金色不如帰 (H Zentre)

營業中

休息中

一直都好想試依間日本過江龍，東京店仲係連續五年獲得米芝蓮一星。店內裝修型格得黎帶點神秘感，坐落亦十分舒適。貝汁醬油拉麵 ($128)必試米芝蓮一星拉麵❤️ 一上枱已經聞到黑松露醬既香味，三重湯底亦有濃厚既蜆同魚味，小嚐一口鮮味十足，絕對係真材實料，十分出色。配料有低溫叉燒同三層肉 , 三層肉口感軟腍，叉燒肥瘦均衡，食落有嚼勁。鰻魚串燒華味鳥定食 ($188)配以日替沙律同蜆汁湯，蒲燒鰻魚有兩大塊，厚肉肥美，而京蔥華鳥 (雞肉) 亦燒得肉嫩多汁。涼拌黑松露紋甲墨魚 ($70)涼拌前菜，用上野生墨魚，大大粒厚肉又彈牙，配埋紅洋蔥、薄片青瓜等，再加上黑松露醬同醋，食落酸酸甜甜，非常開胃。比目魚柚庵燒 ($118)比目魚外皮燒得好香脆，魚肉軟滑，配上秘製柚子醬油，口感鮮甜唔會膩。京蔥味噌豆腐  ($65)新鮮炸起既豆腐，外脆內軟，上層鋪滿味噌同埋大蔥，一濃一淡，味道又出奇地夾，亦完美呈現日本風味。蘋果焙茶，白桃焙茶 ($38)

其实睇到顺路去食，不抱什么期望，所以见到门口米芝莲滴牌，期待值又拉起左小小。叫了两碗拉面，128一碗，吾算有性价比，但吾紧要，因为味道虽然吾出彩，但也不算差。可惜个服务咧，就真系令人失望！入门无服务员，坐左好耐先出现一个人，然后掉低两杯冻水，麻烦佢罗杯暖水，好似要求佢甘，黑口黑脸！点菜吾推荐吾介绍，无声服务，问多句就开始负气¯\_(ツ)_/¯，都算啦……埋单依然系甘，真系成餐饭好似贴钱买难受甘，希望店家做好培训。

><來自日本過江龍嘅拉麵店 自2019年起連續5年獲得東京米芝蓮一星很期待以蜆貝熬製嘅湯頭貝汁醬油拉麵($128)湯頭混合埋豚骨魚湯 具鮮味之餘很特別加入黑松露醬 牛肝菌粉 牛肝菌油更能提鮮而拉麵q彈小麥味濃郁 亦可掛上湯汁食完都冇話口渴 餘韻仍縈繞舌頭上涼伴黑松露紋甲墨魚(70)較清新開胃嘅小食 涼伴醬汁幾入味墨魚厚身份量慷慨 爽腍口感很滿足京蔥味噌豆腐(65)味噌醬唔會死鹹炸得乾身 豆腐嫩滑冇出水兩款豆製品很配搭唐揚博多華味鳥(88)赤身雞肉冇咩脂肪 肉質細緻緊實 唔知係咪有用薑汁作醃料食落幾有薑味 可以蘸蜜糖芥末醬鳥皮烏賊揚(70)雞皮香脆有韌性包裹爽滑彈牙墨魚滑蘋果汁(25)><><><><><><><><><><><金色不如帰尖沙咀中間道15號H Zentre地

#金色不如帰 拉麵控朝聖既地方，東京連續5年獲得米芝蓮一星評分，非常厲害👍🏻裝潢設計很有現代感風格，暗黑色主題更帶有神秘氣息🙂🔹貝汁醬油拉麵 $128，得獎拉麵之一，湯底就是精髓，選用鮮熬蜆貝熬湯底，再混合豚骨湯和清魚湯三重湯底，極度鮮貝味，再加入黑松露醬、牛肝菌粉及牛肝菌油提鮮，更加提升美味😋😋😋🔹鰻魚串燒華味鳥定食 $188，沙律都大份，兩件厚燒鰻魚，再加一串雞肉大蔥燒，要必定飲碗湯，極鮮貝味👍🏻👍🏻👍🏻🔹比目魚柚庵燒 $188，比目魚質地很滑，魚皮邊都帶微脆，整體來說不錯🥰🥰🥰🔹涼拌黑松露紋甲墨魚 $70，墨魚好爽口，黑松露味不會過量而影響到墨魚味😉😉🔹京蔥味噌豆腐 $65，豆腐很綿密，味噌醬濃味配淡香豆腐就非常好吃😃😃🔹越乃雪椿 純米大吟釀 $218，米味重帶微甜，幾適合女生口味🍶🍶金色不如帰 (H Zentre) (尖沙咀)地址：尖沙咀中間道15號H Zentre地舖

去尖沙咀都係泊H zentre但就第一次係H zentre 入面食嘢，喱間好勁，東京店連續五年獲得米芝蓮一星。白豚骨拉麵，湯底濃厚，味道會偏重，配有三層肉，配一小勺湯頭，麵條掛湯味道豐富層次感。叫咗個鰻魚串燒華味鳥定食$188，有日替沙律，前菜同蜆汁湯。除咗厚身既鰻魚，有一串大蔥雞肉，外皮燒得脆脆。涼拌黑松露紋甲墨魚$70，用咗比較厚肉的野生墨魚，口感豐富鮮甜，加上尊貴黑松露和野菜，日本涼伴的概念。融合了現代和傳統味道。四季旬野菜沙律，係按季節時既蔬菜水果配搭低溫叉燒

朋友帶我去左尖沙咀一間米芝蓮拉麵店， 入門口就見到榮獲東京連續五年米芝蓮一星獎狀，店內裝修非常時尚好有神秘感必試貝汁鹽味拉麵$128 湯底清甜有三重味（蜆、豚骨、魚介）非常好味三層肉同低温叉燒有牛肝菌醬同白松露油，配搭出一碗好好味嘅拉麵鳥皮烏賊揚$70炸雞皮包著墨魚滑墨魚滑入面有好多墨魚粒，配上蜜糖芥末醬非常好味可惜太少得四粒煙薰黑椒豚骨拉麵$115湯底豚骨同黑椒味好濃郁，有三層肉加上有好多蔥，比較重口味，味道都唔錯

小編今日來到中環一間日本過江龍拉麵店「金色不如帰」 🍜 主打鹽味/醬油貝汁拉麵🐚 在日本東京獲米芝蓮一星拉麵店，更於日本食評網Tabelog評為2010至2017年最佳拉麵✨ 餐廳環境裝修用上暗灰和金色調，門口有雲石席前吧枱位，裡面有用餐坐枱位，整體感覺乾淨舒服，而且富有日本風情☺️ 餐廳名字更以黃金杜鵑鳥為名，寓意罕見珍貴，希望顧客會再次回來光顧的意思。 「貝汁醬油拉麵」金黃色貝汁湯底，用上每日新鮮直送60斤大蜆🐚，再混合豚骨湯和清魚湯三重湯底熬製而成😍 湯底清澈帶淡金黃色的光澤，貝汁的香氣撲鼻，入口濃而不膩，純而不澀，兩種海鮮的鮮味令口感更細緻😋 配上白松露油、牛肝菌醬，牛肝菌粉提鮮，越喝越顯甘味🧡 拉麵採用100%北海道特製小麥粉製成，麵質奶滑又彈牙😁 拉麵上的日本叉燒是畫龍點睛，一吃進到嘴裡就融化，豚肉和海鮮味道互相融和，交織著鮮醇的貝汁高湯，慢慢在在舌尖處綻放出鮮味，感覺實在是太銷魂✨🍽 ：貝汁醬油拉麵👅好味指數：8.0/10💰消費：HK$128📍 地址：金色不如帰 (國際金融中心) (中環)中環港景街1號國際金融中心商場3樓3020號舖🈹推介優惠：N/A

記得尖沙咀有間米芝蓮一星嘅拉麵店，今次趁機會要同朋友試試位於尖沙咀H Zentre商場地下，門口已經充滿日本高級餐廳感覺，久仰大名終於可以試下，店內裝修非常時尚，有浪漫燈光情調，裝修配上金色，好有高級感時間尚早人也不多，可以選擇靚靚卡位坐試咗兩大特色拉麵：🍜 貝汁醬油拉麵 - 蜆肉、豬骨清湯、魚清湯三重湯底，湯底味道好濃郁，配上牛肝菌粉及牛肝菌油、黑松露醬，豐富層次令鮮味立即提升🍜 貝汁鹽味拉麵 - 蜆肉、豬骨清湯、魚清湯三重湯底，配牛肝菌醬、煙肉碎、白松露油，湯底非常清甜兩款拉麵都配上低溫叉燒肉，脂肪同肉肉剛剛好不會太肥膩，食到三層油膏好嫩滑兩款拉麵都係我喜歡既幼麵，可以另外再加溫泉蛋做配料，非常完美🐟 比目魚抽庵燒外皮燒到好香脆，肉質非常嫩滑伴碟有酸白蘿蔔酸酸甜甜，開胃又可以解油膩 環境舒服可以同朋友慢慢坐，一定會再嚟食 😋

之前睇電視介紹呢間米芝連拉麵，今日趁放假終於有機會同老婆試下。一入去唔算好大，但環境乾淨整齊我老婆叫左貝汁鹽味拉麵，而我叫左煙薰黑椒豚骨拉麵。煙薰黑椒豚骨拉麵 — 個人認為中上，可能豚骨湯底每家煮法差不多，所以味道濃郁，未算有突破表現，算係中規中矩。拉麵中間有肉碎，煙薰味同黑椒味道好香，係呢個拉麵既精粹，係我最欣賞既地方。我評價為4分（5分滿分）貝汁鹽味拉麵 — 呢個拉麵湯底反而超級美味，清得黎好鮮甜，不愧為米芝連拉麵，中間有煙肉顆粒同牛肝菌醬，再加上白松露油為其錦上添花。整體香、甜平衡做得好好，令我好期待下次試下貝汁醬油拉麵。我評價為4.5分（5分滿分）兩個拉麵都係配上慢煮叉燒，好嫩滑，食落三層油膏都唔肥膩，非常之唔錯！可惜係麵無得揀硬度，我個人鍾意比較硬身少少，如果麵底硬返少少係更好味😋鳥皮烏賊揚 — 雞皮包住墨魚丸再炸，感覺好新鮮，就咁諗，有雞皮既脆，加墨丸既滑，應該好有趣，但係雞皮痴住墨魚炸反而有濕氣，所以唔夠脆，減左少少分🙈佢配有類似甜芥辣醬俾食客沾，但呢個醬味道太濃烈，沾左反而食唔到墨魚同雞皮既味（但個醬本身係好味既）。我反而沾左佢配菜上既類似醋或者係橘汁，更加夾同帶出佢既

係尖沙咀想食拉麵 🧐 揀左一直久仰大名 , 但未試過嘅金色不如歸 😆😆 ! 店內裝修時尚 , 又帶神秘感 , 枱面用咗金色做主調 , 配合返店名 , 金光閃閃 🤩🤩貝汁醬油拉麵 ($128)黎呢度一定要試吓 😳😳 出名嘅米芝蓮拉麵 - 貝汁醬油拉麵 !! 三重湯底有蜆湯 , 豬骨清湯同魚清湯 😋😋 湯底味道豐富有層次 , 仲加咗黑松露醬提升整體鮮味 , 令人越食越上癮 , 好特別 ! 拉麵配有低溫叉燒同三層肉 , 叉燒好好味 , 軟腍而且好有豬肉味 !!  😍😍煙熏黑椒豚骨拉麵 ($115)呢個好特別 , 煙燻味道突出 🤗🤗 加埋豚骨湯嘅油份 , 好香好香 , 呢個拉麵只配三層肉 ~唐揚博多華味鳥 ($88)有驚喜 !  👍👍 賣相令人流曬口水 , 4 個炸雞波波 , 同餐牌描述一樣 , 好 juicy , 彈牙 , 係高質嘅炸雞 !! 推介 !生啤 ($68)木村完熟白桃梳打汽水 ($38)整體黎講 , 食店座位闊落 , 超舒適 , 拉麵款式特別 , 貝汁醫油拉麵同唐揚博多華味鳥好有記憶點 ! 😲😲

金色不如歸喺日本原來都好出名，東京店連續五年都得到米芝蓮一星嘅榮譽。咁應該香港點都好食既，所以就同朋友去尖沙咀試吓。果然冇令我哋失望。無論係小食定係拉麵都好都係水準之上。首先一入咗店員已經好貼心咁呢個餐牌同埋介紹一下有咩特別好食嗰菜色。佢推薦左一個涼拌黑松露墨魚（$70），個墨魚好適合做前菜。酸微微咁仲有好大陣黑松露嘅味道，我同朋友好快就清左。另外個京蔥味噌豆腐（$65）都好正，個豆腐係啱啱炸起嘅，上面鋪咗啲味噌同埋大蔥係上面。咁樣一個淡味嘅豆腐同一個濃味嘅味噌原來都幾夾😍，舊豆腐都幾大嚿，所以其實CP值都好高。之後就到最期待嘅拉麵啦。我就叫咗個白豚骨拉麵（$115），朋友就要煙燻黑椒豚骨拉麵（$115）。白豚骨個湯底好緊要，雖然佢有啲濃厚，但係就唔會有肥膩既感覺。我覺得能夠做到呢一個都幾出色👍至於佢個麵係屬於比較幼既麵，所以我覺得可以掛多啲湯。豚肉方面雖然肥肉會比較多，但係食拉麵冇計啦。😂至於煙熏黑椒豚骨拉麵就真係勁大浸煙熏味，我食咗我個朋友一啖拉麵就已經勁濃嘅煙熏味。鍾意食呢隻味嘅朋友可以試下喎。我仲叫咗個日本直送嘅信州巨峰梳打汽水（$38），好飲😘

金色不如帰，地點: 尖沙咀中間道15號H Zentre地舖，是一間日本過江龍拉麵店，東京米芝蓮一星。 餐廳地點方便，風格以簡約型格為主，環境舒適，晚餐有貝汁醬油拉麵$128、 鰻魚串燒華味鳥定食( 日替沙律、前菜或漬物、蜆汁湯) $188、 自家製豚肉煎餃$70、 完熟蕃茄梳打汽水$38、 蘋果汁$25。 ⚪貝汁醬油拉麵🍜 ～ 湯底以大蜆熬製， 再加入自製黑松露醬、 牛肝菌粉和牛肝菌油， 湯底味道鮮甜濃厚，充滿菇菌香。拉麵口感滑順，掛湯力高， 另外低溫叉燒入口軟腍， 味道果然不錯。 ⚪鰻魚串燒華味鳥定食🍱 ～ 除了拉麵其實定食也值得一試， 沙律新鮮開胃，蜆汁湯鮮味十足， 鰻魚飯的鰻魚厚肉肥美，醬汁剛好可以用來拌飯， 雞肉大蔥串的雞肉嫩嫩的，配上大蔥一起吃，別具風味。⚪自家製豚肉煎餃🥟 ～ 煎至金黃色的餃子，美味多汁。 ⚪完熟蕃茄梳打汽水🥫 ～ 蕃茄汁甜甜的， 配上解渴的梳打，蔬菜和汽水的完美結合。 ⚪蘋果汁🍎 ～ 果味好香，又幾大杯喎！ 很推介這裏的貝汁醬油拉麵 ， 湯底鮮甜美味， 拉麵控千祈不要錯過🤞🏻。 🏷️溫馨提示～ 整個用餐體驗均屬個人分享意見， 只作參考😊。

朋友好鍾意食拉麵，今次佢就推介左呢間喺尖沙咀嘅日本拉麵店，見到佢門口掛咗幾個蟬聯米芝蓮嘅獎狀，都有幾高期待感😆同朋友叫咗貝汁鹽味拉麵 $128湯頭好濃郁，飲落覺得真係新鮮熬製冇味精，幾香海鮮湯味！豚肉片切得都幾薄身，不過不失。拉麵煮食幾好食👍🏻時間控制得幾好，所以唔會話好硬，而且呢隻麵都好掛湯汁，食每一啖都係享受😎難怪餐廳一直蟬聯米芝蓮一星排名👍🏻同埋餐廳裝修幾靚，好有日本和式嘅風格，同朋友/情侶食飯都幾有格調，整體唔錯！

位於尖沙咀的日本拉麵店，香港有幾家分店，本身來自日本的拉麵，門口位置掛了幾個禪聯米芝蓮的獎狀。餐廳樓底高，環境暗黑，恬靜，座位寬敞舒適，有別於一般的拉麵小店。主要供應幾款拉麵、小食、丼飯及飲品。小食：涼拌黑松露紋甲墨魚墨魚大粒厚肉，肉質爽彈，上面鋪滿了薄片青瓜、紅洋蔥及芝麻粒，配搭黑松露醬及醋，醬汁清新，味道酸酸甜甜，開胃的涼拌前菜，有驚喜。拉麵：貝汁醬油拉麵主打的拉麵，醬油比鹽味湯底更濃郁，湯底是整碗麵的精髓，以大蜆、豬骨及魚湯熬製而成的鮮湯底，先聞一聞其香味，再呷一口湯，味道多層次，那股濃郁的蜆鮮味，加上有黑松露醬及牛肝菌油。叉燒方面，兩款分別各一片，還可額外追加配料如叉燒。三層肉相對是肥肉較多，不過算是肥而不膩，叉燒薄薄一片，因慢煮關係，肉質很嫩。麵條方面，較為幼身，蠻掛湯，且口感爽彈，惟麵底份量不多。拉麵：煙熏黑椒豚骨拉麵除了貝汁外，少不了日本最常見的豚骨湯拉麵。而這家拉麵店則在豚骨湯底很濃厚，加入了黑胡椒醬油，餘韻帶黑椒味，整體也不太油膩。另外配料有煙熏過的豚肉碎、牛肝菌、京蔥、香蔥、三層肉，口感豐富。丼飯：燒豚肉叉燒小碗飯 一小碗份量，面層全部都是蔥絲、慢煮叉燒及豚肉各半，

之前都黎過依間餐廳食拉麵 味道吾錯而且環境幾好👍🏽 今次同朋友再黎食過☺️🍀一口芝士脆豚熱辣辣炸好 一咬開芝士有少少拉絲 點埋醬汁更加開胃😚🍀涼拌黑松露紋甲墨魚墨魚爽口彈牙🦑 吸埋酸酸甜甜嘅醬汁令味道更加鮮甜😋🍀貝汁醬油拉麵尊程黎到當然要食獲得米芝連一星水準嘅貝汁醬油拉麵🍜 上枱已經聞到好香嘅牛肝菌同京蔥香味 加上配料擺放得井井有條 可以清楚咁望到每樣食材 用埋黑碟白碗嘅對比色 突出食物嘅視覺效果 增強食欲🤩 湯底分別由蜆湯 魚清湯 豬骨清湯 三種湯底熬製而成 味道十分濃郁😍 牛肝菌粉加埋牛肝菌油 令湯底味道更加濃厚😋 拉麵軟硬適中 有咬口😉 三層肉好鬆化 一放落口就溶化左🥰 低溫叉燒有嚼勁 味道香濃 連埋黑松露醬一齊食更加香胃😛🍀凍白桃焙茶清新又香甜 而且甜度適中 同茶香味好夾☺️ 同時間可以中和返濃郁湯底嘅口感同味道😜