金裝燉奶佬餐廳 (美孚新邨)

營業中

休息中

服務態度勁差 - QR code落單板面差 ，叫佢落手寫單 呀姐死都唔肯落手寫單 仲鬧翻你轉頭，最後叫咗個乾炒牛河 沙嗲牛肉麵 熱奶茶，凍咖啡，食物十分之一般 嘢飲都十分一般 不推介

蔥油冇經爆過一啲蔥味都冇，肉燥太稀 成碗飯變了濕飯，難食的，如果蔥油雞扒肉燥飯這麼簡單也就覺得好他們也是很不專業，希望他能能改善雖然價錢不算貴但是食物質素不達標準。

6點前仲係下午茶時間係門口快睇佢個易拉架揀好餐之後就揀位坐，見枱面無qr code 就走去收銀位落單啦，有個瘦身材曲髮染髮中年女人咁啱負責收銀，我講咗2次話要下午茶餐瑞士雞髀蛋飯，佢仲要問我係咪T24，我已經講話係瑞士雞髀蛋飯，我想問點解你仲要多此一舉問係咪幾多號餐啦？我坐個張枱你又無擺下午茶餐牌出嚟，最後送上嚟嘅係蔥油豬扒太陽蛋飯，我更係要求換，佢嘅其他同事幫我換，但個阿姐仲好大聲咁話我問咗佢（即係我）係咪T24喎，不斷咁樣重覆講，好無禮貌兼態度差，佢嘅聲線真係全個場都聽到，做服務業做到佢咁樣不如唔好做啦！態度差又唔識應變嘅人！

大表哥退咗休，生活比較清閒，所以，星期六就拉埋佢一齊去行吓山，由美孚起步，經馬騮山一直行到去大圍。起步前，就索性約埋一齊嚟「燉奶佬」食個早餐，貪佢就喺地鐵站口側邊，方便到佢唔使周圍搵。餐廳環境格局唔多講，都喺典型茶記，絕大多數都喺卡位，不過啲位就有少少窄，我哋幾個都喺瘦底，所以，坐落就唔覺逼，如果大隻少少嘅可能會感覺唔太舒服。但有別大多數茶記，啲調味料、餐具就唔喺放枱側櫃桶，而就咁晌晒枱面一旁，但有蓋冚，感覺回都衞生啲。底面兩頁餐牌，羅列晒所有早餐款式，跟同區嘅茶餐廳比，定價會平$1、$2，但份量會交足，所以，你見都幾多人嚟食早餐。採用二維碼落單，落單可以自己搞掂。B3 沙爹牛肉湯公仔麵餐 $41表哥就揀咗B3，呢個系列主要喺跟北海道3.6牛乳炒滑蛋，但你可以改為煎雙蛋，比起同樣食沙爹牛麵嘅B26餐，呢個貴$1，但多隻蛋喔。沙嗲牛麵一陣先講，但要讚嘅喺兩隻太陽蛋就煎得幾靚仔，碗麵又加幾炷菜俾你，真有心。B27 自選湯粉麵餐 $39湯粉麵餐會跟個甜餐包，仲要好懷舊款式嘅甜餐包。婆就想自主啲，乜餸料都自己揀，所以，就食呢款餐，揀仿鮑絲搭煎全熟蛋，配通粉，大大碗，份量俾足，當然唔會有咩驚喜，

大大話話我諗都隔咗成年無出嚟踢過波，咁啱有場衛生足球，都喺圍內一班老友玩吓。雖然踢得輕輕鬆鬆，無乜競爭成分，但踢完都好攰吓，而補充體力嘅最佳方法就梗喺嘆個下午茶啦！美孚呢間「燉奶佬」都好耐無幫襯過，因為對上一次嘅用餐體驗感覺麻麻，況且，美孚茶記選擇多。今次再幫襯都喺同行死佬提議，我就純粹食個下午茶餐，都無乜所謂。格局方面，咁多年都無變過。下午茶餐嘅選擇，一張餐牌底面兩頁睇晒，輕盈型啲嘅可以揀西多士餐、三文治餐，大份量啲嘅可以揀啲炒粉飯麵、意粉焗飯餐。二維碼落單，依家大家都熟晒呢個模式啦，唔使多講。餐具、基本調味料整齊咁放晒喺枱側，自由取用。雙拼三文治餐 $35因為過幾個鐘就食晚飯，所以，揀份三文治餐就夠晒皮，最後揀咗午餐肉拼北海道3.6牛乳炒滑蛋。唔係講笑，睇相都見喺交足貨，首先塊餐肉唔會太薄，食得出唔喺平價嘢，而啲炒滑蛋一層搭一層，堅厚，咬落嫩滑有蛋香，就連塊麵包都喺厚身啲嗰一款，總之加兩蚊烘埋底啦。熱奶茶可能由於對杯熱奶茶無乜期望，所以，飲落比預期好，雖然未叫做絲咁滑，但喺至少個茶底夠醇香。雖然簡單食份雙拼三文治，但夠足料，精神、力氣都返晒嚟。所以話呢，行完山，打完波，食個下午茶喺

超耐先送到 薯條凍嘅 啲嘢食未熟等咗勁q耐 同店員講佢成日都話一陣先餐包等咗半個鐘頭仲未到 勁嬲 焗飯仲未焗好 餐包凍㗎 店員成日傾偈 唔止skip咗我哋一枱單 糖水凍嘅 但咖啡ok

炸魚柳薯條 沙嗲牛肉米線 3.6珍珠奶茶之前都有食開呢間但係都係覺得普通。今次呢個下午茶真係有驚喜。魚柳雖然唔係英式嗰種炸法 但都係新鮮熱辣鬆脆 薯條中規中矩都係茶餐廳嗰種。沙嗲有啲一粒粒口感 ok ge 比起米線個人比較鍾意食沙嗲公仔麵珍珠奶茶唔錯㗎 啲珍珠比較軟身 鍾意食車呔嘅朋友可能會不喜歡這個

今日路過美孚，入咗燉奶佬食午餐，叫咗個茄子豬扒炆米粉，茄子和豬扒都是我喜歡的食物，但係Mix埋一齊就整得唔係咁好食！豬扒肥肉過多，口感不太好，過淋！茄子和米粉味道還可以，有改善空間！最好飲係杯紅豆奶茶，茶味濃紅豆亦多，不過應該冇下次！

叫咗個蔥油豬排煎蛋飯同瑞士汁雞肶煎蛋飯 個雞肶飯隻雞肶有少少柴但算大隻 啲菜似煮好咗放咗好耐 基本上放入口唔使咬就會溶咗喺口😹 啲飯嘅份量算多夠一個成年男性食飽 但對女仔嚟講應該就太多 雖然煎蛋其實冇咩好講 但個飯最好食就係隻太陽蛋 個豬排飯 塊豬排都算大塊 肉質算淋 唔會話好柴 但就偏多肥肉 個蔥油冇咩味 但由於個豬排本身有味所以唔會話太淡 菜同飯一樣就唔講多次但其實個飯連埋杯凍檸茶先45蚊 呢個價錢食得飽已經冇咩好挑剔 就正如標題所講一般嘅茶記碟頭飯

打風日唸住食埋個早餐先返工，點知黎到呢度食簡直極失望！佢餐牌寫住用綿香沙嗲醬整沙嗲牛肉，仲要張相照騙甘好靚。點知一黎到粗口都黎埋！份量少都算，個沙嗲牛肉係無味，仲要唔知點解有骨！我以後都唔會再中伏，無下次！

是日放工行過諗住食個扒質素唔算好高，不過七十零蚊差唔多啦有湯，有餐包，有嘢飲仲有一大份薯條🥊薯條係粗條薯條🍟總括來講唔係好啱我胃口🥹！下次應該係選擇中菜👋🏻或者其他款式💕但係今日寫食評，主要係見到職員工作態度勁好所以忍唔住想分享| (• ◡•)|話說係因為有個男人，嘟唔到針卡跟住喺度大罵女職員，職員態度甚好～仲同佢有禮貌地道歉，而且還叫呢個男人入座當然男人誓不罷休，係咁講說話俾職員聽但今時今日咁嘅服務態度，不常有💗

今日嚟到位於美孚嘅金裝燉奶佬食個午膳揀咗個菜膽鷄飯，佢個餐首先送咗個湯菜膽鷄飯，價錢$72蚊，湯同飲品只可以任選其一，所以揀咗例湯個鷄飯份量細咗少少，味道都尚可，有啲汁送吓個飯，但真係唔夠飽

雖然入得呢間食預咗唔追求味道，一分錢一分貨，七十幾蚊一塊名叫特級厚切西冷牛扒，估唔到薄到拍得住大xx既早餐，講真，大xx仲好食d,因為咬到。呢件真係咬到牙都痛！

今天到美孚工作, 期間有空餘時間, 去找下午茶休閑一下, 走了一個圈見到在中學求學時常常幫襯的本地化茶餐廳燉奶佬, 一於去尋找當年味道和感覺坐下發現都有很多下午茶選擇, 個menu製作精美, 圖文並茂, 最後選了义燒炸蝦公仔麵 配熱奶茶； 侍應服務好給予熱水和洗手液, 好快已奉上大大碗公仔麵, 炸蝦香脆, 麵質有彈性,湯底不錯, 這刻真係尋回讀書時代的味道情懷配上熱辣辣嘅香滑熱奶茶, 今個下午享用了一個美好時光 值得推介給大家

每次來燉奶佬食嘢，都唔抱咩野期望，完全只係為咗方便。今日叫咗個下午茶，日式煎餃/薯仔+榨菜肉絲米粉，煎餃同平時係超市買既大大包好抵食既超值裝係一樣味，薯條仲有少少餘熱，食落已經硬硬哋。好在仲有碗米粉，榨菜肉絲有少少辣，米粉仲有少少彈牙，好食。