金記冰室 (黃大仙中心南館) (裝修中)

黃大仙廟因疫情關閉後，今日重開，阿媽急不及待要去上香祈福，我咁啱放假陪她走一轉，之後去黃大仙中心食D嘢，阿媽見到間金記冰室，設計好有懷舊風情。本想入去堂食，比佢見到外賣有折就改變主意，叫我買回家食。馬來炒貴刁好夠穫氣，用火腿、蝦仁、蛋、芽菜、洋蔥等加入河粉炒，並用咖喱調味，又香又足料，十分惹味。鮮茄濃汁焗豬扒飯，濃香茄汁配搭鬆軟的豬扒是冰室的皇牌菜色，超大塊豬扒先炸過一次才放在飯面上焗，濃郁的醬汁沾滿了整塊豬扒，豬扒厚薄適中，肉質細嫩，香口又惹味！金記炸雞髀，我的最愛，即叫即炸，雖然是拎回家凍了一點， 皮還有脆口感，肉質香口。

今日放工要去黃大仙同事屋企幫忙照顧BB，冇時間出街食飯，就去附近商場的金記冰室買外賣，餐廳裝潢設計有懷舊風格，是間有質素的港式茶餐廳。鮮茄濃汁焗豬扒飯：餐廳招牌飯一定要試下，大大塊厚切豬扒已經蓋過飯面，加新鮮蕃茄和蕃茄醬汁焗至金黃色，豬扒軟腍，濃郁的醬汁酸甜度適中，撈埋飯食越食越好味！芝士焗肉醬意粉：濃濃的肉醬汁因為加左芝士變得更惹味，每條軟硬適中的意粉沾滿醬汁，令人食不停口。西多士又厚又大塊有蛋香，中間有花生醬，加少許糖漿令西多甜美可口。

琴晚放工實在太累，所以去左黃大仙中心睇下有咩岩，一心想買外賣反去食。結果，見到金記冰室出面好多人等外賣就決定光顧！金牌乾炒牛河 $58：個人好推介牛河，首先乾炒牛河食落感覺到好夠穫氣，而份量好多，如果一個人食已經好夠飽。牛河中既河粉好滑，但吾會好易夾斷；當中既牛片好大片，而且好有牛香口感，吾會乾身！另外，夾集左芽菜，洋蔥等材料令整個口感加入爽口既感覺。乾炒牛河既油份當然會較多，但食完吾會覺得太油膩既感覺啊！法蘭西多士 $29：西多士外觀是金黃色，口感軟口；而中間夾入左少少花生醬，令整體感覺吾會好漏，另配有糖醬增加甜味。鮮茄濃汁焗豬扒飯 $65：焗豬扒飯既茄香味濃郁，只系打開個膠蓋已經嗅到，茄味吾會太酸太甜；而豬扒厚度剛好，食起黎吾會好硬好乾。飯粒吾乾，可配合當中既茄汁一同食用！

行山後，不想回家煑食，順路在「金記冰室」購買外賣好了！選擇了：咖哩牛舌意粉、 白汁芝士 焗海鮮意粉 、鮮茄焗肉醬意粉。咖哩牛舌意粉，兩片又大又厚身的牛舌鬆軟甘香，配香濃而不鹹咖哩汁吃，口感豐富，冶味咖哩汁送飯也一流！ 白汁芝士 焗海鮮意粉，除了有一大塊魚柳，還有不少蜆肉、墨魚、蝦仁和粟米粒，白汁裏的芝士味道不濃密，反而較重忌廉香滑味道，很合我的口味。鮮茄焗肉醬意粉，是我家人的至愛，我試過兩口，幾醒胃的味道！兩款焗意粉都是配餐飲，我楝熱奶茶，因為茶香而滑，所以奶茶是首選。三款意粉味道沒有重重味精口感，清淡中有份家庭味道！

放咗工經過黃大仙，諗起屋企人話好耐冇食生炒骨，所以見到一間叫金記冰室嘅茶餐廳就入去買個外賣。餐廳同普通茶餐廳好唔同，裝修有少少傳統中國特色，乾淨整齊，好靚，下次要留喺一路食一路欣賞。叫咗一個晚餐 黑椒牛柳粒餐，有白飯有湯有嘢飲羅宋湯味道濃郁，好足料，好多蔬菜。牛柳粒夠鬆軟，炒得夠鑊氣好多飯熱華田同埋一個小菜生炒骨媽咪好鍾意食生炒骨，所以當然要叫碟俾佢食，酸酸甜甜，好好味。而且份量都唔少，兩個小菜夠三四個人食👍

一場疫症，改變了大部分香港人的生活習慣，外出少了，多賣多了，而我，也不例外。今次外賣晚餐回家，幫襯的是「金記冰室」。「羅宋湯」好喝，酸度適中，材料又多，十分開胃。「蜜椒薯仔牛柳粒」的牛柳粒質素過得去，但部分牛柳粒有點兒韌，薯仔也不夠腍，味道，則還是及格的。「韭黃蝦仁炒滑蛋」味稍淡，調味可重手些。滑蛋份量不少，配以四隻大蝦，蝦雖難免是雪蝦，配以我喜歡的韭黃與滑蛋，仍是一道挺好的下飯菜式。在不想在家煮飯，又不想外出吃飯的日子，這兒的外賣晚餐，都是一個可以考慮的選擇。

餐肉蛋即食麵$29⋯⋯價錢合理午餐肉煎得香口，正正常常日式海鮮炒烏冬$47炒得恰好唔太油膩，有魷魚仔配菜較認真我賺份量略小，不過味道是唔錯原本想要杯紅豆冰，可惜另+$13⋯⋯太貴！金漆招牌好有氣勢，餐廳對客戶服務好盡心盡力清楚寫上電話給顧客查詢及聯絡座位間有一道大膠簾分隔隔離枱，感覺上防疫工夫做足進入餐廳前都先量度體溫，清潔雙手務求食客安心進食；座位隔距沒有1.5米，有一道長長之膠簾使每枱距離隔開，感覺較安全可以阻擋飛沫

今日突然間想食生炒排骨，經過開附近，見到入邊人頭湧湧等外賣，我諗應該都信得過，叫咗一個生炒排骨同埋 XO醬蝦球炒西蘭花，等左15至20分鐘，就嗱嗱臨飛返屋企，返到屋企都仲熱熱地，所以唔需要返炒。可能佢用新鮮菠蘿，味道真係一流，比起一般大酒樓一啲都唔差，粉漿亦都夠薄，加埋個汁，甜酸適中。唯獨是有一兩舊排骨有少少沙。分量亦很足夠。XO醬蝦球，蝦球爽口都有成四五隻蝦，XO醬夠香，但係可以再辣少少就perfect ！唔怪得知咁多人排隊買啦，加埋杯飲品埋單$160左右！真係幾好食😋，其實呢度都有好多選擇，下次可以試一試其他餸菜！

食金記平時多數會堂食，但疫情關係，今晚就轉食外賣吧。點了兩個精選晚餐，有小菜，配上是日老火湯及餐飲，份量都頗大。每日都會提供不同的老火湯，是日為粉葛赤小豆紅蘿蔔煲豬骨湯，湯料充足。海皇豆腐煲，雖然外賣沒有了小菜煲盛上，賣相會差一點，但返到屋企仍然熱騰騰，內邊的材料豐富，除了有主角豆腐外，仲有青口，蝦仁，炸魚柳，蟹柳，草菇及雜錦海鮮等，味道不會太咸，是一道很好送飯的小菜。粉絲蝦干蒸勝瓜，勝瓜沒有焗得變黃，仍然帶點翠綠，跟蒜蓉、蝦乾一齊蒸特別惹味，粉絲雖然吸收了豉油汁幾好味，但略厭有點油。

#小秘書 最近食得 #住家飯 太多搞到 #口啖淡，好想搵啲街外嘅食物調劑吓😉 要得到 #母親大人 同 #父親大人 嘅同意，梗係要搵啲佢哋都啱食嘅嘢嚟分享啦😁 知道「金記冰室」呢排做緊 #晚市外賣「77折優惠」，咁就啱哂喇🤩為免同太多人聚集，#外賣食物 都係一個唔錯嘅安排，既唔使同人迫，又可以拎返屋企慢慢嘆😋 講你都唔信，#伯母 對 #咖哩牛腩 #情有獨鍾，而 #世伯 就無咩所謂，我哋鍾意食嘅佢都會啱食😆 既然係咁，我就加個 #京都肉排，返屋企炒個菜就開得飯喇😏第一次試「金記」嘅 #咖哩牛腩，份量都比其他 #快餐店 大份，#牛腩 炆得好淋滑，撈啲 #特製咖哩汁 配 #白飯，零舍開胃👍🏻 至於個 #京都肉排 都唔錯呀，濃濃嘅甜酸汁加入 #炒洋蔥🧅 特別香口👍🏻 連平時好少講嘢嘅 #爸爸，都讚口不絕🤪 「留家抗疾」原來都可以照食好嘢㗎👍🏻👍🏻 整體嘅 #食物 同 #服務 都唔錯，加上有 #晚市優惠，真係好抵食😋 等到疾情穩定嘅時候，我一定要帶 #兩老 一齊去參觀吓呢間裝修到六七十件代嘅 #冰室，等佢哋可以親身嚟到緬懷一吓舊事❤️

呢一間係又一打破我覺得🤩連鎖茶餐廳嘅睇法。🧐之前我會覺得呢類型嘅茶餐廳係貴得黎，食物質素又唔對得住個價錢。😒但今日係冇咩選擇下黎左呢到，❤️發現佢價錢都唔貴，仲要好食！😋雖然佢好似主打🌟豬潤湯麵，但晚餐就好肚餓，所以都係叫左飯。☺️⭐️鮮茄濃汁焗豬扒飯🍅我地加錢轉左做😆吉列豬，佢都好識趣地將飯焗好再放上炸到😋又脆又大塊嘅豬扒。豬扒係好食嘅，咬落肉質都幾軟，外面又炸得乾身好脆。🍅至於個飯同汁個比例岩岩好！汁都係味道適中嘅鮮茄汁。⭐️麻辣雞絲米線🌶呢碗野嘅🌶麻辣比得上出面嘅米線啊！戴定頭盔先，我食最勁都係三小，😂佢呢個麻辣岩晒我呢d想食麻辣個種香，🤤但又唔想食得咁辣。餸嘅份量都好好，唔會太多或者太少。⭐️金記三文治🥪極力推薦呢個！食完個飯同麵都唔飽嘅我地，叫多左個❤️金記三文治食，其實啫係公司三文治啦。😂我地食到爭食，🥓餐肉、蛋同火腿滿足左我地嘅味蕾同俾左飽腹感。🥗生菜同蕃茄令到每一啖都冇咁油膩又開胃。🧀最後個塊芝士嘅存在不能沒有，喜愛！❤️⭐️荷蘭谷咕⭐️凍檸樂

男人之飯堂金記冰室 男人自己倀飯要飽, 通常都好隨意, 由細食到大架茶餐廳味道, 大件抵食, 不用考慮就一於入去啦!!入面都專登裝修到好有舊香港感覺架LUNCH DINNER佢都有SET, 當然唔小得常餐同小炒啦$60 lunch set curry chicken ,仲包湯啦，飲品啦中湯略鹹人大食得重口味要濃先開心，咖哩唔太辣而且甜甜地好開胃,辣度是只會停在舌尖一陣，個汁幾濃郁撈飯唔錯$12加返碟娃娃菜平衡下上菜幾快，中午都唔洗等太耐就有位啦

要數一間幾滿意食物質素同味道的茶記，金記一定是我日常街坊look落街食的正店，今晚正好兩人也非常餓的時候，豪華式叫了兩個主菜及兩個餸享受一下。鐵板西冷牛扒$96沿用傳統鐵板扒餐的風味，熱烘烘的鐵板上檯，再灑上濃濃的黑椒汁，香噴噴的肉味蒸氣吸引味蕾，汁料滿意配菜薯條份量又多，厚實有彈性牛扒讓食肉獸解放慾望。芝士焗肉醬意粉$56另一半招牌兩款焗類必選的一客推介，茄醬汁Juicy入味，滿滿肉醬令人非常滿足。金磚風沙炸豆腐$65外脆內軟如相中一樣，滑口是一定的，作為小食或餸飯的一款絕對推介。是CP值高少有炸得不錯的一味。欖菜肉鬆水季豆，61炒得香口如大排檔的一味菜，兩個人食食下已經滋味地清哂。無冰奶茶及凍檸賓，只加$14 的特飲是一餐茶記不可缺少的飲品。👅美味: ⭐️⭐️⭐️⭐️/5✨環境: ⭐️⭐️⭐️⭐️/5💫回頭: ⭐️⭐️⭐️⭐️/5💡性價: ⭐️⭐️⭐️⭐️⭐️/5💆‍♂️服務: ⭐️⭐️⭐️⭐️/5

星期六上午去完附近郵局寄信後，經過呢間懷舊冰室，都想食返個茶餐廳早餐先回家。我哋叫咗鮮奶麥皮早餐$36同招牌鮮豬膶麵早餐$42。牛奶麥皮本身味道比較淡，侍應另外送上一碟煉奶，可以比我自己調整甜度。起初我點單嘅時候以為雞蛋三文治得一份，點知原來係有兩份三文治，麥皮餐大大份一定食得夠飽！飲品嘅杯都花咗少少心思，飲落啲嘅時候見到有個字句: 多謝你飲我。鮮豬膶麵味道都唔錯，麵上仲配有幾粒杞子，可以明目。牛油多士啱啱烘起，正！冰室早餐唔錯，可以推介！

金記冰室-聽個名幾懷舊feel. 入到去啲物品都有好舊時茶餐廳嘅感覺特别系裝糖果個杯好彩唔洗等位，我地一行六人到主題啦，我叫左個輕盈嘅“雪菜肉絲米粉”跟餐飲“熱檸水”米粉同平時食開嘅有啲唔同，透透地明似粉絲甘，但質地就硬身啲，口感上系幾特别跟餐嘅“多士，腸仔，煎熟蛋”本身系太陽蛋最鍾意食多士，唔洗加錢轉多士黎到系脆脆嘅腸仔就不過不失啦，都系腸仔味唯一唔太好嘅地方系上菜時有啲混亂，有啲野食去左隔離枱，有啲野飲又上完又上甘