金鶴拉麵 (閩街)

營業中

休息中

見到金鶴拉麵嘅網上評價唔錯，熱愛拉麵嘅我打算一試！我見佢主打雞白湯拉麵同蟹湯拉麵，今次一於嗌嚟試吓🙆🏻‍♀️🐔 雞白湯拉麵（$98）對比起之前試過嘅拉麵店，呢度嘅湯底唔算好濃味，亦都唔係我會追飲嘅湯，但都有啲膠質感。見啲評價讚佢個湯，但試完老實講係幾失望🤔 麵條選用中幼直麵，配料就有一大塊叉燒再加兩塊有成三隻手指闊嘅雞胸肉，而且肉質唔嚡，呢點唔錯👍🏻🦀 蟹湯拉麵（$138）碗面放住一球蟹肉糰，誠意十足嘅！本身飲第一啖係無蟹味嘅，撈開後再夾埋蟹肉就終於飲到啲啦😂 呢款配料就係叉燒同紫菜，諗唔到食咩嘅可以一試，不過價格稍貴，我覺得呢個價錢可以搵到更好食嘅拉麵😌🥟 日式餃子（4pcs $38）即時加入做會員就可以用迎新嗰100分換餃子，煎得外皮金黃微脆，內餡唔算特別多汁，但勝在味道香口，作為小食都唔錯。整體評價金鶴拉麵喺湯底方面令我哋有啲失望，不如網上所指咁好食，我哋都一致表示唔會encore了。同埋食食吓突然間有陣「坑渠嘅味」（？），本身我就聞唔到，但朋友講完隔咗1-2分鐘我就聞到了，唔知係廚房定因為店舖近垃圾站。食完急急腳走了🙈

原本唸住普通食個拉麵，唔寫食評，但係俾佢個服務態度同廁所驚豔到，當然拉麵都好好食，所以就寫下食評，俾個like😄💜雞白湯拉麵 🌕🌕🌕🌕🌕/5我試左雞白湯拉麵，係普通版，但係個湯都好足料，夠哂味，配上以低溫慢煮的雞肉及豚肉叉燒，夠嫩滑，仲有剛剛好既溫泉蛋同脆卜卜嘅炸牛蒡，口感豐富，拉麵實在最啱宜家咁凍嘅天氣。💜北海道-蟹湯拉麵🌕🌕🌕🌕/5聽聞係直接由北海道直送濃厚花咲蟹湯，配上鮮味十足的蟹肉，食拉麵最緊要係個湯，每一口湯都能品嘗到蟹的精華及其鮮味😋最驚艶既係服務態度同個廁所。由於我係帶埋BB去，想問侍應拎隻碗，佢就俾左隻膠碗同兒童餐具。我仲聽到佢問隔離枱要唔要剪刀去剪食物俾小朋友，好少拉麵店會顧及小朋友，真係好值得欣賞。另外，廁所裝修到好似五星級酒店入邊咁，女廁竟然會有電視，分體式冷氣，仲有日式智能馬桶。第一次去餐廳有咁乾淨嘅廁所。廁所外面佈置都勁日式，非常欣賞店家既細心。

極濃雞白湯拉麵加一份唐揚雞塊，一杯可樂，158塊性價比超高，湯頭濃郁，鮮味十足，拉麵的靈魂莫過於上面一整塊的雞胸肉軟嫩可口，值得推薦，搭配美乃滋的唐揚雞塊，酸甜可口，外皮酥脆，一口咬下去，汁水四溢，炸的恰到好處

之前都係睇人地講 好濃好食嘅拉麵所以咁啱 收工 5點幾 企係門口等 5點半開門 入去堂食一來 係平日夜晚？ 勁靜 加上我係早食 未到食飯高峰期時間所以得我一個人係到食 😂😂😂店員 又倒茶水 又服務周到我未飲曬水就 再倒茶水俾我（因得我一個人）叫完食物 好快已經上菜叫咗 推介嘅 激濃 雞白湯拉麵一上菜 係見到好靚 飲一啖湯係好濃嘅但🤔🤔🤔感覺係有啲似 香西式白湯帶有雞味不過唔似係加好多粉嘅湯底所以覺得係值得一試我叫係正常size 唔係small size一人黎講 我覺得係飽 滿足嘅而且冇叫小食或加野飲不過 價錢上因加一 的確會覺得唔係平靚正嘅一餐但值得一試🤗開心未會覺得 wa wow一聲 但係好食嘅

係佐敦想食拉麵 見到呢間幾高評價下晝兩點幾三點 唔使等位🕒極濃龍蝦湯拉麵 配一隻龍蝦尾 $198 🦞龍蝦湯味道真係超級濃 唔係好杰拉麵都掛到湯🍜叉燒就比較柴 🥢龍蝦就成條龍蝦尾上 要自己剪殼✂️龍蝦肉彈牙黑蒜醬油拉麵 $98 🧄味道比較濃 黑蒜味都比較出但似係黑蒜油嘅味醬油味都好重 所以個湯底飲落去偏鹹雞肉叉燒就比較乾身🐓3塊叉燒都係偏凍嘅流心蛋就正常🥚拉麵就偏硬身少少 🍜P.S. 即場申請會員會有可樂送🥤

見佢評分咁多所以先去咗試就佢嘅地理位置而言望落其實入得嚟食嘅有三四成都係啲自由行本地人多唔多嚟食真係成疑叫咗個見評價咁好嘅雞白湯但一食落湯底偏水得嚟又唔係好食嘅清淡沾麵食到好似撈水咁老老實實食完完全記唔起食咗咩味麵配嘅肉都係似氹入個大湯底白灼咁唔喊喊淡啱老人家嚟食多啲其他小食都係一般般肉有肉味肉底偏硬見個樓下啲評價咁多評分咁高，食到後尾後悔早知去隔離街個間拉麵鋪仲好😓唔知到底係我「味覺失調」唔信得過定我去食個日失準呢？

拉麵好唔好味，除咗拉麵本身，湯底都好重要，一碗成功嘅拉麵，係會令客人連湯都飲晒，呢度嘅雞白湯就係一個成功例子。🥢日式餃子 $12 (入會加購價) ⭐️⭐️餃子唔係煎係成隻炸，口感硬咗啲脆咗啲，餡料又唔豐富，可以不試。🥢雞白湯拉麵 $98 ⭐️⭐️⭐️⭐️🥢極濃雞白湯拉麵 $138 ⭐️⭐️⭐️⭐️因為好奇兩款雞白湯分別，所以叫晒嚟試，單憑外表係無分別，首先試普通版，然後試極濃，當你試完極濃，真係覺得貴$40都值得，唔係話普通版唔好味，而係極濃版太太太好味，我用2D同3D嚟形容，普通版係2D雞味過眼雲煙，極濃係3D雞味濃厚到籠罩住成個口腔，係另一個層次咁，完勝！此外，佢個湯匙又要一讚，大到可以湯連麵一齊食，不過就有啲啲重。至於肉肉，就有齊雞同豬，兩者都無乜肥膏，口感一啲都唔鞋，成碗拉麵都感覺好健康。二人共消費：$273

平時去佐敦，都好少行入這條街，見到門面裝修好有日本feel, 原來係食拉麵，一於試呢間。環境以木質裝潢加上柔和燈光，雖然座位唔算多，不過有一張圍住廚房嘅吧枱，睇住師傅整拉麵，這個感覺唔錯。食飯時間好多人，要等位~雞白湯有極濃及正常濃度，第一次吃的關係試了正常濃度，雞白湯的會比較比平時豚骨或醬油湯底稠杰，而且口感ᴄʀᴇᴀᴍʏ順滑，湯底很容易掛上拉麵，吃到最後幾乎把湯底也沾清！個人覺得下一次可以試極濃雞白湯，拉麵的粗幼度適中，當然配上的是雞肉叉燒🐥🍴雞白湯拉麵： $98📌金鶴拉麵🍽️佐敦閩街3號地舖

餓底間唔中都會有日好想食拉麵今次試左呢間金鶴拉麵🍜 佢最出名既一定係雞白湯🐣因為怕太膩所以無叫到極上 而佢雞白湯已經好好食 🤤麵上面一條條既係炸牛蒡 脆脆地又好香口😙側邊既慢煮雞胸肉超級無敵嫰滑如果減肥要日日食呢個雞胸肉我okay 仲有佢既麵掛曬湯汁 真係好好食😚呢個係世一拉麵 🍜👍🏻Coedo - Shiro 白啤酒 🍻呢知日本手工啤酒拎過獎架 佢非常順滑仲有淡淡既果香 我覺得最驚喜既係佢既果香飲到最後個味同一開始既有唔同 Hitachino Saison du Japon 🍺用清酒米去釀製再加柚子汁落去飲落好清新😚餓底飲酒點少得下酒菜 🥰汁燒原條魷魚筒🦑呢個真係超級出色好既汁有淡淡煙燻味同埋魷魚肉質好厚鹽燒雞中翼 🐣就正常發揮 無好驚喜都D雞肉香味仲有淡淡既鹽香 配酒一流 汁燒雞腿肉 🐣佢既汁係咸甜 配落雞腿肉好嫰滑 係一個好好既下酒菜 😽#餓底推介 #餓底食拉麵

今日要去佐敦，特登找這間有人稱讃的拉麵店叫了客鰻魚飯，$238午餐來說都算昂貴，但有人誇讚話全港最好食的，所以貴都想一試。位置很偏僻，在什麼閩街，入了店，客人很少，得四、五個。鰻魚連湯和小吃上桌，樣子看上去不錯，可是只係有啲暖，完全不是食評講的即燒，一點不是食評講的外脆，鰻魚味道只是普通，不是特別的美味，飯完全冇鰻魚汁，飯的質素比較差，有幾口比較硬，真係中伏了，索價$238午餐，真係唔平，性價比低，不會再來了。

今日個女話想食拉麵，特登上網訂左呢間餐廳。餐廳裝修唔錯，比一般拉麵鋪坐得舒服，嘢食非常好味。叫咗個白雞湯拉麵，雞味濃，拉麵麵質彈牙，好味。之後，叫咗個龍蝦湯底嘅拉麵，龍蝦味非常濃郁，呢個拉麵必點。最估唔到係個鰻魚飯，好似去咗日本食咁，鰻魚爽彈，好好味。必定會再黎，推介。

每次想食雞白湯拉麵就會諗起金鶴🤩 係香港真係比較少食到好味嘅雞白湯唔知回頭食左幾多次了，第一次食個炸牛蒡同雞白湯都有驚艷到我👍🏻 再返黎食雖然無頭一兩次食咁驚喜，但都保持到質素，都係忍唔住飲哂啲湯😂雞白湯要做到咁濃雞味係唔容易，所以價錢都反映咗，$138 一啲都唔平，但間唔時食下都ok啦～都想試吓佢哋個龍蝦湯，但每次都係為咗雞白湯而黎，又無理由食其他野架～店員服務好，我唔係繁忙時間去，得3枱客，所以佢哋都好快手，馬上為你服務😂

鰻魚飯既鰻魚十分厚肉，期間限定龍蝦湯拉麵很出色，龍蝦肉十分彈牙，湯底好濃郁。蟹湯拉麵湯底相對之下較清，但都好食。串燒亦很不錯，雞翼有三款鹽可以配搭。員工服務態度非常好，會介紹菜式，十分值得去食。😊😊😊😊————————————————————————————————————————————————————————

知道金鶴出名雞白湯拉麵，得知有新分店同同事來試，最後比佢個蝦蟹湯吸引左。🔹北海道濃厚蟹湯拉麵一心黎試雞白湯 但比個蟹湯吸引左蟹湯個做法同雞白湯一樣都係起哂泡同埋好綿滑拉麵面有好多蟹肉 料同份量都夠但略嫌蟹味未夠濃 食唔到鮮🔹極濃龍蝦湯拉麵至於同事的龍蝦湯我試了一啖真係好濃龍蝦湯味 好鮮甜跟餐炸雞炸得超脆又juicy 要試餃子都熱辣辣 但味道算正常發揮另外download apps可以儲積分$1當1分，100分可唔換可樂1000分更可換拉麵

今日見好耐冇食拉麵佐敦果頭又冇乜拉麵點埋去食下其實之前都食過佢招牌以外既拉麵覺得正正常常 不過不失咁見佢果個極濃雞白湯係招牌 今日就叫左個試下一食落去 嘩 非常之唔好食個湯冇日式風味 似西式湯個條炸蔥我自己唔識欣賞最好食就係炸雞 但平心而論 佢只係一舊普通既炸雞 只係對比起來顯得出色咁上述都係我個人口味意見最差就係佢D service 收人HKD 150 average 坐bar 榙坐邊個坐都冇自由叫餐好似睇你唔到咁finally 係kitchen 煮拉麵個師傅幫我叫人 (師傅好人位就冇得你簡 但收餐就驚死你唔走 一食完就收你個餐去食既自己諗下係佐敦食$150 係咪有更好既選擇