金記冰室 (元朗廣場) (已結業)

假日一早黎到元朗廣場， 最多人等位就係呢間金記！環境都好多卡位，坐得舒服食物都係一般港式早餐， 味道正常， 豬潤無異味，奶茶都可以！價錢一個餐大約四十幾蚊！無咩可以挑剔

長期扮壞機只收現金，明明之前alipay,支付寶，wechat pay,信用卡，銀聯，apple pay都收，希望佢唔好步屯門金記後塵執笠，求求改下營運方式，謝謝。

午餐叫咗過豉汁蒸倉魚，食品送到發現條魚未全熟，侍應收走後，估唔到十五分鐘後再送來一條新的蒸魚連白飯，而不是翻蒸之前的魚！👍🏻👍🏻最貼心連白飯也送上一碗熱辣辣的！如此有heart的食店，會再來的

夜晚忽然想快食牛扒，聽講這間餐廳的扒類不錯，就決心一試。鐵板西冷牛扒 $102選擇了五成熟，鐵板上。份量很大，肉質算嫩，有肉汁，有點喜出望外。這樣的價錢配這樣的質素，性價比真的很高。醬汁方面有三種可供選擇，分別是燒汁、黑椒汁、及蒜茸汁。食得牛扒，我就選了黑椒汁，因覺得最配。醬汁香濃，胡椒味不俗，沒有勁辣或者勁鹹，味道剛剛好。主食方面有三種可供選擇，分別是飯、意粉及薯菜。今晚選擇了意粉，選擇是正確的。意粉不是只用水燙熟，像出邊的餐廳一樣寡。反而呈紅色，有用茄汁調味，不會太甜，而且上台時溫度還是暖和的，真的不錯。想快吃晚餐，這間餐廳的選擇十分多元化，可考慮。

早餐的滑蛋有一片大過手指公的完整蛋殼，及其他細碎的蛋殼，這種情況下已經完全失去用餐的興致。毫無服務態度可言，上餐時用掉的，掉下就走，叫都叫不住（不知道是假裝聽不到還是不想處理）。幾肚餓都不會再來吃😡受氣

元朗廣場呢間金記經常都好多人幫襯，今次早餐時段去到都等左5-10分鐘左右。叫左個雪菜肉絲公仔麵+香滑炒蛋及牛油多士。雪菜食落去好鮮甜好清爽，好適合夏天食用🤪肉絲份量都好多下，口感超好~早餐通常食得一碗麵好似有啲單調，所以我加左$8要炒蛋+牛油多士，咁先夠豐富架嘛🤪多士方面我就覺得燒得唔夠均勻，邊邊位特別燶，不過外表都好酥脆好好食👍🏻配埋牛油真係絕配~炒蛋炒得好靚💯 係一個令人滿足又豐富既早餐~

今日叫咗個焗豬扒飯同咖喱飯 焗豬扒飯都保持到水準 咖喱飯就味道一般 不過坐位衛生環境真係麻麻 被安排左個卡位 坐到入去卡位發現地下好多飯粒 仲已經係黑色的飯粒 又有上手跌咗的筷子同牙籤套 好似好耐冇拖過咁 坐位又有污漬 張枱痴立立。坐低要自己去拎水 （依個一向都知）但放杯果度一隻杯都冇 卡位側邊放咗一車未洗的碗碟 都明可能係人手不足 但整個環境令人食得好唔舒服 希望金記可以改善下啦 我都想繼續幫襯嫁 不過短期內都唔會住 仔女食食下都急急腳走

金記冰室已經食過N次, 次次都係食午市時間, 今日大約3點幾去到食下午茶, 依然坐無虛席, 要拎飛等位, 不過都好快, 等左10分鐘左右就入得🤠下午茶眼見附近嘅人好多都食蛋撻餐, 菠蘿油餐, 熱狗包餐呢類輕食, 好吸引😍不過無飯不歡嘅我都係食秘製咖喱雞扒飯, 同埋今日唔想飲凍飲, 所以揀左熱奶茶😇第一次飲金記熱奶茶, 好好飲👍👍👍👍茶香奶濃好正好正💯平時都係飲開凍奶/凍啡, 估唔到熱奶茶係咁好飲架, 大推!!!!!!!咖喱雞扒飯, 煎到好脆身有燶邊, 雞扒好嫩滑, 配埋椰汁咖哩香噴噴, 咖哩汁仲有幾舊薯仔粒, 好入味, 雖然係下午茶, 但份量唔少, 食到超飽超滿足😋😋

位置元朗廣場, 地理位置優愈, 5:45pm去到, 坐滿晒食下午茶架人 (有長者卡食TEA有杯奶茶送架), 6:00pm左右入去,我地就食個早飯既, 叫左個二人餐, 報一報今餐用左幾錢先啦, 係 $173 / 2人既, 為返一人$86.5,  算中價啦 成個SET有2個送 兩個湯 兩個白飯 兩杯野飲 加送一個白灼菜心。我地叫左個地道霸王雞 同欖菜肉鬆四季豆。味道方面呢, 白飯正常 湯 (應該都唔係咩老火湯架喇)清清甜甜甘啦 飲完都唔知係咩湯 野飲叫左杯朱古力多奶 同奶茶, 朱古力 OK。至於2味主角當中就以欖菜肉鬆四季豆較為出色, 炒得好香口好有鑊氣!!! 送飯一流! 地道霸王雞D雞都算滑, 冇overcook!! 我地都坐左一個鐘零2個字, 冇趕人。(但佢有個牌寫繁忙時間用餐時間為45分鐘, 甘我地都好好彩, 又不過呢間野我地去果日晚市係坐唔滿的, 元朗食肆太多選擇了吧)

今日叫左4個早餐，一個成$70既早餐全餐，寫住豬肉腸，黎到比左2條廚房腸，咁貴食個垃圾早餐😡不會再幫襯離普🤬佢d早晨價錢唔平，質素普通不值收這個價錢完全搵笨。

次前都耐唔耐就會來呢到食下晚飯，今次就來左食下午茶⋯叫左個炸魚柳沙律下午茶⋯$41但個結果竟然得半條魚⋯而大家都可以對比到個樽蓋，大約得6個樽蓋大小⋯41蚊真心點會夠食，都唔合比例，相比其他只是貴多10蚊左右的差，好似差太遠了吧⋯最少都一條⋯沙律佢的份晒都只是一個中小型雪糕球⋯即係同差不多價錢的炸雞髀餐，你都唔會只比一半人吧⋯⋯同預期有落差就自然會覺得被騙⋯⋯下次點都唔會食呢d了⋯而且當天職員態勢都一般⋯希望餐廳可以留意下。

"【金记冰室】呢日又走咗入嚟元朗，主要係同啲退休同事食飯，畢竟以前一齊做嘢嗰時都有互相幫忙，收咗工都有偈傾嗰隻。到而家佢已經退咗休，咁我唔係嗰種為咗工作先走嚟扮 friend 嘅人，有時間咯就梗係聚一聚好啦。同事住元朗，所以就佢去元朗食，連地點都係佢揀，事前我都唔知去邊度食。佢話佢都唔係好知食乜好，有趣，不過諗深一層，就好似如果有朋友嚟沙田搵我，我都唔知同佢哋食乜好咁解，呢個情況又真係絕對可以理解喎。咁佢都做到決定嘅，就係嚟呢間「金记冰室」，初時我以為係見過其他 foodie 寫過嗰間，呢間就真係街坊茶記嚟。原來係喺大埔文娛中心隔離，之前都幾過吓呢度，不過一直都冇在意呢間餐廳。我哋三個人去到都唔使等位，直接有得坐，我都唔中意啲要等位嘅餐廳，fit 晒。一入到去，已退休同事就叫咗個嘅「雞蛋西多士」配熱檸茶。見佢有花生醬，但都好似一般咁，不過我有得影相就唔使特登再叫一份，正呀。係呀，我而家寫茶記冇西多隨時會被讀者留言質問，咁我有時未必想食嘛。呢度出名係「走雞」，叫「走雞米線」囉，配「雪菜」，去埋骨。我覺得佢似係一個濕版嘅鹽焗雞，而且係好食嘅，係幾掂。另一位同事叫咗叉燒拼燒肉嘅「雙拼燒味飯」

小皮皮今日換上方晴的造型的茶餐廳look，支持下先，有椒鹽燒賣、蛋撻及西多士，另外再點多個蛋撻及飲品，椒鹽燒賣炸至外脆有彈牙口感，也有椒鹽的鹹香，好食，最意外是蛋撻竟然是暖暖地，酥皮撻皮晤會太厚或太油，脆香也有牛油香，蛋味好足好有蛋香，介紹果然好食，西多士都是即炸，牛油與糖漿混合，入口香甜又脆口，好有邪惡感。店員及老闆都好好人，好有笑容有禮貌，主動協助我地找座位，我地都四周與姜姜的應援及手幅打卡，打卡位超多，

嗰個時間佢哋都係主打啲茶餐，入到 茶餐廳係應 該食吓嘅。主食係「沙嗲牛肉米粉」，又唔差喎，個沙嗲牛幾好味，唔算係平時好一般嗰啲，估佢唔到。而小食嘅「厚多士」就好似有啲搵笨，雖然牛油好夠，但唔係厚多嚟。除咗多士仲有「火腿奄列」，但係偏細同埋味道一般。餐飲我揀「熱奶茶」，都唔錯。不過食完之後硬係覺得唔爽，可能因為啲嘢都好似細咗少少咁，所以我就梗係叫埋大家非常期待嘅「法蘭西多士」啦。見到韓國糖漿都怕，轉煉奶西多，薄薄哋嘅方包就係玩索晒啲汁嘅感覺，爽！1，佢哋六點會轉做雞煲小菜，唔好阻人咁耐。臨走先見到佢哋 menu 有奶水，下次有機會叫杯嚟提升吓血糖。。。

金記冰室係我近排成日幫襯嘅食肆，鍾意佢食物款式選擇多又有新鮮出爐麵包🥯，啱晒我呢啲有選擇困難症嘅人😂😂，元朗廣場分店第一次幫襯感覺唔錯，懷舊裝修主題乾淨整潔枱與枱之間有足夠行人通道唔會感覺侷促，全店設卡位坐人多，10人都冇問題都有幾張大圓枱，冰室用上QR code自助下單包保唔漏單，今日胃口好兩個人叫咗好多嘢食！鐵板西冷牛扒$104（配薯菜羅宋湯）加$14紅豆冰鐵板上熱辣熱我叫了黑椒多汁，牛扒七成熟好正好淋無筋，牛扒醃得好香，羅宋湯都唔錯啊好多材料味道夠酸😬，係我鍾意嘅味道好滿足，杯紅豆冰都好好飲豆多（豆起沙）奶香😋金牌乾炒牛河$65店員介紹㗎話一定要嗌呢個試吓，金牌乾炒牛河又係我最鍾意其中一個菜式，香噴噴有鑊氣河粉炒得乾身配料有芽菜韭黃蔥牛肉都有10片，分量十足👍🏻唔會寒寒酸酸鮮茄龍汁焗厚切豬扒飯＄66我叫了多汁😂，自助下單有呢個好處佢可以俾你選擇多汁少汁Yeah, 無汁不歡嘅我梗係要多汁啦，多芝士豬扒厚度有三個$5銀咁高，唔怪之得叫厚切，豬扒好大塊味道不會太鹹，主要靠蕃茄汁伴飯，我覺得個汁係羅宋湯味道😄😄法蘭西多士$31因為我鍾意食糖漿又想有牛油嘅味道所以我叫咗一個西多士最後做甜品