影片
營業時間
今日營業
07:00 - 23:30
星期一至日
07:00 - 23:30
以上資料只供參考, 請與餐廳確認詳情
優惠
食家推介
食評 (69)
這封信原先是我打算寄去金都的!親愛的金都酒家負責人:我們在2024年6月16日晚上光臨貴店用膳,感到服務質素大大低於預期,特此致函表達我的不滿,希望貴店能夠改善及提升服務水平。首先,我們預訂的父親節套餐出現多項不符合菜單描述的情況,例如飄香荷葉炒飯變成蛋白炒飯, 翠綠名醬蚌片鮮鮑魚的鮑魚卻變成了蝦球。這些問題都顯示了貴店的準備工作存在疏忽。更重要的是沒有侍應前來告知或致歉, 每次都是放低碟送就走咗去!再者,我真的第一次食套餐是先食東星斑魚及炒飯先,其他的餸菜一小時後才到, 三催四請下,我們終於等到主菜被上桌,這實在是太長時間了。這種嚴重的延遲也是無法接受的,大大影響了用餐體驗。而且當天我們七時入座, 有八九成坐滿, 但大約七時三十五分左右,其實已有好多台空枱,即表示第一輪客人已走, 亦沒有第二輪客進入, 不是真的好繁忙, 如果當日人客眾多都仲值得原諒!最後,竹笙海皇薈燕窩上桌後,送菜員隨即將它放下就離開,完全沒有侍應為我們倒進碗裡或詢問是否需要協助, 最重要是連碗也沒比呢! 我們只好多番呼喚,才終於有人來處理。這種漠視客人需求的服務態度實在令人失望。而且她裝了之後其實盤海王羹內仲有三分之一的,但她就咁攞走沒有詢問過我們, 當我們想再添食時才知道已被她取走了!老實說, 若果不是當天女兒及女婿們咁有心為我們安排一個晚餐聚會慶祝父親節, 我必定會即時找經理投訴及反映, 但我們實在不想破壞當晚的氣氛!我真誠希望貴店能夠引以為鑑,積極改善各方面的服務質素,令顧客在光臨時能夠感受到應有的尊重和周到安排。其實唔好再訴說話香港人全部北上, 不光顧香港嘅食肆, 是由於香港嘅服務不斷後退令人大失所望! 我們絕對希望留港消費的!再次感謝您的關注,祝業務蒸蒸日上!
繼續閱讀
見好耐無上去金都, 今日就俾多次機會佢賺我钱.上到去, 見到場面真係好冷清, 成個場得嗰五六枱客. 我點左豬腳薑、北菰雞燒賣、煎蘿蔔糕及南乳豬手.兩款點心噶豬手都炆唔够身, 最陰公係豬腳薑噶豬腳根本咬唔入. 蘿蔔糕成舊粉咁, 加上煎唔夠身, 調料又不倫不類, 見到都唔想食味呀,最後剩番北菰雞燒賣叫做正常D . 金都本屬福苑集團名下噶酒樓, 以前D 出品唔錯㗎, 尤其是南乳豬手, 係佢噶鎮店之寶, 但依家搅到爛身爛世咁, 真係令人唏噓呀！唔好成日埋怨港人走晒上深圳消費, 食肆自己都要做番好本份先至係打正路波！
繼續閱讀
全包宴$2188套餐，家庭聚會環境舒服服務有禮。熱石乳豬最好食，上枱時熱辣辣，就味到喊行咗一啲，整體不錯。酒樓蒸魚水準一流，魚肉嫩滑，剛剛蒸熟，蒸魚豉油不錯。今日扶手電梯壞了，需要行樓梯。
繼續閱讀
見間茶樓冇乜人，就入去試下，點咗皮蛋瘦肉粥，鯪魚球，煎釀茄子，燒賣及乾蒸牛肉，整體嚟講味道尚可，但都冇咩驚喜，服務OK，因為呢間茶樓嘅價錢都幾平，呢啲水平已經可以接受，最緊要開心，總體嚟講都尚算合格。
繼續閱讀
上次訂左一圍枱食飯 餐牌又話有乜鬼1蚊定1蚊晚市優惠 但到左之後又話因為係訂枱電腦入唔到單所以唔比叫。雖然已經一肚火 但條賊船唔上都上左都黎左咁唯有照食啦。乳豬皮係脆既，但得骨少肉。龍蝦賣相係不錯，但龍蝦肉無龍蝦味之餘，伊面完全唔入味，蟹鉗略凍又唔甜。翅就無料係入面。所有菜既份量係足夠的，所有食材又唔上但一點都談不上好吃毫不特別。最重要係間餐廳係上水賣單每人400幾蚊一d都唔值。唔怪得佢成間餐廳好似人影都無隻咁，好後悔揀左呢間野。
繼續閱讀