金葉軒

營業中

休息中

某日得知這村原來有泰國餐廳，便特意來吃。首先，待應十分有禮貌，一進來便問你：「坐戶外還是室內？」，我們決定坐室內。室內的環境十分好，有沙發，燈光暗暗的，好像有一種溫暖的感覺。然後點了一客生菜包，雖然辣的食物我不喜歡吃，但是味道還可以。之後還點了一些食物，份量夠，味道好，未至於這麼差。

因為表弟同同事都推介, 所以都黎試一試, 服務都ok, 反應都夠快, 一叫就埋黎, 仲好有禮貌! 個冬陰海鮮湯一如其他食評, 係酸多過辣, 我覺得係太多蕃茄之故, 如果想要飲極辣冬陰公, 可能會失望。黃咖哩牛腩, 都ok,要加薄餅/蒜蓉包食就very good喇,我叫左客薄餅,唔太油, 易入口, 但如果想食辣就叫紅咖哩啦!店員都有細心介紹。仲有個蝦多士, 出面係薄餅皮, 脆既!入面係彈牙蝦膠,呢個唔係周圍食到,推介***!仲有叫左個什菜粉絲煲, 因為嗜粉絲, 不過麻麻,可以不叫。

Feb 5, 2008 (Tue) Lunch有同事揸車，第一次去坑口村，像去了有高樓大廈的長洲，很特別。set lunch也是around三十多元，送湯（中湯）及餐飲。我吃了手撕雞飯set，其實像海南雞飯。以附上的sauce（中辣，頗野味但很味精）撈飯也不錯。同事的豬排不錯，雖然賣相差了一點。

睇食評呢間就真係麻麻, 但M小姐之前同屋企人食過覺得掂就拉左我去, 見佢咁推介就不妨去試試. 7點去到係第一檯, 冷氣都未開, M小姐話份量少要叫多幾碟, 不過點知來到又幾大碟, 佢都好奇怪話上次少好多, 睇黎來呢到食飯都要睇下彩數酸辣鳳爪- 鳳爪幾爽口, 個汁酸酸辣辣幾醒胃, M小姐食到申晒脷, 而我就覺得辣度岩岩好生菜包- 豬, 牛, 雞中選了豬, 豬肉炒得有點實, 不過加埋乾蔥等同炒, 又幾惹味泰式炒雜菜- 食左兩味濃味既食送, 點番個菜清清喉嚨, 菜炒得幾青綠唔油, 收貨泰啤- $38/3支叫了一SET, 咁早唔想飲醉所以無再追

好呃錢呀!昨晚11/04約了一大班朋友(11大人+1小朋友+2個bb)去坑口食晚飯,原本打算炒小菜,但實在等位太久,所以轉食隔離'金葉軒'泰國菜.我們就點了12人用套餐$1488,要成$1488本應好豐富足12人食,因寫明~12人用套餐~點知.....(1)我們不太喜歡吃羊肉,套餐內有2客是羊肉,老闆幫我們換了2客活蝦剌身,每客8隻x2,總供16隻蝦,都ok好味,但每人都分唔到兩隻;(2)泰式辣鳳爪~好夠辣味,每人一條都分唔到,洋蔥配菜都唔多;(3)柚子沙拉~酸酸辣辣,份量實在太少,分唔到12匙,有朋友都食唔到,就冇晒lu,(4)小食拼盆~有4串沙爹牛肉,2件蝦餅,2件魚餅,2件焦葉燒雞及4片蝦片,我問侍應12人怎樣分,他答套餐set了只有咁小,如有問題要直接問老闆;侍應仲話整個12人餐最貴是鍋翅,價值5佰多元;(5) 價值5佰多元魚翅出場了,鍋就夠大,仲可以分到12碗添,但大部分都是豬肉絲及冬姑絲,問老闆點解找不到翅,只有豬肉絲及冬姑絲,老闆只答泰式翅跟港式翅是不一樣的, 沒有正面答覆點解冇翅....(莫非老闆以為我們未食過泰式翅,$10碗~碗仔翅仲好味過佢啦,又莫非我們order時

失望!今天晚上為dady祝壽.特意在香港仔楂車來食.11個大人+6個細路,點了個12位套餐因為擔心份量少,再3問侍應是否夠食侍應我們先決定叫這個套餐嘩,黎到係細細碟,細細碟咁冇病呀?12個小朋友份量呀?叫侍應出來問問是否攪錯佢竟然冷冷咁話我們佢好驚呀,唔明囉完全.取巧到爆.誤導不特至,仲要一句唔好意思都冇講過一大班朋友食飯都係求開心姐.最後老闆話取消返個套餐,比我地散叫返.但開心既心情都係冇哂.唔好意思,我地冇下次.ps.唔該請d醒d既員工啦,服務態度差,又誤導,想點呀?

今天下午去食LUNCH...點知等了30分鐘仍未有野食, 一追之下, 侍應話我們點選其中個餐沒有存貨了, 再叫第二個餐又等了20分鐘...在等侯追單過程中..每位侍應都叫我地等等...真係激死..返到公司仲有比老細話做乜咁遲返...唉

尋晚入將軍澳探朋友,大家一心諗住去坑口食意大利菜,點知無位,法國菜都無. 最後選擇呢間唯一有冷氣同有位.6個大人另加飲品各一杯,生蝦刺身--個汁唔夠辣,D蝦OK新鮮但唔鮮甜既串燒(雞/豬)各三支-- 應該係炸,並唔係生燒燒鱔-- 新鮮冬蔭公-- OK咖哩蟹(肉蟹)--個咖喱汁好味辣椒糕炒大蝦--個汁OK生菜包(豬)--點解咁酸,唔得溥餅--超市貨色泰式炒通菜--不過不失

點了4-6人餐, $500多點, 菜式算得豐富, 有煮硯, 炒crab, 併盆等. 以下的較有印象:- 冬陰公湯: 眾人怕辣, 幸好這裡的冬陰公湯太不辣, 材料卻十分充足豐富, 一讚.- 烤餅: 很香的牛油味, 份量也很多, 點此餐不用叫飯.整體來說, 這裡食物, 豐富得來價錢也合理. 座位舒適, 伙計也夠人.如樓下大大所說, 此餐廳是食泰國菜而不是越南菜的, 版主請更正.

此餐廳是食泰國菜而不是越南菜的, 可以的話請版主更正, 麻煩哂~~我已嚟過呢度兩次, 試了以下菜色跟大家分享:1. 炸蝦餅- 爽的, 但蝦味不算突出.2. 炸魚餅- 有D油, 乾身D更好.3. 咖哩牛腩- 咖哩不太香, 牛腩唔夠爽.4. 薄餅- 唔太油.5. 串燒- 肉唔太un, 但唔太juicy.6. 柚子蝦沙律- 辣辣地幾好食, 蝦細細隻, 柚子唔苦澀, 清甜多汁.7. 鐵板蠔仔蛋- 蠔仔多過蛋, 蛋幾滑, 但淡左D, 點埋魚露就剛剛好.8. 辣海鮮炒貫勺- 唔太辣wor, 海鮮有青口, 鮮魷, 蝦, 帶子, 份量唔算大, 但都ok, 唔太油.overall普通, 平均$80 per person, 住在附近可以一試.

成日聽人講話坑口村好多野食架今次黎到就唔多覺喇一直同呢條村都好有緣細細個未有東港城果陣已經山長水遠入黎拜年今次再黎已經唔同晒兩間西餐都full左唔想再等唯有熱氣都食泰國菜啦裝修係幾好架細細地好有親切感不過可能係鄉下地方服務就似返大排檔有位大叔拎住大盤污糟碟頂住條路唔俾我地入去坐態度又唔多好咁啦不過食物方面就唔錯既鳳爪沙律沙律即係生菜索晒鳳爪辣汁之後好辣唔敢多吃鳳爪亦夠辣好食炒聖子(圖上)份量好大雖然隻隻都唔大但數落有超過三四十隻炒蜆都未必有咁多啦而且咁細隻黎講都算爽口亦炒得好香值得推介黃咖喱牛腩加泰式薄餅薄餅似naan但無咩羶味黃咖喱係中辣牛腩都算入味兩個人食夠晒飽除左服務之外都唔錯不過如果唔係入開黎要我特登去食就…真奇怪原來四月初八觀音誕村口都有神功戲架喎我對鄉事真係唔夠認識呀下我諗我真係唔夠經驗喇…

上次去開坑口村咪同個朋友睇下有咩食見到呢間好似唔錯~但係d野食就...貼錢比我都唔去食呀1)咖哩炒蟹都唔知點解隻蟹係臭架...同個老細講左佢仲笑騎騎不過都有換過不過d汁好稀2)青咖哩雞都唔知咩咖哩黎架完全唔似囉d汁可以用好水黎形容仲有d雞好重怪味我個朋友話係雪味喎而且一d都唔辣無奈奶味多過咖哩味仲無奈3)生菜包豬肉分開2碟一碟生菜一碟碎豬肉碎豬肉個碟好多水係到生菜又得個3,4塊同個侍應講話d生菜唔夠得咁少佢仲話可以要生菜不過要收$10真係好無言呢碟普通4)冬陰公海鮮湯要係咁催佢先上個湯飲左一淡係度諗係我味覺有問題?個湯一d都唔辣而且仲係酸架好酸tim跟住問下個老細啦佢話係冬陰公海鮮湯仲話唔可能每間都一樣味我心諗但係一d唔都似囉真係唔知點解會係酸架真係超超超無奈以後都唔會去呢間野囉準備去既人要有心理準備d食物好麻麻d服務更麻麻

星期六晚去左食,都唔係特登,附近諗唔到食乜,見係泰菜就試試,4個人諗唔到食乜,店員推介一個2人餐????佢話件頭都夠大,再加小小野就夠,橫掂無idea就信一鋪,再加一個咖哩蟹同"多陰公"湯,上菜碟頭唔算大,但係2個人就真係難食晒d,應該3個人就剛剛好,個餐有:泰式通菜--都夠味串燒4串--麻麻,太老d肉,不過個汁就幾好海鮮雜菜煲--呢個good明爐魚--條魚新鮮,不過個湯就略嚴唔夠味加菜:咖哩蟹--隻蟹好大好夠肉,d汁夠多多陰公湯--good,有半隻好大隻的蝦,個湯底好好,不過同行有人唔食辣,佢就覺得唔好飲諗住叫白飯,亞店員又推介個蒜茸包,出面食過唔好食,諗住推左佢就算,但係個店員極力推介,姑且一試,等左一陣上檯時發覺唔同出面o個d,因為佢焗得好脆好脆,d蒜茸牛油溶左落個包度.......feel so good....好,完事後又到最怕的時候........埋單,埋單價$差不多$600.....ok平,臨尾上甜品,行野無謂講p.s.可能o個晚唔係太多客,所以上菜時間都幾快,同埋有人斟水,11點後餐廳會變酒吧,$140半打,不過o個晚唔係幾頂得順,所以無留飲,希望下次有機會,而且我諗我

評語：因為東方介紹，所以去試下，不過 菜：好似有點老，辣辣地，冇泰國特色味道　（九龍城街市正好多）蟹：又係得一個字，辣，咖哩唔香，顏色OKAY啦雞：慘～完全完全白水煮，一Ｄ味都冇，仲可能係冰鮮，鮮味都冇，海南雞人地果Ｄ係冇骨，加上本身有味，可以唔加醬料的 總評：不去冇損失

呢間食店位於丁屋屋村既村口, 若果選擇坐於戶外, 看著近處夕照的山嶺, 那一種鄉鎮氣息, 真係令人倍覺舒泰. 食店既英文名係Grand Restaurant and Pub, 而且我又見到一部(29吋?)TV, 應該係做埋俾人舉杯暢飲既時段, 唔知佢地開到幾夜呢？若果01或者02既話, 都不失為一個可以heah既地方喎.食物方面, 我地試左:泰式鹹魚芥蘭, 鹹得黎又帶點蝦膏味, 芥蘭夠咬口, 幾好.串燒羊、雞, 一般啦！椒鹽軟殼蟹, 脆卜卜, 加埋d醬汁、伴碟既(泰式？)雜菜, 真係色、香、味俱全, 掂呀！菠蘿炒飯, d飯淋脊脊, 食左一碗就唔想再食啦.本來想到鄰近既洞蜜園食甜品, 因為趕時間關係, 唯有等下次再試囉！