金龍茶記

營業中

休息中

第一次跟同事去位於愉翠苑街市內的金龍茶記食午餐，一入街市門口就是了，座位數目不少。食客幾乎滿座，但都好快就有座位。豬扒羅宋湯通粉，配奄列及牛油方包，奄列不會過熟，仍帶點蛋液，都算滑。豬扒羅宋湯通粉的份量滿滿，本身羅宋湯的用料都很充足，有不少蕃茄、薯仔及西芹，味道濃郁，帶點微酸的，幾開胃。豬扒的厚薄適中，肉質不至於好軟稔。豬扒於上桌前已切開，方便食用。食完通粉，還幾乎喝光整碗羅宋湯，飽飽！凍檸茶的質素參差，一杯的茶底與檸檬的平衡尚可，同事的那一杯則較澀。50多元一份餐，價錢跟其他茶餐廳差不多，不會比較便宜。幸好午餐都足夠令人飽肚，份量不會太少。

因為公司附近送餐餐廳都比較少，所以呢間店一路都有食開，到宜家都有成年幾。原先聽外賣電話ge係一個男人，開頭點餐都好正常，都後來唔知點解有時會有個女人聽電話，開頭都OK，但後尾就發現個女人脾氣又大，落單話聽唔到要不斷咁同佢重複，好似耳聾咁，講嘢又火爆爆一D禮貌都冇語氣好唔耐煩都算。今日點餐聽到個女人把聲已經有唔好ge預感，電話打幾次先通，一接通就聽到佢話等一陣，估計係幫堂食顧客落單，然後我正常點餐，點個單俾佢打斷兩三次，都可以，落完單問我幾點攞？我就話係送外賣哦，佢就語氣好差咁話送邊度，報咗個地址佢又問我電話，電話報到一半就俾佢CUT咗線，打翻翻去就拒接忙線。我唔死心就打咗幾次終於通咗就問佢咩意思啊，佢話唔送啊，真係勁，嘥曬我D時間黎咁玩？

Vivian有時諗唔到食咩就會食呢間🤣呢間叫外賣都幾方便，可以WhatsApp，佢頭像係當日menu，諗到呢樣野要讚，避免左搵唔到餐牌既麻煩～鎮江骨飯飲熱可力（$49）暫時未試過食呢間野失望過，每次都好足料，鎮江骨d醬好正，撈飯食一流，btw鎮江骨=豬肉，大大舊肉，唔韌，好好食（但食到中途，先發現有舊疑似勁大舊鎮江骨既東西係薑黎🤣🤣本身仲諗住多謝師傅）Vivian每次食呢間最後都可以食哂個飯盒，證明味道唔錯Overall好唔好食？正會唔會再幫襯？Of course會啦

平時得閒有時間都會去沙田第一城超市買東西，因為地方夠大唔會太多人，買完野去食個午餐諗起附近有個街市裡面間茶餐廳幾好食，那就吃完才回家啦！什扒餐——秘製豬扒、雞扒、餐肉、火腿同腸仔可選：鮮茄汁/黑椒汁/洋蔥汁/粟米汁/豉油汁配飯熱菜蜜秘製豬扒同雞扒都大大件，洋蔥汁好惹味又夠多汁，撈飯一流。常餐——韓式芝士拉麵配肥牛火腿奄列同奶油脆豬 （煎蛋/炒滑蛋/火腿奄列）熱檸茶奶油脆豬非常鬆脆配上火腿奄列一起吃，熱辣辣好滋味。肥牛芝士拉麵，湯底濃郁配薄薄肥牛啖啖肉，拉麵掛上滿滿芝士汁好開胃。

好味！鑊氣十足每日嘅例湯都好好飲和其他茶餐廳的味精湯不同，事頭婆都好親切，附近返工嘅人同街坊都表示好鍾意，價錢非常合理，食物選擇多！除咗餐牌上面的食物亦可以選擇黑板上面的餐單！每日都唔同好多都好好食

街市聞到一陣茶香，吸引了我過來食早餐， 叫了一個普通的雪菜米粉 和一杯熱檸茶， 喜歡茶餐廳的茶味夠濃， 想必他的奶茶也不錯，可惜已經戒了奶茶， 檸茶味道也不錯 檸檬不會過澀 雪菜米粉也是大路嘢， 味道一般， 拼了一個火腿煎蛋， 算是不過不失 沒有驚喜

琴日同老婆食早餐，兩位合共＄59。去到櫃檯埋單，給濃妝旳事頭婆＄100，她找我＄31。離開櫃檯自己用計數機計一計，便知道她找少＄10。返去櫃臺，好聲好氣同佢講：你找小＄10佢當時先用計數機計一計，一副四面找我$10，説：＄10咋嘛，咪比番你囉！好似當我乞兒咁俾返我。我想講，果$10 我應得😓 未見過人找少錢仲咁差態度。

Bird 曽寫過幾篇外賣食評都是圍繞愉翠苑的，卻奇怪沒有人談談此店⋯今天本只想跑去米線店，但當看到此處是日午餐有 Bird 很想吃的蝦仁炒蛋飯，而且又有木瓜雪耳湯，就馬上叫了一份回家吃！煮開飯的，都明白看似簡單的餸其實就越難煮。不過，這個蝦仁炒蛋欲令 Bird 有點喜出望外！加入芽菜，令本來應重油口的炒蛋清爽了很多，亦將此無菜的菜式加上健康。而且有很多蝦仁啦！ 雖然因芽菜關係炒蛋比較水汪汪，但 Bird 反而覺得這樣平衡了那份餸菜應常有的油淋淋，滿口油的煩厭感覺。  木瓜湯有料有瓜味，咸了㸃都讚啦！