金苑粉麵

營業中

休息中

金苑粉面係算係大圍開得夜既食店之一, 但係位於內街，遠離大圍港鐵站幾分鐘路程，係積信街33號近油站方向，唔熟路要搵下。夜晚經過餓餓地，想找少少濕東西吃下，但又想食飯，但唔想食湯飯，坐低奇想就叫個牛腩飯好多色，再叫埋杯凍齋啡走甜試下。地方不算大，但人就十分之多，如果喜歡食煙可以坐店外，他們有提供枱櫈。價錢叫做平民化，深宵叫碟飯加凍飲都係五十零蚊，送埋紫菜湯，啖啖紫菜很入味，多色多到有D 似乾身稀飯，但我個人好喜歡，因為易入口，啖啖腩汁香，而且腩汁有佢自己一種味道，一下子唔識寫，可能係腩汁香料味，值得一試，另外牛腩肥瘦均勻，無「柴」身難食，算偏軟嫩，唔太黐牙。

金苑都算大圍老店，不過今次先係第一次幫襯，冇辦法啦！由火車站出發，途經鹿苑 表哥 婆婆家⋯⋯好難支持到積信街🤣🤣今日午餐唔行大圍道，避開所有引誘由積富街直去目的地，相對火車站嗰邊人來人往，呢邊真係靜好多。店內略帶歷史痕跡，尚算坐得舒服，叫咗一碗腸腩米，賣相ok，不過D蔥花就切得好求其，牛腩味道正常，有肥有瘦肉質唔「柴」，腸就有驚喜，粉腸火候唔錯，有點咬口，竹腸中間有少許肥膏，雖然邪惡但十分美味！枱面除咗辣椒油，佢哋仲有炸蒜，呢樣其他粉麵舖的確少見。純粹用一碗腸腩米作比較，金苑比起什麼大圍牛腩專家似乎更勝一籌！是日消費：腩腸米$45

以前要輪班工作，收工在大圍搵宵夜食，疫情期間發現金苑今晚有事要成十點先至食飯，即刻想到過嚟，牛三寶飯永遠係至愛冇得輸，五十零蚊就有腩肚筋三寶，仲有紫菜湯，腩腍肚爽筋煙韌，腩汁一啲都唔鹹，你話去邊度搵

大圍區食野一向都唔係平，行過見到呢間三文治連熱飲28蚊，係大圍區都算平啦，咁就入左去叫外賣，然後收錢果陣，阿姐就收多3蚊，即刻問佢點解，佢就話外賣係咁，一律係要加收3蚊，三文治外賣都要加收3蚊係咪痴左線？唔係公仔麵果d wo，唔使用碗架wo，仲有你又唔寫明係門口餐牌度，到比錢先至知！！如果你明碼實價寫住，我都幫襯就係心甘情願，依家你咁就好似打劫咁樣，呢間可以正式black list，納入搶錢店了！！！

金苑粉麵（大圍）新界大圍積信街33號今日經過餓餓地，想搵少少濕野食下，咁岩見到有間牛雜炒麵，唔洗諗行得。地方位置唔算多，但人流就十分之多。價錢叫做相當平民化叫左個招牌牛雜河$36份量相對其他店叫做大份， 最緊要足料！個湯底好入味，但唔洗食2-3啖就要狂飲水個隻！好可惜墨魚鬚賣曬了， 希望下次有幾會試試佢！地點⭐️⭐️⭐️味道⭐️⭐️⭐️⭐️環境⭐️⭐️⭐️服務態度⭐️⭐️⭐️（5星為最高分）

從未寫過食評估唔到第一個就貢獻左比這垃圾做左幾廿年人第一次覺得痴線的服務態度！星期三8 July 2020 下午17:00 左右本應就唔係去而家，（本來去油站側邊果間但原來有落場時間，所以冇計焗住食其他）行到過去門口有兩枱食緊野，本人怕熱就走入去裏邊有冷氣諗住坐低！入到去見到有一台坐住近玻璃枱一個食客，其中有一個員工正在清潔背向我，咁我當然搵一個較涼快嘅出風口位置坐低啦，我揀咗個近路中心對住麵檔嘅位置坐低之前望一望個麵檔有咩食（因為未去過依間）有個唔知師傅定係檔主你眼望我眼，已經感覺到佢唔係咁友善兼眼超超好唔信咁，我當然冇理會佢跟住就坐低打開個餐牌望吓啦...（心諗都係果D粉面嘢姐）咁我咪正常聲線嗌碗「坑腩河」啦～接着就聽到粉面檔嗰條友企左出嚟，望一望我就講：「坑腩冇喎坑腩你要自己煮～」跟住轉身行返入一步個麵檔...我大聲就講對住佢啦 ！「唔使咁講嘢嘅～」跟住就劈低個餐牌，慢慢行離開門口！去到門口有兩個叔父企喺傾緊計中，（可能我好大聲講令佢哋注意到) 佢兩個望住入邊又望吓我，我正行出黎就問乜嘢事，我咪講返以上嘅對話俾佢知!其實你冇買或者賣晒囉 ，可以叫人食其他嘢，唔使咁講叫人自己煮語帶

從未寫過食評估唔到第一個就貢獻左比你個P.K.做左幾廿年人第一次覺得痴線的服務態度！星期三8 July 2020 下午17:00 左右本應就唔係去而家，（本來去油站側邊果間但原來有落場時間，所以冇計焗住食其他）行到過去門口有兩枱食緊野，本人怕熱就走入去裏邊有冷氣諗住坐低！入到去見到有一台坐住近玻璃枱一個食客，其中有一個員工正在清潔背向我，咁我當然搵一個較涼快嘅出風口位置坐低啦，我揀咗個近路中心對住麵檔嘅位置坐低之前望一望個麵檔有咩食（因為未去過依間）有個唔知師傅定係檔主你眼望我眼，已經感覺到佢唔係咁友善兼眼超超好唔信咁，我當然冇理會佢跟住就坐低打開個餐牌望吓啦...（心諗都係果D粉面嘢姐）咁我咪正常聲線嗌碗「坑腩河」啦～接着就聽到粉面檔嗰條友企左出嚟，望一望我就講：「坑腩冇喎坑腩你要自己煮～」跟住轉身行返入一步個麵檔...我大聲就講對住佢啦 ！「唔使咁講嘢嘅～」跟住就劈低個餐牌，慢慢行離開門口！去到門口有兩個叔父企喺傾緊計中，（可能我好大聲講令佢哋注意到) 佢兩個望住入邊又望吓我，我正行出黎就問乜嘢事，我咪講返以上嘅對話俾佢知!其實你冇買或者賣晒囉 ，可以叫人食其他嘢，唔使咁講叫人自己

今日天氣好熱，吾走太遠走左去大圍食午餐🥣。D間比較平民價錢嘅粉麵，都有驚喜！提供種類都算多係個餐牌上見倒有墨魚鬚，膽粗粗叫左一碟👍墨魚鬚有大細size,大$70，細$40，我只有兩個人所以點左碟細，上碟都幾大碟，墨魚鬚灼到剛剛好，好爽囗，仲配埋wasabi 真係幾夾牛三寶麵$46足料，牛根同牛肚又淋又入味，值得一試！D碟墨魚丸魚麵加紫菜$44合理，份量又大，魚麵又有口感！配埋樽裝可樂$8係咁熱嘅天氣真係正

好多食粉面地方都未必有墨魚鬚面，呢間幾特別，平日我食粉面大多會食魚蛋、魚片頭、魚皮餃之類，但見到呢道甘特別，墨魚鬚甘就叫墨魚鬚拼魚片頭米粉。剩雲吞，牛什面，豬手河，通通叫哂😁😁😁😄墨魚鬚拼魚片頭米粉——-墨魚鬚鮮甜夠爽口，新鮮，幾特別，魚片頭，有口感又爽口豬手河——豬手夠腍又入味，河粉滑溜。牛什面拼牛丸—-🐂什香，又夠味，牛丸爽口雲吞——呢個就一般，但都ok凍🍋檸檬茶——大大杯，茶夠味伙記都幾好招呼，又有禮貌，仲有其他好多款，下次又可以去食過😋

想食魚麵好耐，家附近果間常常無魚麵供應。今日在大圍果頭搵食，見到呢間麵食，於是就入左去。坐低見到餐牌有魚麵！二話不說，一定叫呢個，又見到魚麵配餸都唔係貴好多，於是叫左牛雜魚麵牛雜每見大大件，味道雖然唔太濃，但我喜歡，因為我好怕食到果d太濃味到乸喉感覺既味道，太強烈了，所以呢個岩我口味。至於魚麵，終於食到了，好彈牙，都唔會好咸，一般出面食既會偏咸，但呢個冇，似返麵條，好飽肚，想飽d叫呢個岩晒。湯底清，野食賣相唔錯，感覺乾淨。

潮式粉面有種特別既魔力🤤🤤😋😋當你餓餓地但又唔想食飯🤔🤔🍜🍜就會想食碗湯粉今日大圍收工!十點零鐘🤔🤔向車房果頭行會見到一間好大既潮洲粉面舖 上面寫住金牌牛雜!!手打牛丸!!🐄🐄入面都幾大幾乾淨 平時有既魚旦雲吞牛腩牛雜都有😛😛🤤🤤叫左個牛丸河 因為感覺上呢種舊式粉面店既面會比較鹼水味🤔🤔牛丸5粒 唔係表面好光滑果種牛丸🍢🍢相信係自製既牛丸 咬落去好彈牙好有牛肉味 中間仲有其他軟骨果d ！正😍😍！！

老闆態度差兼份量超細！👿👿今晚去食宵夜，叫咗碗牛肚河，河粉份量少到以為自己叫咗淨牛肚！同老闆講，佢就話河粉邊到值錢㗎，你要食未加返碗仔比你囉！態度超衰，以為自己係度乞食，仲話認得我之前都投訴過！！！（聲明：當然唔係我啦！）但佢咁講得出，已證明唔係得我一個投訴過😏以後都唔會再幫襯！講真吖，啲牛肚亦都唔係特別好食，唔夠林又唔夠入味。環境亦都唔算好乾淨企理。之前去買水餃態度已經好差，買夠一打都唔俾個盒你，全部塞晒落個膠袋度！黐埋一齊，佢自己又唔講個盒值幾錢呀😤

晚上七點半，來到轉角位呢晚，間潮式粉面。今次係速食医医肚。牛三寶河粉三寶份量足夠，牛肚，牛腩，牛筋，每款有6-7件。軟硬適中，牛筋係有膠質感覺的一種，不會有硬筋。牛腩半肥瘦。牛筋墨魚鬚米粉墨魚鬚出奇地煮得剛剛好，少少彈牙，好味👍🏻

金苑粉麵男朋友病左..醫生話唔食得粥..佢又無咩胃口..於是就叫我幫佢買湯飯啦* 牛魔王湯飯。。姐係牛雜河走河粉 加飯份量其實同牛雜河差唔多..換左特別d 既名..又可以賣貴d啦..另外加左碟油菜牛魔王湯飯同一般牛雜河既餸係一樣, 由牛的內藏煮成，包括牛肚、牛胃、牛肝、牛肺等。牛肚最美味，爽口小韌, 牛膀夠粉，又入味。但因為佢無分湯..所以飯浸到有小小發漲...同埋佢既湯只不過係牛雜河既湯..換走河粉 變左飯就貴左咁多。要$60..真心唔抵食 阿油菜 － 阿姐好重手 ，俾左勁多蠔油，咸到不得了

因工作關係嚟到大圍，見到呢間粉麵店就入去食個快飯啦，點知中哂伏牛什河正常，牛肚好味又夠淋，但個人覺得湯底略咸。炸醬麵就麻麻地炸醬唔好味，啲麵好似未煮熟咁，成條橡筋一樣。奶茶、鴛鴦都只係一般... 又苦又澀...嘩... 最伏嘅主角出場... 碗淨食豬油渣上枱時都感覺ok架...豬油渣食落口就知出事喇超級難食！又唔香又唔脆！我完全唔知自己食緊咩成碗豬油渣浸了5分鐘後，直情係恐怖！啲肥油、肥膏浮哂面，見到都無哂胃口