影片
以上資料只供參考, 請與餐廳確認詳情
今日公司聚餐去左附近既餐廳食飯 估佢唔到咁好食！呢度嘅滷味好好食 本身就超級鍾意食鵝腸而且好入味 好彈牙 雖然份量好多 但好似食極都唔夠😂其他滷味都一流 值得外賣返屋企送酒🤣 蠔仔餅都好大份 而且啲蠔仔都好多 同埋好新鮮 以前有響其他地方食過臭咗嘅蠔仔餅 本身都有啲陰影 但食完呢個之後忍唔住再叫多咗一份 幾條友用咗幾分鐘就清晒一碟今次最鍾意食嘅就係梅菜扣肉！佢啲肉超級滑真係入口即溶個啲feel 送飯簡直一流 食完之後即刻想外賣一份返屋企聽日繼續食🙈魚香茄子都好足料帶少少辣味 唔會太鹹 都係送飯一流 最尾嗰份芥蘭炒出嚟綠油油 本身幾位同事都係食肉獸 但係呢碟菜都係好快清晒😆 真係意想不到而且店員都好nice 我已經決定平時放飯就落嚟食 打緊呢篇嘢嘅時候都好掛住佢嘅梅菜扣肉 遲啲帶男朋友再去食！
繼續閱讀
喺香港地呢個物價高企的地方，想搵間茶餐廳，買個外賣或者堂食，都好貴！大部份都係大集團連鎖快餐店，冇咩質素可言相信好多人都係咁諗今日俾我發現呢間茶餐廳啲滷味超超好味，又抵食勁大盒最緊要啲滷味好入味又唔會太鹹，星洲炒米又大大碟，味道都唔錯蠔餅夠足料，蠔夠大隻又新鮮之前食過其他粉多過蠔，所以好怕出街食蠔餅本身今次仲想買埋個梅菜扣肉，可惜賣晒希望下次可以早啲去食到！雖然小店經營，每款餸都有特色，值得去試吓，而且真心味道不錯
繼續閱讀
您可能會有興趣的...