金飯館

營業中

休息中

位於牛頭角嘅「金飯館」真係一間值得一試嘅炒飯專門店，尤其係佢哋嘅炒飯系列，絕對係一大亮點。首先講講佢哋嘅椒鹽豬扒炒飯，$78一碟，份量多到驚人。飯粒粒分明，鑊氣十足，口感乾爽，無論係配搭炸蒜定係蔥花都令炒飯更加香噴噴。至於豬扒，更加係即叫即炸，每一塊都係大大塊，外脆內嫩，食落無油膩感，真係好滿足。每碟大概有五到六塊豬扒，質量同口感都保持得非常好，食落去完全唔會覺得乾柴。另一款必試嘅就係秘製沙嗲牛肉雙燶邊蘭王蛋飯，價錢一樣係$78。個雙蛋真係叫人睇住都覺得治癒，大大隻黃澄澄既靚蛋，煎到剛剛好嘅燶邊。沙嗲牛肉炒得微辣，配上粒粒分明嘅炒飯底，加埋濃稠嘅蛋漿，令成個炒飯更加有層次感，食落滿口香氣，真係一流！脆皮牛腩飯，$88。呢個菜式唔同於一般嘅牛腩飯，脆脆嘅外皮包住鬆軟嘅牛腩，口感好特別。而蠔仔肉碎泡飯，$78，就相對普通啲，無咩特別亮點。整體嚟講，金飯館喺炒飯方面絕對唔會令你失望，值得專程嚟試吓。

我之前一直都book埋咗呢間餐廳 因為佢嘅炒飯睇落去真係好吸引 粒粒風味咁樣，而且個份量都超大 所以今次就行遠少少去咗呢間❤️香煎安格斯牛柳粒炒飯呢個牛柳粒炒飯嘅份量都超級大 啲肉多到完全見唔到啲飯喺邊度 不過可能係啲醬太濃 所以食唔到個炒飯本身嘅鑊氣味❤️即炸雞扒炒飯本身想嗌個招牌椒鹽豬扒 點知嗌錯咗嗌咗個普通雞扒 味道都尚算OK 但係就唔係太驚艷 係一啲想像到嘅味道 不過我覺得個炒飯就冇乜味 純粹係份量多 我覺得兩個女仔分享一份都OK啦

之前喺網上見人哋介紹出色嘅炒飯，所以特登嚟試吓！去到係中午時間，都要排吓隊，5分鐘就入到，都算幾快！裏面嘅環境好似一般嘅茶餐廳，又唔算好迫！今次嗌咗兩款炒飯，分別係招牌蝦頭有炒飯，同埋即叫即炸椒鹽豬扒炒飯。先講吓蝦頭有炒飯，飯粒好乾身，睇得出師傅炒飯嘅功力！炒飯真係唔差，裏面亦都有好多蝦，同埋有海鮮又有櫻花蝦，同埋好有鑊氣！不過食到最後有啲鹹，但整體都係唔錯！另一個係椒鹽豬扒炒飯，食得出係即炸的豬扒，豬扒係切咗，上邊有好多好多避風塘嘅炸蒜喺上邊，豬扒係醃過，但係整體係鹹味比較多，少咗一啲甜味，而且有炒飯底，一樣係咁乾身，淨係食一個飯，飽到唔知點！整體係唔錯，價錢都唔貴，經過牛頭角可以試吓！

今日放工去咗觀塘搵嘢食啦🍴支持吓一啲本地小店💪💪呢間金飯碗雖然係平民化，但係佢午餐嘅時間都大排長龍㗎。皆因佢咁嘅價錢用料份量十足，對得住良心。淨係見到佢嚟嘅每一碟飯都大碟到🈵🈵🈵金飯碗主要係食炒飯為主，除咗鑊氣十足，而且抵食夾大件🤩麻甩佬去食啱晒🤭簡直就係男人的飯堂🍴✨椒鹽豬扒炒飯✨淨係豬扒已經有兩大塊鋪滿喺個飯上面，豬扒比較腍身，椒鹽味配搭避風塘炒料非常惹味🤪邪惡到爆炸💥✨招牌蝦頭油炒飯✨用蝦頭油去炒超級香，裏面有蝦，櫻花蝦，蠔仔配料絕對唔馬虎，一啲都唔輸蝕，而且炒飯炒得好乾身，粒粒分明，呢個係食炒飯嘅必要條件🥰✨蠔仔肉碎泡飯✨呢個飯普普通通唔算特別🤣✨椒鹽粟米✨油泡左嘅新鮮栗米一啲都唔會過火，粟米依然食出香甜多汁，濃濃椒鹽惹味😝

性價比極低7x蚊一碟椒鹽豬扒炒飯又唔係特別好食 求其一間茶餐廳都好食過佢間餐廳又熱死辣辣碟飯再好食都已經唔想食 更何況唔係好食唯一可以話好嘅係個份量夠大碟 但可惜咁難食 我去茶記食2碟唔好？

早已聽觀塘區朋友說這一間炒飯非常出名，難得星期日放假專程過來試一下。Menu琳瑯滿目，炒飯為主。椒鹽牛肉炒飯 炒飯底，椒鹽牛肉鋪面，牛肉偏乾身，椒鹽非常香脆。招牌蝦頸油炒飯櫻花蝦鋪滿飯面，有蠔仔、帶子、及蝦，櫻花蝦非常香，蝦🦐很爽口，唯獨蠔仔有少少腥味。兩個炒飯+2杯飲品，埋單$174 。炒飯而且非常大碟，飯炒得非常乾，粒粒分明，但個人稍嫌少少油，間唔中食吓還是OK的。當日是星期天，食肆剛剛開門不久，但已經非常多外賣，看來還是非常受歡迎的。

真金白銀食呢間，喺Openrice到一search 就見到金飯館喺第一頁，已經見到啲相又真係好似好吸引，所以就決定食呢間。第一次試，食左三樣野，都係試返啲signature菜式。即叫即炸椒鹽豬扒飯 $78Made-to-order Deep Fried Salt and Pepper Pok Chop Rice加左燶邊蘭王蛋 $15豬扒飯最出色，因為啲豬扒份量都好多，而且一啲都唔鞋口，另外啲椒鹽都做得唔錯，另外睇中橙色黃既蘭王蛋，夾埋一齊食，撈埋啲蛋黃汁更加配合。啲飯真係粒粒分明招牌蝦頭油炒飯 $78Prawn Head Oil Fried Rice而蝦頭油炒飯本人認為太過乾身，可能因為有大量既櫻花蝦，所以食落口感好乾，如果濕身少少會比較好，但配料一啲都唔少，有新鮮蝦同急凍蝦，仲有蠔仔，性價比算高。蜜汁雞冀 3隻 $38 （跟餐價）Chicken Wings with Secret Sauce 3pcs 呢個蜜汁其實係炸既，就好似拔絲蘋果咁既做法，所以個雞冀面都好脆。本身以為炒飯呢個價錢係較貴，但黎到份量咁大份，就覺得係值，因為兩個人食唔哂都可以pack返兩盒返去繼續食，呢個份量真係好

利申，不是試食活動，比足錢買飯食🥲餐廳座位就偏窄，但都係為求食個快飯就唔緊要啦~最大特色係即叫即炒，唔算等得太耐，感覺都係大 約10分鍾既事，最鍾意D野熱辣辣咁上~蝦頭油炒飯 用蝦頭油黎炒，聞到超級香!!炒飯有好多配料，包括蠔、蝦同櫻花蝦，米飯都炒到粒粒分明 ，份量多到似2-3個人食，最後我地食唔哂要打包，性價比好高呀!椒鹽豬扒飯 炸豬扒再加上超級多椒鹽粉，好有大排檔風味，豬扒都淡淡肉既，配料有椰菜同紅蘿白絲，不過撈佐飯食，都覺得幾咸。份量又係超級多~總括黎講，我會推介蝦頭油炒飯多過椒鹽豬扒飯~

新年前的一個星期，由於太太同小朋友去了遊輪假期。所以，好幾個晚上，我都是一個人，自己吃自己。其中的一天，我因為要去APM 取商場積分的禮品而來到觀塘。完事後，我就來到牛頭角道這一帶尋食。行了一個圈之後，我決定來訪這一間名叫《金飯館》的小店。門前，已經說明這是一間炒飯專門店，而且，也是區內的一間人氣好店。我一於入來，試試這兒的炒飯，有咩咁巴閉。店子，除了炒飯之外，便是炒飯。當然，也有一系列的泡飯。總之，除小食同飲品之外，你在這兒可以食到的，就只有飯。那天，我試了他們的招牌蝦頭油炒飯。不用看，單是名字，已經知道這是一個很邪惡，隨時一吃就會膽固醇超標的一個飯餐。端到出來，是一個充滿蝦香味，有蝦油香，有蝦肉香，仲有櫻花蝦的香。好幾種不同蝦既香味集中在這粉飯之內，不得不說，這一碟炒飯，好鮮，也好蝦。再加上櫻花蝦的脆脆而又濃烈的口感同味道，沒花假，果晚，我整個身體，內同外都充滿蝦的味道。跟餐的飲品是一杯叫凍手攪檸檬茶的東西。我飲一口，感覺就是用那些濃縮檸檬汁再開茶的一樣。又唔似茶餐廳檸茶，又唔似手打檸茶。感覺不太好。唔計飲品，這兒的飯食真係值得一讚的。得閒來食個炒飯，仲要係得閒來這兒食炒飯，我可以

呢間金飯館算係牛頭角呢條街比較熱門既餐廳，一到食飯時間就會見到人山人海咁係門口排隊等外賣或者等位。呢日晏晝就特登同朋友黎左呢到朝聖，都等左陣先有位。朋友要左一碟招牌蝦頭油炒飯，有落幾隻大蝦一齊炒，仲有啲櫻花蝦，撈埋一齊味道好鮮，加上啲飯夠乾身，炒到粒粒分明咁，大推我自己就叫左一碟即叫即炒炸椒鹽豬扒飯，雖然話即叫即炒，但都唔係要等好耐。個飯係炒飯底唔錯，炸豬扒再加上濃郁既椒鹽粉，未食已經聞到好大浸香味。不過食多幾啖就略嫌咸左啲。

和朋友下班後來這間店試試。店鋪不算很大，但坐得還是挺舒服的。我們點了這裡最出名的即叫即炸椒鹽豬扒炒飯和椒鹽栗米。這裡的職員非常友善，由於地區問題，不時幫客人看風，看看有沒有人過來抄客人的車牌。椒鹽猪扒炒饭：一送上來時就有很濃的椒鹽香味，十分誘人。豬扒炸得鬆脆，炒飯乾身且有鑊氣，份量很大，足夠兩人食用。椒鹽栗米：新鮮的栗米，鮮甜多汁，加上椒鹽後風味十足，非常推薦。整體來說性價比高，野食美味，不錯既用餐體驗。

之前喺牛頭角總店食過金飯館 今次喺旺角行街見到附近開咗分店 就決定食個午餐呢間餐廳出名極高水準既炒飯 仲要碟碟都超級大碟 保守估計起碼有兩至三碗飯嘅份量🫣🫣 基本上一碟兩個人食都夠食🔸蝦頭油炒飯一上菜就聞到超級香！！炒飯有好多料，包括蠔、蝦同埋面頭鋪左好多櫻花蝦 要撈勻嚟食米飯炒到粒粒分明😋 食落大滿足🔸沙嗲牛肉雙燶邊蘭王蛋炒飯見到個蛋黃咁橙黃色都知道唔嘢少🥳篤爆個蛋黃啲蛋汁流出嚟撈飯食 再撈埋沙嗲牛肉汁 真係一流🥰 啲牛肉大大片 好夠份量 質素亦都唔錯，肉質好林我同友人兩人點左兩個炒飯 食到最後飽到不行🫨🫨🫨

茶餐廳既價錢同格局, 但真心超高質食物!!!1. 蜜汁雞翼$48(5隻)雞翼一上枱，仲出緊煙，熱到燙口果隻，蜜汁仲整到拉絲，好明顯係即叫即整，超正！係食過最好食既蜜汁雞翼！🥰🥰2. 招牌蝦頭油炒飯 $78勁大碟飯, 用蝦頭油炒飯，超香！海鮮份量都好多, 有蝦、蠔仔、小元貝等等，啲蠔仔勁鮮，蠔味都幾重，正👍🏻👍🏻啲蝦都好彈牙，仲有清理左啲蝦腸，細心👍🏻雖然碟飯好大碟，但啖啖有蛋香同海鮮！超滿足😋😋3. 即叫即炸椒鹽豬扒飯 $78份量超澎拜，無論係炒飯同豬扒都係!! 而且豬扒係厚切豬扒，有成4、5塊, 真係超誇張! 味道上都係超水準!!! 豬扒入味，但又唔會太咸，炒飯蛋香都濃郁。

金飯館的炒飯, 依然是九龍東, 甚至是九龍最出色的其中一家. 難怪無論是本店, 還是旺角的分店, 生意和人潮依然相當不錯, 可以頂得住北上成風的消費低谷. 最喜歡點的依然是炸牛腩炒飯, 炒飯依然做得出色, 特別是乾爽度, 鑊氣, 飯粒的層次感以及蛋香港, 沒有什麼好挑剔的.炸牛腩的表現, 則有少少下跌了, 脆皮依然完整地包圍在牛腩身上, 夾起來的時候不會分離, 只是牛腩口感有點韌, 也有點乾, 吃起來有少少吃力, 當然如此厚的炸物, 分兩次炸會過熟的的機會真的不低, 但畢竟之前吃過了這個問題, 今次要改進了. 自家製的沙嗲汁, 以鹹香辛辣為主, 只帶輕微的甜味, 配搭牛腩, 豬皮, 魷魚等小食依然惹味非常.

镬气十足的炒饭！喺观塘呢间嘢都好有人气，workday12点过少少就已经排晒长龙～QRcode落单很方便～✨即叫即炸椒盐猪扒炒饭出乎意料的美味！炒饭上有大大块嘅猪扒同炸蒜，，炒饭粒粒分明，炸蒜令得炒饭口感好好！✨沙嗲牛肉兰王煎蛋炒饭沙嗲味好浓郁！