金雞去骨海南雞專門店

營業中

休息中

朝早食到成肚火之後，咁就延續心中嘅依團火開始獨木舟一日游，第一次玩都無咩野，除左對手攰到好似甩左之外，至少都順順利利上到岸。上到岸都唔肚餓，不過都要食少少野。咩話？又喺西貢食？間餐廳仲要位於今朝間垃圾餐廳同一條巷？……我地一行四人，大概6點到，都等左一陣先有位。其實間鋪都幾細間，數埋都係得10張枱左右。依度既野食都幾平，我地叫左個4人餐都係$298，同埋散叫左碟香煎手剁鹹魚蓉肉餅$59滷水西貢元碲 🤤元碲究竟係豬嘅手定腳？其實講左我都應該分唔到個味差幾遠。依隻元碲煮到好淋，入味得黎唔鹹。肥膏同膠原融埋一齊，放落口度食就真係溶埋，感覺肥仔但又想繼續食落去。女士們食幾舊就驚驚怕怕。講真丫，若要皮膚好，肥膏/膠原少不了！分唔到邊啲係膠邊啲係膏？食晒咪得囉😏見女士停晒手，我清晒啲膠😎招牌去骨海南雞 🙂size唔係話太大隻，但肯定夠4人食。味道算係正常，唔知點解我對佢冇乜共嗚，可能肥膠在前，佢幾好味都係比下去，講到依度，我都係同舊肥膠共嗚緊，kerokerokero…香煎手剁鹹魚蓉肉餅 😐一食落去就一大浸鹹魚味，幾香口；但由於煎嘅關係，冇平時蒸煎肉餅咁濕潤，同埋肉餅比較薄身，冇乜咬口，個人就覺得

平時係西貢都係食Cafe今日玩完水有啲肚餓 想食啲飽肚啲嘅嘢喺OpenRice search到呢間見到好評好多 就抱住一試嘅心態🙂我地叫咗一個二人套餐 $176 有半隻海南雞 滷水狀元蹄 一碟滷水時菜 南瓜湯 兩碗白飯🍚 仲有兩杯嘢飲🥤個南瓜湯飲落去一啲味精都冇 好鮮甜 好想再飲多碗😆海南雞好滑好好食😋 去晒骨最啱我呢啲懶人 再點埋豉油辣醬薑蓉 真係好正😆滷水狀元蹄都冇乜骨 重點係炆得好淋😉👍🏻呢一餐食得好飽好滿足🙂 

和朋友去完西貢行山，一早已打算到這間餐廳用膳，我們點了當天最後的兩份海南雞飯，真是十分幸運，雞油飯很香，雞肉很嫩滑，冬瓜湯很清甜，朋友和我都食晒啲飯，沒有做大嘥鬼，我們抱住飽飽的肚子回家，嘴巴還充滿着雞油的香味

放假嚟西貢行吓，正餐揀咗金雞去骨海南雞專門店。雖然舖頭冇好靚嘅裝修，但係食物質素搭救，可以話係平民美食！🔸去骨海南雞飯套餐雞油飯粒粒分明，軟硬適中👍🏻入面撈咗炸油葱，香味幾特別🐔雞肉幾滑，點埋醬油、辣醬同埋葱油，勁正勁好味🥰

大家睇番我啲食評，就知小弟對海南雞有一定要求；好食既鷄飯，要滑要有雞味，起碼要有黑豉油同辣醬汁，一定要上熱既雞油飯。以我理解，雞飯係原自馬拉牌檔平民美食，價錢亦應較相宜。今日入西貢，久聞《金雞》大名，門口見秋生試食廣告兼品評，亦係美食街較多人既店鋪之一。要説説一點，明白店舖較少，老闆亦想盡量招呼多幾枱客人，係會要求已安坐既客人即興調枱既。但我認為，既然客人已按店主要求，咁老闆是否有責任上番正確既菜比客人，同跟一跟上菜慢左既單呢。點了二人餐，包半隻海南鷄，肉餅，油菜 和雞油飯。唉。鷄竟然先上但漏了飯。又要追一大輪先有飯食。講番啲嘢食，隻雞的確名不虛傳，滑之餘吾算肥，一入舖就濃濃既雞油香，走骨啖啖肉，黑豉油少甜，辣醬吾辣亦食過更吊味既海南雞醬。一定要提提，佢個咸魚肉餅非常正，未上菜已經聞到咸魚香，仲要輕輕煎過，脆上。不下海南雞美味。總結： 海南雞上乘，肉餅堅美味，平平哋西貢美食。環境，服務，衛生可以更好。

店家選用了優質的三黃雞，使得做出來的海南雞，雞皮如檸檬🍋般鮮黃，賣相不需花巧就令人垂涎三尺🤤海南雞經瑤柱上湯浸煮，再以冰水過冷河，皮薄爽滑。雖然採用冰鮮雞，但卻嫩滑得能像烏冬般吸啜入口，雞油非常多，且味道濃郁，簡直是化腐朽為神奇的廚藝🌸雞油飯則以上湯、雞油、蔥、乾蔥及調味料等製作，使飯粒香氣十足，而且粒粒分明，非常美味。🌸元蹄連皮的上半部分也不錯吃，不過下半部分較乾柴。🌸人均150hkd（每人半隻雞，外加一碟元蹄）

西貢名物，游完水搵野食梗係要黎金雞😇😇食左咁多年個海南雞仍然咁滑又好味，個人幾中意佢個粗米線，彈牙又唔會碎。每次都叫海南雞翼，呢個位置最正，另外個湯底先係精華所在😋咁多年都仲keep到🙂🥰🥰

今日去西貢離島玩，出發前要補充能量先，搵到呢間"金雞去骨海南雞"可能平日關係，人流不多，好多位，一埋位就叫左招牌去骨海南雞飯海南雞飯賣相吸引，排好先拎出黎，再配炸蒜黃油飯，非常香口好味，仲有個是日例湯送。食海南雞當然想要加多d泰式辣醬點雞，相信係老闆娘嘅靚女婆婆，加左好多，態度又好好。

本身在荃灣已經食過一次金雞的海南雞飯 今天經過西貢的時候發現它的分店 雞的鮮味岩岩好 雞髀肉非常之滑 還可以跟老闆娘要求去皮。最出色就是他們的醬汁配合雞油飯做出來海南雞飯有新加坡海南雞飯的味道。真心推介

難得入西貢緊係要去金雞啦！呢間由西貢總店做到有分店嘅傳奇海南雞飯果然名不虛傳啵飯又香，湯又甜，雞又滑，價錢又抵！位置唔算易搵～雖然裝修比較殘舊但唔知點解又有種小店嘅味道我食過金雞嘅其他分店呢間真係有種總店嘅感覺 哈哈哈入面位置唔多但佢對面仲有一個舖位嗰間就光猛啲闊落啲～餐牌選擇唔算多㗎最出名都係海南雞滷水元蹄煎鹹魚蓉肉餅不過呢三樣都已經夠晒好食先來餐湯（：9/10）佢哋個餐湯真係好飲㗎啵！好甜飲得出有木瓜同豬肉（或者豬骨？）佢個湯我真係次次都會清底！次次都食海南雞飯不如今次嚟個去骨麻辣海南雞飯套餐（$57）（9/10）雞一如既往都係咁滑佢個雞油飯都係咁香粒粒分明仲要加少少炸蒜香到爆佢個雞上面仲有啲麻辣炸蒜送飯一流不過我又覺得佢個麻辣唔夠辣而且佢冇跟返個我最愛嘅海南雞豉油呢度真係要扣少少分但$57咁大碟仲要連埋咁好飲嘅湯真係好滿足整體來講服務好！我手機就嚟冇電問一問職員佢地都肯幫我叉電食物質素高連個餐湯都有誠意雞油飯粒粒分明個雞亦都好滑性價比高$57有湯有碟頭飯大快活都要啦！唯一缺點就係唔好坐因為太多人嘅關係感覺好快食完就要讓座而且太迫同埋有少少污糟但之後我嚟西貢有機會都想再食因為真係大

二人套餐 $197南瓜湯 偏咸，唔夠濃海南雞👍🏻雞夠滑、皮夠爽，係冇乜雞味油飯👎🏻飯偏硬、唔香、有陣怪味滷水圓蹄👌🏻唔太淋又唔太硬唔特別、可以接受！冇傳聞中咁好食！

很多年前與友人行山，經過西貢，試了這間小店，自此每次行山後都必定到這裡吃飯。海南雞是香港數一數二之作，煎咸魚肉餅也是一絕。最難得是這麼多年，都能保持水準。推薦！

今日去完玩獨木舟，一行8人諗緊去食咩好，我提議去呢間食，我差唔多每次入西貢都會去食我地嗌左兩個四人餐，$298真係好抵呀，有埋湯，油飯，一碟菜同埋飲品嗌左兩隻雞，一隻辣一隻唔辣，我本身係好鍾意食辣嘅，不過我覺得反而唔辣好味啲，可以食到佢原汁原味配埋油飯食真係一流，每次黎食啲雞肉都係好嫩滑呢個豬蹄好好味，啲滷水滷到好入味，但一啲都唔鹹，啱啱好肉質都好軟淋，老人家食都冇問題另外係嗌左個煎鹹魚蓉肉餅，但唔記得左影相，個肉餅好好味，煎得好香口，味道適中食得唔夠喉，最後仲嗌左個酸辣鳯爪味道適中，少少偏辣，我最愛

昨天去扒獨木舟，扒完之後！已經接近六點，有點肚餓，所以去咗西貢附近，最出名嘅金雞去骨海南雞專門店，去到嘅時候冇乜顧客，所以雖然地方好細，但係都冇咁迫夾，以前去過人多真係好擠迫！坐低食飯嘅時候，我冇為意銀包唔夠現金，之後同阿姐講我帶唔夠現金！本來諗住去附近櫃員機撳錢，我講話而家好多支付工具，我話我有payme咁啱佢話佢老細都有payme！可以接受payme付！估唔到一間小店都有payme付款！我以為麥當勞先有啫！

黎到呢間海南雞專門店，我地點左一個二人餐，一個四人餐。每人平均～$75，都幾抵食。招牌去骨海南雞海南雞可以揀去骨海南雞，岩晒我呢啲懶人。😂而且雞肉好嫩滑，肥瘦適中，配上充滿油香而不油膩既雞油飯，真係好正！（本人勁鍾意食海南雞飯既油飯，如果俾多碗飯我，我諗我都食到🤣🙈）馳名香煎手剁咸魚蓉肉餅 好欣賞份咸魚蓉肉餅，真係好香口！勁快比我地清晒！滷水西貢狀元蹄元蹄係全餐最濃味菜式，鍾意濃味既朋友應該會鍾意～個餐仲包括油菜、住家湯同熱飲。個湯係南瓜湯，一睇都覺得好足料，飲落好甜！因為天氣好熱，我仲叫左杯特飲椰汁冰冰涼下！