鈴木珈啡館 (已結業)

早咗10分鐘到「Suzuki」, 冇乜人喎... 影吓相先... 好耐冇玩一掃全景, 爽呀!!!好口渴呀!!! 連水都冇, 要16蚊1枝... 嘩!!! 咁我緊係飲特飲好過啦...口渴到暈, 正想Whatsapp大家問吓去到邊, 朋友就準時到喇, Good!!! 第一時間Order 2杯特色抺茶飲吓先, 再整多個DIY Salad食住先...特色抺茶--我同朋友都揀咗紅豆味, D紅豆都幾有紅豆味, 跟住我話"奶味好重", 唔知朋友點聽, 聽咗"冷氣好嘈", 笑死~ Set好位影相, 另1朋友就啱啱到, 好慘地比我叫佢行開D唔好坐住, 嘿嘿, 唔好嬲喎, 因為我好辛苦先擺好呢個位o架!!! 睇相先發現佢遲到15分鐘, 今次算佢好彩, 我地Order咗嘅食物都未到, KeKe~我影緊PIZZA時, 朋友唔知道, 轉動隻碟... 又幾好效果喎, 咔咔~自選沙律--醬汁3選1, 另外可以加錢加配料, 要加錢就唔好啦... 我地揀咗青芥末蛋黃沙律醬, 味道都幾特別, 唔辣又唔攻鼻... 沙律都幾新鮮, 係份量少D囉, 1人得1啖...沖繩溫泉蛋煙肉忌廉汁意粉--溫泉蛋半生熟, 怕怕, 了咗D冇蛋

多啦A夢的吸引力，唔駛多講，只要去下海港城就知道。上星期六，與朋友C諗住聚一聚，見到商場既人潮，即刻同聲講：「快d食完飯離開人山人海的海港城，轉個靜d既場！」好快揀左去Suzuki Café，因為星期六加上又係食晏時候，所以人都唔少，好彩岩岩有張雙人檯，唔駛等位。餐廳環境都幾開揚，有太陽曬到入黎，又望到海景，只可惜人太多，坐唔到出去。入到去先發現星期六無Set Lunch，只得大menu，一個飯／意都成70幾80蚊，覺得有d唔抵，叫埋飲品成百成蚊，所以無叫飲品。我實在太肚餓， 叫左築前雞肉鍋飯，可惜落單後等左成20分鐘，食物先到，由好肚餓等到唔係好餓。個飯都係咁，除左雞肉，重有幾條荷蘭豆、蓮耦、紅蘿蔔，個汁好似有麵豉，都幾開胃，個飯既份量都幾大，食左一半就已經飽飽地，勉強只能食到8成。朋友C叫左咖喱雞肉鍋飯，普通的日式咖喱，夏天食甘甜的咖喱都幾適合，雞肉都幾新鮮，只奇怪的是咖喱上面有提子乾、菠蘿同車厘子乾，又咸又甜，唔知會唔會生飛茲呢？埋單個時，都等左成分鐘，成餐人飯就咁食左一個鐘頭，之後速逃海港城去飲野。

難得朋友們在閒日放假，七個人相約在尖沙咀的鈴木珈啡館吃頓遲來的午餐。兩時多到達，店內顧客不多，頗為寧靜，本來想坐在靠近玻璃窗的空間，但每桌最多只可容納六人，唯有坐室內。午餐選擇算足夠，七十多元有餐湯、主菜和餐飲，價錢較實惠。我們吃了～餐湯：味道不錯，感覺比罐頭湯濃。咖哩豬扒飯($76)：咖哩不會很辣，內有果肉，很開胃，適合拌飯。豬扒香脆，不會太嚡口，味道好！咖哩雞扒飯($65)：咖哩不夠多，未能啖啖飯都被咖哩包裹。雞肉不過不失，沒甚麼特別。泡菜豬肉飯($62)：份量充足，飯和肉都算多，味道方面亦是合格水平。鮮奶咖啡(+$15)：午市套餐送的是綠色的青瓜香檸蘋果汁，看到已覺得太健康，個人不太喜歡。如要選擇其他飲品，要加$15，但只可在兩系列中選，其他飲品加錢也不能轉。結果喝了一杯Latte，拉花在運送過程中有輕微「走樣」，賣相一般，味道尚可。龍眼茶($35)：其中一個朋友早已吃飽，只點了一杯龍眼茶。感覺頗認真，茶是分開一壺來上，份量充足，可以飲很久。我們坐了超過三小時，期間沒有侍應來打擾(要找侍應斟水、結帳等都要耐心等候)，相信在假日未必能如此自在。

餐廳海景非常吸引。食品還可以。當晚時間是七點左右，不用排隊，內面還有很多位，與旁邊幾間食店要等位的情況很不同。坐下，餐廳是無水供應的，除非飲要俾錢的水。兩人點了一個套餐，弍佰幾蚊，有湯（茶餐廳水準的粟米忌廉湯），有頭盆（兩舊鳮翼，已煎咗後好耐的日式餃子及不知乜的沙律）。一個什麼海鮮意粉（可以及格），一個意大利薄餅（中間因未夠時間解凍而唔熱的什麼海鮮，吃落全不是味兒）。到最後來了每人一件約兩元幣大小的水果撻，飲品衹可選擇意大利特濃咖啡，如要轉其他飲品，就算在餐牌上價錢相同的飲品都要加28元。最後我們衹要了這特濃咖啡（其實有冇得選擇我都會要特濃咖啡，這店的咖啡不錯）。但問題是，這間店不能這樣做，試問你有客人來你家坐，你可唔可以連水一杯都不給你的客人？還有，香港人有幾多人餐後會飲特濃咖啡，而要轉飮其他飲品要加28元。28元可以去星巴克或其他咖啡館飲另一杯飲品都可以，兩個人如要轉飲其他東西要56元，基本上係餐價的五分一。故我希望這家餐廳不要行歪路，真的要給顧客一個窩心的感覺，才可以有改善。本人暫時不會再光顧這餐廳。服務我評最劣，不是指服務員，他們很好，很有禮，我是指這餐廳的管商方法，令人不安。

在西九海濱長廊拍照，暴曬了個多小時後，大家都汗流浹背，於是到Suzuki Cafe休息一下。媽媽點了Latte(HK$32)，她說味道一般吧。這個青瓜香檸蘋果汁(HK$32)有細細的果肉碎碎，又不會太甜，非常refreshing，喝後但覺自己十分健康 : )店員向我們推介這個「熱焦糖三重奏巧克力餅」(HK$52)，我和媽媽妹妹三人分享，還以為一定會意猶未盡，沒料到媽媽吃第一口已面有難色，繼而妹妹亦與蛋糕呆呆對峙，最後到我……實在……實在很久沒吃過如此「精彩」的蛋糕，甜到不行，而且是絕不討好的甜，連伴碟的粟米片都是「林」的，天啊﹗不過這裡環境十分舒適，看著無敵海景，加上店內十分寧靜，也度過了愜意的時光﹗

見天色真好，藍天白雲我和Honey到海運大廈，貪其海景，並選了Suzuki我們到達時未到正午，店內人少，陽光透進店內，充滿歡欣氣氛。午餐 : 湯 + 主食 + 果汁湯 : 周打魚湯果汁 : 甘筍汁主食 : 我點了日式咖哩鷄飯主食 : Honey點了帆立貝南瓜意粉加$14可點甜品 : 黑芝麻豆腐凍

七一國慶，唔想同人迫睇煙花又想靜靜o地坐吓食餐飯，就選擇咗LCX 嘅suzuki cafe 食3 courses龍蝦餐，貪佢對住180度維港景，個夜景真係一流。成間餐廳個feel幾浪漫，一入去門口位置有棵好大嘅白色樹，掛住粉紅色紙鶴&心心，好有feel，女仔應該會好中意。龍蝦餐有3個courses:appetisers-龍蝦湯味道濃，都ok鮮甜，可惜唔夠熱-魚子醬龍蝦mousse 多士，幾特別，咬落卜卜脆嘅魚子醬撈埋綿綿o地嘅mousse同食，口感豐富豐滿，有魚子醬食感覺上抵食咗-小龍蝦: size 唔係好大，好彩夠鮮味補返數main course-白酒忌廉比目魚+薯蓉: 個汁好creamy，同薯蓉味道好夾；魚味道一般，冇龍蝦咁突出-焗龍蝦: 超多肉 & 羔，份量好多，差d食唔哂!dessert:-焦糖3重奏朱古力餅: 個人非常嗜甜，所以覺得最好食呢個 食落有唔同層次嘅味道(vanila 雪糕+焦糖+ 朱古力) & 口感 (棉花糖+焦糖fudge+朱古力mud pie)，一切落去d雪糕流落朱古力mud pie度，撈埋佢煙煙un un，好好味!!! drink: 榛子抺荼:加錢轉野飲，

同朋友去了LCX Suzuki Dinner2個人叫了3樣食物芝麻豆腐芝麻味濃, 但無豆味比較似飯後甜品多於餐前小食芝士焗薯條比較咸了一點點溫泉蛋豚肉香蒜焗飯呢個好好味!

今日我食lunch啲同事叫我去鈴木試下咁我咪一齊去囉，我去到一坐低就叫左一個卡邦尼意粉食，點知一食落口就覺得個粉非常好食同我之前去果啲高級餐廳食果啲無咩分別，因為個粉煮到啲汁好痴住個粉，一啲都唔水，所以我覺得非常好食

There are only so many restaurants that you can stop at within LCX when you're a bit tired from walking and with a baby stroller, so we picked Suzuki Cafe based on what looked like a spacious place and views. Set lunch for 2:- Soup of the day was curry mussel- Beef brisket rice and a black truffle shrimp pizza - Dessert was a tiny, non-descript fruit custard tart accompanied by an espresso. The mussels tasted like smoked mussels out of a can, the rice didn't have any sauce except for what clung

話說某日同朋友行開海港城, 行行下覺得有D肚餓wor, 跟住朋友話不如搵個地方坐低食野同傾計啦~~之後睇完有咩餐廳, 朋友提議食呢間, 咁我又冇咩所謂就入去坐底la =)入到去冇咩人靜靜地加埋個維港海景, 氣氛認真唔錯呀XD Good ar!!~~~是日餐湯: 青口忌廉湯 (味濃, 內有少少青口肉>> 有口感) 不錯!!咖哩脆炸豚肉飯鍋 (咖喱唔係太辣, 小朋友都可以食到) 好味=)咖哩XX雞球飯鍋 (唔係太記得, 不過都OK 既XD)芝士蕃茄汁豬扒飯鍋 (芝士味濃, 但蕃茄汁太稠身, 豬扒炸得剛剛好) OK~~餐飲: 高纖蔬果汁 – 蕃茄橙汁 (比想像中好飲~ 清清地, 食飽飽之後飲有消滯作用XP)

星期6收左工, 買左戲飛,仲有一個鍾頭時間食咩好呢, 行下行下見到呢間唔用等, 就座下了,走到入去, 環境雅緻個view又幾唔錯wo`~~ 服務一般,不過呢, 服務生大多90後, 服務唔好要求高了,填飽個肚先~~1)黑糖豆腐冰,似飲豆漿冰,沒驚喜..2) XX海鮮焗飯, 味淡,飽感強烈, 沒下次2) 溫泉蛋煙肉忌廉汁意粉, 將蛋同意粉伴混食,蛋味濃,有口感~ good! 有下次! 話咁快食飽飽, 埋單去睇戲了`~~

沒有想過連鎖集團的服務態度會這樣－差。在 LCX 行了一陣，想找個位置喝杯咖啡歇腳。門口的 receptionist （可能是經理）問我們「飲野定係食飯」，我們答「飲野」，結果就被分配坐在餐廳外，不能坐餐廳裡面可看海景的位置。他說那些位置人均消費要 $100，但後來有兩個男生進店，他們也說是「飲野」，卻可獲安排坐在店內，也沒有說明人均消費要一百元。這是集團甚麼政策呀，大家都是來消費，待遇卻不同！點了「特濃古古力」和「咖啡臻子」蛋糕，兩款都很難吃。古古力那個混有橘子味，感覺很怪。咖啡臻子正常，但只是美心 $4 一件西餅的質素。Hot mocha 賣相可以，但一點也不香濃，似喝水一樣。蜜糖抹茶頂上的泡沫，佔去全杯的三分之一。喝下去完全沒有蜜糖，原來蜜糖是指噴在泡泡面作裝飾的那些 only。兩人消費了約 $125 元，也不算是幾十元的小數目吧。基本餐廳都會把帳單夾附在皮墊內，但那個 receptionist 只是把編印的白色單據放在桌面，價錢也沒說就走開了。店內年輕的店員們殷勤有禮，但那個 receptionist 真是要檢討一下，因為他令人對此餐廳有極差的印象。

香港之所以能被美稱為「東方之珠」，得天獨厚，漂亮迷人的維港景色實在功不可沒，無論白晝、黑夜、均如圖畫般美麗，教人心醉。心情極度愉快的一天，早上已留字告知老婆仔這夜不用下廚，相約老婆仔晚上外出到尖沙咀吃飯撐檯腳。本打算到她喜歡的「博洛尼亞」吃她愛吃的八十一層丹麥麵包，但她到達 LCX 後，臨時打電話給仍未來到的我，建議不如來這間我倆都未幫襯過的「鈴木咖啡館」吃晚餐。也好，就來這間餐廳試試吧！到達餐廳後，發覺原來老婆仔早已找到座位，而且還是正對著維港海景的二人座位，實在令自己感到有點意外驚喜。聽她說，原來是因為之前的客人剛好結賬離開，她才可以坐到這兒去，不然的話，其他靠窗的海景位已全被客人訂座，我們一定不能坐在這兒觀賞維港的美景，這天我們可真夠運呢！眼前的維港美景固然令人心醉，面前的靚女也秀色可餐，不過飯始終是要吃的。在浪漫的燭光下，拿過精緻的餐牌，點了兩款餐廳推介中的「香煎鵝肝牛柳粒飯鍋」和「沖繩溫泉蛋煙肉忌廉汁意粉」，各加 $42多叫兩個餐湯與飲品，兩人一起分嚐。這裡的飲品絕大部分都賣三、四十元一杯，但主菜加沙律、餐湯和飲品三者任選其中兩樣（蒸餾咖啡除外）才只另收 $42，何況這裡沒有

個茄子薯蓉咸到死，水又無杯，仲想我用16蚊買你啲不知名水喉水，野飲又鬼咁耐先黎。雞翼同蝦餅ok，炸蠔唔掂，又凍又林，薯條麥當勞好過佢。朱古力咖啡唔夠熱，啲綿花糖都熔唔到。