金記冰室 (元朗廣場) (已結業)

今天到元朗廣場分店跟朋友下午茶，經常人頭湧湧在門外取票等待，店員叫號後馬上安排座位，用枱面QRcode點單，方便快捷。👌鮮茄濃汁焗豬扒飯滿滿芝士香氣，茄汁濃厚，豬扒整塊厚上，口感軟淋入味，飯粒分明帶點飯焦，推介。✨港式小食不少得香脆春卷，餡料充足，咖哩角油香有口感，配上解膩雜果沙律，份量剛好。👍🏻炸雞脾配迷你西多士手掌大的炸雞脾，熟度適中，外面金黃香脆，內帶肉汁，考功夫之作，西多士配上牛油糖漿，一大享受🤗炎炎夏日來一杯椰汁涼粉，透心涼又有嚼勁，很久沒飲過的熱杏霜，杏仁味香濃順滑。還有樽仔奶茶，茶底濃厚帶奶香，必試。✨值得一讚金記冰室帶有熱麵包櫃，下午茶先叫一個墨西哥包，脆皮加上吉士餡，奶香十足。外帶了熱辣辣餅皮蛋撻，餅皮香脆，蛋味濃厚，經典之選。排包份量多，口感軟綿綿帶牛油香味，抵食。☺️新派連鎖茶餐廳，選擇多可以一個麵包一杯茶就可嘆下午茶，員工友善有禮，以商場餐廳來說性價比高，難怪經常排長龍😙

之前叫金磚風沙豆腐，佢哋會用大大舊豆腐磚，上次叫已經用豆腐粒，但都有約20幾粒，今日叫已經用細碟，重要得番15粒豆腐粒，重要收成72蚊，太離譜了吧，已後唔洗叫這個餸

今日星期六，周圍都爆曬。唯一係呢一間同隔離嘅阿金茶餐廳，都唔需要排隊。因為實在太肚餓，所以就入咗嚟食。原來佢同隔離阿金茶餐廳係打通，即係兩間同一個老闆。招牌乾炒牛河，價值$65。又咸又凍；真係冇下次。啲牛肉好林，但係都凍。好彩仲叫咗個焗豬扒飯，雖然佢落咗好多茄汁，但味道OK。可能因為焗野嘅關係，保證係熱嘅。跟餐冇嘢飲，好可惜。明明以前係第二間食都好食，可能係呢一間嘅問題。服務正常茶餐廳，不過嘢食都係最重要，下次真係唔嚟呢間啦。

路過求其食，見到門口餐牌有豬潤麵食即刻兩眼發光😍.招牌豬潤麵 - 寫得招牌，對佢嘅期望有啲高，但唔單止唔合格，應該可以講話唔好食豬潤太熟，又勁薄，冇咬口冇口感。薑絲湯底味好淡。.海南雞飯 - 反而呢個有驚喜，雞滑，無骨，份量亦都多。

疫情緩和後，每逢星期六日，所有的茶餐廳都高朋滿座，看似一片歌舞升平，無他，皆因第五波疫情實在令人折騰很久，加上有消費券，當然要出來唞唞，和摯愛家人及親朋戚友相聚今日星期六好友請我到茶餐廳吃下午茶，滿座，要取票等候，幸好等了20分鐘便可進內🔰炸雞髀即食麵配火腿烚蛋沙律$60🔰炸雞髀🍗，真的弄得不錯，皮脆肉嫩，香脆的薄皮下是嫩的雞肉，我倆猜度是否用氣炸鍋製作的🔰沙律，主食是薯仔，並有罐頭雜果相伴，沙律醬調校得不錯。這裏的沙律幾好吃，不像某些茶餐廳的沙律難吃到冇朋友😆。火腿和烚蛋正常🔰即食麵，湯很淡味，完全沒有即食麵的神髓-味精粉湯，應該是太多水所致😒卡位很逼夾，所謂逼夾是指人坐著時與枱之間的距離，而且枱的高度也比一般茶餐廳的高

係附近行到餓餓地，想搵間餐廳食d比較大份嘅下午茶，見到呢度嘅餐牌唔錯，所以就入左黎食🍽蕃茄蛋鮮牛肉泡飯🍅🥚🐄🍚$39牛肉都幾淋，都有好幾塊，飯嘅份量多，可以兩個人share再加個小食餐😆個湯底清得黎都好多番茄！炸雞髀配迷你西多士🐓🍞$43雞髀🍗幾香脆，而且唔會好油膩👍🏻有陣獨特嘅香味，西多士都唔會迷你，有半份！可以揀煉奶或者糖漿熱檸檬菜蜜🍋係跟餐配嘅，都幾多片檸檬！熱朱古力🍫都係跟餐配，係茶餐廳嘅味道😋本身想飲冰鎮奶茶，但好可惜賣晒，下次有機會會再試。送餐速度好快，手機自助📱下單後，不用5分鐘就上餐！

今日去開元朗廣場行吓街，有啲肚餓，見到間好吸引嘅茶餐廳，一於入去試吓。入到去見到個餐牌封面介紹招牌焗豬扒飯，一見到就已經好想食黎到睇賣相都好好，兩大塊蕃茄，一大塊豬扒，個豬扒係我食過咁多個焗豬扒飯最好食嘅😋焗嘅火候適中，再加上炒底嘅飯，真係好好食，不過美中不足就係份量太少喇，雖然我係下午茶食，但真係太少，唔夠食啊！咁飲品我就叫咗杯凍鴛鴦，我就覺得甜咗少少，加上啲冰太大粒，如果碎冰咁就最好啦，有待改進。下次再嚟試其他款式美食。

今晚要去睇聖誕禮物順便食埋飯, 友人話佢好耐無鋸扒, 所以就近近地去咗金記食我地每人叫咗唔同嘅餐, 什扒餐和牛扒餐, 兩個鐵板餐都包餐湯和飲品餐湯我哋揀咗羅宋湯上台時仲微溫, 飲落有種辣味,又酸酸地幾好味什扒餐(黑椒汁)味道唔錯, 入面有雞扒、豬扒、牛扒、腸仔加埋薯菜等, 好豐富！咁多野食都係$98, 仲包三款扒, 真係一次過滿足三個願望豬扒肉質夠軟、牛扒雖然薄切, 但黑椒汁同牛嘅肉質好夾, 入口好夠味牛扒餐-牛扒約七成熟, 肥瘦均勻, 肉質嫩滑、唔韌, 仲食到牛味。我最欣賞墊底嘅薯條, 每條粗大, 就算淋咗汁, 我都覺得仲好脆切開直係好厚身,啖啖肉公司三文治-麵包經過烘底,十分香脆,而且層次非常豐富,有蛋、餐肉、芝士、蕃茄、生菜等用料新鮮好食,值得一試雪糕紅豆冰-紅豆大粒飽滿,仲起沙,甜而又綿熱杏霜友人話口感幼滑,杏味香濃,而且甜度剛好,喝完好滋潤

雖然香港仔都有不少茶餐廳，但我和家人仍然是慣常光顧「金記冰室」原因好簡單因為佢地方夠大，平日去省卻了等位嘅時間，正所謂時間就係金錢，我絕對唔會浪費一分一秒。現在全線金記已經採用手機下單，餐廳都好體貼提供免費Wi-Fi服務。由落單至上菜基本上不須十分鐘超有效率。「芝士鮮茄焗炸雞脾飯 」$74配羅宋湯和熱飲雖然焗飯迅間上枱，又唔代表佢唔熱，除咗隻炸雞髀，成個焗飯都係熱辣辣。炸雞脾超大隻，啖啖肉，非即炸扣左分。飯有炒底加咗洋蔥絲、蛋等，茄醬傾向甜，我喜歡酸一點味道，焗飯面上加上濃厚芝士，食落更滋味。女人手動腳凍好啱飲「桂圓紅棗桃膠茶」 +$13 甜甜地冇加額外嘅糖分，養生之選。另一款揀咗冬日菜式「南乳支竹豬手煲」配老火湯，菜心 $98豬手份量足，夠稔但吾太入味，南乳和豬手各自為政，但支竹反而又稔又索汁，配角往往都會成為焦點，冬天食煲仔菜色，必定成身都暖笠笠。食煲仔燥熱，來一杯「西洋菜蜜」滋潤一下，喉嚨都順晒。「客家沙薑雞」$68沙薑香氣獨特，醬油包裹着雞肉，令雞肉味道更有層次，雞肉不鞋口，不錯，甚有酒樓嘅水準。

我在金記踩左舊金（咖喱薯仔），d 薯肉痴住晒我對鞋啲罅隙，我整左好耐先無晒。我果日第一次去，啲姐姐哥哥好好人，對佢地印象極佳，服務好好！但味精真係幾重手wor....午餐食左豆腐茄子雞粒飯，湯又重味精....我唔知下次仲食唔食🙂

金記冰室已經係唔只第幾次黎食，會黎食咁多次嘅原因係因為呢度嘅食物品質有保證，就算係其他分店都可以依然keep到水準，唔駛怕會中伏，所以就算係其他區如果諗唔到食乜，食金記都一定冇錯。乾炒牛河牛肉份量夠多，河粉炒得有鑊氣，好有大排檔嘅風味。XO醬西蘭花炒蝦球同滑蛋炒蝦仁嘅蝦仁都係大大粒，XO醬西蘭花炒蝦球就惹味d，而滑蛋炒蝦仁就淡少少，兩個小菜都好岩用黎送飯食。沙嗲肥牛粉絲煲除左今次D 肥牛韌左少少之外，其他都幾好嘅。

「金記冰室」不是第一次食， 食物質素有保證，今次這分店在元朗廣場內開，所以捉埋男神去食🤣😂🤣😂❤️2人套餐❤️「欖菜肉崧四季豆」好香好野味，送飯一流🥰「客家沙薑雞」沙薑味夠👍🏻 而且仲要雞骴位😋「羅宋湯」茄味夠，而且多菜🥰「白飯」「哥喇黑牛」好新穎，朱古力雪糕配上可樂😜 我先拿拿聲食左雪糕先🤣😂🤣「凍西洋菜蜜」「金記生炸雞翼配薯條」生炸雞翼正呀☺️大大隻😘 下次試埋雞髀先😍「金磚風沙炸豆腐」好滑呀！ 外脆內軟👍🏻👍🏻備註：🔺晚間時間人流較多👩🏾‍🦯👩🏾‍🦯👩🏾‍🦯🔺員工好nice👍🏻👍🏻

這次在元朗廣場想吃東西，想吃茶餐廳美食，就想吃這家店舖了🙈。店舖位於2樓，環境挺大的。下午茶時間人頭湧湧，取號後等了不用十分鐘就有位置了。餐牌上的選擇有很多，可選擇人手下單或掃碼下單，方便不同年齡層挺好的😆。-💥鐵板美式雜扒 HKD$98，主食選擇配薯菜，另有有數款醬汁可選，選擇黑椒汁🤤。雜扒餐食物包括牛扒、豬扒、雞扒、腸仔及煙肉，這個份量十足，可以跟朋友分享來吃。肉肉口感煙韌，醬汁味道濃郁😚。-💥新鮮菠蘿咕嚕肉 HKD$70，這個小菜味道很香，配料菠蘿、洋蔥、紫洋蔥、紅椒。醬汁味道酸酸甜甜的😋，既開胃挺惹味的。咕嚕肉做到外脆內軟，口感煙韌入味。-💥芝士西多士 HKD$38，這個是下午茶套餐，可選擇配糖漿或煉奶。個人較喜歡煉奶，因為味道不會太甜。西多士口感酥脆，裡面是半溶的芝士🤩，口感咸咸甜甜挺特別。-💥菠蘿油 HKD$28，這個也是下午茶套餐，是常見的茶餐廳美食🙈。厚厚的牛油夾在菠蘿包裡。菠蘿包外層脆脆的，而且帶點甜味。底下的麵包口感鬆軟，配著咸咸的牛油感覺不錯🥰。-飲品選擇了茶走、啡走、鴦走，可以因應喜好而選擇較濃版本🤩。奶茶和咖啡味濃郁，煉奶版本味道不會很甜。三杯飲品比較之下 較

今日返工好辛苦，老公話出街食食好啲叫多啲餸食🤩🤩去咗元朗廣場見到金記好多人等位，老公話想食小菜，所以就㩒飛等咗10分鐘左右。環境都乾淨舒服，啲服務員都好有禮貌☺️☺️老公叫左個新鮮菠蘿咕嚕肉跟飯同羅宋湯，老公話個羅宋湯本身冇乜期望，但係最後出奇地覺得幾好飲，酸酸辣辣咁好開胃。個咕嚕肉雖然唔夠脆，但係個汁幾好送飯，有新鮮菠蘿好開心😍😍老公話好耐冇食霸王雞，佢想叫嚟食下。碟雞我食咗一舊咋，因為我本身好鍾意食咕嚕肉，所以係咁夾佢啲咕嚕肉就冇夾到啲雞啦😂😂因為咕嚕肉同霸王雞都冇菜所以我堅持話要叫返一碟蔬菜食，老公叫咗呢個XO醬蝦球炒西蘭花，我覺得好惹味好好食，啲西蘭花唔會太淋，味道剛剛好。👍🏾👍🏾忽然間好想食奶油多，既然我冇加白飯，就好任性咁叫咗件奶油多食。奶油多都好難唔好食嘅，如果個多士可以冇咗個麵包皮就滿分了。專登加錢叫咗個冇冰凍奶茶，真係特別濃郁好飲，下次我都係會加錢叫呢個冇冰凍奶茶。☺️☺️😌😌我幾欣賞佢個餐枱呢一個櫃桶啲嘢好整齊樣樣都有調味料都好齊全好少茶餐廳會咁整齊。

今日行開元朗廣場，夜晚有啲肚餓又唔想返屋企煮飯，就去咗金記冰室食晚餐～我同媽咪一人叫咗一個扒餐，有餐湯，可以揀中湯或者西湯，西湯係羅宋湯，酸酸甜甜好好味😋中湯喺雪耳豬骨湯，味道清甜～鐵板西冷牛扒牛扒好大塊，7成熟，配薯菜黑椒汁，肉稍為銀左少少，鐵板香煎雞扒配吉列魚柳，配薯菜黑椒汁，雞扒好滑嫩，魚柳炸這時間啱啱好，唔會太燶都好食😋我哋仲叫咗個金銀蛋白菜🥬好大碗，唔會太鹹，清清地幾好食😋最後仲試咗個最新嘅抹茶紅豆冰，抹茶香濃又唔會太甜，正！