金豪粢飯豆漿店 (已搬遷) 新店位置

I don't know how long this gem has been here but longer than I have because the first picture/review on openrice dates back to 2008 so it could be longer.The amazing thing is that it has stayed in the same spot but the rolls probably cost slightly cheaper back then.Shanghai sticky rice rolls are basically rolls made of sticky rice filled with Chinese cruellers, pickles and meat floss.There was a similar thing called QQRICE years ago which sadly packed up.I really recommend this place because the

話說約左朋友係附近食飯, 係等緊過馬路其間見到呢間買粢飯豆槳既小店比佢吸引左, 而且見到都有好多人幫襯, 就索性睇下有咩好食買既野唔算好特別, 係一般小食店都會有既魚旦燒賣腸仔, 撈面, 蒸既點心, 係早餐經常會食到既野, 而且價錢一D都唔貴今時今日呢D價錢真係好難搵到唯一比較特別既係佢有4款唔同種類既粢飯, 1) 普通粢飯2) 雙色粢飯3) 紅米粢飯4) 紫米粢飯我真係第一次見到有咁多種唔同類型既粢飯, 除左粢飯之外, 呢度竟然有賣埋鵪鶉蛋呢樣真係好少見呀但由於鵪鶉蛋太高膽固醇啦, 我都係食返茶葉蛋茶葉蛋唔算煮得太入味, 但係都食到淡淡既茶葉蛋香另外要讚下既就係粢飯, 油炸鬼同炸菜由頭食到落底都有, 唔會好似出面既粢飯咁頭尾勁多都係飯, 餡料好多, 炸菜唔係太咸, 味道不錯但唯一美中不足既係裡面既肉鬆好少, 如果多D肉鬆就好D啦伯伯仲好健談咁同我傾下計, 佩服佢年紀都有返咁上下仲有心有力地維持呢間小店大家如果去開都幫襯下伯伯

好少係香港見到紅米粢飯，今日見到當然買嚟試下有幾種粢飯分別紅米，紫米同白米，當然還有拼色，岩曬我呢種選擇困難症的人今次買左紅白雙拼，未咬已見榨菜係外面，感覺入面應該好足料果然整個粢飯有200分足料！不過 不過 不過。。肉鬆呢？？居然無肉鬆？？食曬整份都無肉鬆！但勝在口感不會太乾，而且每一啖都會有油炸鬼同榨菜在口中，唔會好似其他粢飯店過多的飯。如果可以加返肉鬆就完美了

豆漿粢飯是很多老百姓的愛好。嗰日長沙灣保安道打完波,好肚餓想食粢飯豆漿。於是試一試佢哋出名嘅黐飯豆漿。食落好鬆軟好有飯味而且有榨菜,肉鬆油炸鬼。覺得冬天嘅時候都可以好溫暖。而另外佢哋嘅燒賣亦真係唔錯。😊

每天上班，都會路過這間店舖，賣的是家庭式的手作，栥飯、豆漿、燒賣、牛肉、腸粉等小食。栥飯有紅米、白米和紫米，還有混合的，絕對係手工創作，飽肚又經濟。齋滷味日日新鮮、一般晚上八點鐘前都會沽清。店舖雖然坐落舊區的過路燈位，其實人流不多，幸好附近有幾所中小學，中午及放學時段總有學生哥幫襯，老闆也樂得賺少少，但求過下日神。其實這些街坊老店買少見少，倘若有日不知不覺的消失了，一定令不少學生勾起兒時回憶，懷念這串串的街坊情。

今午放假，約埋朋友一起覓食，見到openrice𥚃的金豪粢飯有好評，所以特登在港島區去長沙灣去光顧金豪粢飯！我們兩人買了一份白米粢飯，一份紫米粢飯以及一瓶豆漿，買完即場食，非常失望！首先白米粢飯，多飯小餡，白糯米完全沒有任何調味味道，粢飯內餡油條超級淋，不新鮮，非常小炸菜，食左三份一已經頂唔順！之後紫米粢飯，多飯小餡紫米有奇怪味道，沒有紫米香味，內餡完全沒有任何味道，油條部份也是超級淋，炸菜亦是非常小，完全中汱的紫米粢飯！最後只有豆漿是唯一好小小的普通味道！ 唔好食，我不會再光顧這店！

好掛住台灣嘅粢飯，但香港唔係好多地方有粢飯賣，有都唔係我想食嗰種搜尋了一段時間，得知這店😊今日放假，特登由天水圍出去買😓果然沒有失望，終於揾到間似樣d嘅粢飯....😭我鍾意佢有唔同選擇，而且熱辣辣，又夠大件，價錢合理，仲有紫米🤤似足我想要嘅，不過如果入面舊油炸鬼係脆嘅就Perfect啦👍🏼我怕妟d會賣哂，(因為粢飯應該係早餐食??) 所以中午到去。。。唔知佢地d粢飯係咪只出一輪? 有冇住附近嘅人話我知，夜晚有冇㗎?

迷路經過元州街，發現這間小店，老闆娘笑容可掬。發現這裡除了普通的白米粢飯外竟然有健康的紫米及紅米粢飯可以選擇，本身愛好紫米香味的我一口氣買了兩份，當是支持小店！雖然餡料比較普通：只有油炸鬼、榨菜、（忘了是否還有肉鬆，吃得太快了，哈哈）但是香軟的紫米味道令整個感覺加分，希望有緣會再來幫襯，我敢說用紫米作粢飯，全港只此一家。

因夜晚上課而到長沙灣，見到這一間小店，隨便叫了腸粉($6四條)、牛肉($3一粒)和燒賣($6好似有七粒)，可以在店內食，堂食不是用發泡膠盒，是不銹鋼碟，很感動，因為有很多小店，甚至涼茶店，都因為不想清洗而用即棄餐具了。最令人感動是腸粉有米香，食慣街邊的腸粉，會令人忘記腸粉是用米做的。牛肉和燒賣味道亦不錯。近日因夜晚上堂而到各區吃小食，大部分小店食牛肉球，最少要食兩粒，部份更要三粒，這間可以只買一粒，令我可以留肚食其他小食。可惜今天是最後一課，希望有機會再試他的豆漿和粢飯。

無論係砵仔糕、羨飯、白糖糕、豆漿、叉燒包……全部都super,super好味。豆漿又甜又柔；砵仔糕又多豆又軟；羨飯又足料又有口感……鋪頭雖然簡約左少少，但伯伯係嗰份人情味，係不可多得架！

這裡有進化的粢飯, 有紅米, 紫米, 白糯米同雙色今次食雙色, 紅米加白糯米, 老闆非常好地將粢飯保温, 可以食到暖暖的~紅米有咬口, 裡面有辣辣地脆脆的雪菜(唔知係咪!但好似), 有四分一條油炸鬼, 雖然淋咗, 但好煙un, 仲有肉鬆, 甜甜地, 同d粢飯好夾！第二次食整個紫米, 內裡一樣, 因為買咗好遲食, 叮咗一陣, 多了紫米的香, 一樣好有咬口, 又健康又好好味, size 係之前食的飯團的兩倍, 價錢只係一半！下次都係只揀紅米或紫米, 白糯米對我來講太冇口感！

一直以來都有飲開這裡的豆漿, 不太甜, 又新鮮, 絕不是用粉開的~以前只有分原糖、少甜的, 現在可以選無糖, 而且連黑豆漿也有。其他店的黑豆漿一定會貴點, 但這裡的一律$5一樽, 非常抵飲, 每天都有很多人買的~今次選了無糖黑豆漿, 阿哥就要少甜豆漿, 一開蓋就有好香的豆味, 不過其實我唔係太分到黑豆漿和普通的豆漿的分別, 只係聽人講黑豆好似有益點~