銀咖哩

營業中

休息中

新年流流諗住快餐咁求其食一餐就算，點知上餐又慢，又上錯餐，仲要倒瀉飲品之餘，叫店員幫手啲態度極不耐煩，紙巾毛巾都要其他客人俾先有，明明係自己做錯嘢但係就將啲氣發喺個受害人身上，麻煩你哋好好檢討下，絕對唔會再幫襯

星期六日假期返工係附近食lunch好難搵到位, 因為間間餐廳都超多人, 出面排長龍等位🫠🫠唯獨是銀咖哩永遠唔會令你失望🥹入到去一定有位坐, 食完仲可以慢慢坐到夠鐘先返去, 毫無壓力感☺️今日食招牌吉列豬扒咖喱飯🍛吉列豬扒夠厚肉, 傳統日式咖喱嘅甜味撈飯, 40幾蚊連埋汽水, 經濟實惠坐得舒服👍

地址－大埔安邦路9號大埔超級城c 區店舖名稱— 銀咖喱環境／設施－位置唔算闊落，容納大概20人特色－抵食人均價格－$60評分－6/10銀咖喱係而是一個中學生冇乜錢食飯，又好想食咖喱飯嘅地方，放咗學好多時都同啲同學一齊去坐喺度談天說地，有時仲喺度做功課，雖然佢啲咖喱飯唔算特別出色，但係依個中學生來講，佢個價錢係相當之合理，發育嘅時間，如果你嗌多飯，廚房嗰啲姐姐都會Pat多少少俾你，加埋啲咖喱汁非常之一流，仲有佢個炸豬扒，炸雞扒，都覺得非常之出色，雖然比不上出邊一啲著名嘅咖喱飯，但係人情味跟勝一流

以前細細個成日都食銀咖喱嘅，依家返工附近都有間所以中午食晏晝就去食銀咖喱。𝐎𝐫𝐝𝐞𝐫:-⧐ 芝士豬扒蛋包咖哩飯◎佢除咗仲有鬼盛之外其實冇咩特別，食落去真係有啲失望，最緊要食食吓嘅時候張枱有隻曱甴走咗出嚟，雖然我影唔到相，但喺餐廳枱面有曱甴，下次真唔會再食了，太得人驚。—————————————📝評分味道 ²/ ⁵環境 ²/ ⁵服務 ²/ ⁵衛生⁰ / ⁵抵食 ²/ ⁵—————————————📍店舖：銀咖哩 (大埔超級城) (大埔)大埔安邦路9號大埔超級城C區1樓536舖

銀咖喱最出名就係食頹飯🤣平均$30幾蚊就已經食到咖喱飯啱晒小妹呢啲窮學生幫襯🐷🤭今次就嚟挑戰聲稱有1.5磅嘅富士山！睇個樣好似好犀利咁～唔知食落去又係咩味道呢😆🍛 富士山咖喱飯 $88 店員話份量係正常嘅兩倍左右堆到成座山咁好壯觀呀😛呢個餐勝在配料夠多，賣相夠頹🤣漢堡扒肉厚多汁、吉列豬幾脆口、腸仔微焦加埋邪惡嘅太陽蛋、煎蛋同芝士真係好正🤤咖喱汁偏甜，而入邊有少量蘿蔔，撈飯一流～鍾意食日式咖喱嘅朋友可以嚟試吓～⭐️ CP值：🐘🐘🐘.5⭐️ 打卡able：🐘🐘🐘⭐️ 舒適度：🐘🐘🐘⭐️ 再食指數：🐘🐘🐘.5（5 星為滿分）

琴日去左銀咖哩度食晚飯 叫左個吉列魚柳咖哩飯 加左條腸仔 真係好好食 魚柳外脆內軟 好好味😋😋😋 岩哂胃口 咖哩係日本咖哩 雖然唔辣 不過味道唔差😆😆😆 咖哩飯夠大碟 夠哂飽肚 另外服務好好 店員直接送餐送到面前 唔洗自己攞😉😉😉 推介中意食咖哩既朋友黎呢間銀咖哩食飯💕💕💕

係大埔返工白撞撞上的銀咖哩今日天氣有啲凍 想要啲飯氣落肚頂一頂 所以揀左呢間貪佢人少少 唔洗排隊 可以即入但原來lunch time hour唔洗排隊既餐廳.....入座係要認真考慮下🙈價錢方面 呢到算係實惠既 一個咖哩飯唔洗四十蚊就可以食到 不過未計野食但餐廳基本上係無咩服務可言🤨門口睇餐牌 揀好去收銀比錢先 再拎個牌自己搵位坐餐廳不算大 座位一眼就望哂 坐底左幾分鐘 就見到廚房出左碟飯 但姐姐一直都無理會 以為佢要等埋其他一次過上枱點知隔左五分鐘之後 姐姐拎左個碟飯比我😓😓😓碟飯要拜完神先比客食得？點左招牌吉列豬扒咖哩飯 豬扒望上去係幾大塊 但如果唔計啲炸粉.....er...自己睇相判斷啦本身要配醬汁一齊食既飯就應該煮得乾身一啲但餐廳既飯煮到太濕 一舊舊咁 再加埋個咖哩汁 會變左小朋友既糊仔....口感唔係人人接受到至於咖哩既味道....我下次會選擇買一盒盒個啲返屋企自己煮 更平靚正

對於中意咖哩飯既人黎講 一定有去過呢間專賣咖哩飯既銀咖哩 琴日心血來潮 想食下咖哩飯 就黎到呢間銀咖哩😆😆😆 我簡簡單單 叫左個牛肉咖哩飯 加左條腸仔 味道唔錯 價錢平 而且大碟 夠肥肚 肥牛容易咬 咖哩不太辣之餘 又保留番咖啡獨有既味道 小編推薦咖哩控可以多啲黎呢度食😉😉😉😋😋😋

今日係開學日,記得中學嘅時候其中一間最常食嘅餐廳就係銀咖哩.原因好簡單平 靚 正 大件 抵食11點9左右嘅超級城人都唔算好多而銀咖哩仲要得幾個人二話不說就入左去食我當然係叫返最經典嘅吉列豬扒咖喱飯味道同以前一樣, 豬扒都炸得好脆,如果可以多少少飯同埋熱多少少就完美

富士山咖哩飯, 係真正大件夾抵食嘅選擇, 一家三口可以食到飽! 有漢堡扒、煎蛋、吉列豬扒、香腸, 配上日式咖哩汁, 開胃又惹味, 重量達1.5kg, 賣$88實在無可挑剔。吉列豬扒都炸得好好, 皮脆肉嫩。咖哩汁略嫌淡口咗啲, 如果可以加強香料味道, 就更吸引。小食蟹柳忌廉薯餅, 唔差! 配菜薯角嘅份量少咗啲, 唔夠喉。喺疫情之下, 防疫措施做到足, 量度體溫後才可進入店舖; 酒精搓手液用上名牌子「滴露」; 檯與檯有充足間隔, 令人用膳安心放心。

這家銀咖哩分店小小的，都沒有在現場吃過。終於一試銀咖喱的下午茶，的確非常多選擇，可以選擇不配飯，另外亦都可以加錢令下午茶變更大份。友人那一個有漢堡、腸仔，另外再加咖喱飯，咖喱飯其實都是平時普通銀咖喱的原裝咖喱飯，另外下午茶還配有炸薯角。漢堡上邊還有芝士，不太膩而味香我就點了個吉列魚柳包，原來，銀咖喱做漢堡包還相當不錯，麵包沒有什麼特別，但是中間的魚柳，非常之大條，在漢堡包之外得了很大部份出來，外皮夠脆，內裏的魚柳又夠滑，一層層的質感，味道不錯。薯角，皮不太厚，內裏薯仔不太乾身，點些茄汁，味道不比西餐差!外賣的飲料，可能杯子相當細小，拿外賣的話，建議走冰，如不走冰，冰粒融掉之後，令到可樂更加淡味。

平時經過銀咖哩已經好想試下佢個1.5kg嘅富士山咖喱飯🗻🍛, 今晚見有少少肚餓所以就去試下先🙈, 叫左野食比左錢就可以入去等食😊😊 店員拎過嚟果陣已經好香, 咖哩味令人垂涎, 份量唔算大, 有太陽蛋🍳, 漢堡扒, 芝士🧀, 香腸, 吉列豬🐖, 味道唔錯, 咖哩汁都算多, 漢堡扒都幾厚身, 食落唔乾嘅, 成個飯都算幾熱, 至少食完都仲係暖嘅👍🏻可以加14蚊就有埋薯角🍟同沙律🥗, 沙律同薯角味道正常, 不過不失😊總結而言, 個人覺得味道唔錯嘅😊😋, 但份量真係唔大😥

食過咁多次銀咖哩每次見到menu上面有富士山都好想挑戰奈何自己一個人根本食唔曬呢個號清幾個人先可以一齊share嘅富士山今次終於班齊馬一齊挑戰咗佢雖然除咗份量比較大味道一如既往都係銀咖哩既獨特味道但係 當食曬咁大座生嘅咖哩飯嗰下真係有一種完成咗歷史創舉嘅感覺貪得意嘅話都可以同朋友一齊嚟挑戰下 喺張枱度擺咗咁大盤咖哩飯都幾震撼下架

首次用OpenRice 的App 預訂外賣自取，也是首次試食銀咖哩選用OpenRice App 預訂外賣自取，多多少少也是因為現在做推廣，用中銀Master Card，滿$40.1減$40，另外也因為這天下雨，且要食自己。選銀咖哩就是因為位置就近呢!這次體驗非常好，下單後未夠10分鐘已接單，接單後10分鐘已可到取食物，效率之高，實在令人滿意! 這次，大約遲了20分鐘才能到店，食物已用sharp 醒OpenRice外賣袋包好，可以即取了。炸豬扒是分開用紙袋放的，發泡膠飯盒分成2格，一邊放咖哩汁，一邊放飯，可惜經歷外賣路程，部份的汁已漏了出來，建議用碗放外賣的咖哩。小妹吃的時候，大概食物已煮好半小時，發泡膠飯盒的加持下，珍珠米白飯仍有餘溫。炸豬扒雖然已不是熱辣辣，但仍十份香脆，麵包糠不是很厚，但非常乾爽和脆口，豬扒雖偏瘦，但也不鞋不硬，味道也適中不過鹹。而咖哩汁點了少辣，所以是只帶辛香而不帶辣，像日式咖哩，而汁內也有肉碎、煮得軟爛的紅蘿蔔等蔬菜。所加的沙律是加醋汁和香料的，味道清新開胃，可惜份量較少，只有生菜、2片薄如紙的醃青瓜和半粒車喱茄。

「銀咖哩」應該都陪好多人長大，係不少人中學/大學時候既飯堂，甚至其實到依家都係飯堂，因為價錢平，又幾大份兼食得飽，質素就正正常常，食飽一定冇問題，雖然食左咁多次，但一直都試下挑戰佢個重量1.5KG既「富士山飯」，女朋友居然未食過「銀咖哩」，我都呆左呆，新年有好多小店餐廳唔開門，食野少啲選擇，食連鎖店就八、九成都有開咁制，咁就拉埋佢係新年食。餐廳內外都係第一次食大埔分店，極少黎大埔，好彩咁岩呢到有一間，仲要唔係係FOOD COURT入面果啲，而係自己獨立一間，店鋪細細間，下午4點幾黎冇乜人，收銀處都好「的骰」。食物選擇富士山飯 $88重1.5KG！有太陽蛋、吉列豬扒、漢堡扒、腸仔。最高放左太陽蛋，扮係火山山頂咁，之後再有多一層煎熟蛋，然後係漢堡扒，旁邊就有腸仔同埋吉列豬扒以及日式咖哩。其實擺法同圖片一樣，但實物冇圖片既咁高，以1.5KG份量黎講，其實日式咖哩汁係唔太夠撈，但冇得要多汁，因為加汁要加$5，呢點真係認真麻麻，所有配料食落都係正正常常冇乜特別，唯一可取啲係漢堡扒幾好食，唔太乾，其實味道同平時食既一樣，只係佢份量大左，2個人share都夠。其實富士山飯真係冇乜特別，就係大份左，如