金祥排骨麵大王 (已結業)

為一間己結業嘅食店寫食評, 我都覺得自己無聊...以前一個月起碼嚟四, 五次食麵, 數年前搬屋後因為唔就腳, 就疏咗好多.極度鍾意佢嘅冬菇, 好厚身, 好滑, 好香, 好入味; 菜胆通常都好得, 除非非常唔當造, 食入口就知, 老的有渣的會部都摘晒, 一定都唔會孤寒.更懷念嘅係一肥一瘦阿姐, 好友善, 雖然唔多野講, 但係有時耐唔去, 佢地會好有心咁問候近況 (唔係"行"果隻), 好似屋企人咁, 好鬼窩心.慚愧今次竟然要上openrice 先知佢結咗業.... 唔知兩阿姐近況點呢....十幾年嚟, 金祥嘅所有鋪都去過, 包括西環兩間同埋早已結業嘅屯門, 而家只淨番西環一間, 睇嚟要快啲食多幾次... 但係始終懷念錦屏街呢間...

本來諗住食附近間青藏麵，但係搵唔到喎，咪過來呢間試下囉。我地叫左一碗排骨雲吞麵同一碗菜膽魚卷麵。排骨不愧為招牌菜，炸得好香，又腍又唔太肥膩，個雲吞就普通啦，不過都唔錯，碗麵又有好多菜，好鬼大碗。另一碗麵都係咁鬼大碗，落足料，但魚卷梗係冇ｄ排骨咁好味啦。呢間野個阿姐好好招呼，我地臨收工先來仲要諗鬼咁耐先落單佢都面帶笑容，以呢ｄ街坊麵家來講真係好難得。

黎到排骨大王，梗係要試下招牌棻式。我點了一碗排骨麵，朋友仔要了一碗魚卷麵加可樂。兩樣都好好味，排骨外層炸粉不太厚，肉身仍然保持濕潤，比例上剛剛好，份量亦好足夠，食到好滿足！不得不提，桌上放了辣醬很香口！唯一唔滿意地方，一坐底聞到一陣怪聞。惟有坐第二張睇下好唔好Ｄ！

My husband tried their location in 西環 and said the 排骨was very good. So today I went to the location at North Point. I had the 雪菜排骨米 + iced coffee. When the noodles came, I quickly ate a piece of the spare ribs to see what all the commotion was about - it was VERY good !!!! Even though the 排骨 wasn't too thick, it was still juicy and not dried at all (cos it's deep fried) - I immediately fell in love w/ it (but I did think there was too much 雪菜, next time I will get the 菜膽排骨). Their iced co

有咁多大王, 今日又食多次大王.叫了最基本的排骨麵.咁呢度係食豬扒嘛....只係廿八蚊.湯幾淡; 但排骨味幾濃, 炸得幾脆但又唔太油; 一讚.雖之前炸起, 但係有人叫才剪開一條條的; 肉汁仍可保存~麵ok, 略淋左d. 可能我食得慢....加少許菜要一蚊, 都值既.值得一試架~

睇完上面嘅食評，慕名而去，原來呢間茶餐廳可算係蒼海遺珠！晏晝一點去，坐咗成個鐘都冇滿人，除咗成隊球隊黎食飯時稍為多啲人，但係都仲有位淨。唔想等位嘅話，可以考慮呢度。等朋友到時，見到有架噴泉式果汁機裝住啲豆槳，六蚊杯，就試下。好香，不過稍為甜咗些少。我叫咗個馳名嘅菜膽排骨雲吞麵，排骨就正如上面所講，皮脆肉腍，唔太鹹唔太淡，係每一方面都適中嘅技術。至於雲吞，大粒係幾大粒，不過裡面好似唔係好多肉，但係神奇在連我咁嘅食肉獸都覺得冇問題，味道有響度就得。而個白菜膽都幾新鮮。最大問題係個粗麵。可能煮得太耐，所以嫌佢好似溶溶地咁，唔夠結實。下次會試蛋麵。朋友叫咗紫菜腐皮卷麵，腐皮卷通常淡而無味，靠汁索味。但係卷埋塊紫菜響裡面，香之餘又有味，係唔錯嘅配搭。凍飲連嘢食只需加六蚊（單叫十一蚊），通常卅幾蚊可以埋單，幾抵。最後補充一句，記得叫排骨另上。浸濕哂就唔好啦。而排骨單叫一塊要十三蚊。

朋友成日問我, 北角有乜好食, 我立即回答: 當然係排骨大王啦早幾年已經時常食呢度嘅炸排骨, 今日怱然又想起, 就向同事推介一番.步入店內, 依舊聞到一陣奇怪的異味, 坐定一會就唔覺. 我差唔多每次都係食: 排骨上海粗炒 用新鮮排骨炸嘅, 排骨好香好入味, 外脆內腍, 無得頂! 而粗炒亦炒得色澤均渾, 味道啱啱好, 無炒到斷, 真係唔容易! 份量＋足! 炸鯪魚腐皮卷 即叫即炸熱辣辣, 好有鯪魚肉味, 足料!同事也讚不絕口, 咁好味嘅排骨粗炒都只係賣$30蚊, 凍飲加$6蚊, 的確超值! 是我北角區開飯首選!

星期一，下午與同事大老遠來了北角這間非常有名的排骨麵店一試。叫了淨水餸+巴西炸豬扒。同事嗰碗三拼上海麵，份量特大，如果未食嘢我都想試一下。餃子皮好薄好滑，餡料菜肉比例是八二，個人覺得不錯。豬扒好腍，肉味足，炸得好香脆，不過 $18 一塊略嫌貴了一點。

在同學家上完蛋糕研習課，到晚上與家人就在附近吃晚餐，聽聞金祥的排骨麵甚有水準，早已想來試，今天正好一償夙願。午間吃過健康素食，這餐也可吃豐富一點吧！食物種類看似頗多，有排骨，魚卷，五香牛肉，牛腩，雲吞，雞球，竹笙，時菜，椰菜，炸菜，菜膽，冬菇等，可自由交叉配搭，雙拼或三拼，悉隨尊便。我們要了雲吞排骨麵，魚卷牛肉麵，冬菇雞球麵和煎餃子，店員問我們要不要加菜，祇需每碗加一元，區區加一元，當然不需考慮太多。一碟煎餃子有五隻，賣十三元，皮薄兼脆，是不錯的小食。雲吞排骨麵，幸好先前看過食評，懂得叫店員將排骨另上，免被湯浸濕，排骨即炸豬排，上了粉炸，再切成條。需知炸的過程若是火力和時間控制不好，則多一分變乾，少一分則不夠熟，這裏就炸得剛剛好，味道亦鹹淡適中，是經驗的成果。雲吞是菜肉雲吞，有三隻，和加一元的白菜仔，絕非是白烚貨色，同樣是水準之作。魚卷牛肉麵的魚卷是用腐皮包著鯪魚肉炸成，香脆的外皮配合彈牙的魚肉，確是妙品，五香牛蹍很淋，又是一水準之作。冬菇雞球麵，雞球卻是有骨雞件，用醬油鹵過，成深啡色，非常入味，然而，名字與實物有所偏差，也許上海人叫豬排做排骨，而叫雞件做雞球？我不曉得！麵條很爽口彈牙

經過幾日公眾假期密集式嘅飲飲食食之後，腸胃功能嘅發揮可謂七七八八，人亦變得懶散了許多，已經唁想在家中做任何事，亦唔想再到外面大吃大喝。所以太座建議到屋企附近嘅小食館解決呢個晚餐。Openrice嘅搜尋功能，為我地搵食提供咗一個好方便嘅平台。按入我地想食乜嘢嘅資料，不一會就能列出一張清單。此店位於電車路一條橫巷，位置人流稀疏，招牌亦唔突出，如果冇openrice都唔會專程嚟試食。看舖頭外嘅宣傳介紹，呢度嘅拿手菜色係排骨麵同埋菜肉雲吞麵，太座與我分別order呢兩款。排骨即係豬扒，有一層薄麵漿放落滾油炸。麵漿唔會太厚，唔會好似炸一團麵粉般，豬扒本身亦冇用梳打粉醃鬆嘅痕跡，肉質保持適當嘅彈性同埋肉汁；至於菜肉雲吞嘅雲吞皮比較厚身，接近傳統北方餃子嘅風格。麵條粗粗的一定可以醫飽個肚。嗜辣的不妨盡享這裡提供嘅辣椒油、豆辦醬同埋辣椒粉，加在上海麵中撈埋一齊食非常可口。單拼麵廿四蚊一碗。雙拼(排骨加雲吞)廿七蚊一碗，如果兩個人一齊食，分別嗌單拼再撈埋一齊食更加化算。

爸爸話呢度D排骨好味,就帶我黎試,睇睇個菜單,有好多種配搭,你諗得到佢都可以幫你雙拼,感覺上係家族事業,阿姐好好人,上菜收碗都好快排骨魚腐粗面::即炸排骨,有成大塊!雖然浸左落D湯到有D淋,但係依然好鬆化,肉夠juicy,連我呢D怕肥唔食炸野的人都忍唔住食左兩件,不愧係招牌!魚腐都係炸,魚肉好香,應該唔係現成貨,可能因為比較厚身,所以無排骨口感咁好,不過都OK的,而且都幾有名牛筋雲吞粗面:雲吞皮好滑,又夠薄,入面D菜肉好新鮮,清清地好味!牛筋好多,滑溜溜,個賣相已經好靚,一食真係好滑無碴!好好味呀!遺憾牛肉賣晒,下次一定要試食上海粗面,其實佢整得好,夠彈牙,但係個人喜好問題,都係鍾意食返港式面多D...湯就好清,唔似味精湯,飲左都唔會口渴!

這個排骨麵大王店在很多區都有分店, 但是吃這一家就發覺別的店比不上.這裡的阿姐都很和善. 價錢相宜, $30無論什麼時候吃都有麵有飲品.排骨鬆軟又大塊, 只有少少骨, 啖啖肉.本身的湯底是較淡口的,但只要要求阿姐加腩汁, 味道即刻唔同晒, 最好叫埋排骨分開上, 排骨不會被湯浸軟, 吃到最後都鬆脆可口!當然, 這裡不會是朋友聚會的地方, 但是是又快又便宜的好店!!

上月即四月份某日中午用膳時段, 未有確定用膳地點同款式情況下步行至該店鋪門外, 由於時間關系便決定品嚐一下..... 進內坐下店內不太大因用膳時段還感覺擠迫非常不太舒服, 店員服務還可以, 衛生程度就一般, 看了一下 menu 想著 排骨粗麵 應該不錯心態便選擇了. 不久來到了..一看已不想吃 !! 排骨炸得很利害, 老抽實在太多感覺不是抄是浸的, 沒其他配料了, 而且整碟排骨麵外觀感覺很粗糙 (求其) 沒有飲品要另叫, 結果吃了不到一半真的要放棄.....結賬還要三十大元 !!

想快快趣食一餐, 走左入黎, 見到呢度多人, 都試下呢度啲排骨麵. 驚唔夠飽, 叫左雲吞拼排骨. 鑄成大錯.來到時排骨浸在湯裡面, 淋左一半. 不過尚算新鮮炸出, 幾香口~ 而啲麵條係上海麵, 亦對口味, 但係雲吞實在太差, 餡料差唔多全部係粉, 一啲肉都冇, 從來冇食過咁既雲吞, 加埋成碗味精湯, 太難食. 之後重肚痛, 未知是否與店內衛生環境惡劣有關.

http://img.photobucket.com/albums/v222/left1234/R0011095.jpg這兒除了排骨較馳名外，今次還想談談這兒的早餐。時至今日，連鎖快餐店的早餐已填不飽我的肚子，因為份量不多，金祥的早餐可算是抵食兼大份，還可配以上海麵，哈哈，你可以說這兒的村料不是相當吸引，但出品效果還是不過不失，有誠意過連鎖快餐店吧？始終每人的口味也各有不同，或許稱作幫襯多年也不願給予太差的評價？謝謝。