影片
電話號碼
23296244
98573918
開飯介紹
營業至凌晨的港式火鍋店，湯底提供養生、香辣等口味，而火鍋配料逾70款，另有刺身、小菜供應，選擇多元化。
繼續閱讀
營業時間
今日營業
16:00 - 02:00
星期一至日
16:00 - 02:00
以上資料只供參考, 請與餐廳確認詳情
有關獎賞計劃
今晚老細請食飯，book咗間外表一啲都唔起眼嘅火鍋小店打邊爐。雖然環境平平無奇，但係食物竟有意想不到嘅驚喜，蔬菜新鮮，牛有牛味，海鮮有海水味😆😆擺盤都好特別，又可以相機食先喇🤭食物份量都好多，尤其係份手切牛肉，食極都食唔完。象拔蚌都好鮮甜，生食熟食都好爽口。我哋仲叫咗凍蟹，墨魚丸，水餃，雲吞，炸魚皮全部都好好食😋😋價錢親民，好低食！我哋飽到捧住個肚腩返屋企😆😆最好值得一讚嘅係 食完一啲都唔會口乾👍🏻👍🏻👍🏻👍🏻
繼續閱讀
位於新蒲崗的金筷子，唔係旺區，卻有一班街坊支持，坐低都未感到咩特別，食落就知真材實料！生猛象拔蚌刺身：新鮮鮮甜到不得了！口感係爽脆彈牙，味道係鮮甜中又帶點點海水的咸味！點wasabi食正呀！亦可以喺火鍋淥一淥，都無損佢嘅鮮甜味！鮑魚: 正！老闆將佢簡單處理過，可以就咁生食，係爽脆的口感，咬落有啲似鮮帶子的味道，我再將佢過火鍋淥一淥，外熱內涼都好食！每款海鮮都好新鮮好食，包括有蟶子同生蠔，大隻飽滿，都係食得出的鮮甜！花膠有5件，食到軟滑的質感，啖啖骨膠原，好正！封門柳新鮮富有牛味，肥瘦均勻，一咬就開！手打墨魚丸同埋雲呑食得出的真材實料，大大粒，又好新鮮。總括來講，每款材料都係新鮮及真材實料，我花$588食得滿足又快樂！
繼續閱讀
隱世火鍋店火鍋湯底太特別，勁抵食海鮮套餐食物有救新鮮老闆又好人，呢個生拆蟹肉海鮮鍋真係勁特別,用腐竹包住海鮮成個福袋咁,淨係睇呢個湯底都夠哂噱頭。個套餐仲有象拔蚌刺身,好鮮甜。手切封門牛柳,你睇下啲肉質幾鮮嫩。養顏花膠,花膠真係好厚身。仲有埋原隻鮑魚,特大嘅元貝,生蠔,手打墨魚丸,同埋師傅手工包嘅水餃,雲吞,烏冬同菜當然都唔少得啦。呢個價錢咁多嘢食真係三個人都夠食,仲可以豪食海鮮,真係冇去錯地方呀。
繼續閱讀
今次去呢間火鍋小店絕對稱得上係懷舊店，响新蒲崗開業已經超過15年，夠哂地道嘅老字號，佢哋嘅手切封門柳及罕有自家黑松露丸仲好出色添😋，但係價錢絕對親民，$688已經有個象拔蚌肥牛二人套餐喇🤑。象拔蚌肥牛二人套$688呢個套餐真係好抵👍，有豐富足料嘅鍋底之外，仲有成10款火鍋配料，當中有海鮮、手切牛肉、丸類、餃類、蔬菜及麵食，最正仲有象拔蚌刺身添🤩。鍋底可以揀生拆蟹肉海鮮鍋、瑤柱海味冬瓜鍋或胡椒豬肚雞鍋，我哋就揀咗生拆蟹肉海鮮鍋。🫕鍋底賣相超震撼，上枱時鍋底插咗4隻生蝦，真係好生猛新鮮，啲蝦腳仲郁緊，面頭有素翅及蟹柳，另外用腐皮包住嘅餡料有蘿蔔、花甲、雞腳等，鍋底豐富足料👍。🥢生猛象拔蚌刺身份量充足，三人前都夠食，鮮度十足，爽脆鮮甜，高質超好味，連旁邊嘅蕃茄都好新鮮😃。🥢手切封門柳唔一定要A5和牛先好食嘅，就好似呢個封門柳，口感軟腍中帶質感，牛味濃郁仲帶有牛嘅鮮甜味，份量仲好多添😝。🥢鮑魚2隻冰鎮鮑魚軟腍中帶Q彈口感，鮑汁濃郁鹹香👍。🥢元貝2隻或生蝦4隻 見佢火鍋底已有生蝦，所以就揀咗元貝試下，超大隻，鮮甜爽口，正😋。🥢廣島蠔2隻手掌咁大嘅廣島蠔，肥美飽滿，蠔肉嫩滑鮮甜👍。🥢養顏花膠 我哋一開始已經將花膠放入鍋底，到最尾先食，超軟腍滑溜溜口感，好滋補養顏🥰。🥢手打墨魚丸或手打黑松露丸4粒揀咗墨魚丸，口感爽彈，味鮮甜。🥢雜菜一份蔬菜都幾新鮮，食落唔會有渣。🥢雲吞拼水餃各2粒或韭菜餃拼魚皮餃各2粒揀咗雲吞拼水餃，可以雙拼實在太好，皮薄餡料充足。🥢手打烏冬或出前一丁 有我哋最愛嘅手打烏冬，口感煙韌又幼滑，索埋湯汁一齊食超正😋。🍺藍妹啤酒 $38火鍋配啤酒是常識吧， 當然要啤啤佢啦😂。冇諗過$688嘅套餐有咁高質嘅食材，象拔蚌刺身及其他海鮮都超新鮮，其他食材亦完全唔揸流灘，而且份量超充足👍。另外，好欣賞佢哋嘅擺盤，因為通常小店嘅擺盤賣相都係求求其其，但呢間店舖就剛好相反，由鍋底以至象拔蚌、封門柳等嘅擺盤都花過唔少心思😍。服務亦都好好，絕對係一間值得推介嘅火鍋小店👍。而家仲要抵上加抵，follow佢哋嘅社交媒體網站仲可以減$100添🤑。
繼續閱讀
幾時都話新蒲崗係個好地方，無論隔幾耐冇嚟，對新蒲崗嘅愛只會有增無減！今次媽咪去新蒲崗行街，見到金筷子嘅火鍋套餐都幾抵食，依家follow佢哋IG仲會減HK$100，真係幾抵食xd 🌟象拔蚌肥牛二人海鮮套餐 $688👉🏻套餐包咗勁多嘢食，仲要一啲都唔Hea，食物質素超高！揀咗胡椒豬肚湯底，用腐皮包住豬肚同雞，豬肚好新鮮！雞肉好滑嫩，冇雪藏味，唔嚡口，真係有雞味㗎！再飲返碗湯，真係成個人都暖晒😋👉🏻生猛象拔蚌刺身，就咁食又得，淥兩淥都得，新鮮爽彈👉🏻廣島蠔大隻飽滿，鮮味十足👉🏻養顏花膠每啖都充滿骨膠原，口感軟腍👉🏻罕有自家黑松露丸有驚喜，佢係墨魚滑再吸咗啲黑松露香氣，勁好味👍🏻👉🏻元貝超大隻，食落鮮甜👉🏻冰鎮鮑魚夠爽口👉🏻本地牛切封門牛柳 ，最鍾意佢夠瘦，牛味又濃郁，食得出係用靚牛！另外仲會有雲吞拼水餃各兩粒，蔬菜併盤同手打烏冬，食到最後真係飽到捧住個肚走！返屋企特登上網搵先知，原來佢係新蒲崗超過15年老字號嘅懷舊本土火鍋店，唔好睇佢鋪仔細細，出嚟嘅食物品質，真心贏晒坊間嘅火鍋店！大家都要多啲支持小店呀🔥
繼續閱讀