金色不如帰 (H Zentre)

營業中

休息中

門口沒有職員接待行入店內，職員喺度好開心傾緊計，完全吾知道有客人入左黎，第一印象已經吾好(用餐期間，職員全程自己講笑，雖然人客不多，但能否專業一點)未黎前對食物有d期待，但食完就覺得一般話哂都係一間日本餐廳，服務真的令人有點失望

拉麵黎講，湯底係靈魂，金色不如帰絕對係一間冇靈魂既拉麵店。-1️⃣（鹽）貝汁鹽味拉麵($128)湯底係大蜆混合豚骨湯、清魚湯&海鹽而成。由於夾雜住太多唔同嘅味道，食落好辛苦。白松露油亦係畫蛇添足，成個湯底超級無敵咸，根本食唔到松露味。叉燒普普通通，肉質唔夠鬆軟。麵底就冇咩咬口，食落好淋，唔似拉麵🍜煮到好似陽春麵咁😶‍🌫️-2️⃣極旨螃蟹套餐（$198）螃蟹湯拉麵湯底有蟹湯、雞湯、奶油、蕃茄、同蟹肉就甘睇落好似好美好。但擺落囗只有鹹味，湯MIX到好混沌，食唔到鮮味QAQ。麵底同樣冇咩咬口。黃金蟹肉餃子成餐飯餃子最好食。餃子煎得好靚既，都食到蟹肉&豚肉，味道上都唔錯，滿滿鮮味。

聽講呢間拉麵係1星米芝蓮，專登去試試，果然冇失望🥢螃蟹湯拉麵 + 黃金蟹肉餃子 $198呢個係每日限定款嘅拉麵，雖然唔算大碗，但湯底同特製嘅蟹肉醬好夾，濃濃嘅蟹香味，加上面底軟硬適中，食曬麵後係會忍唔住飲完碗湯餃子嘅蟹肉味道都超級濃，好鮮甜，一定要試試👍🥢貝汁醬油拉麵 $128醬油味好濃郁，好正中，鐘意醬油味嘅唔可以錯過 🥢唐楊博多味鳥 $88外脆內軟，肉汁完全俾鎖住，超鮮嫩，好出色👍🥢黑糖薑紅棗牛蒡茶（熱） $35表面睇係一杯普通茶包熱飲，但d料好豐富，意外地好飲，推薦~👍✨總體而言：環境舒服，無論拉麵🍜小食，飲品都有驚喜，米芝蓮實至名歸

2022.11.5因為幾日前打風，本來預定今日既工作係打風日已經完成，今日就決定出黎行下，咁啱係尖東見到哩間店既名約特別，所以今次就決定試哩間店我點左個貝汁醬油拉麵，麵既配菜有梅頭叉燒及五花腩叉燒各一，1小匙牛肝菌粉油，1小匙黑松露菌醬，1小匙青蔥及京蔥。🍲湯底方面，餐牌寫住有三重湯（魚，豚，蜆）但我覺得蜆湯既鮮甜比較出啲，第一啖有好香既黑松露既香油味，唔油膩，而且冇個陣氣油味😂第二啖蜆既清甜，後勁有淡淡醬油味，飲到一半左右，醬油味變濃，蜆湯既鮮甜更突出，做得最好的是個香油牛肝菌油，香味突出而不膩，飲到最後都冇氣油味😂👍👍🍜麵是細麵，麵身見到小麥，但麥味唔夠出，食落麵係滑身，但冇乜咬口，有啲似干麵整出黎😯🍥配菜有叉燒兩塊，分別係用梅頭及五花腩制成，食落彈牙，夠肉味而冇肉腥。我比較喜歡梅頭既叉燒，肥瘦適中，唔柴唔韌唔膩👍👍💰💰價錢方面，嗯💧……始終係有黑松露及牛肝菌等既高級食材，作為一般庶民既我黎講真係唔太識食啦，係其他地方試過一次，本來我就唔鐘意黑松露及牛肝菌好似氣油既怪味，不過哩間店將哩兩種食材處理得幾好，加埋入湯底都平衝到個味，不過！我自己係覺得貴💸💸😶正係一碗麵加埋一就已經$14

在尖沙咀金色不如帰食拉麵，地方環境暗暗地更有設計感，店員態度服務好好，認真一讚！要左個seasonal拉麵，螃蟹湯拉麵，湯底係雞湯再加上蟹湯，再配上蟹油，成件事清新得黎又濃厚！唔會太咸味道剛好！一絲絲蟹肉幾多料，再加上有 慢煮叉燒，肉質夠嫩夠入味！套餐就會跟埋蟹肉餃子，雙重鮮味，餃子煎到夠脆身挺身，正呀。唐揚博多華味鳥，炸得香脆夠多肉汁，配上特式醬汁，更有層次，帶點清新感，好開胃。煙薰黑椒豚骨拉麵，湯頭好香夠濃厚，拉麵質地夠質感，唔會淋哂！加上又有好正肥美叉燒，成件事好滿意。還有幾款特色飲品，白桃梳打水清新，甜得自然。

東京1星米芝蓮過江龍🌟環境以高貴黑再金色點綴高級今次係為左蟹拉麵而來食完都冇失望🥰1星米芝蓮實至名歸🦀螃蟹湯拉麺 $148推介✨✨✨湯底好濃郁蟹肉味應該用左唔小時間熬製好味到最後清哂湯都飲埋😆蟹套餐更抵食😍🍜貝汁醬油拉麵 $128醬油味平時比較小食估唔到都幾正望落湯好似好清咁 但醬油味適中唔會太清啖👍🏻👍🏻面質有啲似蕎麥麵幾得意🥟黃金蟹肉餃子 $88必點✨✨✨好有驚喜的餃子食到一絲絲蟹肉🦀🦀🦀夠哂真材實料🐟比目魚柚庵燒 $118必點✨✨✨一食就知唔係急凍魚肉滑到不得了👍🏻🤩入口魚肉係口中化開 超正😜🍹蘋果焙茶（凍）$38🍹木村信州巨峰梳打汽水 $38

餐廳推出期間限定極旨螃蟹套餐定食 $198 🍜有螃蟹湯拉面 + 黃金蟹肉餃子，體驗雙重蟹的鮮味金黄的螃蟹汤底很濃蟹味，搭配蟹黃油、葱、蟹肉酱、慢煮叉燒，再加上幾片檸檬中和油膩感😍 味道豐富，一絕黄金蟹肉餃子，有蟹黃、蟹肉香，而且多肉汁另外，嘗試了也很受歡迎的貝汁醬油拉麵湯底有淡淡黑松露味道，配上日式醬酒底，有新鮮驚喜比目魚柚醬燒，魚肉嫩滑鮮甜，值得一試!蘋果培茶，好小有培茶底的飲品，蘋果汁加上培茶既組合特別，好飲!

東京過江龍米芝連一星拉麵店🥢已連續三年獲得米芝連一星⭐️店外以落地大玻璃設計，店內裝潢格調高雅位置鄰近尖東地鐵站超級方便最近店子推出左全新限定「螃蟹湯拉麵」終於忍唔住朝聖慕名而來品嚐🍜•貝汁醬油拉麵 採用新鮮大蜆自家熬製既貝汁湯混合豚骨湯、清魚湯而成既三重湯底，加入黑松露、牛肝菌，味道鮮甜香濃，帶有蒜油香，配上滿滿油香既三層肉和薄切低溫叉燒，味蕾非常享受，整體製作可見相當有誠意。•螃蟹湯拉麵 以蟹油、蟹醬、蟹湯、雞湯製成既湯底，滿滿濃郁既蟹鮮味，入面再加左檸檬片、奶油、蕃茄同埋蟹肉，增添陣陣清新感，整個拉麵沒有過重既油膩感，麵條亦煙韌有彈性，必點之選。•唐揚博多華味鳥 雞粒肉質嫩滑，沒有多餘的脂肪，炸至金黃脆身，令人吃完一口又想吃一口。•黃金蟹肉餃子鮮蟹肉加上豚肉作為餡料，餃子皮薄薄煎至微焦，餡料飽滿多汁，值得一試的新產品👍🏻

服務質素全店像讀書的學生妹也不知道什麼是服務質素。所有店員在胡扯閑談。經理也好像什麼也不理會還一起談笑當中！店員對食物材料一竅不通，問非所答！食物質素是可以的但是這個服務水平好像配不了！是否當今請人真的這麼困難？經營日本餐啊，最起碼要配基本的日本服務水平！

"金色不如帰"呢個名好特別聽過好多次, 但今日先真正第一次黎幫襯~~ 唔黎到都唔知, 原來餐廳由2019 至 2023 年連續五年獲得東京米芝蓮一星拉麵店殊榮, 唔怪之得咁出名平時好少食米芝蓮餐廳既我入到黎就特別期待丫!!!餐廳環境好大好寬敞 ,樓底又高, 空間感十足, 感覺高檔有氣派!!座位都有好多款, 包括car位, bar枱同普通位.....餐牌主打幾款拉麵, 另外都有丼飯, 小食.....今期好似有新產品"螃蟹湯拉麵", 一於試下先~~極旨螃蟹套餐 $198 (螃蟹湯拉麵+黃金蟹肉餃子) 每日限賣 50 份, 期間限定發售 3 個月螃蟹湯拉麵店家既螃蟹拉麵湯底堅持自家熬製而且不添加味精, 主要係用上自家製清雞湯, 加上大量原隻三星蟹蒸焗後秘製蟹湯, 再配以新鮮活紅蟹煉製蟹油, 務求俾到客人視覺及味覺新體驗咁話喎~~拉麵上枱後先品嚐一下螃蟹湯底, 果然.....真係好鮮蟹味 每啖都好似飲緊蟹既精華咁!!! 湯底非常濃郁而且鮮甜味美~~麵條方面就用上日本北海道上乘特製麵粉, 麵條屬於幼身, 口感幼滑, 唔係彈牙個種....黃金蟹肉餃子蟹肉與豚肉比例為 1：1, 內含自家製蟹醬~餃子

拉麵真係時常都會想食既日本食品，而香港都有好多出名既過江龍！今次就試下呢間金色不如帰～呢間位於尖沙咀H zentre位置好方便 而裝修都好靚！見到依家有推薦既螃蟹湯拉麵，一於就試下啦～每日限量，好彩試到咋！再配埋黃金蟹肉餃子，就有呢個極旨螃蟹套餐$198呢個拉麵黎到就聞到好香既蟹湯香味，亦包含左蟹肉醬、火箭菜、酸奶油、鮮蟹油、蟹湯！一飲第一啖湯頭，已經覺得好正，蟹香味充滿味蕾，加上有檸檬又加一點清香，配埋酸奶油，真係大享受！而叉燒係薄切既，好好食～而拉麵最重要既麵底呢，我就好鐘意呢間煮到軟硬適中！見到我成碗湯飲曬就知幾正啦😆餃子係以黃金比例1:1結合蟹肉及豚肉，所以充滿蟹香味，好鮮味啊～貝汁醬油拉麵$128店員推薦呢個貝汁拉麵都係佢地店內名物，湯底用貝類熬煮，十分鮮甜！❤️比目魚柚庵燒$118朋友喜歡吃魚，所以見到呢個比目魚燒都要叫黎試下，又滑又無骨既比目魚，真係好岩我呢種懶人食🤣用柚子醃過既比目魚煎香得黎又有清爽既感覺！正啊～飲品我地叫左白桃焙茶$38同紫蘇雙檸洛神花茶$38 夏日炎炎飲返杯凍飲真係透心涼啊❤️🌞🌞

餐廳最近推出咗一個期間限定嘅「#極旨螃蟹套餐 ($198)」，有齊蟹湯拉麵同蟹肉餃子，為期三個月(應該去到8月12號)，每日每間分店限賣50分，睇圖都覺得幾吸引🙈。 下列價錢為單點價：🦀#螃蟹湯拉麵 ($148) ▪️湯底確實做得唔錯，雖然望上去邊邊有啲油，但飲落完全冇油膩感▪️事關佢係以自家製嘅清雞湯，加上三星蟹蒸焗後所得嘅精華，最後淋上紅蟹蟹油配搭而成，真係啖啖鮮味有層次😋▪️配料方面除咗有慢煮叉燒、京蔥、火箭菜，仲有酸奶油調味▪️蟹肉醬亦令到湯底更加濃郁👍🏻▪️麵條偏幼但有彈性🥟#黃金蟹肉餃子 ($88)▪️據稱蟹肉同豬肉嘅比例係1:1😮▪️餃子皮厚薄適中，喜歡底部的焦脆▪️點些少醋汁升升鮮更好味🍜#貝汁鹽味拉麵 ($128)▪️醬油同鹽味我都一樣鍾意食▪️不過鹽味湯底就清啲，加埋牛肝菌油同黑松露醬就更香啦✨▪️兩片豚肉一肥一瘦🐟#比目魚柚庵燒 ($118)▪️先用柚子醬油醃過再燒，有淡淡柚子香氣，極重魚油▪️冇骨同超級滑，啲魚肉係吸到出嚟嘅✨▪️魚皮少少脆幾香口😍🍹#白桃焙茶 ($38)▪️反而焙茶味道唔算太出▪️白桃亦都唔太甜，整體來講清清地🥤#木村信州巨峰梳打汽水 ($38)▪️店員好好服務幫我到埋落隻杯度

如標題一樣，正常體驗並沒有感受到太大驚喜中午過來，店舖感覺衛生，座位也很好，點了兩個套餐，一個小食。螃蟹湯香味是足夠的，但是口感並沒有讓我感到驚艷，算是比較清淡？拉麵入面有兩片檸檬中和油膩的口感，但個人建議不要把檸檬放在湯麵入面太長時間。整體而言，並沒有那一種傳統口味的感覺。雖然服務還算不錯，但店內的員工看起來都很疲憊 😅。至於這家店被米其林推薦的原因，我並沒有真正感受到。Ps: 反而小食我覺得做得不錯，但是忘記拍照了😂

知道呢間拉麵店🍜好耐，呢日同朋友👱🏻‍♀️一齊喺尖沙咀，配合天時地利人和🤣，終於有機會試吓啦🤩$198「極旨螃蟹🦀️套餐」包「螃蟹湯拉麵」同埋「黄金蟹肉🦀️餃子🥟」🤩「螃蟹湯拉麵」：餐牌咁樣形容「湯底選用自製清雞湯，加上大量原隻三星蟹蒸焗後秘製蟹湯，再配以新鮮活紅蟹煉製蟹油」；拉麵嚟到嘅時候即刻飲啖湯先，真係有濃郁蟹味非常鮮甜😋；放喺旁邊一小portion 嘅蟹肉醬尤其味濃🤩；仲有，呢度嘅拉麵係用小麥粉做，所以係 Soba Noodles 🍜 「黄金蟹肉🦀️餃子🥟」：餐牌咁樣寫「以1:1 黃金配方結合蟹肉及豚肉，啖啖蟹肉，滿滿鮮味」；真係味鮮，餃子🥟仲煎得好靚🤩$128「貝汁鹽味拉麵」：非常濃郁蛤蜊鮮味🤩；日式叉燒薄切，亦都好味😋$75「四季旬野菜沙律🥗」：材料有蓮藕、粟米、火箭菜、小蕃茄、紅心蘿蔔、枝豆、日式叉燒，材料豐富😋；蔬菜新鮮爽脆，簡單好食🤩$38「紫蘇雙檸洛神花茶（熱）」：甜甜哋幾好飲🤩$38「白桃焙茶(凍）」：唔係好甜，幾清新🤩

中間道呢間拉麵店路過成日見到都想食，今次終於約得成個friend黎食有個蟹湯底拉麵好特別，呢期有個餐叫極旨螃蟹套餐，有推介嘅螃蟹湯拉麵、黃金蟹肉餃子，蟹肉醬、蟹油、蟹湯形成左螃蟹湯底帶點蝦又有點龍蝦湯味，慢煮叉燒嫩口又無咩肥肉，麵質仲好彈牙，非常唔錯～最好味係個黃金蟹肉餃子，裡面真係充滿蟹肉又超濃蟹味，加上餃子皮薄白脆，係食到唔停口嘅小食～貝汁醬油拉麵都係舖頭主打，所以叫左呢個又係比較特別嘅拉麵。鮮味蛤蜊同醬油做湯底，塊叉燒係半肥瘦，油香多啲，拉麵口感一樣咁彈牙～比目魚油庵燒係醬油、柚子基底調出醃漬，再將比目魚燒烤，香甜嘅味道留喺口腔好耐～想再東洋風味重d，叫左兩支日本汽水，信州巨峰汽水、完熟白桃汽水，係日本嘅味道呀～全店木系座位都比人好舒服嘅感覺，好relax～