味香口，值得推介。呢啲懷舊小店真係要幫襯吓，值得保留！

彩虹邨快將清拆，有興趣去金碧酒家的朋友請留意！2024年金碧酒家龍躉宴終於開始！萬眾期待！簡簡單單12道風味，每道菜都實而不華，盡顯懷舊菜本色！大家Fat Fat 過肥年