鉄人旨花 (已結業)

從open rice內看見食評多是正面，所以相約同事在平日午膳一試。當日因工作忙，所以下午二時十五分才到達，見門外寫午市營業至下午四時，入內見沒有客人（可能午飯時間已過），只有一個職員在水吧，他面容極不友善地為我們遞上餐牌和落單，我估計他不悦是因為我們那麼晚才來耽誤他的落場時間。我們叫了兩客魚生丼（相信是最容易弄，其實有其他熟食），食物的質素是令我難以忘記的差，我和同事都有用正常速度食完整碗，因畢竟已經下午二時半，大家都餓了。我們的茶喝完也沒有為我們添，便立即為我們送上賬單。我也不敢怠慢即時付款（怕耽誤埋數）。但結賬後，他就用猙獰的目光和語氣說叫我們離開，因為要清潔（當時是下午三時）。我差點以為自己是來討飯吃忘記了是一個顧客。我本想跟他理論營業時間的問題，但最後本着堅持自己是優質顧客及應該宏觀了解事件。是否此店老闆未有諒解員工而將午市營業時間延至下午四時呢？或是店內只有他一人招呼兩名顧客，令他覺得不公而遷怒於客人呢？這次經驗給我衝動去寫此食評，希望老闆要待員工好一點，否則食店就給毁於一旦。

午市來到呢間餐廳，一個人都沒有。叫左個鐵人丼飯，有拖羅茸，海膽及三文魚子。拖羅及三文魚字尚可，但海膽唔係太新鮮，冇乜海膽味，個顏色都唔太討好。重點係飯係熱既，同埋係白飯，冇落壽司醋。店面寫話係日本米，但係食落似普通珍珠米。份量方面，海膽得一舊，三文魚子有十幾廿粒，拖羅茸份量正常。雖然除我之外一個客都冇，兩位侍應係各自自己睇電視，唔係話開到好大聲，不過一位睇新聞，一位睇韓劇，環迴立體聲，相當忙碌。茶都冇時間斟。講食物質素，呢個價錢絕對可以更加好。服務質素就真係有好大改進空間。接近$200的lunch, 茶記的服務。午市繁忙時段都完全冇人係有原因既，當係買個教訓。

好少何食日本嘢食到手啤一聲，平時喺屋企食開附近果幾間日本野都悶悶地，所以走去行去遠啲食啲新嘢，去到香港大學地鐵站附近一間叫鐵人旨花嘅鋪，係出面睇個餐牌，見到有個二人餐498 ，都好似幾吸引咁，然之後開門一睇入面一個人都冇心知不妙，不過諗諗下日本野差極都有個普，點知我8:00嚟到個侍應話廚房就嚟收啦，要我快啲點單，得返魚生果d，咁見佢有啲一人餐咪是但都點啦，點知我嗌乜冇乜，燒三文魚鮫油甘魚鮫都冇㗎，連佢最大力推銷的海膽飯都竟然話唔夠海膽，你話幾搞笑。咁都唔緊要，咁我咪叫咗個魚生飯，叫咗一個鐵人盛丼，我真係難為佢用個盛字，上到嚟全部都係得個雞碎咁多，吞拿魚蓉、海膽同三文魚子都得好少，啲飯又凍又硬，我都唔知點解佢比到我食嘅，仲要收我188，再嚟個雞泡魚干喺我係其他鋪頭食的一半分量，但係收緊我$88加一，我真係睇到火都嚟埋，最後我食咗10分鐘之後就離開，嬲到連相都冇影... thanks.

放工想食日本嘢，諗住近近地去香港大學站附近揾食，見到鐵人旨花，個名聽落好日本，見到餐牌都不乏選擇，就膽粗粗入咗去....一入到去 八點鐘一枱食客都無...有啲驚驚八點剛坐低，店員已經話廚房熟食準備last order..... 好快咁望完餐牌，諗住點啲燒物，點知三文魚鮫同油甘魚鮫都’賣哂’......唯有叫個’ 時價海膽丼’, 店員話廚房不夠海膽....無奈地叫了鐵人盛丼$188不comment了 圖片已經speaks for itself, 質量連$98都不如點了這個燒雞泡魚乾$88，分量略少，味道還不賴.....總括而言，以餐廳服務，食物質量，菜牌款式來評分，都不會再回來。

路過西環區一帶找東西吃，看到日式餐廳就走進去走進內就比舒適的環境吸引了，坐下來輕鬆地慢慢選擇餐牌上的食物。我點了一個鐵人盛丼，主要材料是拖羅蓉、海膽及三文魚子，全部都充滿鮮味，特別是海膽的鮮甜讓我想起在日本漁市場的壽司店內吃飯時的感覺店內還有很多美食可供選擇，看來要多點回來再吃了

明天放假，今晚食番餐好嘅。老表介紹，响佢屋企樓下的呢間隱世日本餐食飯門口唔算大，入面座位都唔算多，本身冇咩大期望，但結果令人意外，總體幾好食試左覺得非常喜出望外，專登寫篇食記記錄一下 哈哈! 令我有意外的驚喜既 今晚嚟就係試佢地 刺身 壽司 同 魚生飯先講刺身 拖羅刺身油脂飽滿油甘魚 同出面食到既唔同帶點爽口 可能係比較新鮮既 再來就係壽司拼盤 每一件都好薪鮮 飯粒口感好好 魚生飯三文魚子十分鮮甜一的都唔會腥口感十分正天婦羅控制火喉剛剛好脆泡泡 不會油

鐵人旨花 有兩間分店 今日同朋友到西環的分店食日本菜 來慶祝朋友生日 這裡 環境特別 日式風格十足 朋友先選了野菜什錦海鮮鍋 選了豬骨湯底 鍋物 配料十足 有虎蝦 廣島蠔 皇帝級size 蚧鉗 蚧柳 油甘魚 青口 帶子 種類多多 湯底煮起來 一整間店裡 都香味四溢 不 得了虎蝦肉質結實 蝦味十足 廣島蠔滑溜鮮甜 帶子清甜 貝味濃厚 基本上整個鍋都 不用沾醬油 就吃得完 服務員 親切欣勤款待不時詢問要不要加湯 虎蝦同廣島蠔比較大隻 要 煮熟一點才可以吃哦細心服務另外仲點了三文魚腩 甜蝦刺身三文魚腩油花十足 甜蝦刺身 蝦味濃厚 朋友連蝦頭唔放過食埋是一等新鮮貨下次一定再幫親

性價比十分低因為食材刻薄，帶子刺身基本上是冇味的而且仲要中開切薄再對開比你，甜蝦並不甜也是幾乎冇味而且是浸在冰水入邊的仲要比少一隻你，三文魚腩沒有什麼出事只是就一堆嘢放響小木台上沒了食慾，海鮮鍋跟大家樂大快活同檔次，青口BB口感膠，泡菜鍋湯底冇泡菜味，整個鍋底都是黃芽白同金菇除了半隻小魚頭收二百幾一小鍋令我覺得自己有被人當傻仔的感覺，且連食火鍋的鍋具也不是日式用的，食完我只記得自己食過黃芽白，地方亦不夠整潔所以坐不舒服，整體感覺對客人態度欠尊重兼且我食完肚痾等等。⋯⋯賺錢不容易⋯白白浪費了時間金錢實在不值😢

.晚飯時間去到竟然一個人都冇🧐直至差不多離開嘅時候先多左一個客人餐廳裝修好有日式小店既感覺仲有花花圖案嘅座椅 幾特別 .味增湯出奇地好飲入面有海帶同蘿蔔味道唔會得個咸字 帶有鮮味👍🏻.鐵人旨花丼($388)入面有12樣配料好似食緊壽司拼盤咁😚食材新鮮 油脂豐富食完之後好滿足.藍鰭拖羅刺身丼($368)呢碗真係不得了自己本身唔鍾意食啲太油嘅刺身所以冇點到朋友點左呢碗 讚不絕口話入口即溶 有係日本食丼飯嘅感覺😆.清酒煮牛舌($38)雖然食唔到清酒味但係牛舌就煮到好淋好入味而且好厚身 👍🏻👍🏻

最近走過西環一帶，不少食肆抵不住貴租都結業了，仍能屹立不倒的應該都有相當實力。今次第一次試呢間日本菜，鋪頭不大只有4-5張枱價，可坐十幾人左右，整體裝修有刻意設計，坐位及餐具亦頗有日本風味，但掛牆餐牌設計太花未能即時留意原來有食物照片參考。食物價格相宜，晚餐大概一至二百/每人。當晚點了一個壽司飯同一個鰻魚晚餐定食，相當來說，壽司飯質素較好。定食配有湯加甜點，分量適中，鰻魚鬆軟。整體來說，食物質素不錯，環境舒適，值得一試！

位於西營盤皇后大道西既鐵人旨花喺香港大學B1出口行過黎十分方便😆之前小編食過銅鑼灣店既鐵板燒同樣出色☺而呢度同銅鑼灣店既格局裝修大有分別🙊環境十足似日系和式居酒屋感覺☺🇯🇵店內採用既日式坐墊以及其中既繡花圖案☺🌸更具日式風味☺配合日系和式居酒屋既環境風味🌸☺大廚亦煮出高質素和食☺🍱前菜 (牛舌蜜瓜沙律)鮮見以牛舌做配搭既沙律🥗🤪清嫩爽口既牛舌配合清香鮮甜既蜜瓜🤤淋上秘密沙律醬夠哂Creamy之餘🤤加上爽口彈牙既海帶絲亦增添口感😋西京銀鱈魚定食慢煮製成外脆內軟既嫩滑銀鱈魚🤤夠哂嫩滑之餘外側魚皮煎到脆卜卜😋入口擁有住雙重口感既銀鱈魚確係印象深刻☺💭另外亦有炒得入味爽口既炒雜菜做襯托🤤🥦銀鱈魚配合沙律醬亦更加Creamy😋燒汁雞扒拼蒲燒鰻魚飯有幾塊雞排份量都幾多夠哂足料😋🐔雞排配合醃料煎得夠香之餘😝肉質亦夠嫩滑而且食落唔會太膩🤤而鰻魚夠哂厚肉🤩🐟肉質嫩滑肥美之餘😋配合埋鰻魚燒汁一流🤤吸盡雞扒鰻魚精華既珍珠飯🤤🍚口感亦令人大舉拇指🤩👍🏻明太子板燒玉子共有六件份量既玉子夠哂足料😆🍳燒至口感嫩滑濃郁蛋香既玉子🍳🤤配合半溶明太子醬更加Creamy😋灑上紫菜木魚絲亦增添更多口感☺

銅鑼灣著名鐵板燒店「鐵人旨花」於西營盤開設了分店，主售刺身壽司飯、日式和食等等，請注意此店並沒有提供鐵板燒的哦這裏的裝修更有日本感覺，環境舒適重陽節的中午來到了這裡吃午飯，菜單上有刺身壽司定食或全日定食，兩者皆是全日供應。價錢由100至$200不等，價格合理，豐儉由人先黎左個餐前小食，汁煮牛舌牛舌炆煮得軟林入味，配上和風沙律汁一同食用味道更佳汁燒雞扒拼蒲燒鰻魚飯豐盛的餡料堆滿於飯面上，餡料多到見唔到飯雞扒燒得金黃微脆，雞肉依然keep到嫩口，配埋燒雞汁更加美味啊！鰻魚肥美厚肉，香軟誘人銀雪魚西京燒份量十足的銀雪魚雖然有啲位置燒得燶左少少，但整體都係好嫩滑，魚脂四溢，外皮香脆！伴碟的炒雜菜好香口，帶有牛油香明太子板燒玉子玉子燒並不是現做的，而係機製出來的現成玉子燒，然後拿去燒熱，所以口感比較硬一點點，並不是鬆軟的。面上塗了明太子沙律醬，成就了明太子板燒玉子，個人認為這個的性價比一般

出左西環，肚餓，見呢間日式嘢好似唔錯。同朋友嗌左精選壽司七件配湯烏冬，有呢兩樣應該夠食。但貪吃嘅我唔怕多，超鐘意食薯餅，所以嗌左個咖哩薯餅。先嚟咖哩薯餅，熱辣辣、脆卜卜。咬落外脆內軟，充滿日式咖哩香味，仲有沙拉千島醬可以沾，更加滋味。壽司七件，有熟食嘅，有刺身嘅，分別有熟蝦、玉子、吞拿魚腩、炙燒鰈魚邊、帶子、三文魚、同一件時令。刺身都好鮮味，只係三文魚瘦左D，吞拿魚腩同帶子最好食。炙燒鰈魚邊都好香 🤤湯烏冬手製刀切夠誠意，豬骨湯濃鹹。如果可以淡返D就好啦。環境舒適，人唔多，食飽仲可以吹下水，享受一個寧靜舒服嘅中午～

一年一度秋季藝術拍賣展覽，行到無聊，就想重遊故地西環。以前做展覽都有到西環嘅酒店接送貴賓出入，好多回憶。點知嚟到先知肚餓，咁梗係搵食啦。見到呢間日系住家式小店，休閒又舒適，即刻入左去。好肚餓，於是嗌左燒雞拼鰻魚飯。原來餐仲跟麵豉昆布湯。嚟得梗係唔可以錯過食刺身嘅機會，所以嗌左甘蝦刺身，貪平 😂 另外仲嗌小食明太子雞翼。首先嚟左前菜，麻醬豆腐。豆腐超香濃豆味。然後嚟甘蝦刺身，好的骰一小碗，但蝦新鮮甜美爽口又大隻 😲 平時出面食嗰啲好難食，苦苦地又霉。但呢間係食過最新鮮又最抵食嘅 👍🏻之後嘅燒雞拼鰻魚飯更令人喜出望外。鰻魚肉質厚嫩結實，汁燒濕潤又香口，好好食。而燒雞有陣陣炭烤香。兩者配飯一齊食，yummy 😋 飯量好多，夠兩個女仔食～麵豉湯出奇地好飲，鹹度適中又鮮味。平時外間一般餐廳我都試細細啖試下鹹唔鹹，鹹就食晒啲昆布等湯料，而湯就原封不動 😂 呢碗我成碗飲晒呀～明太子雞翼就啖啖肉。如果可以炸到外皮香脆嘅話，應該更好食。食飽好滿足😁

午餐鰻魚定食 $98半條燒汁鰻魚肥美，軟嫩無骨， 加上粒粒芝麻， 啖啖窩心，鰻魚汁淋在珍珠米上，令到米飯更加甜， 每一口鰻魚飯都有用牛油炒香的伴菜，有椰菜， 西蘭花及紅蘿蔔絲， 午餐定食配麵豉湯 , 十分滿足。😋 🎉鵝肝壽司🍣金黃香脆嘅鵝肝， 外脆內軟， 內裏呈現鮮嫩粉紅色， 入口鬆化,，鵝肝嘅油份， 停留在口腔裏， 揮之不去， 食後齒頰留香 。北海道帶子壽司🍣帶子肥美， 新鮮有光澤 , 入口滑溜， 帶子鮮味無窮， 😍十分滿足。