鉄板200 (已結業)

八月五日（星期四），約了朋友到沙田大會堂看表演，開show前要食D東西打底，來到第一期七樓，全層都是食肆，隨便走進這家Teppan，服務員一見我們進來，就對我們說要收＄8茶錢，問我們介不介意，我們當然介意喇，正想掉頭走，另一位看來較高級的服務員，對我們說可以讓我們選下午茶餐，不收茶錢（因為下午茶餐只供應清水），其實那時還有五分鐘就到六點，下午茶時段差不多完，既然可以給我們選下午茶餐，就坐下來，但看見那個下午茶餐牌，選擇不多，價錢又不比正餐便宜多少，無咩選擇之下，要了個鰻魚飯加帆立貝，兩樣都不過不失，味道尚算不錯，環境也清靜，但就沒有再來多次的衝動。

好少到沙田食飯, 本來打算到ikea食肉丸, 不過因為落雨唔想行出去。o係呢層樓真係花多眼亂, 唔知食咩好, 唔想等咁耐, 所以揀左呢間。等左大約五分鐘, 門口位小姐o係我地入去前同我地講, 佢地會收每位$8茶錢, 因為佢地d茶係自家製咁話。一坐低就覺得坐得好唔舒服; 張櫈係木板櫈, 雖然有靠背, 但係又直又硬, 攪到我都無心機叫o野食, 想拿拿林食完走。於是叫左個d定食, 老公食鰻魚, 我食燒鯖魚。一黎到見到真係hurt晒, 所謂定食, 只有個飯, 一小碟前菜同湯, 仲用個令你咩胃口都倒晒o既cheap托盤載住, 賣相其醜, 味道當然唔駛講, 我求其三扒兩撥食兩啖就算。最離譜係杯茶, 唔講都唔知佢係茶, 茶餐廳杯茶可能仲似茶過佢。埋單共$170幾。呢間餐廳, 真係比錢我都唔會再黎食。

當晚所點的都是"推介"項目~ 海鮮薄餅: 熱騰騰, 味道佳蠔奄列: 外軟內熱, 生蠔好新鮮碎吞拿魚海膽飯: 鮮甜的魚生雜錦串燒: 串燒最出名, 一定要點, 共四款: 牛舌, 雞軟骨, 露荀...上菜時間合理, 但價錢偏貴, 除以上菜式, 另點了毛豆和生啤, 但全單$430!服務員態度一般, 個個都好似好燥底

先讚芝士三文魚燒餅同埋鰻魚飯呢兩樣真係好食但以前覺得好食既蒜香牛肉卷唔再好食喇，燒得太乾太熱氣，以前我食過明明係香口之餘好多肉汁ga bor....另外白骨雜菜海鮮鍋完全唔足料，最多反而係金菇......呢次第三次黎，冇之前兩次感覺咁好希望可以加以改進

昨日新城市途經7樓搵晏食, 看到呢間門口大型BANNER 頗似吸引, 一入門口有姐姐同我講, 要收茶錢, 每位$8大元, 是日本茶關係, 跟住帶入位, 叫左兩個餐, 一個鐵板牛肉鵝干定食及自家壽司烏冬定食.....埋單$202.1一毫子唔值, 牛肉是白烚, 個六件壽司乾到不得了, 又UN 又腥(如第一次食, 呢世嚇怕左)配菜是泡菜辣到阿媽唔認得, 麵豉湯一碗(清到滾水) 從未食過又貴又難食鐵板, 仲話日本菜只此一次, 永無下次!!!

碎吞拿魚腩沙津吞拿魚腩都碎得好淋…入口有少少溶化的口感…配上爽口的沙津…幾FRESH…鐡板燒-玉子廣島蠔看圖片…明明蠔是在旦上的…但E+係夾左係中間…細細的幾粒… 沒什蠔味…玉子都是簿簿的… 有點鞋口…給我的感覺是奄列…=.=’爐端燒-剛燒牛仔粒串看下去好有睇頭呢…2支大大的叉在薯仔上…我地要左5成熟…但係食下去就係全熟喇…有肉汁的…不過就好UN 呀…要咬好多下先咬得開呀…海鮮燒餅幾多的海鮮喎…但係個餅本身用左蔬菜蓉…冇咩味的…仲好糊口的感覺…食下去漿漿地…不滑也不淋…店的食物都上菜精美…但吃下就失望…份量都不大…仲有茶$$ 的收費…不太值喎!!!好在店員幾nice…坐得都幾舒服…仲係OPEN KITCHEN...幾FREE…

服務態度：父親節那天由於弟弟6:00pm要上班，所以想吃下午茶聚一下，點知7樓那層有做下午茶的只有數間餐廳，而且有位的又只有這間，所以便進去，一入去未見官先打$40-大板，原因佢話要每人收$8-茶錢，收茶錢都算，以為比d乜茶噤珍貴，強調了數次(好似冇錢比咁)，原來只係綠茶，有邊間日本餐廳唔係比綠茶或抺茶，唔通比鐵觀音咩！跟住比餐牌都孤寒個人5人個入去只比兩個餐牌，成間餐廳當時只有一枱客連我們都只有兩枱人，問佢嘢態度又差好似唔想做，冷氣又唔夠，跟住成間餐廳D枱及椅都用木做仲要有木瘙(點解知)，因為我、阿媽和我個朋友都比嘢咬，我連手都有大大粒見証！食物：我們叫了幾份定食、小食等，小食中有幾份煮蜆(分開叫辣及唔辣)，係人都知D蜆未熟係唔會開口，一份只有數隻，點知叫3份3份中都總有D未開口，同講佢完佢跟住又用了一個借口話同廚房講咗，回應係話個煮的方法一定會有未開口，那即是把未熟的食物給客人食，點做食巿呀？總結：總之呢間餐廳唔會再去第二次，是次下午茶消費共$470-大元多，但得的是如此服務及食物質數！

My friend and I went to New Town Plaza for lunch, Watami was full so we proceeded to 7th floor and we went across this place.We were sceptical as it was quite quiet but it is the only place with space so we decided to try. I ordered the Tempura set, my friend ordered the udon salad. We also ordered deep fried oyster and sashimi as add-on sides.Initial ImpressionsThe atmosphere was quite nice and very quiet, which is good for chatting. We were given TWO CUPS OF HOT WATER UPON ARRIVAL and NO TEA

適逢放假, 同老公豬過左去沙田食野~~周圍都好多人, 我倆又感到好肚餓, 眼見呢間野又仲有位, 加上唔係咁多人, 就走左入去食啦! 話晒見到佢個MENU都好似幾吸引, 有我最鍾意食既蔥吞拿魚碎飯, o係一個唔想等既情況之下, 就同老公入左去食原來呢間野要收每位茶錢$8, 嘩~咁兩個人入去食, 咪即係要加$16, 連埋加一服務費, 即係幾乎要$9茶錢一位.....不過算啦~~o係沙田既日式料理鋪頭都好似冇蔥吞拿魚碎飯, 就即管試下囉~點知入到去食就出事喇~我order左呢個蔥吞拿魚碎飯, 而老公豬就order左個和式燒牛肉飯雖然d野都叫做黎得算快, 但當我地見到個餐之後都O晒咀....因為成個餐淨係得個飯同埋麵豉湯.....前菜都冇, 真係有冇搞錯呀!!!就算冇前菜, 咁起碼個份量都要正常D啦~~好可惜份量很少....又唔係話特別好味....講真, 個牛肉飯味道都仲OK既, 但係汁就未免太濃了.....而我果個蔥吞拿魚碎飯就冇乜驚喜唉~呢度連飲杯茶都要收錢, 真係冇下次喇~~

因地縁關係，這幾年來乜有光顧鉄板。今日再來，點了鰻魚便當，才發現份量變少了：沒有了作為前菜的生魚片，便當只有一碗白飯左右，飲料也沒有了。鰻魚的味便跟超市賣的差不多。七十塊錢只有便當跟味噌湯，實在太難以置信了。

今天再到此食店用餐, 門口個位知客, 竟然話要收"8蚊"一位茶, 我聽了一愕了然! 但因有老有細, 唔想再轉場, 侷住留低, 而當其時,門口位知客同我地講 (我老公手抱細女), 手抱唔使收.我坐落之後, 他們竟奉上每人一杯茶, 不是一壺茶, 真的非常火滾. 它又不是什麼茶樓, 只是給一般日本茶, 何來收人"八蚊"一位茶!!!!! D較為高檔小小的茶樓, 有茶葉揀都係十蚊,八蚊位茶, 都唔知呢間憑什麼收人"八蚊"位茶. 越諗越嬲, 便高聲說道"竟然收了"八蚊位茶, 便要飲多D!", D伙計聽到我地有noise, 便馬上頻頻倒茶比我地飲. 另外呢間o甘ge嘢, 以前午市套餐包埋一杯餐飲, 而家竟然cut埋之餘, 還要收"八蚊"一位茶, 都唔知佢轉了老闆或是想摺埋. 到最後, 由於要帶小朋友去便便, 便由老公埋單, 出黎之時一老公當然埋了單, 但他說佢地竟收了細女茶, 聽了之後, 火都黎埋, 我問老公點解唔出聲, 佢話反正唔會再黎, 在此奉勸各位請三思後才上檔. 佢D食物末至難食, 但只是一般水平, 一般foodcourt 都可以食到, 而大家樂, 大快活等連鎖快餐店, 清水是不用收費的.

預祝大哥kenny生日,在二哥介紹下試呢間餐廳!所以點左一些有保證既食物! 食物 (d 名唔係好記得喇!)松葉蟹牛乳鍋好味呀! d牛乳幾正式 d蟹肉亦唔"媒"入面有紹菜,白菜,金菇...夠5人用海膽豆腐海膽有臭味, 豆腐ok冷烏東ok啦, 唔夠凍, 如果彈牙d重好燒甜薯個芯好硬, 有d生...魚生拼盤ok新鮮既,有三文魚,凡立貝(都大件),蝦(甜,新鮮),吞拿魚壽司普通...d飯無咩調味茶雖然每位收HKD8,不過味道好特別, 少少甜,飲落都好舒服, 唔係一般既茶(其實佢唔係茶黎, 似糖水多d)環境舒服,夠大, 都有氣氛! 鐡板燒位置有玻璃隔開d油煙服務我地有小朋友, 都會幫我地安排bb seat, 有禮貌!最後一去到,見到無人等位, 附近個d食肆就排哂隊, 已經知咩事,不過二哥堅持要我地試"牛乳", 咪試下囉... 好彩都ok!價錢也不太過, 只係份量少了點!不過短期內唔會"重遊"住喇~

之前食過都算ok,所以今日打算再去食午餐,入坐之際,帶位的小姐跟我們說要收茶錢,8蚊一位,真的是有些愕然,因為之前都無收茶錢,而且8蚊實在太貴了,所以我地去第二度食日本野算了.

食物質素不好，最不滿是全部是超迷李。飲料一上，我們見到差一點暈倒，杯子小得可憐，男生可能兩口就可以喝光!=.=而味道也不好喝，明明說是草莓汁，喝起來像櫻桃味=.=。燒餅是超細，手掌大小，沒什麼料。也沒什麼味道。雞軟骨份量超少。籃子已是手掌那裡大，但雞軟骨還不能蓋過蓋底烤豪更細，半口可以吃完@@最騙人的是燒烤串拼盤，只有一串雞軟骨、一串牛舌、一串腎、兩片南瓜，就是88元了!最令人生氣是連喝水都要收費。熱茶要8元，於是我們要白開水就ok了，結果說白開水也要收費!(就算叫飲料也要收白開水的費用—8元一位!)結果全程都沒有半滴水供應!結果結帳是360元。因為進去前他們給了一張優惠卷，所以平50。不過這樣的質素，以後也不會再去了!

二月六日‧晴第一次去鉄板200吃午餐, 主要因為呢到唔使等位, 叫左吉列蠔定食($78)同蔥吞拿魚飯定食($88). 不用等很久, 蔥吞拿魚飯定食就送到, 分量不少既粉紅吞拿魚蓉, 味道不錯倒算新鮮, 當然不能跟其本地老店相比.等了差不多二十分鐘, 吉列蠔定食才到, 賣相不瀨, 可昔虛有其表, 非常細的蠔被厚厚粉漿所包圍... 完全唔合格...