金鳳茶餐廳

營業中

休息中

諗住老店會有好食既保證🤣加上見到成日坐滿人⋯點知都係不外如是T_T雞絲米，極淡味，好似醫院啲病人餐咁⋯沙嗲牛肉麵，望落個汁好深色諗住會夠味啦，點知都係無味⋯奶茶不過不失，可接受😗菠蘿油，包身偏乾⋯不推薦😰唔會再黎啦應該😭

聽聞金鳳在灣仔好出名，咁岩聞上經常，決定去試下。唔試都冇期待，一試真係唔會再去😢😢😢首先係：火腿通粉。湯底冇味，通粉超腍，火腿勁鹹😨😨😨一定自己整 都會整得好食過呢度。食左2啖已經唔想再放入口。再黎：炒蛋加火腿大家見唔見到個碟既油！！！！雖然炒蛋要落油就人所共知，但會唔會係浸到出晒黎！！！！！ 仲要蛋唔香，過老，唔滑！如果要keep fit,為左呢碟野而破戒真係喊三世！😰😰😰😰第三：佢最出名嘅菠蘿包疑似隔夜？因為又實、又凍、最頂果層係腍的！完全唔係鬆化既皮！🤯🤯🤯🤯🤯唯一叫可取既係杯奶茶，叫做正常一點。如果你好肚餓，想果腹，冇所謂。如果你係本住試好西既諗法，唔洗黎喇。

金鳯茶餐廳 Kam Fung Restaurant📍灣仔 Wan Chai.⭐️ 金鳯茶餐廳最岀名係佢哋新鮮岀爐嘅菠蘿油、蛋撻、雞批、凍奶茶❤️⭐️ 佢哋嘅菠蘿油皮酥內軟 牛油融化咗之後更加滋味 菠蘿包金黃色酥皮夠厚又脆 最值得讚嘅係麵包唔似岀面嘅連鎖麵包店賣空心麵包 所以絕對係真材實料👍🏻⭐️ 金鳯嘅香滑奶茶係有自己獨特嘅味道 用上玫瑰牌+立頓兩個品牌嘅紅茶葉沖成 奶茶入口順滑😋.⭐️ 豐富早餐B $40🍜 沙嗲鮮牛肉公仔麵🍳 奉送煎蛋一隻 🍞 菠蘿包 (加鮮油加$3)

金鳯一向出名食菠蘿油, 以前食過兩次都好驚喜, 今日同朋友行完山當然要放肆一返! 加上朋友未食過金鳳, 咁就更加要試啦~一坐底當然即刻叫個常餐, 加幾蚊轉菠蘿油。一個餐有碗沙爹牛肉米粉、煎雙蛋、菠蘿油及一杯飲品, 約$52。菠蘿油好正!!! 包面果層糖皮好鬆脆、包身軟又夠香、加上中間一層厚厚的牛油, 食起來好香滑, 口感非常豐富。同朋友一路咬一路齊齊讚「正啊」!!其他就不過不失。碗沙爹牛肉米粉, 味道唔係差, 牛肉算整得幾香, 但賣相就唔多友善; 煎雙蛋我以為係茶餐廳式的荷包蛋, 但實情煎得過乾又凍哂，相信係一早煎定, 呢樣有待改善。

又到下午茶要進補嘅時間 口痕就零舍想食啲冇乜益嘅嘢, 仲口淡淡想飲啲甜嘢㖭.. 行吓行吓就嚟到灣仔, 諗起呢間已經好耐都冇幫襯嘅茶餐廳, 記起佢啲撻同奶茶都唔錯嘅, 外賣整件先!! 蛋撻, 真心覺得味道只屬普普通通, 可能雞批好食啲?? 要等下次有機會再試..食撻梗係要飲返杯茶, 熱熱地就整返杯無冰凍奶茶, 成$21 都唔平㗎! 飲完真心覺得係抵讚嘅, 茶味香濃, 飲凍奶茶最唔鍾意有咁多冰, 沖淡晒啲茶味, 呢杯係啱啱好 唔錯唔錯!!

金鳳茶餐廳系灣仔已經開左好耐噶啦，算系老字型大小餐廳了，平時都有好多老街坊去幫襯，味道一直都甘好，我平時就食個常餐，叉燒通粉加炒蛋多士，叉燒通粉一如既往甘好味，湯底好惹味，叉燒肥瘦適中，而通粉，我本身就好中意食，所以就覺得幾好味，整體來講都好合我心意噶。

和友人係灣仔出發行山，先去醫下肚仔先。第一次黎金鳳，見每抬都總有一個菠蘿包，所以點到叫個常餐包埋菠蘿包。常餐其實都幾多嘢食，先有個麵，今次叫左炸菜肉絲米，友人叫左沙嗲牛通， 貌相都幾吸引 但鑒於有啲熱氣所以冇叫到。 剛返肉絲米，份量足得黎湯底都吾錯， 感覺唔係味精湯底。 隨後上嘅有主打嘅菠蘿包同奄烈，由於奄烈用火腿有啲咸， 建議放喺麵上一齊食。至於菠蘿包，雖然吾係新鮮出爐（可能係緣份啦）但明顯食得出個包係真材實料，吾係出面既空氣包，食完好似食左空氣甘。菠蘿皮亦都好有口感，吾會話一咬啲皮就散哂，跌哂落枱。總结黎講，價錢吾算貴，食物質素可以，菠蘿包要睇缘份，環境干淨但坐位有啲窄。今次未飲佢個奶茶，見友人叫左涷既係冰鎮個呢（雪凍，冇冰係杯入面）下次有機會再黎一定會試！P.s. 菠蘿包本身都有牛油跟埋，菠蘿油只係牛油轉鮮油:）

金鳳茶餐廳系湾仔已经开左好耐噶啦，算系老字号餐厅了，平时都有好多老街坊去帮衬，味道一直都甘好，我平时就食个常餐，叉烧通粉加炒蛋多士，叉烧通粉一如既往甘好味，汤底好惹味，叉烧肥瘦适中，而通粉，我本身就好中意食，所以就觉得几好味，整体来讲都好合我心意噶。

今日真係不幸地入咗呢間茶餐廳，食咗一個好難食午餐，選擇已經少，價錢又不合理，重要係味道係唔好食，點樣唔好食，通粉又腍，好似浸咗2日，塊餐肉凍冰冰，個奄列，嘩……咸嘅，價錢49蚊，呢個其一，其次服務態度，一個字……差。我地2個人坐卡位，食食吓叫我坐番一邊，話有其他人要入坐，仲話出面排哂隊，結果埋單仝走，對面2個位都係空空如也，咁到底係咪趕客呢！真係只此一次，無，佢嘢……如果有冒險精神嘅，咁就去冒險下浪費咗我一個食嘢quota

呢間茶記係灣仔已經開超過半世紀‼️屹立不倒成為老字號總有原因💕今次同朋友一人叫左一個特價午餐🥢叫完先嚟後悔，因為真係好大份😳似乎 2 個女仔share一份食都唔過份呢個set 包一個麵食、火腿奄列 or 煎雙蛋、餐包 or 菠蘿包 再配飲品沙嗲牛肉通粉，沙嗲汁超濃郁！奄列唔知落左幾多隻蛋呢⁉️好大份😋菠蘿包最後食唔晒要打包走😂 返屋企叮翻熱食都好好味‼️超鬆軟，唔係空氣包👍🏻 無論係遊客定local，都一定要嚟試下！

話說以前o係附近番學，好鐘意去食金鳳茶餐廳。因為鐘意佢抵食加份量多，而且重點係平時d茶餐廳都係配多士，呢度係配菠蘿油真係好吸引架!所以今日一場黎到灣仔，就諗住帶朋友重拾舊風味。一嘗呢度ge常餐。點知.....唔知係咪因為夜晚ge關係，個質素比起之前真係差左好多，好令我失望。先講下個菠蘿包，第一令人唔開心係因為個包好凍。雖然我知道我夜晚黎食的確唔會食到新鮮出爐 ge 菠蘿包，但冇諗個連輕輕烘一烘都冇...真係一個冷冰冰ge一個包....然後到個奄列，蛋味唔夠濃都好正常。但連火腿都唔夠多就真係好sad...嗚嗚嗚好記得之前黎食個菠蘿包暖暖的，個奄列又大份又好食....最後就係呢個沙嗲牛肉烏冬，同平時d餐廳唔同ge係呢度有得揀烏冬食。唔洗成日食公仔麵或意粉，都係多一個選擇ge...而味道就同平時其他沙嗲牛肉一樣，冇話特別好食咁lor整體黎講，始終我帶住一個期望入去食。所以未能有預期的效果就難免有d失望架啦。但客觀黎講，就係一間普通ge舊式茶餐廳，而常餐可以配菠蘿包咁樣。而價錢經過呢幾年ge起伏，的確又加左唔少價。所以呢個價錢黎講，呢個常餐真係唔抵食!不過由於我對舊式茶餐廳一直都情有獨終，好鐘

今日在灣仔工作，聽人講個個都話金鳯奶茶好味，今日終於可以一嚐了。tea time 我同朋友一人叫左一杯冰奶茶，侍應話無冰既，一個蛋撻同埋一個波蘿油。先講杯奶茶，初初諗凍奶茶冇冰怪怪地，點知一飲落去，個茶好滑好濃味，仲有凍嘅感覺。適合而家啲女仔成日都話要小冰或者走冰。好耐冇飲過咁好味嘅奶茶。跟住試過蛋撻，我覺得個皮就一般，因為唔係十分脆比較厚，我就不是太喜歡個蛋黑蛋黑。至於個菠蘿油，好好味，頂層個皮好脆，個包好有舊式麵包個味道。👍🏻坐位比較窄，同埋感覺要快點食。

今日上山頂走了一圈，坐巴士回程在灣仔落車。順便去春園街走一轉😉此刻想起金鳯茶餐廳，一個充滿回憶的地方😘下午三點多來到，竟然不用等位👏🏻（可能是最近的政治因素影響），當然馬上入座啦😘下午茶時間，當然要食番件雞批🥧及飮杯招牌凍奶茶🥤雞批熱辣辣，非常鬆化，餡足料😋本人極喜歡飲此店的凍奶茶，用心製作，茶味香濃，把製作好嘅奶茶雪凍而不是加冰啊🙅‍♂️唯一不變的是坐位比較迫😅希望這種小店能繼續生存下去，支持用心小店👍🏻

真係好多年冇嚟金鳳, 因為每次經過都有好多人响門口排隊等位!今朝行完山, 可能早咗啲(9點左右)竟然見門口無人, 所以入去睇睇, 又見到唔太多人, 仲有卡位, 所以同Honey一個箭步就坐咗入去! 哈!哈!哈!點了一個麥片餐同一個奄列餐! 我哋不約而同都揀咗餐包而唔係菠蘿包(因為以過往經驗, 早餐出嘅菠蘿包都係响後欄攞出嚟-->凍同難食)但今次嘅餐包非常軟熟兼新鮮, 令我哋喜出望外喎! 再望吓隔離枱嘅跟餐菠蘿包, 睇落去都新鮮喎! 無見咁多年, 大有進步!我嘅牛奶麥片中規中矩啦！但脆邊流心煎雙蛋就一定要讚! 其實我最喜愛佢嘅熱奶茶, 依然咁有茶味, 同奶味配撘得天衣無縫! 如果凍奶茶可少甜就更加好!我Honey果份火腿奄列都要讚👍 非常有內涵, 好多火腿响裏面啊! 蛋又煎得啱啱好, 沒有過火!整體都比我哋有意外驚喜! 讚👍但唯一係坐位太迫"夾" 個卡位要坐四個人, 真係會唞唔到氣架! 但離開時先知出面有幾個人响度等緊位, 都唔好意思! 多得店員哥哥冇叫我哋讓坐, 等我哋舒舒服服咁食完個早餐, 認真多謝!下次一定會襯無咁多人再來幫襯架

今日黎到灣仔區搵早餐食，周圍都好多人排隊，經過開見到呢間充滿懷舊氣息的金鳳茶餐廳，決定入黎試下😍😍入面裝修同格局十分懷舊，唯一美中不足，係d位比較窄，加埋人多就差少少今次叫左早餐B，包括左煎蛋同餐包，個蛋煎得幾好，燶邊半生熟蛋，蛋汁配合番個餐包，好好食❗️❗️之後到主角❗️❗️❗️沙嗲牛肉公仔麵，沙嗲汁係食過咁多間入邊最濃，肉又淋公仔麵個人覺得軟硬岩岩好，當然都好睇個人口味，個人覺得值得一試❗️