影片
港鐵彩虹站 C4 出口, 步行約4分鐘
繼續閱讀
電話號碼
23200937
92721408 (WhatsApp)
營業時間
今日營業
18:00 - 22:00
星期一至二
18:00 - 22:00
星期三
全日休息
星期四至日
18:00 - 22:00
以上資料只供參考, 請與餐廳確認詳情
聽過好耐，但一直無機會食，因為夜晚一定無得walk In 咁滯，好似米芝蓮三星咁樣做booking到半年後。機緣巧合之下朋友好幾個月前訂咗一圍，有機會去試一試。佢哋晚市菜單，雖然話係傳統小菜，但係好多一般酒樓都冇得食，例如荔芋鴨個人經典的菜式推介錦鹵雲吞炸雲吞即炸脆口，沾上甜酸醬，醒胃！「茄汁大蝦」大蝦係成隻手掌咁大！「杏汁豬肺湯」足料，鮮甜，滋味！入到酒樓，熱鬧嘅氣氛馬上包圍住你，無論係家庭聚餐定係朋友聚會都好合適。服務方面，店員好多都係老伙記，都幾友善，雖然高峰時段可能會有啲忙，但整體感覺都好好。金碧酒樓無論係食物質素定價位都非常合理，值得一試！
繼續閱讀
#彩虹村 #金碧酒家 聽聞大名好耐，不過未有機會幫襯，哩到除咗出名好食，亦出名難訂枱，話說哩餐飯局已經約咗大半年，真係超誇張😅#杏汁豬肺湯 🐽#炸蟹鉗 🦀#錦鹵雲吞 🥠#蠔豉生菜包 #蜜汁脆鱔球 #茄汁大蝦 🍤#紅燒班尾 🦈#茘芋香酥鴨 🪿#馬拉糕 🥧哩個湯真係超正，飲咗咁多年豬肺湯哩個超濃郁，陳皮勁香，真材實料😋😋見隔離枱枱都有叫炸雲吞，我哋都唔執輸，我哋即埸叫都冇問題😉 酸甜味啱啱好，配合料有肉片魷魚，係最傳統嘅做法🥠炸蟹鉗賣85蚊一隻係有啲貴，記得好細個去飲一定有得食，不過唔知由幾時開始就冇再出現過⋯⋯實在令人懷念🥹 札實彈牙，外脆內軟，佔少大紅浙醋食就係哩個味道👅不過最期待嘅香酥鴨反而有少少失望，芋頭唔夠香，差少少🤔其他幾個餸都好好味，我唔太鍾意蠔豉味，都覺得哩個生菜包好味😋😋 不過可以的話加多少少爽口嘅材料應該會更好🙃茄汁大蝦🍤 合格以上、但未至於勁好食。紅燒龍躉尾 魚皮唔會靱骨膠原滿滿，肉質彈牙，不過略歉醬汁少咗啲，不過都係清晒底😋😋😋蜜汁脆鱔份量超大，我估應該用咗成條白鱔，肉質爽口彈牙，不過唔夠酥脆，差少少，有機會試吓豉汁蒸盤龍鱔🐍馬拉糕就一般啦⋯⋯可以試其他餸埋單連小費每人都係$450，好抵食👍🏻👍🏻7點半到達已經坐滿人、超好熱鬧，又多老人家一家大細，有啲似去左舊式酒樓飲長輩生日宴咁，事關席間仲有餘興節目，就老闆巡唱生日歌😅😅😅 之後仲有客人現場唱歌🎤娛賓⋯⋯氣氛超好笑😂彩虹村🌈2028年開始進行第一期從建計劃、金碧都會拆，訂枱要趁早、想食起碼等半年⋯⋯⋯
繼續閱讀
本身book咗同媽媽食生日飯「11月25號」又誤打誤撞安排咗國慶日食喎，因為我家姐識人可以book快啲，仲順便可以幫佢慶祝埋生日添。誰不知結果係好似去飲咁，我哋一家包咗六分之五圍枱，仲有1/6就攝咗兩個陌生人，奇奇怪怪的。雖然兩個陌生人都好客氣，但係我哋諗住切埋蛋糕㗎嘛，尷尷尬尬。結果我哋好似食圍餐咁酒水任飲，六時半恭候七時入席。其實全部由家姐安排，食咩都唔知。結果就係多到食唔晒囉。菜式係懷舊同埋好難煮，亦都好少機會有得食抵唔抵就見仁見智啦或者因為佢包埋啲紅酒 sake 所以埋單都幾貴下(每人$800有找囉)咁講返食啲乜嘢先或者大家會覺得手工菜都物超所值呢？排名不分先後有酥炸蟹鉗、小炒王、蟠龍鱔、錦鹵雲吞、蠔豉生菜包、炸子雞、雞蛋焗魚腸、鴻圖面、窩蛋牛肉飯仲有馬拉糕添實在太飽太飽份量太多太多，唯有揀嚟食啦。有兩樣我完全冇掂過嘅係雞蛋焗魚腸同埋鴻圖面。（係冇咁有興趣食）其他我都有試食或者返兜嘅。令到我想返兜嘅就有小炒王啦，錦鹵雲吞同埋蠔豉生菜包。錦鹵雲吞真係好難得有機會食到，我好似食咗3-4塊。仲有佢個馬拉糕出面真係好難食得到呢一種風味。其實全部嘢都唔係話超特別好令人驚訝 的確係好食嘅，不過又未令到我覺得短期內返去，更何況佢都就嚟結業啦原來唔記得咗佢仲有一個好難整嘅湯，就係杏汁豬肺啦，洗豬肺都洗死你啦。我姨甥仔不知幾鍾意食。梗係叫佢食啲啦，屋企唔會整㗎。媽媽讚不絕口，一來因為中菜，二來啲餸菜真係好難整，佢亦都唔識整響行入去嘅途中見到啲好懷舊嘅舖頭 令人懷念
繼續閱讀
昨晚應友人邀請到金碧酒家（全名為金碧茶樓酒家）晚飯。可能由於是週五兼下班時間，從中環開車過去頗塞車，途中有點發悶心情不佳。终於到達彩虹邨，我長大讀書啟蒙的屋村。雖然曾是邨民，但從未踏進金碧吃過東西，因為所住綠晶楼偏遠了點。一進酒家，祇見入口玻璃門掛上了紙牌-已包場(即全場滿座)。朋友當然是預訂好了。坐下先來白肺湯，清熱润肺，湯甜回甘，肺件爽滑，開胃非常。稍後來個蜜汁燒鱔，又大件又弹牙，皮脆肉鲜，好味。我的摯愛。。魚腸蒸旦跟住上，加點胡椒粉，纷香撲鼻，送白飯一流。别有回憶兒時媽媽的拿大絕技之味。茄汁超大蝦，海蝦鮮味加茄汁，搭配得天衣無縫，蝦肉烹調得恰到好處，我連殼都差D吃掉，爽快。友人再臨時加上小炒王，就像兒時家裡節日必備菜式。最后老闆娘親自送上精選金碧style干炒牛河，沒有那種燶干味，但卻帶老抽鲜濃咪及一點點汁滑口感。老闆娘建議加點芥辣，果然超然感覺，謝謝她呢。實在太肚子漲了，今晚吃不了那個馳名已久的椰味馬拉糕，下次必吃。全場最正是那種別處感受不到的街坊熱鬧氣氛。全場更有大堂经理辉哥不時介紹特色小碟，再不時高唱生日歌為聚友共渡吉日。老闆娘更是親力親為，全場指揮招待，車輛轉跟客人拍照打卡，照顧客人無媚不置，觸覺敏銳，尤其處理已排期到明年四月份的預訂。因為實在捧場客遠超座席，一位難求。開心，真的開心。我之前塞車的悶氣呢？算吧，随風而去了，都被全場氣氛融化了。
繼續閱讀
一間相當有名氣的懷舊餐廳，家人得知彩虹邨可能清拆，非常想去嘗試，於是早於二月份的時候預訂九月慶祝中秋節去試一下。二月份預訂的時候，職員說會在用餐前十天聯絡我，預訂菜式。本人亦知道餐廳非常繁忙，於是早在用餐前兩星期主動聯絡餐廳查詢餐牌。過了幾天，餐廳沒有任何回覆，於是本人再度查詢，但也沒有任何回覆。隨後一直致電餐廳和用WhatsApp聯絡均沒有回應。直到用餐前四天，餐廳也沒有主動聯絡和回覆本人。於是本人透過WhatsApp call致電餐廳(沒人接聽)，再傳送一個訊息 ‘問咗成個禮拜可唔可以覆一覆啊？’餐廳職員（懷疑是老闆娘）用一個極差的態度和錄音回覆：‘你想睇餐牌呢其實個個都上谷高果到睇到嫁，唔係一定要我係呢到俾你嘅’但隨後還是通過WhatsApp把餐牌傳送給我.我不想和他有任何爭執，所以也沒有對他的態度作出回應。只是把餐牌傳送給家人，看看他們要吃什麼菜式。得出結論：‘1，2，3，6，8，9，10，11，20，杏汁豬肺湯’‘8人份’ (因為酥炸蟹鉗是單隻點的和杏汁豬肺湯有分不同份量,才這樣寫)餐廳職員再度用非常惡劣的態度錄音回覆:‘X小姐食乜嘢唔該唔好寫Number，我都唔知你嗰啲係咩嚟嘅，更加睇唔清楚師傅‘’做野做出嚟俾你做錯晒㗎啦’‘個個落菜單都係食乜嘢寫出嚟㗎’‘全部懷舊菜都唔會有八人份量㗎，全部都大碟㗎，你唔好叫咁多款呀唔該’得到這樣的回覆，其實本人非常想取消預訂。首先，沒有按照半年前說的主動與我去聯絡。其次，你餐牌上也有數字顯示菜式，你沒有說明如何點菜，我不會知道要按照怎樣的點菜方式下單。再者，你叫我上Google找你的餐牌，為什麼你不看清楚自己的餐牌每個菜式的代表數字是什麼？這樣的服務態度完全不能接受！但基於家人的期待，所以還是去用餐。去體驗看看他們的食品是不是值得等待半年，先吃一肚氣，再去吃晚餐。 結論是，完全不值得。杏汁味很淡..沒有什麼特別很普通炸蝦球，只可以說他的麵粉比外面的酒樓少一點，但味道來說很普通。吃不出他與酥炸鮮蝦丸的分別，還要85一顆，完全不值得。非常一般..鯇魚腸有一點腥。和外面酒樓吃的一樣沒有特別。甜酸醬內有叉燒，蝦的配料，但吃起來的感覺都是不新鮮。這個可以說是整天晚上最好吃的一道菜了，但其實也只是很一般，其他餐廳也可以吃到這樣的質素。瘦肉的部份還沒有完全煮軟，還是有點硬。汁醬也還沒有滷進去。海蝦的份量很多，感覺有大概一斤蝦。這樣吃蝦完全沒有花雕味，蝦的鮮味也吃不出來。蛋白的份量也很少。如果真的想吃蝦，建議吃白灼蝦更好。一整條鱔拿去蒸，沒有蒸過火，蒸得剛剛好。但是油放太多，豆豉太少，完全沒有豆豉的味道。外皮完全不脆，雞肉偏鹹。但是雞肉炸得剛剛好。整頓晚飯+3瓶啤酒，7人吃，結帳3158。不是便宜，不是特別好吃，還要早半年預訂，預訂前還要承受那不必要的惡劣態度先吃一肚氣。完全是名過於實，不建議去吃。但如果你想體驗一下那惡劣態度，強烈推薦你去吃。
繼續閱讀